Pahayagang Ang Binhi

Pahayagang Ang Binhi Ang Binhi is the Official Student Publication of SLSU - College of Agriculture.

This is the only and official page of the official publication of the SLSU College of Agriculture under the new era of studentry, vision, and mission of the College and the newly established editorial board.

AB LETRA | Pagnilay sa Saliw ng AnodIsang gabi, napagtanto ko... mula sa karanasan sa kolehiyo, ito ay hindi lamang hamo...
16/10/2025

AB LETRA | Pagnilay sa Saliw ng Anod

Isang gabi, napagtanto ko... mula sa karanasan sa kolehiyo, ito ay hindi lamang hamon sa pagkatuto at pagabot sa pangarap. Isa rin itong hamon sa pagkasanay sa pangungulila at pagiisa – mag-isa sa mga bagay na sanay kang may kasama, kapag may sakit, kabiguan o mga selebrasyong ngayo'y nagiging isang matahimik na pagpupunyagi na lamang.

Ang kolehiyo ay tila dagat na tinatangay tayo sa iba't ibang dalampasigan. Maranasang minsa'y inaanod sa banayad na alon o madalas na maramdamang nilulunod ng pangamba hatid ng daluyong.

| Panitik ni Jamie Olase
| Dibuho ni Kaz'rel

BALITA | Pitong (7) Student Organization ng CAg, akreditado na ng OSAS.Opisyal nang inanunsyo ng Office of Student Affai...
16/10/2025

BALITA | Pitong (7) Student Organization ng CAg, akreditado na ng OSAS.

Opisyal nang inanunsyo ng Office of Student Affairs and Services - Student Organization and Activities ang listahan ng mga akreditadong Student Organization ng Southern Luzon State University (SLSU), Oktubre 16.

Pito (7) sa Kolehiyo ng Pagsasaka (CAg) ang aprobado ng nasabing Accrediting Agency kabilang na riyan ang International Forestry Students' Association, Mother Earth Ecosystem Society, Kybernetes Society, CAg Mountaineering Society, CAg Student Council, United Society of Animal Specialist - SLSU Chapter, gano'n din sa bagong tatag na CAg - Campus Emergency Response Team.

Lumago ang hanay ng mga akreditadong organisasyon ng CAg nang may nadagdag na dalawang (2) yunits sa listahan mula noong 2024-2025.

| Ulat ni Kent Noscal

PABATID | Lalawigan ng Quezon, Walang Pasok; Klase Suspendido Mula Oktubre 16–17 bunsod ng Pagtaas ng Kaso ng Flu at Pne...
15/10/2025

PABATID | Lalawigan ng Quezon, Walang Pasok; Klase Suspendido Mula Oktubre 16–17 bunsod ng Pagtaas ng Kaso ng Flu at Pneumonia

Ayon sa tangapan ng Provincial Governor, Dr. Helen Tan, suspendido ang klase sa lahat ng antas ng pampubliko at pribadong paaralan sa buong Lalawigan ng Quezon mula Oktubre 16 (Huwebes) hanggang Oktubre 17 ( Biyernes), 2025, bilang pag-iingat sa patuloy na pagtaas ng mga kaso ng flu at pneumonia.

Layunin ng hakbang na ito na mapangalagaan ang kalusugan at kaligtasan ng mga mag-aaral, g**o, at kawani ng paaralan, habang patuloy na minomonitor ng mga awtoridad ang kalagayang pangkalusugan sa probinsiya.

Samantala, naglabas rin ng direktiba ang Local Government Unit (LGU) ng Lucban na nagpahayag ng parehong anunsyo bilang pagsuporta sa inisyatiba ng pamahalaang panlalawigan.

Dagdag pa, pinagtibay ng Executive Order No. DHT-33, s. of 2025 ng Pamahalaang Panlalawigan ng Quezon at sa rekomendasyon ng University Contingency and Management Response Team ang pagdedeklara ng Southern Luzon State University (SLSU) ng suspensyon ng klase mula Oktubre 16 hanggang 17, 2025 sa lahat ng kampus nito.

