Libmanan News Online

03/08/2026

🏝️✨ Tatlong destinasyon, isang hindi malilimutang adventure! 🌊💙

Mula sa napakagandang Samal Island tumawid kami sa mala paraisong Talicud Island nag enjoy sa Isla Reta Beach Resort at sinubukan ang mga nakakakaba pero sobrang saya na water activities sa FunVenture! 🚤🌴🤩

Crystal clear na tubig, pinong puting buhangin, masarap na pagkain, at adrenaline filled rides lahat ng hinahanap mo sa isang getaway, nandito na! 🌞

Kung gusto mong makatakas sa stress at gumawa ng mga alaalang hindi mo malilimutan, idagdag na sa bucket list mo ang Samal Island, Talicud Island, Isla Reta Beach Resort, at FunVenture Siguradong babalik balikan mo ang ganda ng lugar na ito! 💙

🎥 Panoorin ang aming buong vlog at samahan kami sa isa sa pinakamagandang island adventures sa Davao del Norte!

❤️ Like • Comment • Share • Follow at i-tag ang travel buddy mong gusto mong isama rito! 🌴

02/08/2026

Inilahad ni Mayor Niño Tayco ang mga naging tagumpay ng lokal na pamahalaan at ang mga susunod pang programa para sa bayan sa kanyang State of the Municipality Address (SOMA) 2026, kung saan binigyang-diin niya ang patuloy na pagsusulong ng isang mas maunlad, mas ligtas, at mas organisadong Pasacao.

Sa kanyang Ulat sa Bayan, sinabi ng alkalde na pangarap ng kanilang administrasyon ang isang Pasacao na may maayos na daloy ng trapiko, malinis na kapaligiran, disiplinadong mamamayan, at organisadong pamayanan. Aniya, ang mga adhikaing ito ay patuloy na isinusulong sa pamamagitan ng sama-samang pagkilos ng pamahalaan at ng bawat Pasaqueño.

Ibinahagi rin ni Tayco ang mga nagawang proyekto, mga serbisyong naihatid sa mamamayan, at ang mga tagumpay na bunga ng pagtutulungan ng lokal na pamahalaan at ng komunidad. Kasabay nito, inilahad din niya ang mga susunod na hakbang na nakatuon sa patuloy na pag-unlad ng bayan.

Ayon sa alkalde, ang mga unti-unting natutupad na pangarap ng Pasacao ay hindi lamang bunga ng pagsisikap ng isang tao, kundi resulta ng pagkakaisa, pagtutulungan, at suporta ng buong komunidad.

Nagpasalamat din si Mayor Tayco sa patuloy na tiwala at suporta ng mga Pasaqueño at tiniyak na magpapatuloy ang paghahatid ng dekalidad na serbisyo sa ilalim ng programang HATAW Pasacao, na layuning maisulong ang tuloy-tuloy na serbisyo, progreso, at kaunlaran para sa buong bayan.

02/08/2026

𝐏𝐔𝐁𝐋𝐈𝐂 𝐒𝐄𝐑𝐕𝐈𝐂𝐄 𝐀𝐃𝐕𝐈𝐒𝐎𝐑𝐘

Magandang araw po. Mataas na po ang lebel ng tubig sa ating Water Source. Maaaring lumabo ang suplay ng tubig kung patuloy ang pag buhos ng ulan. Pinapaalalahanan po muli ang lahat lalo na sa mga dulong barangay na mag-imbak ng malinis na tubig, dahil posible pong humina o mawalan ng suplay ng tubig. Maraming salamat po sa inyong pang-unawa.

𝐹𝑜𝑟 𝑜𝑡ℎ𝑒𝑟 𝑤𝑎𝑡𝑒𝑟 𝑠𝑒𝑟𝑣𝑖𝑐𝑒 𝑐𝑜𝑛𝑐𝑒𝑟𝑛𝑠 𝑦𝑜𝑢 𝑚𝑎𝑦 𝑡𝑒𝑥𝑡 0919 733 0828.

Courtesy: Libmanan Water District

02/08/2026

Mag-ingat at manatiling alerto. Ang kaligtasan ay nagsisimula sa tamang paghahanda.

