Radyo Bandera Catarman

Radyo Bandera Catarman Contact information, map and directions, contact form, opening hours, services, ratings, photos, videos and announcements from Radyo Bandera Catarman, Broadcasting & media production company, Roxas Street Brgy. JP Rizal, Liloan.

19/12/2025

BREAKING NEWS | Isang sasakyan ang tumaob sa kalsada sa boundary ng Pambujan, Northern Samar ngayong araw.
Ayon sa mga unang ulat, papunta na sa lugar ang mga emergency responders upang rumesponde sa insidente.

Wala pang kumpirmadong detalye hinggil sa mga nasugatan o sa sanhi ng aksidente.

Maghahatid kami ng updates sa sandaling may karagdagang impormasyon.

Post via Jean Desales | via https://www.facebook.com/reel/1804273073597719

UPDATE: Na rescue na po ang mga biktima

MAGSASAKA NA NAGSAULI NG BAG NA MAY ₱60,000 AT MAMAHALING GAMIT, PINURI AT KINILALAIsang magsasaka na kinilalang si Pobl...
19/12/2025

MAGSASAKA NA NAGSAULI NG BAG NA MAY ₱60,000 AT MAMAHALING GAMIT, PINURI AT KINILALA

Isang magsasaka na kinilalang si Pobleo Narca, 53 taong gulang at residente ng Barangay Oleras, Laoang, Northern Samar, ang pinuri at pinarangalan matapos niyang isauli sa kapulisan ang isang bag na kanyang napulot na naglalaman ng humigit-kumulang ₱60,000 cash, cellphone, passport, at dalawang mamahaling relo.

Ayon sa Laoang Municipal Police Station (MPS), sa halip na angkinin ay agad na dinala ni Narca ang nasabing bag sa mga tauhan ng 2nd Northern Samar Provincial Mobile Force Company at Laoang MPS. Matapos ang beripikasyon, natukoy ang may-ari ng bag na si Ms. Cristina Sharpe, na kalaunan ay nakita ang social media post ng pulisya hinggil sa nawawalang gamit.

Bilang pagkilala sa ipinamalas na katapatan, iginawad ng Local Government Unit ng Laoang, sa pangunguna ni Mayor Charlene L. Ongchuan, ang Certificate of Commendable Laoanganon Values at isang cash incentive kay Narca. Nagkaloob rin ng Certificate of Commendation si PCPT Ni**od R. Holares, Hepe ng Laoang MPS.

Samantala, nagpaabot ng pasasalamat si PCOL Sonnie B. Omengan, Provincial Director ng Northern Samar Police Provincial Office, sa pamahalaang lokal ng Laoang sa agarang pagkilala sa mabuting gawa ng magsasaka. Hinikayat din niya ang publiko na tularan ang katapatan at magandang halimbawa na ipinakita ni Narca. | via NSPPO

Dating DPWH Usec Cabral, pumanaw matapos umanong mahulog sa bangin sa BenguetMANILA (2nd UPDATE) — Pumanaw ang dating Un...
18/12/2025

Dating DPWH Usec Cabral, pumanaw matapos umanong mahulog sa bangin sa Benguet

MANILA (2nd UPDATE) — Pumanaw ang dating Undersecretary ng Department of Public Works and Highways (DPWH) na si Catalina Cabral matapos umanong mahulog sa isang bangin sa kahabaan ng Kennon Road sa Tuba, Benguet, ayon sa ulat ng pulisya nitong Huwebes ng gabi.

Ayon sa Benguet Provincial Police Office, ang insidente ay iniulat ng driver ni Cabral. Batay sa salaysay nito, bandang alas-3 ng hapon ay bumiyahe sila ni Cabral sa Kennon Road patungong La Union nang hilingin umano ng dating opisyal na huminto ang sasakyan at iwan siya sa nasabing lugar.

Pagkaraan nito, nagtungo ang driver sa isang malapit na gasolinahan. Nang bumalik siya sa lugar bandang alas-5 ng hapon, hindi na niya nakita si Cabral. Sinubukan din niyang hanapin ito sa hotel na tinutuluyan ng dating opisyal ngunit wala rin ito roon.

Dahil dito, iniulat ng driver ang insidente sa pulisya bandang alas-7 ng gabi. Makalipas ang halos isang oras, bandang alas-8 ng gabi, natagpuan si Cabral na walang malay at hindi tumutugon sa gilid ng Bued River, humigit-kumulang 20 metro ang lalim mula sa highway.

Dinala ang mga labi ni Cabral sa isang lokal na punerarya, ayon kay ABS-CBN News stringer Rhen De Guzman.

Samantala, sinabi ni Assistant Ombudsman Mico Clavano sa isang pahayag na iniutos ng Office of the Ombudsman sa mga awtoridad sa Benguet na kunin at ingatan ang cellphone at iba pang gadget ng yumaong si Cabral.

