The Voice of UPLB Devcomsoc

23/09/2025

↩️ 𝙍𝙚𝙩𝙪𝙧𝙣𝙞𝙣𝙜 with a 𝘳𝘦𝘯𝘦𝘸𝘦𝘥 𝘱𝘶𝘳𝘱𝘰𝘴𝘦. Because 𝐫𝐞𝐚𝐝𝐢𝐧𝐠 𝐢𝐬𝐧’𝐭 𝐣𝐮𝐬𝐭 𝐚 𝐬𝐤𝐢𝐥𝐥—𝐢𝐭’𝐬 𝐚 𝐫𝐢𝐠𝐡𝐭. 📚

21/09/2025

𝗔𝗡𝗚 𝗢𝗣𝗜𝗦𝗬𝗔𝗟 𝗡𝗔 𝗣𝗔𝗛𝗔𝗬𝗔𝗚 𝗡𝗚 𝗧𝗛𝗘 𝗩𝗢𝗜𝗖𝗘 𝗢𝗙 𝗨𝗣𝗟𝗕 𝗗𝗘𝗩𝗖𝗢𝗠𝗦𝗢𝗖 𝗦𝗔 𝗜𝗞𝗔-𝟱𝟯 𝗧𝗔𝗢𝗡𝗚 𝗔𝗡𝗜𝗕𝗘𝗥𝗦𝗔𝗥𝗬𝗢 𝗡𝗚 𝗗𝗘𝗞𝗟𝗔𝗥𝗔𝗦𝗬𝗢𝗡 𝗡𝗚 𝗠𝗔𝗥𝗧𝗜𝗔𝗟 𝗟𝗔𝗪

Nitong Setyembre 12, pinaabot ni Marcos Jr. ang kagustuhan niyang sumali sa mga rally dahil sa harap-harapang panloloko sa mga Pilipino patungkol sa flood control projects. Subalit, hindi dapat natin kalimutan ang tumatayang 𝟱 𝗵𝗮𝗻𝗴𝗴𝗮𝗻𝗴 𝟭𝟬 𝗯𝗶𝗹𝘆𝗼𝗻 na kinurakot sa mamamayang Pilipino noong panahon ng Martial Law na hanggang ngayon ay itinuturing pa rin na utang ng bansa.

Sa ngayon, naaprubahan na naman ang 𝟮𝟳.𝟮𝟵 𝗯𝗶𝗹𝘆𝗼𝗻𝗴 𝗯𝘂𝗱𝗴𝗲𝘁 para sa Tanggapan ng Pangulo sa gitna ng rumaragasang usapin ukol sa korapsyon na nangyayari sa likod ng flood control projects. Mahalaga ring tandaan na nagtaas ito ng 𝟳𝟮% kumpara sa dating budget na 𝟭𝟱.𝟴 𝗯𝗶𝗹𝘆𝗼𝗻.

Alalahanin natin ang halos 𝘁𝗮𝘁𝗹𝗼𝗻𝗴 𝗹𝗶𝗯𝗼𝗻𝗴 𝗸𝗼𝗹𝗲𝗸𝘀𝘆𝗼𝗻 𝗻𝗮 𝘀𝗮𝗽𝗮𝘁𝗼𝘀 ni Imelda Marcos na kanyang naiwan sa palasyo kasabay ng kanilang pagtakas dahil isa ito sa mga sumasalamin sa kanilang mga ninakaw nilang pera sa bayan. Tinatayang sampung bilyong dolyar ang nakulimbat ng mga Marcos sa masa habang ang mga Pilipino ay patuloy na nagdurusa sa hirap.

Hindi rin dapat natin kalimutan ang mga abogado, pinuno ng mga manggagawa, mga mamamahayag, mga nasa simbahan, at ang mga aktibistang inaresto at ikinulong noong panahon ng batas militar sa pagitan ng taong 𝟭𝟵𝟳𝟮 𝗮𝘁 𝟭𝟵𝟳𝟱 lamang.

Ninanais din ni Marcos Jr. na maging ‘peaceful’ ang mga raliyista sa darating na mobilisasyon ngayong Setyembre 21 sa Luneta, ngunit kailanman ay hindi naging ‘peaceful’ ang 𝟭𝟭,𝟭𝟬𝟯 𝗻𝗮 𝗛𝘂𝗺𝗮𝗻 𝗥𝗶𝗴𝗵𝘁𝘀 𝗩𝗶𝗼𝗹𝗮𝘁𝗶𝗼𝗻𝘀 noong Martial Law. Nariyan din ang walang awang pagpapatahimik at pagpatay sa mga peryodistang kumokontra kay Marcos.

