Quezon Reels

Quezon Reels People's Media in Quezon Province. WWW.QUEZONREELS.WORDPRESS.COM

Water for the People Network - QUEZON, PATULOY ANG PANAWAGAN PARA SA AKSESABLING TUBIGQUEZON PROVINCE — Nakikiisa ang Wa...
29/08/2026

Water for the People Network - QUEZON, PATULOY ANG PANAWAGAN PARA SA AKSESABLING TUBIG

QUEZON PROVINCE — Nakikiisa ang Water for the People Network (WPN)-Quezon sa panawagan ng WPN National para sa agarang pagkilos ng pamahalaan upang tugunan ang nagpapatuloy na krisis sa tubig na kinahaharap ng mamamayan sa buong bansa.

Sa Quezon, patuloy na pasan ng mga residente ang kakulangan at hindi maaasahang serbisyo sa tubig sa kabila ng pagpapalit ng pangalan at pagmamay-ari ng dating PrimeWater ng mga Villar, na ngayon ay Hiraya Water ni Lucio Co.

Sa maraming barangay sa Lucena, Pagbilao, at Tayabas, nananatiling suliranin ang kalidad at suplay ng tubig. May mga pagkakataong hangin lamang ang lumalabas sa gripo, habang kapag may suplay naman ay inirereklamo ang hindi kanais-nais na amoy at kulay ng tubig. Sa kabila nito, patuloy pa ring mataas ang singil sa mga konsyumer.

“Hindi sapat ang pagpapalit lamang ng pangalan at may-ari kung nananatili namang kapos at palpak ang serbisyong tinatanggap ng mamamayan. Ang tubig ay batayang pangangailangan at karapatan, hindi isang kalakal na dapat pagkakitaan,” ani Cynthia Tabernilla, Convenor ng WPN-Quezon.

Para sa WPN-Quezon, malinaw na hindi lamang simpleng problema sa serbisyo ang nararanasan ng mga mamamayan. Nakaugat ito sa isang sistemang nagpapahintulot na gawing negosyo ang mga batayang serbisyo at pangangailangan ng mamamayan.
“Sa halip na unahin ang kita ng mga pribadong kumpanya, dapat tiyakin ng pamahalaan na nauuna ang kapakanan at karapatan ng mamamayan. Hindi dapat nagdurusa ang mga pamilya dahil lamang ginawang negosyo ang tubig,” ani Tabernilla.

Sa harap ng patuloy na pambansang krisis sa tubig, nananawagan ang WPN-Quezon sa pambansa at lokal na pamahalaan na agarang kumilos upang tiyakin ang pantay na akses ng mamamayan sa malinis, sapat, maaasahan, at abot-kayang suplay ng tubig.
Bilang pangmatagalang solusyon, naninindigan ang WPN-Quezon na dapat ibalik sa taumbayan at lokal na pamahalaan ang pangangasiwa sa mga serbisyong pangtubig at wakasan ang pribatisasyon ng mga batayang serbisyo.

“Patuloy na kikilos at makikiisa ang mamamayan ng Quezon sa paniningil ng pananagutan sa mga pribadong kumpanyang kumikita sa gitna ng krisis sa tubig, at sa pagsusulong ng karapatan ng bawat mamamayan sa maayos, sapat, malinis, at abot-kayang serbisyo sa tubig,” pagtatapos ni Tabernilla.

NO TO WATER PRIVATIZATION!
TUBIG AY KARAPATAN, HINDI NEGOSYO!

Para sa karagdagang impormasyon:
Cynthia Tabernilla
Convenor, WPN-Quezon
0915 799 1343

22/08/2026

'MANGINGISDANG WALANG TUBIG' TEASER |
ISANG DOKUMENTARYO NG QUEZON REELS

Sa araw-araw na pagsuong sa alon ng buhay, tila palaging hibas ang pag-asa ng mga mangingisda ng Dalahican.

Sa pagitan ng bangka at lambat, hinahabol nila ang kabuhayang unti-unting hinihila palayo ng agos.

