92.3 DWIZ News FM - South Luzon

25/07/2025

BULL'S EYE | JULY 25, 2025
Hosted by: Mr. Noel Bellen Samar
2:00 PM - 3:00 PM
92.3 DWIZ News FM South Luzon
Listen to us online @ https://www.dwiz882am.com/.../listen-live-dwiz-southern.../ or download the DWIZ App
Disclaimers:
*The views and opinions expressed by the host and guests in this program do not necessarily reflect those of Aliw Broadcasting Corporation (ABC), its management, producers, or any organizations affiliated with the network.
*We hereby declare that we do not own the rights to this music/song. All rights belong to the owner. No Copyright Infringement Intended.

24/07/2025

NAVFORSOL, Naghatid ng Serbisyong Bayanihan sa Calaguas Island sa Pagdiriwang ng Anibersaryo ng Philippine Navy

CALAGUAS ISLAND, VINZONS, CAMARINES NORTE — Bilang bahagi ng ika-127 anibersaryo ng pagkakatatag ng Philippine Navy, matagumpay na isinagawa ng Naval Forces Southern Luzon (NAVFORSOL) ang “Bayanihan Mula sa Karagatan” sa Barangay Banocboc, Calaguas Island noong Hulyo 19, 2025.

Layon ng aktibidad na ipamalas ang malasakit at pagtutulungan para sa mga komunidad sa malalayong lugar, sa pamamagitan ng paghahatid ng iba’t ibang serbisyo at pangunahing pangangailangan. Sa tulong ng mga kawani ng NAVFORSOL at mga residente ng lugar, matagumpay na naiproseso, naipadala sakay ng BRP AGTA (LC-290), at naipamahagi ang mga ayuda, na sumasalamin sa tunay na diwa ng bayanihan.

Katuwang sa inisyatibong ito ang ilang organisasyon at stakeholders kabilang ang Members Church of God International (MCGI), Dios Mabalos Po Foundation, Inc., Century Pacific Food, Inc., Philippine Army Finance Center Producers Integrated Cooperative (PAFCPIC), AKO BICOL Party-list, ACDI Multipurpose Cooperative, PN Savings and Loan Association, Inc., Calaguas Paradise Resort, Philippine Navy Officers’ Wives & Husbands Association, Inc., at Tactical Operations Group 5 ng Philippine Air Force.

Kabilang sa mga tampok na bahagi ng aktibidad ang groundbreaking ceremony para sa itatayong Calaguas Public Restroom Project na layong mapabuti ang sanitasyon at kalusugan ng mga residente sa baybaying komunidad.

Umabot sa 870 food packs, 10 wheelchair, 40 tungkod para sa may espesyal na pangangailangan, 68 kahon ng MannaPack Rice, 70 Lotte bags, mga tsinelas para sa mga batang kulang sa nutrisyon, WASAR (Water Search and Rescue) equipment, mga kagamitang pampalakasan, at 30 basurahan ang naipamahagi sa mga benepisyaryo mula sa Brgy. Banocboc at piling pamilya sa Brgys. Mangcawayan at Pinagtigasan.

Muli nitong pinatunayan ang dedikasyon ng Philippine Navy, hindi lamang sa pagtatanggol sa karagatang sakop ng bansa, kundi pati sa pagtugon sa pangangailangan ng mga mamamayang nasa laylayan ng lipunan.

24/07/2025

Pagirumdom: Kaipuhan nin reseta, bago mag inom nin doxcycline!

🚨 DOH: ‘WAG GUMAMIT NG DOXYCYCLINE NANG WALANG RESETA🚨

Ang doxycycline ay isang antibiotic na ginagamit laban sa Leptospirosis.

Kapag mali ang pag-inom, pwedeng mawalan ito ng bisa laban sa mga mikrobyo at maging mas mahirap gamutin ang simpleng impeksyon. Pwede itong humantong sa matagal o mas matinding pagkakasakit.

Nakadepende ang pag-inom ng doxycycline sa exposure o risk level ng taong nalubog sa baha.

Payo ng DOH, magpatingin sa doktor para sa tamang reseta sa paggamit ng antibiotic na ito.