Pinayuhan naman ang publiko na maingat at sumunod sa mga paalala ng kawani ng Department of Health (DOH) upang maiwasan ang pagkalat ng naturang mga sakit.

| Ulat ni Arth Theodore De Leon

AB AHON RANTS | Yung ramdam na ramdam mo talaga pagkaka-iba nung high school ka at ngayon college kana. Parang noon lang...
15/10/2025

AB AHON RANTS | Yung ramdam na ramdam mo talaga pagkaka-iba nung high school ka at ngayon college kana. Parang noon lang easy-easy tayo sa ating bahay pero bakit parang ang bilis ng pag babago ng lahat?

Noon, kapag may suspension happy ka pero ngayon pag nakita mo announcement na walang pasok, matataranta ka. Kesyo “HALA? Wala nanaman pasok, ano nanaman kaya isubmit ko? 😭”

O kaya naman na yung sabado at linggo mong pahinga parang sampung (10) segundo lang ang lumipas.

Sig**o, isa kadin nag iintay ng blessing sayo araw araw. Pero bakit school works ang nasalo?

O kaya naman, isa kadin sa naiirita sa kabrkada mong may pang-date sa jowa pero ayaw mag bayad ng utang?. Ano yun, date gusto? Bayad utang, ayaw?

O isa kadin sa naiingit pag nakikita mong may “How are you, baby?” ang kakilala mo.

Yung tila mapapa-SAKLAP ng buhay ka nalang. Awww

Ilan lang yan sa mga rants na ating nakikita, pero san ka mas nakaka-relate?

| Panulat ni Limuel Abuel
| Paglalapat ni Lester Rosales
| Mascot Design ni Jet Jerwin Permejo

Sa pagdiriwang ng National Farmers' Day, ang Pahayagang Ang Binhi ay kinikilala ang mga magsasaka sa kanilang kahanga-ha...
12/10/2025

Sa pagdiriwang ng National Farmers' Day, ang Pahayagang Ang Binhi ay kinikilala ang mga magsasaka sa kanilang kahanga-hangang pagtataguyod sa seguridad ng pagkain at sila rin ang tumatayong sentro ng ating pambansang ekonomiya.

Saludo sa walang humpay na dedikasyon sa pagani at pagpapatakbo ng ekonomiya ng bayan. Happy National Farmers' Day.

| Paglalapat ni Neo Garcia

TINGNAN | Idinaos ng Mother Earth Ecosystem Society (MEES) ang "General Orientation '25" para sa mga mag-aaral ng BS For...
11/10/2025

TINGNAN | Idinaos ng Mother Earth Ecosystem Society (MEES) ang "General Orientation '25" para sa mga mag-aaral ng BS Forestry mula 1st Year hanggang 3rd Year kahapon, Oktubre 10 sa SLSU College of Agriculture na layong ipabatid sa mga nasabing kalahok ang layunin at mga aktibidad ng organisasyon.

| Mga Kuhang Larawan ni Johnmarion Mabuting

AB FILMonday | Diary ng isang Kolehiyong Mapagpanggap| Kuhang Larawan ni Johnmarion Mabuting| Panulat ni Jamie Olase
06/10/2025

AB FILMonday | Diary ng isang Kolehiyong Mapagpanggap

| Kuhang Larawan ni Johnmarion Mabuting
| Panulat ni Jamie Olase

AB HIRAYA | Matutong Pumara Sa bawat patutunguhan na kaakibat ng paglalakbay, may tinig na dapat pakinggan at pagkatiwal...
05/10/2025

AB HIRAYA | Matutong Pumara

Sa bawat patutunguhan na kaakibat ng paglalakbay, may tinig na dapat pakinggan at pagkatiwalaan. Ito ay bahagi ng nakikibakang katawan sa patuloy na daloy ng buhay. Tinig na hindi natatapos sa isipan; tinig na dapat sabihin nang may buong salita at tunog.

Nagsisimula ang paglalakbay sa mga hakbang ng paa at takbo ng sasakyan. Sa paglayo ng distansya, nakahalili sa likuran ang resibo ng sinimulan at sa unahan ay ang gagawing pagpapatuloy. Pero hindi palaging tuwid sa lansangan; may pagkakataong matarik itong suungin; lubak kaya matagal lampasan; puno at nakakasulasok dahil sa problemang trapiko. Hindi biro sa lansangan, ito ang nagdurugtong sa lugar na kailangang puntahan.