“The same is to be turned over to the investigators at the proper time,” dagdag ni Clavano.

Si Cabral ay nasangkot noon sa mga alegasyon ng budget insertions at kickbacks kaugnay ng mga multi-bilyong pisong flood control projects. Gayunman, itinanggi niya ang pagkakadawit sa umano’y 2026 budget insertion, ayon kay DPWH Secretary Vince Dizon.

Bilang Undersecretary for Planning and Public-Private Partnership, si Cabral ang namahala sa paghahanda ng badyet ng DPWH at sa pagpaplano at pagpoprograma ng mga imprastraktura, kabilang ang mga public-private partnership projects ng ahensya.

Kalaunan, nagbitiw siya sa kanyang puwesto. | via ABS-CBN News

TANGGAL SA PUWESTOSinibak sa puwesto ang kabuuang 16 na pulis, kabilang ang hepe ng Dolores Municipal Police Station sa ...
18/12/2025

TANGGAL SA PUWESTO

Sinibak sa puwesto ang kabuuang 16 na pulis, kabilang ang hepe ng Dolores Municipal Police Station sa Eastern Samar, kaugnay ng umano’y pag-inom ng alak sa loob ng himpilan ng pulisya.

Ayon sa Police Regional Office 8 (PRO-8), pansamantalang tinanggal sa puwesto ang mga sangkot habang isinasagawa ang masusing imbestigasyon sa nasabing insidente.

Dagdag ng PRO-8, kapag napatunayang totoo ang mga paratang, mahaharap ang mga sangkot sa kaukulang administratibo at disiplinaryong parusa, alinsunod sa umiiral na mga batas at patakaran ng Philippine National Police (PNP). | via News5

18/12/2025

Day 4 I Misa De Gallo 2025 Special Coverage

18/12/2025

Day 4I Misa De Gallo 2025 Special Coverage

LTO Catarman District Office sa Brgy. Dalakit, Pormal nang BinuksanCATARMAN, Northern Samar — Pormal nang pinasinayaan a...
18/12/2025

LTO Catarman District Office sa Brgy. Dalakit, Pormal nang Binuksan

CATARMAN, Northern Samar — Pormal nang pinasinayaan ang bagong rehabilitadong gusali ng Land Transportation Office (LTO) Catarman District Office sa Barangay Dalakit matapos ang isinagawang seremonya ng ribbon-cutting at pagbabasbas nitong Miyerkules ng umaga.

Ang inagurasyon ay hudyat ng opisyal na pagbubukas ng mas pinahusay na pasilidad na layong magbigay ng mas maayos, mabilis, at episyenteng serbisyo publiko sa mga motorista at kliyente mula sa Catarman at mga karatig-bayan.

Dumalo bilang panauhing pandangal si Mayor Dianne Rosales, kasama sina Vice Governor Clarence Dato, Board Member Victorio Singzon, LTO Region VIII Chief Administrative Officer Marc Bonne A. Rojas, LTO Catarman District Chief Guy Elizon T. Zosa, Regional Internal Audit Staff Chairperson Evelyn L. Pista, at iba pang mga panauhin.

Ayon sa mga opisyal, bahagi ang pagsasaayos ng gusali ng patuloy na programa ng LTO na mapabuti ang paghahatid ng serbisyo, mapalakas ang kaginhawaan ng mga kliyente, at makalikha ng mas maayos na lugar ng trabaho para sa mga kawani.

Nagbibigay ang LTO Catarman District Office ng iba’t ibang serbisyong may kaugnayan sa land transportation, kabilang ang aplikasyon at renewal ng driver’s license, rehistro at renewal ng mga sasakyang de-motor, pag-iisyu ng duplicate Official Receipt at Certificate of Registration (OR/CR), pag-iisyu ng plaka, paglilipat ng pagmamay-ari ng sasakyan, at iba pang kaugnay na transaksyon.

Inaasahang higit pang mapapalakas ng bagong pasilidad ang kakayahan ng LTO Catarman District Office na maghatid ng dekalidad at episyenteng serbisyo publiko sa lalawigan ng Northern Samar.

17/12/2025

Day 3 I Misa De Gallo 2025 Special Coverage

PD Maquelabit ng DILG Northern Samar, Pinarangalan bilang Best Performing Provincial Director sa Eastern VisayasCATARMAN...
17/12/2025

PD Maquelabit ng DILG Northern Samar, Pinarangalan bilang Best Performing Provincial Director sa Eastern Visayas

CATARMAN, Northern Samar — Pinarangalan si Provincial Director Geraldine C. Maquelabit ng Department of the Interior and Local Government (DILG) Northern Samar bilang Best Performing Provincial Director sa buong Eastern Visayas sa ginanap na 2025 Annual Dayaw Awards.

