https://www.facebook.com/105305044517627/

Radyo Bandera Catarman, Roxas Street Brgy. JP Rizal, Liloan (2025)

12/12/2025

Mga Empleyadong Pinipilit Sumayaw sa Christmas Party, Maaaring Magreklamo — DOLE

Nagpaalala ang Department of Labor and Employment (DOLE) sa mga kumpanya na tiyaking isinasagawa ang kanilang mga Christmas party nang may paggalang sa relihiyon, paniniwala, at personal na kagustuhan ng bawat empleyado.

Ayon sa National Labor Relations Commission (NLRC), may karapatan ang isang manggagawa na magsampa ng reklamo kung sila ay pinipilit sumayaw o sumali sa anumang aktibidad na labag sa kanilang kalooban sa loob ng corporate Christmas celebration.

Nilinaw rin ng NLRC na kung may bantang parusa, pamimilit, o anumang disciplinary action na ibibigay sa empleyado dahil sa pagtanggi, maaari silang dumulog sa kanilang tanggapan upang humingi ng tulong, proteksyon, at agarang aksyon.

12/12/2025

PANOORIN | LANDSLIDE RUMAGASA SA MANIPIS ROAD SA TOLEDO CITY

Toledo City, Cebu — Idineklarang hindi madaanan ang Manipis Road matapos ang landslide na tumama kaninang umaga, Disyembre 12, na nag-iwan ng makapal na lupa at debris na humarang sa kalsada.

Ayon kay Mayor Marjorie Perales, agad na ipinag-utos ang immediate closure ng lugar para sa kaligtasan ng mga motorista at biyahero. Pinapayuhan ang publiko na gumamit muna ng mga alternate routes habang nagsasagawa ng clearing operations ang mga awtoridad at sinusuri kung ligtas na itong daanan muli.

Maglalabas ng karagdagang updates ang Toledo City LGU kaugnay sa muling pagbubukas ng kalsada.

Video Courtesy of Marrylove Paran

12/12/2025

Biri Rock Formations at Lalaguna Mangroves, Tampok sa Pagbisita ng Coral Geographer sa Northern Samar

Bumalik sa Northern Samar ang Coral Geographer cruise ship, at namangha ang 82 bisita sa mga likas na ganda, kultura, at mainit na pagtanggap ng lokal na komunidad.

Umaga kamakalawa, nagdaong ang barko sa Biri Island para sa ikatlong pagbisita nito, kasunod ng unang pagbisita ng Coral Adventurer noong 2023. Namasyal ang mga bisita sa tanyag na Biri Rock Formations, na kamakailan lang ay kinilala bilang pinakabagong National Geological Monument (NGM) sa Pilipinas, at naranasan ang pang-araw-araw na buhay ng mga taga-Biri.

Tinangkilik ng mga bisita ang mga lokal na pagkain at natuwa sa iba't ibang uri ng sasakyan na ginamit sa kanilang paglilibot sa isla. Pinuri nila ang mga gabay at drayber sa kanilang propesyonalismo at nagustuhan ang maayos at hindi minamadali na tour.

Samantala, kinahapunan nagtungo ang Coral Geographer sa Lalaguna Mangrove Eco Park sa Lavezares, kung saan mainit na tinanggap ng komunidad ang mga bisita. Mula sa docking area, naglakad sila patungo sa community kitchen at receiving area, kung saan ibinahagi ng isang lokal na lider ang kwento ng paglago ng Lalaguna bilang isang community-led eco-tourism site. Tinangkilik ng mga bisita ang masasarap na lokal na pagkain bago pumunta sa view deck na nagbigay ng malawak na tanawin ng mangrove forest at baybayin.

Magpapatuloy ang paglalakbay ng Coral Geographer bukas sa Higatangan Island sa Naval, Biliran, na nangangakong magbibigay pa ng kahanga-hangang tanawin at karanasan sa mga bisita. | via Eastern Visayas Infinite Escapes

12/12/2025

SEC, MAS HIGPIT NA LIMITASYON SA INTEREST RATES NG MALIIT NA CONSUMER LOANS

MANILA — Nagpatupad ang Securities and Exchange Commission (SEC) ng mas mahigpit na limitasyon sa interest rates para sa maliliit na consumer loans bilang hakbang laban sa mapagsamantalang lending practices.

