Infinite Radio 102.3fm

01/08/2025

𝗟𝗶𝗽𝗮 𝗖𝗶𝘁𝘆 𝗮𝘁 𝗗𝗢𝗦𝗧-𝗖𝗮𝗹𝗮𝗯𝗮𝗿𝘇𝗼𝗻, 𝗦𝗮𝗻𝗶𝗯-𝗣𝘂𝘄𝗲𝗿𝘀𝗮 𝗽𝗮𝗿𝗮 𝘀𝗮 𝗦𝗺𝗮𝗿𝘁 𝗚𝗼𝘃𝗲𝗿𝗻𝗮𝗻𝗰𝗲 𝗮𝘁 𝗦𝘂𝘀𝘁𝗮𝗶𝗻𝗮𝗯𝗹𝗲 𝗗𝗲𝘃𝗲𝗹𝗼𝗽𝗺𝗲𝗻𝘁

Pormal nang nagtulungan ang Lungsod ng Lipa at Department of Science and Technology–Calabarzon (DOST-4A) upang isulong ang makabagong pamahalaan sa pamamagitan ng teknolohiya at inobasyon. Nilagdaan nina Lipa City Mayor Eric Africa at DOST-4A Regional Director Emelita Bagsit noong Hulyo 19 ang kasunduan para sa pagpapatupad ng dalawang pangunahing programa: ang Innovation, Science, and Technology for Accelerating Regional Technology-Based Development (iSTART) at Smart and Sustainable Communities (SSC).

Ayon kay John Maico Hernandez, information officer ng DOST-Batangas, ang iSTART program ay layong iayon ang mga lokal na plano ng lungsod sa mga makabagong solusyon gamit ang agham at teknolohiya. Dagdag niya, ang Lipa City ang kauna-unahang lungsod sa Batangas na magsasagawa ng ganitong uri ng programang nakatuon sa smart governance. Kabilang sa inisyatiba ang mga seminar at workshop na magpapalalim sa pagsusuri at pag-update ng mga lokal na development plans upang maisama ang S&T-based strategies. Samantala, ang SSC program ay tutulong sa mga LGU na makabuo ng roadmap at magpatupad ng mga proyektong nakaangkla sa sustainable development.

Ayon kay Hernandez, ang hakbang na ito ay naglalayong gawing modelo ang Lipa City sa paggamit ng teknolohiya para sa maunlad at matatag na pamahalaan, na maaaring sundan ng iba pang lungsod sa rehiyon.

01/08/2025

𝗧𝗮𝘁𝗹𝗼𝗻𝗴 𝗧𝗮𝗼𝗻𝗴 𝗗𝗮𝗴𝗱𝗮𝗴-𝗣𝗲𝗻𝘀𝘆𝗼𝗻 𝘀𝗮 𝗺𝗴𝗮 𝗦𝗦𝗦 𝗣𝗲𝗻𝘀𝗶𝗼𝗻𝗲𝗿𝘀, 𝗨𝘂𝗺𝗽𝗶𝘀𝗮𝗵𝗮𝗻 𝘀𝗮 𝗦𝗲𝘁𝘆𝗲𝗺𝗯𝗿𝗲

Inanunsyo ng Social Security System (SSS) na magkakaroon ng pagtaas sa mga pensyon sa loob ng tatlong taon simula Setyembre 2025. Ayon sa pahayag ng SSS, tataas ang mga pensyon para sa mga retirado, may kapansanan, at survivor beneficiaries sa tatlong yugto taun-taon mula 2025 hanggang 2027.

Sa Setyembre 2025, makakatanggap ng 10% dagdag ang mga tumatanggap ng retirement at disability pension, habang 5% naman ang itataas ng survivor pension. Mauulit ang parehong porsyento ng dagdag sa parehong buwan sa 2026 at 2027. Upang maging kwalipikado, kailangang pensyonado na ang isang miyembro bago mag-Agosto ng nasabing taon.

Nilinaw din ng SSS na walang dagdag sa kontribusyon habang ipinatutupad ang pension increase sa loob ng tatlong taon. Ito ay bunga ng malakas na cash flow dulot ng mga naunang itinaas na kontribusyon mula 2019 hanggang 2025 alinsunod sa Social Security Act of 2018, pati na rin ang magandang performance ng pondo mula Enero hanggang Abril 2025. Dagdag pa ng SSS, tinatayang aabot sa P117.2 bilyon ang maidadagdag sa consumer spending sa susunod na tatlong taon dahil sa dagdag pensyon, na inaasahang magpapasigla rin sa ekonomiya.

“We are rolling out a rational and sustainable pension increase that uplifts all pensioners without compromising the fund’s actuarial soundness,” pahayag ni SSS President Robert Joseph De Claro.

01/08/2025

𝗟𝗲𝗴𝗮𝗿𝗱𝗮 𝗕𝗶𝗻𝗶𝗯𝗶𝗴𝘆𝗮𝗻𝗴-𝗗𝗶𝗶𝗻 𝗮𝗻𝗴 𝗞𝗮𝘀𝗮𝘆𝘀𝗮𝘆𝗮𝗻 𝗕𝗶𝗹𝗮𝗻𝗴 𝗦𝘂𝘀𝗶 𝘀𝗮 𝗞𝗮𝘀𝗮𝗿𝗶𝗻𝗹𝗮𝗻

Sa pagdiriwang ng ika-127 anibersaryo ng Bacoor Assembly noong Agosto 1, 2025, binigyang-diin ni Senadora Loren Legarda ang kahalagahan ng pagkakaisa at pagbabalik-tanaw sa kasaysayan upang mapanatili ang kasarinlan ng Pilipinas.

