Balitang Bondoc Pen

02/09/2024

https://www.facebook.com/100063726648624/posts/1051776243623254/?mibextid=rS40aB7S9Ucbxw6v

Iligal umanong inaresto ng kapulisan sa San Franciso, Quezon ang tatay ng babaeng magsasakang biktima ng gawa-gawang reklamong 'Anti-Terror Law' ayon sa Tanggol Quezon.

Batay sa ulat ng human rights group, wala umanong hinaing search o arrest warrant ang kapulisan nang arestuhin si Roberto Mendoza, tatay ni Lieshel Mendoza, isang peasant rights advocate at human rights defender.

Anila, sinira pa ng mga awtoridad ang dingding ng koprahan ng mga Mendoza matapos itong arbitraryong halughugin.

Sinampahan umano ng gawa-gawang reklamo si Lieshel ng paglabag sa Anti-Terrorism Act of 2020 at The Terrorism Financing Prevention And Suppression Act of 2012 ng 85th Infantry Battalion noong Enero ngayong taon.

02/09/2024

HUMAN RIGHTS ALERT: Ama ng kababaihang magsasakang biktima ng gawa-gawang reklamong 'Anti-Terror Law,' iligal na inaresto ng kapulisan

Iligal na inaresto si Roberto Mendoza, ama ni Lieshel Mendoza, habang siya ay nagkokopras kahapon bandang alas-singko ng umaga sa Barangay Silongin, San Francisco, Quezon.

Walang inihaing search warrant o arrest warrant ang kapulisan nang arestuhin si Roberto. Sinira pa ng kapulisan ang dingding ng koprahan nina Roberto matapos itong arbitraryong halughugin.

Matatandaan na noong buwan ng Enero ngayong taon, sinampahan ng gawa-gawang reklamo si Lieshel ng paglabag umano sa Anti-Terrorism Act of 2020 at The Terrorism Financing Prevention And Suppression Act of 2012 ng 85th Infantry Battalion. Kasabay ito ng pagsasampa ng mga parehong reklamo kay Yulesita Ibañez, kapwa niya peasant rights advocate at human rights defender.

Malinaw na isa na naman itong taktika ng 85th IBPA at kapulisan upang takutin at pilit pasukuin si Lieshel bilang kasapi umano ng rebolosyunaryong grupo ng NPA. Sina Lieshel at Roberto ay mga ordinaryong magsasakang nagtatrabaho ng marangal at naninindigan sa kanilang karapatan.

Walang dapat na isuko ang mga Mendoza. Kung mayroon mang dapat sumuko, ito ay 85th IBPA at mga pulis na may patong-patong na kaso ng paglabag sa karapatang-pantao at kampon sa pangangamkam ng lupa sa Timog Quezon at Bondoc Peninsula.

29/08/2024

10/03/2022

https://www.facebook.com/267369284082838/posts/1119919508827807/?app=fbl

09/12/2021

https://www.facebook.com/267369284082838/posts/1063146197838472/?sfnsn=mo

" Dalawang Dekadang Kawalang Hustisya kay Nicanor Delos Santos!"

Pahayag sa Madla
Disyembre 8, 2021

"Ikalawang dekada nang ipinagkakait ang hustisya sa pagkakapaslang kay Nicanor “Ka Kano” Delos Santos, isang lider-Dumagat na magiting na lumaban sa pagkawasak ng kalikasan at pag-agaw sa lupang ninuno sa pagtatayo ng Kaliwa-Kanan-Laiban Dam sa Tanay, Rizal" ito ang pahayag ni Orly Marcellana, Pangrehiyong Tagapag-ugnay ng Tanggol Magsasaka Timog Katagalugan, ugnayan at bantay para sa lupa, hustisya at kapayapaan.

"Disyembre 8, 2001 nang pinatay sa Antipolo City Rizal si kasamang Nicanor Delos Santos na habang naghahatid ng pagkain sa mga naglulunsad ng human rights caravan sa bayan ng Tanay Rizal at aming nabalitaan ang ginawang pamamaril ng militar kay Ka Kano na nasa parehong lugar kung saan naroroon si Gloria Macapagal Arroyo at pinaratangan siyang isang miyembro ng New People’s Army o NPA" dagdag pa ni Marcellana.

"Dalawang dekada na ang nakaraan at patuloy na nananawagan ng “Hustisya” ang kanyang mga kapamilya at mga katutubong Dumagat ng Rizal. Siyam na buwan narin nang patayin ng pulis at militar sina Puroy at Randy Dela Cruz na taga Sta. Inez, Tanay Rizal na kabilang sa “Bloody Sunday Massacre” na lumaban din sa pagtatayo ng Kaliwa-Kanan-Laiban Dam" ani Marcellana.