24/07/2025

24/07/2025

𝐄𝐤𝐭𝐚-𝐞𝐤𝐭𝐚𝐫𝐲𝐚𝐧𝐠 𝐩𝐚𝐥𝐚𝐲𝐚𝐧, 𝐦𝐚𝐢𝐬𝐚𝐧 𝐬𝐚 𝐀𝐥𝐛𝐚𝐲, 𝐧𝐚𝐩𝐢𝐧𝐬𝐚𝐥𝐚 𝐧𝐠 𝐩𝐚𝐭𝐮𝐥𝐨𝐲 𝐧𝐚 𝐩𝐚𝐠-𝐮𝐥𝐚𝐧𝐠 𝐝𝐚𝐥𝐚 𝐧𝐠 𝐡𝐚𝐛𝐚𝐠𝐚𝐭 - 𝐀𝐏𝐀𝐎

(Legazpi City, July 24, 2025) Aabot sa pitong (7) ektarya ng palayan, at 12 ektarya ng maisan sa Albay ang napinsala dahil sa patuloy na pag-ulang dala ng Hanging Habagat na mas pinalalakas pa ni Severe Tropical Storm (STS) Emong, at Tropical Storm (TS) Dante.

Ayon sa initial report ng Albay Provincial Agricultural Office (APAO) alas otso ngayong umaga, nasa 7 ektarya ng palayan sa Brgy. Balza, sa bayan ng Malinao ang lubog sa baha simula pa kahapon dahil sa patuloy na pag-ulan.

Tinatayang aabot sa Php 200,000.00 ang naitalang pinsala mula sa naturang palayan.

Samantala, nasa 7 ektarya rin ng taniman ng mais (corn) ang napinsala sa bayan ng Guinobatan na may estimated damage cost na Php 227,274.00.

Habang nasa limang (5) ektarya ng maisan rin ang napinsala sa bayan na Polangui na may estimated damage cost na Php 82,398.00

Ayon kay Assistant Provincial Agriculturist Daryl John O. Buenconsejo, hinihintay pa nila ngayon ang iba pang report galing sa mga Municipal/City Agricultural Offices (M/CAOs) sa ibang LGUs sa lalawigan.

CMDacoro, Albay PIO

24/07/2025

Igwang nakatagamang 50k na Doxycycline ang LGU Legazpi para sa mga indibidwal na na-expose sa baha. Pwedeng dumerecho sa Legazpi City Pharmacy o maki-pag-coordenar sa saindong mga barangay.

Good Day Legazpeños!

We have an adequate supply of Doxycycline FOR FREE at our City Pharmacy, located inside City Hall. This is intended for use as prophylaxis to help prevent possible Leptospirosis infection, especially for those exposed to floodwaters.

How to avail? Please coordinate to your respective Barangay Officials.

The City Pharmacy is open today.
Thank you very much!

Bawal magka sakit, para ☺️

24/07/2025

Clearing Ops Sa Spillway Ng Brgy. Imalnod, Legazpi, Pinabilis Matapos ang Apela ng Barangay at Tugon ng DPWH

LEGAZPI CITY — Agad na rumesponde ang Department of Public Works and Highways (DPWH) sa panawagan ng mga residente ng Sitio Bugit, Barangay Imalnod matapos ang naitalang pagbara sa spillway bunsod ng malakas na ulan.

Sa tulong ng District Engineering Office ng DPWH, agad na ipinadala sa lugar ang mga heavy equipment gaya ng truck at backhoe upang magsagawa ng clearing operations. Ang hakbang ay layuning maibalik ang daloy ng trapiko at mapigilan ang posibleng paglala ng pinsala, lalo na sa mga nakatira malapit sa spillway.

Ayon sa lokal na pamahalaan, ang naturang hakbang ay resulta ng mabilis na koordinasyon ng Punong Barangay ng Imalnod at ng City Government ng Legazpi. Pinuri naman ni Mayor Hisham Ismail ang DPWH sa agarang pagtugon at pagbibigay ng kinakailangang suporta para sa kaligtasan ng kanyang mga nasasakupan.

24/07/2025

BULL'S EYE | JULY 24, 2025
Hosted by: Mr. Noel Bellen Samar
2:00 PM - 3:00 PM
92.3 DWIZ News FM South Luzon

Listen to us online @ https://www.dwiz882am.com/.../listen-live-dwiz-southern.../ or download the DWIZ App

Disclaimers:
*The views and opinions expressed by the host and guests in this program do not necessarily reflect those of Aliw Broadcasting Corporation (ABC), its management, producers, or any organizations affiliated with the network.

*We hereby declare that we do not own the rights to this music/song. All rights belong to the owner. No Copyright Infringement Intended.

24/07/2025

24/07/2025

Babala ng Lahar sa Bulkang Mayon Kaugnay ng Bagyong “Dante” at “Emong”

LEGAZPI CITY — Naglabas ng abiso ang Philippine Institute of Volcanology and Seismology (DOST-PHIVOLCS) ngayong Huwebes, Hulyo 24, 2025, kaugnay ng posibleng pagdaloy ng lahar sa paligid ng Bulkang Mayon bunsod ng malalakas na pag-ulan dulot ng Tropical Storm “Dante,” Severe Tropical Storm “Emong,” at patuloy na pag-iral ng Habagat.