Maging sa laot man o sa kanilang pag-uwi sa pampang, isang bagay ang patuloy na nawawala: tubig.

Music: Moving Lines by Thierry Deneux and Viktor Mastoridis

Maglulunsad ngayong araw ang grupong The Good Samaritan ng isang relief drive operation para sa mga pamilyang naapektuha...
13/08/2026

Maglulunsad ngayong araw ang grupong The Good Samaritan ng isang relief drive operation para sa mga pamilyang naapektuhan ng Bagyong Luis at Bagyong Maymay.

Tumatanggap kami ng donasyon at volunteers na maaaring tumulong sa pangangalap, pag-iimpake, pag-aayos, at pamamahagi ng relief goods.

Maaari kayong tumulong sa pamamagitan ng:

- Pag-donate ng pagkain, tubig, hygiene kits, damit, at iba pang pangunahing pangangailangan
- Pagbibigay ng anumang halagang kayang ipagkaloob para sa pagbili ng relief supplies
- Pagiging volunteer sa relief drive at distribution operations
- Pagbabahagi ng impormasyon tungkol sa relief drive upang mas marami ang makaalam at makiisa

Anumang tulong, maliit man o malaki, ay mahalaga sa panahong nangangailangan ng sama-samang pagkilos.

Para sa mga nais mag-volunteer o magbigay ng donasyon, maaaring makipag-ugnayan sa pamamagitan ng pag message sa aming page.

Sa mga nais magpadala ng tulong Pinansyal:

09153809437
A. P. T.

Sa ika-5 State of the Nation Address (SONA) ni Marcos Jr., nagtungo sa Quezon City ang iba't ibang sektor mula sa probin...
28/07/2026

Sa ika-5 State of the Nation Address (SONA) ni Marcos Jr., nagtungo sa Quezon City ang iba't ibang sektor mula sa probinsya upang irehistro ang kanilang mga karaingan at panawagan kaugnay ng mga suliraning kanilang kinakaharap sa ilalim ng kanyang panunungkulan.

Kabilang sa mga isyung kanilang inilantad ang patuloy na bulok na serbisyo ng PrimeWater sa iba't ibang bayan ng Quezon, na nagdudulot ng matagal at madalas na pagkawala ng suplay ng tubig, maruming tubig na hindi ligtas gamitin, at mataas na singil sa kabila ng hindi maayos na serbisyo.

Bitbit din sa pagkilos ang panawagan tungkol sa isyu ng mga magsasaka sa Brgy. Ibabang Polo, Pagbilao tungkol sa kanilang pagtutol sa nagpapatuloy na land use conversion sa kanilang lugar kung saan ang mga dating lupaing agrikultural ay pinagtatayuan ng mga solar farms, at kanilang natanggap na intimidasyon mula sa mga armadong goons na nagpapalayas sa kanilang lupain.

Sa tatlong araw na caravan sa ilalim ng Hagupit ng Timog Katagalugan, Tumungo ang delegasyon Sa iba't ibang departamento tulad ng Department of Environmental Resources (DENR), Department of Agrarian Reform (DAR), at Department of National Defense (DND)

Sa pagbisita ni Marcos Jr. sa Quezon nitong Hulyo 21, ipinaabot ng mamamayan ang kanilang mga hinaing at panawagan.Nagti...
22/07/2026

Sa pagbisita ni Marcos Jr. sa Quezon nitong Hulyo 21, ipinaabot ng mamamayan ang kanilang mga hinaing at panawagan.

Nagtipon ang mga manininda, magsasaka, at maralitang sektor upang ihayag ang kanilang mga panawagan kasabay ng pagdalo ni Marcos Jr. sa ilalim ng programang "Bawat Bayan Makikinabang."

Ayon sa Tanggol Quezon, hindi matatakpan ng pamamahagi ng bigas at relief goods ang pananagutan ng administrasyon sa mamamayan. Anila, ang tunay na hinihingi ng taumbayan ay panagutin si Marcos Jr. sa kapabayaan sa gitna ng lumalalang krisis at sa pagpapatupad ng mga polisiyang kontra-mamamayan sa ilalim ng kanyang "Bigong Pilipinas."