Kung ano man ang sitwasyon sa daan, hindi na dapat magkaroon ng tunggalian sa isip kung saan, paano, at kailan hihinto. Sa oras na rumagasa ang agos sa lansangan o daan, patuloy na dadalhin ang bawat isa. Pumara ka sa mismong lugar kung ayaw mong lumampas. Pumara ka nang naaayon sa kung anong bugso ng damdamin. Pumara para sa sarili dahil may tinig kang dapat isigaw. Pumara ka dahil hindi kawalan ang pahinga kapag nakalapat ang mga paa sa daan. Pumara nang walang pangamba dahil alam mo kung saan ka tutungo. Pumara ka dahil hindi palaging paglakad at pagsakay ang buhay. Pumara na dahil uuwi rin ang kutsero, magsasara ang bawat tindahan, didilim sa daan, at tatahimik ang lansangan. May katawan kang dapat ingatan at sariling tuwid sa bahagyang pagkamit ng inaasam na patutunguhan.

| Panulat ni Raven Chavez
| Dibuho ni Sylphy

----
Maari mo ring basahin sa Medium, sundan ang link:
https://medium.com//matutong-pumara-4459a58092e5

AB PUGAD | Bayani sa BukidSa balat na kayumanggi, pawis ang siyang patak ng paghihirap Bawat hakbang ng tapat na kaagapa...
04/10/2025

AB PUGAD | Bayani sa Bukid

Sa balat na kayumanggi, pawis ang siyang patak ng paghihirap
Bawat hakbang ng tapat na kaagapay, kinabukasan ay unti-unting nauukit
Pawis at pagod, tunay na yaman,
Sa putikan, kwento ng tiyaga't pag-asa'y masisilayan.

| Kuhang Larawan at Panitik ni Divine Leonado

TINGNAN | IFSA naglunsad ng General Orientation ngayong taon sa Kolehiyo ng Pagsasaka.Pinasimulan ng International Fores...
04/10/2025

TINGNAN | IFSA naglunsad ng General Orientation ngayong taon sa Kolehiyo ng Pagsasaka.

Pinasimulan ng International Forestry Students’ Association SLSU Local Committee (IFSA SLSU-LC) ang pang-organisasyong oryentasyon para sa mga magaaral ng BS Forestry at BS Environmental Science sa lahat ng antas bilang bahagi ng pagpapakilala ng kanilang organisayon sa mga mag-aaral ng mga nasabing programa, Oktubre 3.

Tampok sa aktibidad ang pagdalo ni For. John Vincent Ravanzo bilang panauhing pagdangal sa pagbibigay ng mensahe at inspirasyon sa mga magaaral at nagnanais lumahok sa organisasyon. Si For. Ravanzo ang kaunahang pangulo ng IFSA mula nang opisyal na naitatag ito noong 2017 sa Southern Luzon State University (SLSU). Dagdag pa, nagbigay ng mensahe ang tagapagtaguyod ng organisasyon, Dr. Kathreena E. Gutierrez, at pamungad na pananalita ng kanilang g**ong tagapayo, For. Richard Valle, gayon din sa mensaheng ipinahayag ni For. Raffy Gordula.

Gano’n pa man, ang nasabing programa ay pinangasiwaan ng miyembro at pangulo ng organisasyon, Jamie Nicole Olase mula sa BS Forestry IV na kung saan binigyang linaw niya ang Vision-Mission at mga nakahaing plano at programa ng IFSA para sa pangakademikong taon ng 2025-2026. Bukas ang IFSA para sa mga nagnanais sumali mula sa mga magaaral ng BS Forestry at BS Environmental Science ng Kolehiyo.

| Ulat ni Kent Noscal
| Mga Kuhang Larawan ni Johnmarion Mabuting

AB KOMIKS | IskorDibuho ni Rusty
03/10/2025

AB KOMIKS | Iskor

Dibuho ni Rusty

Address

Lucban

Telephone

+639777036012

Website

Alerts

Be the first to know and let us send you an email when Pahayagang Ang Binhi posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Pahayagang Ang Binhi:

Shortcuts

Share

Category