Sa makasaysayang pook sa Bacoor, Cavite kung saan nilagdaan ang bersyon ng Deklarasyon ng Kasarinlan ni Apolinario Mabini noong 1898, ipinaliwanag ni Legarda na ang Bacoor Assembly ay nag-alis ng mga sanggunian sa dayuhang kapangyarihan upang pagtibayin ang soberanya ng bansa, na humantong sa pagbuo ng Kongreso ng Malolos.

Binanggit din niya ang ambag ng kanyang lolo sa tuhod na si Ariston Gella bilang kinatawan ng Antique sa nasabing kongreso.

Bilang mambabatas, isinusulong ni Legarda ang mga batas ukol sa kasaysayan at kultura, tulad ng Republic Act No. 12073 na nagtatakda sa Agosto 1 bilang "Araw ng Paglalathala at Pagtatanyag ng Kasarinlan ng Pilipinas," pati na ang National Cultural Heritage Act, Cultural Mapping Law, at mga proyektong gaya ng Schools of Living Traditions at Dayaw.

Sa kanyang talumpati, binigyang-diin niya na ang pagkilala sa kasaysayan at ang diwa ng pagkakaisa ang nagpapalalim sa tunay na kalayaan ng sambayanang Pilipino.

31/07/2025

Morning Prayer 🙏

31/07/2025

Congratulations Mary Grace Gonzales ng Brgy Bawi Padre Garcia ang Ating 2nd winner sa Pabwenas na Bigas hatid ni Boss Eric Cabrera

Kaya ugaliing makinig araw araw baka kayo na ang susunod na manalo ng isang sakong bigas tuwing biyernes

31/07/2025

Mayor Brigido "D**g" Villena ng Taysan, Batangas, Pararangalan sa 6th Laguna Excellence Awards

Taysan, Batangas
Isang karangalan ang igagawad kay Mayor Brigido “D**g” Villena matapos tanghaling isa sa mga Outstanding Public Service Awardees sa gaganaping prestihiyosong 6th Laguna Excellence Awards.
Ang parangal ay pagkilala sa kanyang natatanging kontribusyon sa larangan ng serbisyo publiko, lalo na sa kanyang walang sawang paglilingkod at dedikasyon sa bayan ng Taysan.

Gaganapin ang seremonya ng paggagawad sa Agosto 24, 2025, sa Grand Ballroom ng Seda Hotel Nuvali, kung saan pararangalan ang mga lider, tagapagpatupad ng batas, at mga opisyal ng pamahalaan na nagsilbing huwaran ng integridad, transparency, at malasakit sa kanilang komunidad.

Ang Laguna Excellence Awards ay taunang pagkilala sa mga natatanging indibidwal sa rehiyon ng CALABARZON at karatig-lugar, na nagpamalas ng kahusayan at puso sa kanilang mga tungkulin. Sa taong ito, tampok ang mga programang nag-angat sa kabuhayan ng mamamayan, nagtataguyod ng tapat na pamamahala, at nagpapaigting ng pambansang pagkakaisa.

Sa pagkilalang ito, muling pinatunayan ni Mayor Villena na ang matatag na pamumuno at tunay na serbisyo ay susi sa progresibong bayan at inspirasyon sa mas malawak na bansa.

30/07/2025

Lipeños, ating suportahan si Marian Pimenta ng Brgy. Sabang sa The Clash 2025!
Ngayon na ang huling araw ng botohan, kaya wag na magpahuli, sundin na ang mga steps sa ibaba!
1. Sign in to your YouTube account
2. Go to The Clash official YouTube page:
3. Click on the "Posts" tab
4. Click on "Marian Pimenta" to cast your vote!

Lipeños, ating suportahan si Marian Pimenta ng Brgy. Sabang sa The Clash 2025!

Ngayon na ang huling araw ng botohan, kaya wag na magpahuli, sundin na ang mga steps sa ibaba!

1. Sign in to your YouTube account
2. Go to The Clash official YouTube page:
3. Click on the "Posts" tab
4. Click on "Marian Pimenta" to cast your vote!

30/07/2025

Balitang Lipa kasama si Ms. MheAnn Gutierrez at ang kanyang panayam kina Ms. AGNES P. NORBERTE, Supervising Administrative Officer
Records Division at Ms. MARIA NENE G. GAJE, MMT, Supervising Administrative Officer
Supply, Property and General Maintenance Division ng City General Services Office.

29/07/2025

Balitang Lipa Kasama si Ms. MheAnn Gutierrez at sina Dr. Diana Claudine C. De Leon at Dr. Jommel A. Lasay ng City Veterinary Office-Lipa

29/07/2025

Lingap Kabataan 2025 🎒🎉 | Isang araw ng saya, pag-asa, at malasakit!

Sa pangunguna ng Infinite Radio 102.3 FM, kasama ang masisigasig na intern mula sa BSU Lipa at si Sir Eric Cabrera, matagumpay na naisakatuparan ang Lingap Kabataan Outreach Program sa San Felipe Garcia Elementary School.

Naghatid kami ng mga masasarap na pagkain, masasayang laro, at mga kagamitang pang-eskwela para sa mga mag-aaral – kaakibat ng layuning magbigay ng inspirasyon at suporta sa kanilang pag-aaral. 📚

Lubos ang aming pasasalamat sa mga sponsor na tumulong upang maging posible ang aktibidad na ito, at sa pamunuan at g**o ng San Felipe Garcia Elementary School sa mainit na pagtanggap.

29/07/2025

Infinite Radio 1023.fm Lingap sa kabataan Kinder Garten Students of Brgy San Felipe Padre Garcia

28/07/2025

Balitang Lipa with Ms. MheAnn Gutierrez kasama sina Atty. Elsie S. Burgos at Dr. Joselito Umali II ng Lipa Hospital Systems!