Sa ilalim ng administrasyon ni Marcos Jr., patuloy na kinakaharap ng mamamayan ang samu't saring suliranin. Nariyan ang bulok na serbisyo ng tubig dulot ng PrimeWater, patuloy na pagtaas ng presyo ng mga bilihin, kakulangan ng suporta sa mga magsasaka at mangingisda, banta ng pagpapaalis sa mga manininda sa kanilang mga puwesto, at lumalalang kahirapan sa buong bansa. Dahil dito, iginiit ng mamamayan na hindi sapat ang pamamahagi ng bigas at iba pang panandaliang ayuda upang tugunan ang mga ugat ng krisis na kinakaharap ng mamamayan.

17/07/2026

May mga proyektong ipinakikilalang tanda ng pag-unlad, ngunit kapag sinuri ito sa harap ng karaniwang mamamayan, lumilitaw na ang unang pundasyong winawasak ay hindi ang gusali kundi ang kabuhayang matagal nang itinayo ng mga maralitang umaasa rito.

Ganito ang kinahaharap ngayon ng mga manininda sa palengke ng Sariaya, Quezon, kung saan nakatakdang isagawa ang demolisyon bilang bahagi ng proyektong inaprubahan ng lokal na pamahalaan.

TINGNAN | Naglunsad ng street art ang Armas – NDFP (Artista at Manunulat ng Sambayanan – National Democratic Front of th...
22/05/2026

TINGNAN | Naglunsad ng street art ang Armas – NDFP (Artista at Manunulat ng Sambayanan – National Democratic Front of the Philippines) Quezon Chapter bilang pagpupugay sa pakikibaka ng mga magsasaka sa lalawigan.

📸 from Quezon's Pov

TINGNAN | Mayo Uno rally sa Quezon, ikinasa ng mga estudyante, magsasaka, at maralita, sa temang "Palakasin At Isulong A...
02/05/2026

TINGNAN | Mayo Uno rally sa Quezon, ikinasa ng mga estudyante, magsasaka, at maralita, sa temang "Palakasin At Isulong Ang Pakikibaka ng mga Manggagawa Para Sa Sahod, Trabaho, at Karapatan" upang gunitain ang pandaigdigang araw ng mga manggagawa.

Itinampok nila ang panawagan para sa pagbabasura ng Oil Deregulation Law, Vat at Excise Tax, na ayon sakanila'y labis na napapataas ng presyo ng langis at mga bilihin. Itinampok din sa kanilang pagkilos ang pagtitigil ng Balikatan Exercises sa San Narciso, Quezon.

LOOK | Protest Action of SLSU Journalists under the College Editors Guild of the Philippines - Quezon (CEGP-Quezon) agai...
25/04/2026

LOOK | Protest Action of SLSU Journalists under the College Editors Guild of the Philippines - Quezon (CEGP-Quezon) against skyrocketing fuel prices, the AFP killings of Alyssa Alano and RJ Ledesma, and the Balikatan exercises in San Narciso, Quezon.

"Kagyat na panawagan ng mga kasapi ng CEGP-Quezon na ibasura ang Oil Deregulation Law, Excise Tax, at VAT, na lalong nagpapamahal sa presyo ng krudo at petrolyo." - the group said.

"Kaalinsabay nito, humihingi rin ng hustisya ang alyansa sa pagkasawi nina Alyssa Alano, isang student lider ng UP Diliman, at RJ Ledesma, na community journalist ng Altermidya, na walang habas na pinaslang ng mga militar habang bumibisita lamang sa komunidad sa Toboso, Negros Occidental na apektado ng strafing ng AFP." - the group added.

Photos from CEGP-Quezon

Address

Lucena

Website

Alerts

Be the first to know and let us send you an email when Quezon Reels posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Quezon Reels:

Shortcuts

Share

Category