Naglabas ang SEC ng bagong patakaran ukol sa interest rate ceilings at iba pang kaugnay na bayarin para sa unsecured, general-purpose loans na hanggang P10,000 na may repayment terms na hanggang apat (4) na buwan.

Sa ilalim ng bagong regulasyon, itatakda ang effective interest rate sa maximum na 12% kada buwan, mas mababa sa dating 15%, o katumbas ng humigit-kumulang 0.4% kada araw. Sinasaklaw nito ang nominal interest at lahat ng fees at charges, maliban sa penalties. Ang nominal interest rate naman ay hindi maaaring lumagpas sa 6% kada buwan.

Limitado rin sa 5% kada buwan ng outstanding balance ang maaaring ipataw na penalties sa late o missed payments. Samantala, hindi maaaring lumagpas sa 100% ng loan principal ang kabuuang gastos—kasama ang interest, fees at penalties. Epektibo ang bagong rules para sa lahat ng bagong, renewed, o restructured loans simula Abril 1, 2026.

Batay ang polisiya sa Financial Products and Services Consumer Protection Act, na nagbibigay kapangyarihan sa regulators na suriin ang pagiging makatarungan ng mga singil na ipinapataw sa borrowers.

Ayon kay SEC Chairperson Francis Lim,
“Ang nire-calibrate na interest rate cap ay nagbibigay ng balanse at sustainable na framework para sa lenders at borrowers, alinsunod sa mandato ng Commission na protektahan ang mga consumer habang sinisiguro ang viability ng legitimate financing at lending companies.”

Naglatag din ang SEC ng mas mabibigat na parusa para sa mga kompanyang susubok umiwas sa interest caps sa pamamagitan ng loan restructuring, disguised charges, o iba pang mapanlinlang na paraan. Nagsisimula ang multa sa P50,000, at maaaring umabot sa suspension o tuluyang pagbawi ng kanilang authority to operate sakaling maging paulit-ulit ang paglabag.

Tiniyak ng Commission na regular nilang rerepasuhin ang polisiya upang manatiling akma sa umiiral na industry conditions at regulatory developments.

Matatandaang dating itinakda ng Bangko Sentral ng Pilipinas (BSP), sa konsultasyon sa SEC, ang 15% per month na ceiling para sa effective interest rates o katumbas ng 0.5% per day.

Patuloy namang bumababa ang interest rates simula noong nakaraang taon kasabay ng pagluwag ng BSP sa monetary policy bunsod ng mas mabagal na inflation at economic growth. | via ABS-CBN NEWS

12/12/2025

MAGKAPATID NA PWD, PINATAY UMANO NG AMA SA GINGOOG; PAMILYA, TINUTUTULAN ANG ‘MERCY’ NA PALUSOT NG SUSPEK

Patuloy ang dalamhati at pagkabigla ng komunidad sa Gingoog City matapos umanong patayin ng isang ama ang kanyang dalawang anak na kapwa Persons with Disabilities (PWD) sa Purok 2, Barangay 17 noong Disyembre 11, 2025.

Kinilala ng pulisya ang mga biktima na sina Arnold Washington, 20, at Adrian Jay, 21. Ayon sa Gingoog City Police Station, batay sa paunang imbestigasyon, ginamit umano ng suspek ang isang martilyo sa pag-atake sa kanyang mga anak habang nasa loob ng kanilang bahay. Iginiit pa umano ng ama na ginawa niya ito dahil sa awa sa kondisyon ng mga biktima—isang pahayag na mariing itinanggi at kinondena ng kanilang pamilya.

Sa isang social media post, ibinuhos ng kapatid ng suspek ang kanyang galit at hinanakit, sinabing matagal nang nagtitiis ang pamilya sa asal ng suspek at hindi ito ang tunay na nag-aalaga sa dalawang biktima. Tinawag niya itong isang hindi mapapatawad na krimen laban sa dalawang taong marupok at nangangailangan ng proteksyon. Inihayag din niya na sinabi umano ng suspek sa mga kapitbahay ang nagawa nito at nagbigay ng nakakabahalang pahayag laban sa iba pang miyembro ng pamilya—mga alegasyong sinabi ng pulisya na patuloy pang bineberipika.

