LB Times

03/06/2026

“It’s government funds in the first place. We have to deliver. Return on investment 'yan. Ano na’ng nangyari sa bilyon-bilyong pondo ng gobyerno? Kailangang bumalik in the form of money for the economy, jobs, MSMEs, and entrepreneurs.”

This was emphasized by Dr. Leah J. Buendia, Undersecretary for Research and Development of the Department of Science and Technology (DOST), during the 2nd S&T Impact Assessment Conference held at Acacia Hotel Manila on May 25–26, 2026.

Serving as keynote speaker, Buendia called on researchers from higher education institutions, government R&D agencies, and non-profit organizations to submit proposals under the DOST Grants-in-Aid Program. The call includes impact assessment projects that generate evidence to guide policymaking, improve programs, and maximize the value of public investments in research and development.

She added that capacity-building initiatives, such as the conference, are among DOST’s efforts to encourage the wider adoption of impact assessment in the research community. | via Miguel Victor Durian/LB Times

28/05/2026

Sa likod ng bawat bukas na pwesto sa palengke ay mga kuwentong puno ng sipag, sakripisyo, at pakikibaka.

Sa gitna ng mabilis na pag-usbong ng digital market, paano nga ba nakikisabay ang mga tindero at tindera ng Pamilihang Bayan ng Batong Malake?

Tunghayan ang “Sa Lunduyan ng Kalakalan” — isang TV feature documentary na binuo nina Colleen Abella at Samantha Olazo, na sumasalamin sa realidad ng mga lokal na vendor sa panahon ng makabagong kalakalan.

Panoorin sa TikTok: https://vt.tiktok.com/ZSxgsofA6/

26/05/2026

Sa pagdiriwang ng National Heritage Month, binibigyang-pugay ang mga lokal na industriyang patuloy na sumasalamin sa kultura, pagkamalikhain, at sipag ng mga Pilipino—kabilang na rito ang industriya ng tsinelas sa Liliw, Laguna, na kinikilalang “Tsinelas Capital of the Philippines.”

Sa likod ng de-kalidad, mura, at malikhaing produktong ipinagmamalaki ng bayan ay ang mga hamong iniwan ng pandemya at ang pausbong ng modernisasyon ng industriya.

Samahan si Rei La Torre sa “COOL-2-RA,” at tunghayan ang kanilang mga kwento tungkol sa mga hamon at ang patuloy na paglaban para kanilang tradisyon at kabuhayan.

Panoorin sa TikTok: https://vt.tiktok.com/ZSxgsTFjC/

26/05/2026

25/05/2026

19/05/2026

Mula sa identidad at mental health hanggang sa karahasan at politika, iba’t ibang usaping panlipunan ang itinampok sa Hulagpos: UPLB Theatre Fest 2026 na ginanap noong Mayo 7–9 sa D.L. Umali Hall.

Sa pamamagitan ng apat na set ng dula, binigyang-buhay ng mga mag-aaral ng BA Communication Arts ang mga kuwento ng pakikibaka, pagkawala, diskriminasyon, at paglaya sa makabagong lipunan.

Balikan ang mga pagtatanghal sa Hulagpos 2026, isang festival ng teatro na nagsilbing lunsaran ng malikhaing pagpapahayag at kritikal na diskurso. | via Erian Cabubas at Charlize Quijano/LB Times

19/05/2026

Malaking bahagi ng buhay kolehiyo ang matutong tumayo sa sariling mga paa, ngunit iba ang bigat nito kapag sumabay ang pagtaas ng mga gastusin sa paligid ng unibersidad.

Sa mga kainan at daan sa Los Baños, tahimik na sinusubok ng implasyon ang kakayahan ng mga estudyanteng makibagay sa realidad ng ekonomiya. Dahil ang edukasyon, hindi lang nagaganap sa loob ng silid-aralan.

Basahin ang kwento ng katatagan at diskarte ng mga estudyante sa istorya nina Therese Virtucio at Kimberly Fuentes sa https://wp.me/p7CmWa-bXu

18/05/2026

Nawawala 2026: Time Machine ng Umalohokan, Inc. ay isang student-led theater production na naglalakbay sa nakaraan, kasalukuyan, at hinaharap sa pamamagitan ng sining ng entablado. Handog ng organisasyon, tampok sa pagtatanghal ang samu’t saring kwento at realidad na sumasalamin sa pag-usad ng panahon at karanasan ng tao.

via Abigail Job Alla, Ysahbel Ardieta, at Aika Maeri Akioka/LB Times

17/05/2026

“Tama ang naging desisyon kong ibahagi sa publiko ang aking HIV status, dahil may mga taong naka-relate at nakakuha ng lakas mula rito.”

Ibinahagi ni Zoe Black, kinoronahang Mx. Love Yourself Universe 2023, ang kanyang karanasan bilang isang person living with HIV (PLHIV) at kung paano niya ginagamit ang kanyang kuwento upang hikayatin ang iba na magpa-test, magpagamot, at labanan ang diskriminasyon.

Samantala, ang CALABARZON ay nanatili bilang pangalawang rehiyon na may pinakamaraming kaso ng HIV sa Pilipinas, ayon sa datos ng Department of Health (DOH).

Ngayong International Day Against Homophobia, Biphobia, Transphobia at International AIDS Candlelight Memorial Day, alamin ang kahalagahan ng HIV testing at antiretroviral therapy (ART), gayundin ang patuloy na laban kontra stigma sa nina Princess Brillo, Aerylle Hernandez, at Francine Pineda: https://lbtimes.ph/spaghetti-pataas-o-pababa/