Bilang organisasyon na itinatag noong 𝟭𝟵𝟳𝟮, parehas na taong idineklara ang Batas Militar, nakikiisa ang UPLB Development Communicators’ Society sa lahat ng naging biktima ng marahas na Martial Law, at sa lahat ng Pilipinong namulat at ngayo’y nakikibaka sa Luneta.

Sa kabila nito ay mariin ding kinokondena ng UPLB Development Communicators’ Society ang pilit na pagmumukhang anghel ni Marcos sa kabila ng flood control projects, kung ang pamilya Marcos din naman ang nangurakot ng bilyong bilyong pera sa kaban ng taumbayan. Kahit 𝟱𝟯 𝗻𝗮 𝘁𝗮𝗼𝗻 na ang nakalipas, huwag nating kakalimutan ang libo-libong Pilipinong napaslang noon.

𝗧𝗔𝗠𝗔 𝗡𝗔, 𝗦𝗢𝗕𝗥𝗔 𝗡𝗔!
𝗡𝗘𝗩𝗘𝗥 𝗔𝗚𝗔𝗜𝗡, 𝗡𝗘𝗩𝗘𝗥 𝗙𝗢𝗥𝗚𝗘𝗧! 𝗡𝗘𝗩𝗘𝗥 𝗔𝗚𝗔𝗜𝗡 𝗧𝗢 𝗠𝗔𝗥𝗧𝗜𝗔𝗟 𝗟𝗔𝗪!

19/09/2025

WATCH: Statement from UPLB Development Communicators’ Society during the candle lighting ceremony for the late victims of Martial Law.

19/09/2025

TINGNAN: Nagpatuloy ang pagkilos ng sangkaestudyantehan ng Devcom sa Carabao Park upang mas paigtingin ang mga panawagan para sa kalayaan ng midya at karapatan sa edukasyon ngayong araw, Setyembre 19, bilang pakikiisa sa ginaganap na university-wide campus walkout.

Sinimulan ng Umalohokan, Inc. ang mobilisasyon sa isang kultural na pagtatanghal, na sinundan ng mensahe mula sa sangkaguruan hinggil sa pagtutol sa budget cuts sa Unibersidad.

Samantala, tinalakay naman ng Tanglaw at College Editors Guild of the Philippines - Southern Tagalog (CEGP-ST) ang kasalukuyang lagay ng pamamahayag sa Unibersidad at rehiyon. Kinundena rin nila ang panggigipit ng estado sa mga pahayagan at alternatibong midya, na kumakaharap sa panunupil at kakulangan sa pondo at espasyo.

Binigyang-diin din ng CEGP-ST ang pagtawag para sa pagpapalitaw kay Faye Tallow, dating mag-aaral at organisador mula sa College of Media and Communication (CMC) sa UP Diliman, na dinakip ng mga pwersa ng estado noong Setyembre 6.

Magpapatuloy ang programa sa isang snake rally na sasalubong sa malawak na hanay ng mga mag-aaral at manggagawa ng UPLB. Susundan ito ng sentralisadong mobilisasyon sa HUM Steps.

📝: Prince Luke Cerdenia
📸: Kzuzvan Kay Casabal at Zy Nabiula

19/09/2025

19/09/2025

WATCH: The delegation of the College of Development Communication has now merged with other delegations from the University to continue the walkout in front of the Humanities Building.

19/09/2025

NOW: Students from the College of Development Communication gather in front of the NCQ Hall to commence the university-wide walkout today, September 19.

The delegation calls for genuine free education, to defend press freedom, and the expansion of student spaces.

14/09/2025

𝗟𝘂𝗯𝗼𝗴 𝘀𝗮 𝗡𝗮𝗸𝗮𝘄

𝗣𝗮𝗻𝗴𝘂𝗹𝗼𝗻𝗴 𝗧𝘂𝗱𝗹𝗶𝗻𝗴 | Mariing kinokondena ng UPLB Development Communicators’ Society ang harapang korapsyon sa mga ghost flood control projects na kinakasangkutan ng iba’t ibang politiko at mga kontraktor. Hindi ito maaring palampasin lamang, ating panagutin ang mga kurakot.

Noong ika-11 ng Agosto ay inilabas ni Pangulong Marcos ang listahan ng mga kontraktor na sangkot umano sa flood control projects na nagkakahalaga ng hindi bababa sa isang daang bilyong piso. Katakot takot na halaga ng pera ang pinag uusapan na sangkot sa korapsyon.