Matapos ang insidente, sinubukan umanong saktan ng suspek ang sarili, ngunit napigilan at agad dinala sa kustodiya ng pulisya. Patuloy ang imbestigasyon, kabilang na ang pagsusuri sa mental health ng suspek at ang background ng pamilya.

Habang nagpapatuloy ang kaso, naghahanda ang mga kaanak para ilagak sa huling hantungan sina Arnold at Adrian. Humihingi sila ngayon ng tulong pinansyal para sa gastusin sa burol at libing, dahil hindi nila inaasahan ang bigat at biglaan ng trahedyang sinapit.

Nanawagan naman ang pulisya sa publiko na hayaan ang due process at pinaalalahanan ang mga pamilyang dumaranas ng emosyonal o mental health crises na humingi ng propesyonal na tulong upang maiwasan ang mga trahedyang hindi na mababawi. | via https://www.brigadanews.ph/

12/12/2025

Radyo Bandera Catarman proudly takes pride as the Official Media Partner of the very first Northern Samar Influencers' Ball.

This grand event is hosted by Creatives, a vibrant community of social media influencers who continue to bring pride and honor to our beloved province through their creative online content.

Join them later today, December 12, 2025, at 6:00 PM at SASA PENSION HOUSE CATARMAN, as they officially kick off this highly anticipated event!

12/12/2025

PRES. MARCOS JR., NAGSAGAWA NG ON-SITE INSPECTION SA SAN JUANICO BRIDGE SA TACLOBAN CITY

Nagsagawa si President Ferdinand R. Marcos Jr. ng on-site inspection sa San Juanico Bridge sa Barangay Cabalawan, Tacloban City ngayong Disyembre 12, 2025.

Ang 2.16-kilometrong tulay na nagdurugtong sa Samar at Leyte ay nilimitahan sa mga sasakyang may bigat na hanggang 3 metric tons mula pa noong Mayo 2025 dahil sa mga natukoy na structural concerns. Dahil dito, malaki ang naging abala sa normal na biyahe ng mga heavy vehicles, na kinailangang gumamit ng mga alternatibong ruta at pinalawig na Roll-on/Roll-off (RoRo) services—tulad ng sa Amandayehan Port sa Basey, Samar—upang matiyak ang tuloy-tuloy na paggalaw ng kargamento sa pagitan ng Samar at Leyte.

Kamakailan ay natapos ng Department of Public Works and Highways (DPWH) ang rehabilitasyon at strengthening works sa tulay, na sinundan ng dry run noong Disyembre 10, 2025, kung saan pinayagang tumawid ang mga sasakyang may bigat na hanggang 15 metric tons.

Sa isinagawang inspeksiyon, tumanggap si Pangulong Marcos Jr. ng briefing mula kay DPWH Secretary Vivencio “Vince” Dizon hinggil sa progreso ng rehabilitasyon at pagpapatibay ng tulay. Muli nang bukas ang San Juanico Bridge sa two-way traffic sa ilalim ng bagong weight limit, na nagpapabuti sa daloy ng kalakal at biyahe ng mga pasahero sa buong Eastern Visayas (Region VIII).

Ipinapakita ng inspeksiyong ito ang patuloy na pagtutok ng pamahalaan sa kaligtasan, integridad ng mga imprastruktura, at sa pagsuporta sa ekonomiya, kalakalan, at logistics sa Eastern Visayas. | via PIA

12/12/2025

EX-QC MAYOR HERBERT BAUTISTA, INAABSWELTO NG SANDIGANBAYAN SA P25-MILLION GRAFT CASE; CO-ACCUSED, HATOL NA GUILTY

Inabswelto ng Sandiganbayan si dating Quezon City Mayor Herbert Bautista kaugnay ng umano’y iligal na pagbabayad ng P25 milyon sa Cygnet Energy Power Asia Inc. para sa pag-install ng solar power system at waterproofing works sa isang gusali na pagmamay-ari ng lungsod noong 2019.

Sa desisyon na isinulat ni Associate Justice Ronald Moreno, idineklara ang dating alkalde na “not guilty” dahil sa kabiguan ng prosekusyon na patunayan ang kanyang pagkakasala nang lampas sa makatuwirang pagdududa.

Kasabay nito, binawi na ang hold departure order na inilabas laban kay Bautista kaugnay ng nasabing kaso.