Bukod sa indibidwal na pagkilalang ito, ginawaran din ang DILG Northern Samar Provincial Office bilang Best Performing Provincial Office sa Eastern Visayas, patunay ng sama-samang pagsisikap at mahusay na performance ng buong tanggapan.

Ipinapakita ng parangal ang huwarang pamumuno ni PD Maquelabit, ang kanyang matibay na paninindigan sa kahusayan, at ang dedikasyon ng buong DILG Northern Samar team na may taglay na sigasig, katatagan, at pagkakaisa sa pagpapatupad ng mga programa at inisyatiba ng DILG Region VIII sa lalawigan.

Ayon sa DILG, ang pagkilalang ito ay sumasalamin sa walang sawang paglilingkod ng kanilang mga kawani, na nagpapaalala na ang paglilingkod sa bayan ay hindi lamang isang tungkulin kundi isang bokasyon—na nagpapalakas sa pamahalaang lokal, nag-aangat sa mga komunidad, at nag-iiwan ng pangmatagalang positibong epekto para sa mga susunod na henerasyon.

Nagpasalamat ang pamunuan at kawani ng DILG Northern Samar sa natamong parangal at muling tiniyak ang kanilang patuloy na pagsusumikap na mapanatili ang mataas na antas ng serbisyo, inobasyon, at mahusay na pamamahala sa lalawigan.

Congratulations, PD JINKY!

G**o sa Tondo, ginahasa umano ang estudyante; pinilit pakainin ng ipis ang testigoInaresto ang isang g**o sa Tondo, Mayn...
17/12/2025

G**o sa Tondo, ginahasa umano ang estudyante; pinilit pakainin ng ipis ang testigo

Inaresto ang isang g**o sa Tondo, Maynila matapos ireklamo ng kanyang 12-anyos na babaeng estudyante na siya ay pinarusahan at pinilit pang pakainin ng ipis.

Ayon sa Manila Police District (MPD), naganap ang insidente noong Oktubre 15 nang makita ng estudyante ang kanyang g**o na umano’y nangmomolestiya ng isa pang babaeng estudyante sa loob ng palikuran ng kanilang paaralan.

Nang mapansin ng g**o na may nakasaksi sa kanyang ginawa, ibinukod niya ang biktima at nang makuha ito ay dinala sa loob ng CR, kung saan niya ito pinarusahan at pinilit na pakainin ng isang ipis. Pagkatapos nito, tinakot pa umano ang bata na papatayin siya kapag nagsumbong.

Sa kabila ng matinding takot, isinumbong pa rin ng bata ang nangyari sa kanyang mga magulang at sa mga awtoridad.

Dahil dito, nagsagawa ng surveillance at follow-up operation ang pulisya laban sa nasabing g**o.

Noong Disyembre 12, matagumpay na naaresto si alyas “Nel,” 53 taong gulang, mismo sa loob ng campus sa bisa ng warrant of arrest na inilabas ng Manila Regional Trial Court, Branch 38, kaugnay ng paglabag sa Republic Act No. 7610 (Special Protection of Children Against Abuse, Exploitation and Discrimination Act). | via K5 News FM Tacloban

Isinisi ng Department of Labor and Employment (DOLE) ang pagtama ng mga kalamidad noong Oktubre kaya nagresulta sa pagta...
17/12/2025

Isinisi ng Department of Labor and Employment (DOLE) ang pagtama ng mga kalamidad noong Oktubre kaya nagresulta sa pagtaas ng kaso ng walang trabaho sa bansa.

Ayon kay DOLE Secretary Bienvenido Laguesma, na pansamantala lamang ang nasabing pagtaas ng bilang ng mga walang trabaho dahil ito ay sakop pa rin ng kanilang 4.8 hanggang 5.1 percent target para sa 2025.

Dagdag pa ng Kalihim na hindi mapigilan ang pagdaan ng mga malalakas na bagyo mula Setyembre gaya ng mga bagyong Mirasol, Nando at Opong.

Magugunitang inilabas ng Philippine Statistics Authority ang resulta ng Labor Force Survey noong Oktubre na nagresulta sa pagtaas ng limang porsyento o nasa 2.54 million ang bilang ng mga walang trabaho kumpara sa 3.8 percent noong Setyembre na mayroon lamang na 1.96-M na Pinoy na walang trabaho. I via Bombo Radyo

17/12/2025

Mga Kabandera Makinig Na Sa Radyo Bandera Catarman 99.5

-Kasama Ang Sexiest And Hottest DJ SexyRocky At Papa Prince!

Address

Roxas Street Brgy. JP Rizal
Liloan
6400

Website

Alerts

Be the first to know and let us send you an email when Radyo Bandera Catarman posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Radyo Bandera Catarman:

Shortcuts

Share

Category