Batay sa Weather Advisory #35 ng PAGASA na inilabas kaninang alas-5 ng umaga, inaasahang makakaranas ng malalakas hanggang matinding pag-ulan ang rehiyon ng Bicol. Dahil dito, may banta ng lahar o putik na may kasamang abo at bato, gayundin ng maputik na agos ng tubig sa mga ilog at kanal sa paligid ng bulkan.

Ayon sa PHIVOLCS, maaaring muling mapagalaw ang mga nakalantad na pyroclastic density current (PDC) deposits na naiwan mula sa mga pagsabog noong 2018 at 2023. Karamihan sa mga depositong ito ay matatagpuan sa mga watershed area ng Miisi, Mabinit, Buyuan, at Basud Channels. Bukod pa rito, maaaring maanod ang mga mas luma at madaling maerode na deposito sa silangan at kanlurang bahagi ng bulkan.

Ipinapaalala sa mga pamayanang nasa downstream ng mga naturang ilog ang posibilidad ng pagguho, paglubog ng kabahayan, at pagkakalunod dulot ng lahar. Partikular na binabantayan ang mga sumusunod na daluyan: Miisi, Binaan, Anoling, Quirangay, Maninila, Masarawag, Muladbucad, Nasisi, Mabinit, Matanag, Basud, at Bulawan Channels sa lalawigan ng Albay.

Muling nananawagan ang DOST-PHIVOLCS sa mga residente at lokal na pamahalaan sa mga nabanggit na lugar na maging mapagmatyag, patuloy na subaybayan ang lagay ng panahon, at agad na magsagawa ng pre-emptive evacuation at iba pang hakbang pangkaligtasan kung kinakailangan.

23/07/2025

𝐀𝐤𝐨 𝐁𝐢𝐜𝐨𝐥 𝐏𝐚𝐫𝐭𝐲𝐥𝐢𝐬𝐭, 𝐍𝐚𝐠𝐬𝐚𝐠𝐚𝐰𝐚 𝐧𝐠 𝐌𝐚𝐥𝐚𝐰𝐚𝐤𝐚𝐧𝐠 𝐓𝐮𝐥𝐨𝐧𝐠 𝐒𝐚 𝐆𝐢𝐭𝐧𝐚 𝐧𝐠 𝐁𝐚𝐧𝐭𝐚 𝐧𝐠 𝐁𝐚𝐠𝐲𝐨𝐧𝐠 𝐃𝐚𝐧𝐭𝐞.

Agad na kumilos ang Ako Bicol Partylist sa harap ng banta ng Bagyong Dante at patuloy na pag-ulan dulot ng habagat na nagdulot ng pagbaha at pagguho ng lupa sa iba’t ibang bahagi ng rehiyong Bicol.

Maagang pinakilos ng grupo ang kanilang disaster response team nitong Hulyo 22, kasabay ng paglalatag ng pitong rubber boats at siyam na motorized rubber boats sa mga lugar na maaaring kailanganin ng agarang water rescue. Kasalukuyan ding tuloy-tuloy ang koordinasyon ng Ako Bicol sa mga LGU at national agencies upang matiyak ang kaligtasan ng mga residente.

Isa sa mga agarang tinutukan ay ang pagbagsak ng spillway bridge sa Brgy. Tandarora, Guinobatan, Albay. Dahil dito, higit 100 pamilya ang personal na binisita ng Ako Bicol team upang tukuyin ang pangangailangan at agad na maghatid ng tulong.

Samantala, tinulungan din ang 83 pamilyang naapektuhan sa Brgy. Ponso, Polangui, kung saan bawat isa ay tumanggap ng 10 kilong bigas. Sa ngayon, nasa 126 katao mula sa landslide-prone na Sitio Peñafrancia at binabahang bahagi ng Purok 4 ang pansamantalang nanunuluyan sa evacuation center.

Sa panig ng Camarines Sur, tinututukan na rin ng Ako Bicol ang mga nasalantang barangay sa Balatan. Nasa 5,500 food packs ang patungo na sa anim na barangay na labis na naapektuhan, kabilang ang Coguit, Siramag, Duran, Luluwasan, Camangahan, at Pararao.

Ayon kay Rep. Zaldy Co, hindi tumitigil ang Ako Bicol sa pag-abot ng tulong, lalo na sa panahon ng sakuna. Para sa kanya, ang tunay na serbisyo ay hindi lang tuwing eleksyon kundi sa bawat panahong kailangan ng taumbayan.

Sa patuloy na hamon ng kalikasan, nananatiling katuwang ng bawat Bicolano ang Ako Bicol Partylist — handang tumugon, umalalay, at maglingkod.