Samantala, ang umano’y kasama ni Bautista sa naturang transaksyon, si dating city administrator Aldrin Cuña, ay nahatulan ng guilty sa kasong graft at sinentensiyahan ng 6 hanggang 8 taon na pagkakakulong.

Si Cuña ay habambuhay na diskwalipikado sa paghawak ng anumang posisyon sa gobyerno at hindi na rin makatatanggap ng retirement benefits. | via Kaxandra Salonga, ABS-CBN News.

11/12/2025

PHILHEALTH MEMBERS SA EASTERN VISAYAS, PWEDENG MAKAKUHA NG LIBRENG GAMOT SA WALO 8 NA ACCREDITED PROVIDERS

Inanunsyo ng PhilHealth Regional Office VIII na mayroong walo 8 na accredited na gamot clinics sa Eastern Visayas kung saan maaaring makakuha ng libreng medisina ang mga miyembro ng PhilHealth.

Narito ang listahan ng mga accredited na gamot providers:

NORTHERN SAMAR:

Northern Samar Provincial Hospital
Glencare Pharmacy
Bio Generics Pharmacy and General Merchandise

SOUTHERN LEYTE:

Consuelo K. Tan Memorial Medical Center Inc.
Havilah Polymedic

LEYTE:

Romeo’s Pharmaceutical Products Distribution Trading OPC
M-D Pharmacy & Medical Supply
Quetan Medical Supplies Trading

Sa mga gamot clinics na ito, maaaring makuha ang libreng gamot na nirereseta ng doktor mula sa mga napiling PhilHealth YAKAP Clinics.

Ayon sa PhilHealth, umaabot hanggang P20,000 ang halaga ng libreng gamot na maaaring makuha ng mga miyembro mula sa mga accredited providers.

Kasama sa libreng gamot ang mga sumusunod:

Para sa Diabetes: Metformin, Dapagliflozin
Para sa Hypertension: Amlodipine, Losartan, Enalapril
Para sa Asthma/COPD: Salbutamol, Montelukast, Budesonide
Para sa Dyslipidemia: Atorvastatin, Simvastatin
Para sa General Conditions: Paracetamol, Ibuprofen, Omeprazole, Folic Acid, ORS

Hinihikayat ng PhilHealth ang mga miyembro na magtungo sa kanilang YAKAP Clinics para malaman ang buong proseso at agarang ma-avail ang kanilang libreng gamot.

UPDATE:
Nilinaw ng PhilHealth Region VIII na sa taong 2026 pa ang full implementation ng pamimigay ng libreng gamot sa ilalim ng YAKAP Program sa Eastern Visayas. | via RMN Tacloban

11/12/2025

INA AT ANAK, BINARIL SA ALBAY DAHIL SA ALITAN NG LUPA

Sugatan ang isang ina at ang kaniyang anak matapos pagbabarilin kaugnay ng matagal nang alitan sa lupa sa Barangay Busdac, Bacacay, Albay, ayon sa ulat ng pulisya.

Nakuhanan pa ng video ang insidente na ibinahagi ni Justin Bas. Makikita sa kuha ang suspek na kinilalang si Juan Barcia y Bas, 73 anyos, na nakatayo sa harap ng mga biktima habang nakatutok ang baril. Nagpatuloy ang pagtatalo hanggang sa biglang nagpaputok ang suspek mula sa malapitan.

Tinamaan si Anjie Bas sa kaliwang hita, habang ang anak niyang si Nelia Bas ay nagtamo ng tama ng bala sa kanang hita. Agad silang isinugod ng mga residente sa Cabasan District Hospital, bago inilipat sa Bicol Regional Hospital and Medical Center sa Legazpi City para sa mas malalim na gamutan.

Matapos ang pamamaril, tumakas ang suspek patungo sa kabundukan ng Barangay Pigcobuhan. Nagsagawa ng hot pursuit operation ang Bacacay Police at natagpuan siya sa isang upland community sa nasabing bayan. Narekober din ng mga awtoridad ang firearm na pinaniniwalaang ginamit sa krimen.

Si Barcia ay inaaresto at kasalukuyang nakakulong. Ayon sa mga imbestigador, ang paunang resulta ng kanilang pagsisiyasat ay nagpapakitang matagal nang alitan sa lupa ang pangunahing motibo sa pamamaril.