Umabot ng 118.5 bilyong pagkalugi sa ekonomiya ng Pilipinas mula taong 2023 hanggang 2025 dahil sa mga maanomalyang ghost flood control project, ayon ito kay Finance Secretary Ralph Recto. Ang ganitong kalaking pera ay katumbas na ng ilang ospital, silid aralan, at trabaho para sa mga Pilipino. Ang buwis na binabayad ng mga Pilipino ay napupunta lamang pala sa bulsa ng mga kurakot, at hindi para sa masang Pilipino.

Read more:
https://sites.google.com/up.edu.ph/the-voice-of-uplb-devcomsoc/opinion/editoryal-flood-control-project

08/09/2025

𝐎𝐩𝐢𝐬𝐲𝐚𝐥 𝐧𝐚 𝐏𝐚𝐡𝐚𝐲𝐚𝐠 𝐧𝐠 𝐓𝐡𝐞 𝐕𝐨𝐢𝐜𝐞 𝐨𝐟 𝐔𝐏𝐋𝐁 𝐃𝐞𝐯𝐞𝐥𝐨𝐩𝐦𝐞𝐧𝐭 𝐂𝐨𝐦𝐦𝐮𝐧𝐢𝐜𝐚𝐭𝐨𝐫𝐬' 𝐒𝐨𝐜𝐢𝐞𝐭𝐲 𝐬𝐚 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐋𝐢𝐭𝐞𝐫𝐚𝐜𝐲 𝐃𝐚𝐲

Sa kasalukuyan makikita natin na mabilis na ang pag-usbong ng teknolohiya. At sa patuloy na papag-usad nito, mas naging madali ang pagkuha ng iba’t ibang klase ng impormasyon. Dahil dito, naka-ugat ang literasiya bilang isang sandigan sa mas inklusibong paraan ng pagkatuto pagdating sa digital transition. Sa kasalukuyan, ang digital era ay malaking pagbabago sa ating lipunan, sa kung paano tayo natututo, nakikipagkomunikasyon, at sa pagkakaroong akses sa impormasyon.

Kaya ngayong buwan ay ipinagdiriwang natin ang International Literacy Day (ILD) na may temang “Promoting Literacy in the Digital Era” upang ipaalala sa lipunan ang kahalagahan ng literasiya bilang usapin ng dignidad at karapatang pantao, at isulong ang adyenda ng literasiya tungo sa mas may kaalaman at mas matatag na lipunan at ihabi natin ito sa digital media. Pagdating sa literisiya sa ating bansa, ayon sa FLEMMS (Functional Literacy, Education and Mass Media Survey), bagama’t mataas ang antas ng basic literacy ng Pilipinas na tinatalang 93.1% ayon sa talang inilahad nila noong nakaraang taon ng PSA, nanatiling isang malaking hamon ang tinatawag na functional literacy na nasa 70.8% lamang. Ibig sabihin, marami pa ring mga Pilipino ang marunong magbasa ngunit nahihirapang umunawa sa mga implikasyon ng kanilang mga nababasa o naririnig. Lalo pa ito naging komplikado sa mabilis na pagkalat ng mga misinformation at disinformation.

Ayon sa UNESCO, humigit kumulang 68% ng mga tao sa mundo ang gumagamit ng internet upang mag-access ng mga impormasyon. Bukod pa rito, sa bawat limang batang may edad 10 pataas ay may kakayahang gumamit ng mga mobile devices. Sa pag-akses natin sa mga ito ay dapat itong pag-aralan bilang pinagkukunan ng impormasyon at kung paano ito gamitin nang tama. Isa pa, laganap din sa digital era ang pagpapanday ng kritikal na kaisipan, sa dami ng impormasyon na ating nakukuha ay kaakibat nito ang malubhang misinformation at disinformation. Kaya ang literasiya ang maging pundasyon upang makasabay at maging responsable sa paggamit nitong mga teknolohiya.

Sa lumalaking populasyon sa buong mundo at lumalaking akses pagdating sa internet ay dapat matamo ng bawat isa ang karapatan at gabay sa pag-unlad na makatutulong sa pagkakaroon ng kasanayan pagdating sa paggamit ng digital information. Makasasabay din ang bawat isa kung patuloy natin itong susuportahan sa kabila ng pagkakaiba-iba ng wika, kultura, at pag-unawa. Inililihis nito ang atensyon mula sa teknolohikal na 'solusyonismo' tungo sa makatao at makamasang konteksto ng edukasyon.