02/08/2026

ROAD SAFETY TIPS

#𝙎𝙚𝙧𝙗𝙞𝙨𝙮𝙤𝙣𝙜𝙈𝙖𝙗𝙞𝙡𝙞𝙨𝙏𝙖𝙥𝙖𝙩𝘼𝙩𝙉𝙖𝙧𝙖𝙧𝙖𝙢𝙙𝙖𝙢𝙖𝙣
#𝘽𝙖𝙜𝙤𝙣𝙜𝙋𝙉𝙋𝙥𝙖𝙧𝙖𝙎𝙖𝘽𝙖𝙜𝙤𝙣𝙜𝙋𝙞𝙡𝙞𝙥𝙞𝙣𝙖𝙨
#𝙏𝙤𝙎𝙚𝙧𝙫𝙚𝙖𝙣𝙙𝙋𝙧𝙤𝙩𝙚𝙘𝙩

02/08/2026

PAGASA Naglabas ng General Flood Advisories sa Ilang Rehiyon Dahil sa Tropical Depression 'Luis'

Nagbabala ang PAGASA sa posibilidad ng pagbaha sa iba't ibang bahagi ng bansa matapos maglabas ng General Flood Advisories bunsod ng epekto ng Tropical Depression "Luis."

Kabilang sa mga lugar na sakop ng advisory ang ilang bahagi ng Ilocos Region, Central Luzon, CALABARZON, MIMAROPA, Bicol Region, Western Visayas, Central Visayas, at Eastern Visayas, kung saan inaasahan ang mga pag-ulan na maaaring magdulot ng pagtaas ng tubig sa mga mabababang lugar at iba pang lugar na madaling bahain.

Batay sa pinakahuling ulat ng PAGASA, alas-3:00 ng madaling araw nang mamataan ang sentro ng Tropical Depression Luis sa layong 315 kilometro silangan ng Daet, Camarines Norte. Taglay nito ang pinakamalakas na hanging 55 kilometro kada oras at pagbugsong umaabot sa 70 kilometro kada oras, habang mabagal itong kumikilos pakanlurang-timog-kanluran.

Pinapayuhan ng PAGASA ang publiko sa mga apektadong lugar na patuloy na subaybayan ang mga opisyal na abiso ng mga awtoridad at maging handa sa posibleng pagbaha dulot ng patuloy na epekto ng Tropical Depression Luis.

Courtesy: PAGASA

02/08/2026

Women's Wellness on Wheels, Naghatid ng Libreng Serbisyong Medikal sa Cabusao

Mas pinalawak pa ng Pamahalaang Panlalawigan ng Camarines Sur ang paghahatid ng serbisyong pangkalusugan sa mga komunidad sa pamamagitan ng pagdadala ng Women's Wellness on Wheels sa Sta. Lutgarda National High School sa Barangay New Poblacion, Cabusao.

Bukod sa pagpunta sa mga malalayong barangay, dinadala rin ng programang medikal ang mga libreng serbisyo sa mga paaralan upang mas maraming mag-aaral, g**o, at mga kalapit na residente ang makinabang.

Sa isinagawang medical mission, libreng naipagkaloob ang iba't ibang serbisyong pangkalusugan kabilang ang X-ray, urinalysis, Complete Blood Count (CBC), mga gamot, at bitamina.

Layunin ng inisyatibang ito na mailapit ang dekalidad na serbisyong medikal sa mas maraming mamamayan at matiyak na agad na natutugunan ang kanilang mga pangangailangang pangkalusugan nang hindi na kinakailangang bumiyahe nang malayo.

📸 Courtesy: Province of CamSur

02/08/2026

Limang Pilipinong Seafarer ng M/V Inase, Ligtas nang Nakabalik sa Pilipinas Matapos ang Insidente sa Black Sea

Ligtas nang nakauwi sa bansa ang limang Pilipinong tripulante ng bulk carrier M/V Inase matapos silang ma-repatriate kasunod ng mga pag-atake sa mga barko sa Black Sea.

Dumating ang mga seafarer sa Pilipinas nitong Sabado, Agosto 1, kung saan personal silang sinalubong ng Department of Migrant Workers (DMW) kasama ang Overseas Workers Welfare Administration (OWWA) at Manila International Airport Authority (MIAA) Medical Team.

Pagdating sa paliparan, agad silang pinagkalooban ng kinakailangang tulong at isinailalim sa medical assessment upang matiyak na nasa maayos at ligtas silang kalagayan matapos ang kanilang naging karanasan.

Courtesy: DMW.

02/08/2026

MAYON VOLCANO UPDATE:

Nakapagtala ang PHIVOLCS ng 29 volcanic earthquakes, 11 rockfall signals, at patuloy na pagbuga ng lava sa Bulkang Mayon ngayong Agosto 2. Nananatili ang Alert Level 3, na nangangahulugang may mataas na antas ng pag-aalboroto ang bulkan at patuloy na binabantayan ang aktibidad nito.

02/08/2026