Kinumpirma ng pulisya na sasampahan ang suspek ng dalawang bilang ng frustrated murder. Posible rin umanong madagdagan pa ang kaso depende sa magiging resulta ng ebidensya at kondisyon ng mga biktima.

Samantala, umani ng pansin ang insidente sa komunidad, lalo na’t matagal nang umiinit ang tensyon kaugnay ng naturang pag-aari. Tiniyak naman ng pulisya na magpapatuloy ang malalimang imbestigasyon, kabilang ang pagkuha ng karagdagang pahayag at pagsusuri sa video evidence. | via BrigadaNews.ph

11/12/2025

SAN JUANICO BRIDGE, SUMAILALIM SA 15-TON LOAD LIMIT DRY RUN BAGO ANG OPISYAL NA PAGBUBUKAS

Nagsagawa ang mga awtoridad ng dry run para sa 15-ton weight limit sa San Juanico Bridge ngayong Disyembre 10, 2025, simula 3:00 ng hapon hanggang gabi. Sa naturang aktibidad, pinayagan ang mga truck at two-way traffic na tumawid sa tulay bilang paghahanda sa nakatakdang pagbubukas nito sa mas mataas na kapasidad.

Ayon sa mga opisyal, mahigpit na mino-monitor ang operasyon at pinaalalahanan ang mga motorista na sundin ang 30 kph speed limit habang tumatawid upang matiyak ang kaligtasan ng lahat.

Bahagi ito ng mga hakbang ng Department of Public Works and Highways (DPWH) para palakasin ang ilang bahagi ng halos 52-taóng gulang na tulay, na nagresulta sa pagpapatupad ng 3-ton load restriction noong Mayo 2025 dahil sa natukoy na structural concerns.

Nakatakda ang opisyal na pagbubukas ng tulay para sa mga 15-ton na sasakyan bukas, Biyernes, Disyembre 12, 2025, ayon sa DPWH. Sa araw na ito, maaari nang ganap na magamit ng mga motorista ang San Juanico Bridge sa bagong itinakdang load capacity.

Ang pagtaas sa pinapayagang bigat ay resulta ng ilang buwang structural assessment at mga pag-aayos upang masiguro na ligtas itong tumanggap ng mas mabibigat na sasakyan. Bilang pangunahing ugnayan sa pagitan ng Samar at Leyte, inaasahang mababawasan nito ang mga naging hamon sa transportasyon at logistics na dulot ng dating mas mababang limitasyon.

Patuloy kaming maghahatid ng mga update sa susunod na yugto ng pagbubukas ng San Juanico Bridge. | Photo: BiyaHero.ph

11/12/2025

Magsasampa ngayong umaga ang Department of Social Welfare and Development (DSWD) ng kasong kriminal sa Office of the Ombudsman laban sa ilang lokal na opisyal ng Iloilo City kaugnay ng umano’y anomalya sa programang Assistance to Individuals in Crisis Situation (AICS).

Ito ay matapos makatanggap ang ahensya ng impormasyon na ibinulsa umano ng ilang barangay officials ang cash assistance na nakalaan para sa mga lehitimong benepisyaryo ng AICS sa probinsya.

Dumating kaninang umaga ang mga tauhan ng DSWD sa Ombudsman dala ang ilang kahon ng dokumento na naglalaman ng ebidensya at impormasyon hinggil sa iniulat na anomalya.

Present din sa paghahain ng reklamo ang ilang opisyal ng DSWD, kabilang si Assistant Secretary Irene Dumlao, habang inaasahang magtutungo si DSWD Secretary Rex Gatchalian mamayang hapon upang personal na suportahan ang pagsasampa ng kaso.

Patuloy namang iniimbestigahan ng ahensya ang insidente upang matiyak na ang tulong na nakalaan para sa mga Pilipinong nangangailangan ay hindi maaabuso at makakarating sa tunay na benepisyaryo. | via RMN NEWS

Radyo Bandera Catarman

12/12/2025

12/12/2025

12/12/2025

12/12/2025

12/12/2025

12/12/2025

12/12/2025

12/12/2025

11/12/2025

11/12/2025

11/12/2025

11/12/2025

Address

Website

Alerts

Contact The Business

Shortcuts

Share

Category