Mahalagang aspeto rin na magkaroon ng literisyang nakasentro sa panahon ng digital age, na tumatalakay sa kahalagahan ng mas maayos na nabigasyon sa mga digital platforms. Naka-angkla rito ang pagkakaroon ng akses ng mga ordinaryong mamamayan sa impormasyong importante sa pagdedesisyon upangmagkakaroon ng maayos na polisiya at sistematikong balangkas. Isinusulong din ang pagtataguyod ng isang pantay at walang halong diskriminasyon sa iba pagdating sa pagkatuto– lahat ay mayroong sapat na edukasyon at patnubay. Layon din sana namakabuo ng isang inklusibong paraan kung saan may sistema ng pagkatuto na hindi lamang nagtatapos sa paaralan kundi nagpapatuloy habang-buhay.

Nawa’y ang literisya sa makabagong panahon ay hindi lamang nakasentro sa kakayahan ng bawat isa na magbasa’t magsulat, ngunit maging espasyo upang magkaroon tayo ng pag-unawa, pagsusuri, paglikha, at pagiging kritikal na kinakailangan natin upang makasabay sa mabilis na pagbabago ng teknolohiya. Ito rin ay isang paalala na maging isang responsable at mapanuring indibidwal sa pagkuha ng mga impormasyon at maging aktibong kalahok sa mga diskusyong dapat bigyan ng pansin, katulad ng literasiya.

Sa pagdiwang natin ng International Literacy Day, nananawagan ang UPLB Developmet Communicators’ Society na magkaroon ng isang inklusibong programa, polisiya at isang maayos na espasyo ng pagkatuto na may akses sa digital midya. Sa huli, ang literasiya ay isang magandang sandigan para sa pag-unlad na magpupunta sa atin upang magbuklod sa isang progresibong henerasyon at mas inklusibong kinabukasan.

Mga Sanggunian:

SHERYLIN UNTALAN, GMA Integrated News. (2025, July 31). PSA: Only 70.8% of Filipinos aged 10–64 functionally literate. GMA News Online. https://www.gmanetwork.com/news/topstories/nation/954393/psa-only-70-8-of-filipinos-aged-10-64-functionally-literate/story/

DepEd strengthens commitment to literacy as FLEMMS results show gains, opportunities | Department of Education. (2025, April 4). https://www.deped.gov.ph/2025/04/04/deped-strengthens-commitment-to-literacy-as-flemms-results-show-gains-opportunities/

31/08/2025

𝗦𝗮 𝗺𝗮𝘀𝗮𝗻𝗴 𝗽𝗶𝗻𝗮𝘁𝗮𝘁𝗮𝗵𝗶𝗺𝗶𝗸, 𝘀𝘂𝗺𝗶𝘀𝗶𝗯𝗼𝗹 𝗮𝗻𝗴 𝘀𝗶𝗴𝗮𝘄 𝗻𝗴 𝗽𝗮𝗵𝗮𝘆𝗮𝗴𝗮𝗻.

𝗡𝗮𝗸𝗶𝗸𝗶𝗶𝘀𝗮 𝗮𝗻𝗴 𝘀𝗮𝗻𝗴𝗸𝗮𝗲𝘀𝘁𝘂𝗱𝘆𝗮𝗻𝘁𝗲𝗵𝗮𝗻 𝗻𝗴 𝗞𝗼𝗹𝗲𝗵𝗶𝘆𝗼 𝗻𝗴 𝗞𝗼𝗺𝘂𝗻𝗶𝗸𝗮𝘀𝘆𝗼𝗻𝗴 𝗣𝗮𝗻𝗴𝗸𝗮𝘂𝗻𝗹𝗮𝗿𝗮𝗻—𝗸𝗮𝘀𝗮𝗺𝗮 𝗮𝗻𝗴 𝗺𝗴𝗮 𝗼𝗿𝗴𝗮𝗻𝗶𝘀𝗮𝘀𝘆𝗼𝗻, 𝗧𝗮𝗻𝗴𝗹𝗮𝘄, 𝗞𝗼𝗻𝘀𝗲𝗵𝗼 𝗻𝗴 𝗺𝗴𝗮 𝗠𝗮𝗴-𝗮𝗮𝗿𝗮𝗹, 𝗮𝘁 𝗞𝗼𝗻𝘀𝗲𝗵𝗼 𝗻𝗴 𝗺𝗴𝗮 𝗕𝗮𝗴𝗼𝗻𝗴 𝗠𝗮𝗴-𝗮𝗮𝗿𝗮𝗹—𝘀𝗮 𝗽𝗮𝗴𝗴𝘂𝗻𝗶𝘁𝗮 𝗻𝗴 𝗣𝗮𝗺𝗯𝗮𝗻𝘀𝗮𝗻𝗴 𝗔𝗿𝗮𝘄 𝗻𝗴 𝗠𝗮𝗹𝗮𝘆𝗮𝗻𝗴 𝗣𝗮𝗺𝗮𝗺𝗮𝗵𝗮𝘆𝗮𝗴.