Nananawagan kami sa lahat ng mamamayan na samahan kami sa paghahanap ng katarungan para kay Nicanor Delos Santos at mga biktima ng pamamaslang ng nagdaan at kasalukuyang rehimeng US-Duterte na umabot na sa 23 magsasaka at katutubo sa Timog Katagalugan ang pinatay sa ilalim ng pamamahala ni Duterte.
"Lalahok kaming mga magsasaka at mga katutubo sa paggunita ng Pangdaigdigang Araw ng Karapatang Pantao sa ika-10 Disyembre 2021 para patuloy na isigaw ang hustisya at itigil ang pamamaslang sa mga katutubo, magsasaka at aktibista" panghuling panawagan ni Orly Marcellana. # # #

21/11/2021

https://m.facebook.com/story.php?story_fbid=218525100421596&id=100067923229327

Sumagot ang 201st IBde -- na may hawak sa 85th IB at 59th IB sa post ng aming social media rally. Naririnig ba ng 201st IB ang sarili nila? Ang sinabi lang naman nila, kahit sila ang pumatay at namintang na NPA ang tatlong pinaslang at tatlo pang inaresto nila, ay Tanggol Quezon pa ang magpakilala at magpepresenta ng ebidensya. Syempre, hindi naman aamin ang 201st IB sa mga kasalanan nila at ng mga kabaro nila, at lalong hindi papasa ang sagot ng 201st IBde sa korte.

1. Hinggil sa labi ni Roderick Sinas: hindi sinabi ng 201st IBde na hindi nila kinilala ang Special Power of Attorney ng paralegal ng Karapatan ST na si Garcia sa ngalan ng kapamilya ni Roderick Sinas upang makuha ang labi at madala sa pamilya upang bigyan ng makatarungang libing. Ikinubli nila sa publiko ang katotohanang matapos makuha ang pagkakakilanlan ng kamag-anak ni Sinas, tinunton nila ang bahay nito at hinatak tungong Gumaca upang kunin ang kanilang permiso na ilibing at pinagsalita pa umano upang pasubalian ang malaya at masinsing pagpapaliwanag ng Karapatan sa ligal na proseso ng pagkuha ng mga labi at pagbibigay ng maayos at disenteng libing.

Tikom naman ang bibig ng 201st IBde at ng CO nito na si BGen. Norwyn Tolentino na inilibing nila si Sinas sa sementeryo sa Gumaca na para bang pataba sa lupa -- walang anumang palatandaang bato ni pag-aayos na ginawa. NPA man o hindi, karapatan ng isang tao na magkaroon ng marangal na libingan.

2. Napag-alaman namin na sinubukan nang kausapin ng pamilya ng tatlong inaresto ng AFP sa Gumaca. Ayon sa mga kapamilya, hindi sila pinayagan ng Gumaca PNP na makita at makausap nang personal ang mga inaresto. May tinatago ba ang 201st IBde at Gumaca PNP sa mga kapamilya ng mga inaresto?

3. Umaapaw na ang ebidensya, galit at sigaw ng hustisya ng mga kapamilya at kababayan ni Arnold Buri at Jorge Coronacion, dalawang magkokopra na pinaslang at posibleng tinortyur pa ng mga elemento ng 59th IB sa Sampaloc, Quezon. Nakabibingi ang katahimikan ng 59th IB hinggil dito, at pinanindigan pa ng sagot ng 201st IB, na may kumand sa 59th IB, na walang magiging kaparusahan ni imbestigasyon sa pamamaslang.

Nais naming paalalahanan ang 201st IBde at mga kumand ng AFP na nagka-copy paste ng pahayag nila, na umiiral ang Data Privacy Act upang protektahan ang impormasyon ng mga pribadong indibidwal tulad ng mga paralegal ng Karapatan-TK at Tanggol Quezon.

Kasalukuyan naming tinitipon ang mga yunit ng AFP na posibleng lumabag dito upang maisama sa mga posibleng aksyong ligal.

Sa huli, ang mga mahahangin at walang-batayang paratang ng AFP sa mga tagapagtanggol ng karapatang pantao, magsasaka't magniniyog, at mamamayang Quezonin ang mismong patunay kung bakit kailangang palayasin ang militar sa mga komunidad ng magniniyog sa probinsya at panagutin sila sa kaliwa't kanang paglabag sa karapatang pantao!

20/11/2021

https://m.facebook.com/story.php?story_fbid=217880990486007&id=100067923229327

Sa isang linggo sa probinsya ng Quezon:
- may pinatay ang 85th IB sa Gumaca, pinagbintangang NPA, at pinagkait sa pamilya ang bangkay;
- hinuli ang 3 katao sa Gumaca, kabilang ang isang magsasaka at dating bilanggong pulitikal, at;
- mistulang tinortyur ng 59th IB, pinatay at pinagbintangang NPA ang 2 magniniyog sa Sampaloc, Quezon.

Kaya, hinihikayat ang lahat na sumuporta sa gaganaping SOCIAL MEDIA RALLY mamayang 6PM. Magpost ng inyong opinyon kasama ng ating mga panawagan at hashtags.

Sunod-sunod na naman ang pamamaslang sa kamay ng mga berdugong militar! Labis namang naghihirap ang mga magniniyog na Quezonin dahil sa pandemya at sa napakababang presyo ng kopra at buong niyog.

Hindi na dapat magdusa ang mga Quezonin sa mistulang martial law sa probinsya! Hustisya para sa mga biktima ng paglabag sa karapatang pantao!