30/08/2026
KOLUM || Boses Sa Patalim
ใBuwis buhay sa pagbabalita at paghahatid ng maaasahang papel na may layuning ipabatid ang katotohanan, hindi lang sa iisang lugar kundi sa buong mundo. Mga taong handang magsilbing boses ng mga mamamayan kapag may kasamaang nangyayari sa lipunan, lalo't higit sa pamahalaanโmga mamamahayag.
ใBilang mamamahayag, tungkulin naming magbalita at punahin ang mga mali, may kalayaan kaming gawin ang mga ito dahil kami ang boses ng masa. Kami'y magsasalita hindi lamang bilang mga indibidwal na may kalayaan kundi mga mamamayan na may pakialam sa mga nangyayari sa bayan. Dapat lang na may proteksyon kami bilang mamamahayagโproteksyong galing sa pamahalaan, ngunit tila sila pa ang nagpapahamak sa mga tagapagbalita ng katotohanan.
ใSa paglipas ng panahon, parami na ng parami ang mga nangyayaring kasamaan at katiwalian, kasabay nito ang kawalan ng kalayaan ng mga tao ng bayan, kawalan ng boses na magsalita't magreklamo kapag naagrabyado dahil sa takot na baka may kaakibat ang pag-imik laban sa kapangyarihan.
ใNgunit ang kaganapang ito ay labag sa karapatang pantao at taliwas sa konstitusyon. Nakasaad sa Batas na Republika Blg. 11458 (Sotto Law o Shield Law) na dating Republika Blg. 53 na may karapatan kaming mga mamamahayag na mag-ulat hangga't katotohanan ang aming isinusulat at ipinababatid sa taumbayan.
ใTila mga salita na lamang ang batas na nagpoprotekta sana sa mga mamamahayag, dahil hindi na pangamba sa pagdami ng isyu ang nangingibabawโkundi pangamba na mawalan ng buhay buhat sa mga artikulo na aming inaalay.
ใNakalulungkot na tila buhay na ang kapalit ng aming mga balita, tulad na lamang ng nangyari kay RJ Ledesma, isang mamamahayag na kabilang sa 19 na namatay sa Tubaso, Negros Occidental noong Abril sa pag-uulat ng nababagong mga inisyatibo sa enerhiya at epekto nito sa agrikultura.
ใGanito na lamang inilalagay sa peligro ng pamahalan ang buhay ng mga mamamahayag.
ใKung sino pa ang gumagawa at nag-aapruba ng mga batas ay sila pa ang may lakas ng loob na tumaliwas sa mga nakasaad dito, harap-harapan pa, wala na talagang hiya. Walang pakialam kung may mga mamamatay basta lamang hindi maibunyag ang mga kalapastanganang ginagawa sa bayan.
ใBilang mamamahayag, hindi lang kami basta sumusulat, kami'y naglalathala ng mga kwento ng mga Pilipino, mga kwento na magmumulat sa taumbayan sa tunay na estado ng bayan. Mga kwentong pilit tinatago ng gobyerno, palibhasa sila ang sangkot sa mga isyu.
ใNawawalan na ng boses ang lahat, nagkakaroong muli ng pagsesensor at pagbabawal magpahayag ng makatotohanang balita. Gusto ay puro lamang magaganda ang ilalathalang balita kahit na kabaliktaran nito ang katotohanan.
ใSa pagdami ng mga isyu, patuloy na itinatago ang kasamaan ng pamahalaan, binubulag ang mga mamamayan, at pilit na sinisiil ang ating mga karapatan.
ใNgayong National Press Freedom Day, nawa'y magkaroon na ng pagbabago. Nawa'y mabigyan ng tunay na proteksyon ang pamamahayag tulad ng nakapaloob sa ating batas at nawa'y wala nang mga buhay na malagay sa peligro para lamang magpalaganap ng katotohanan.
ใHanggat ganito pa rin ang ating kalagayan, hindi tunay na malaya ang pamamahayag at nawawalan ng saysay ang araw na atin ngayong ginugunita. ใ
ใKayaโt patuloy pa rin ang ating laban. Babangon tayo at magsasalita laban sa korapsyon at katiwalian. Patuloy nating isusulong ang katotohanan, at hinding hindi tayo magpapadaig sa mga nagnanais na lasunin ang utak ng taumbayanโkahit na may patalim sa ating lalamunan, manginig man ang ating mga boses, katotohanan pa rin ang lalabas sa ating mga labi.
# Chloe Ann Pecitas