Ipinahayag ng UP Alliance of Development Communication Students ang kapangyarihan ng kabataan at estudyante na itulak ang malayang pamamahayag, sa pamamagitan ng paglilingkod na may tapang at malasakit.

Mariin namang kinondena ng The UP Community Broadcasters' Society Inc. ang mga pag-atake ng administrasyong Duterte sa midya, at itinawid ang laban na ito sa kasalukuyang kalagayan ng Palestina, panawagan sa lahat ng Pilipino na makiisa para sa tunay na kalayaan sa pamamahayag.

Isiniwalat ng UPLB Development Communicators' Society kung paano nanatili ang bagong anyo ng pang-aabuso sa pamamahayag, kasabay ng panawagan na ipagpatuloy ang paglaban at paglathala laban sa pasismo ng estado.

Militanteng binigyang-diin ng Tanglaw na hindi matitigil ang digma para sa ganap na malaya at mapagpalayang peryodismo hangga’t nananatili ang panunupil sa mamamahayag at pagkakait sa karapatan ng sambayanan sa radikal na kamulatan.

Ang laban para sa malayang pamamahayag ay hindi nagtatapos sa isang gabi. Isa itong tuloy-tuloy na proseso ng pagyabong, ng paglinang ng bagong henerasyon ng mamamahayag at mamamayang handang lumaban kasama sila. Mananatiling makatarungan ang ating pakikibaka, sapagkat walang sinuman ang may karapatang magdikta kung ano lamang ang dapat malaman ng sambayanang Pilipino.

𝙋𝙖𝙧𝙖 𝙨𝙖 𝙠𝙖𝙩𝙤𝙩𝙤𝙝𝙖𝙣𝙖𝙣. 𝙋𝙖𝙧𝙖 𝙨𝙖 𝙡𝙞𝙥𝙪𝙣𝙖𝙣𝙜 𝙢𝙖𝙠𝙖𝙩𝙖𝙧𝙪𝙣𝙜𝙖𝙣. 𝙋𝙖𝙧𝙖 𝙨𝙖 𝙥𝙖𝙢𝙖𝙢𝙖𝙝𝙖𝙮𝙖𝙜 𝙣𝙖 𝙩𝙪𝙣𝙖𝙮 𝙣𝙖 𝙢𝙖𝙡𝙖𝙮𝙖!

31/08/2025

𝗦𝗮 𝗽𝗶𝗻𝗮𝗴𝗺𝘂𝗹𝗮𝗻, 𝘀𝗮 𝗹𝗮𝗸𝗮𝘀 𝗻𝗴 𝘄𝗶𝗸𝗮

𝗞𝗼𝗹𝘂𝗺 | Mapapansin na sa kabila ng selebrasyon tuwing Agosto, tila taliwas ang mga pangyayari ukol sa pagpapahalaga sa wika sa ating bansa. Ito ay isang nakakalungkot na realidad dahil kahit ang mga bata ngayon ay mas marunong na sa salitang ingles kaysa sa sariling wika.

Ang wika ay hindi lamang simpleng salita, ito ang nagbubuklod sa atin at ang nagbibigay kaalaman–ganyan kalakas ang kapangyarihan ng isang wika. Dito rin maimamapa ang ating pinagmulan at mga kultura. Kung kaya naman sa mga pagkakataong sariling wika ay nakakaligtaan, iba’t ibang resulta ang maaaring matunghayan.

Read more: https://sites.google.com/up.edu.ph/the-voice-of-uplb-devcomsoc/opinion/buwan-ng-wika-2025

31/03/2025

𝗜 𝗞𝗻𝗼𝘄 𝗮 𝗣𝗲𝗿𝗳𝗲𝗰𝘁 𝗪𝗼𝗺𝗮𝗻

She wore usual clothes and so subtle makeup, had her hair often messy, and stretched her back like she owned the day. Honestly, her appearance won’t always garner a second look. She isn't really noticeable. But right then and there, I’ve known a perfect woman.

On the busiest days of my senior year in college, I met her. She was on her second day of menstrual period–her eyes were noticeably swollen from crying for whatever pain she’s going through. After sharing her too-much-information remark, she checked on me to see if I could still carry on with my task. There is no need to prove that she’s worthy of being perfect. She already is just by being a woman.

Read more: https://sites.google.com/up.edu.ph/the-voice-of-uplb-devcomsoc/opinion