16/10/2025
πππππππ πππLUTHANG ππ ππππππ, ππππππππ β πππππ
CARMEN, COTABATO β DAYON nga nalabaan sang kinabuhi ang Isa ka lalaki nga laborer matapos ginpalapitan kag ginpusil sang wala makilal-an nga suspek sa Sitio Tawan-tawan, Purok 13, Barangay Poblacion, Carmen, Cotabato, pasado alas-1 sang hapon, Oktubre 16, 2025.
Ginkilala ang biktima nga si Benjie Maningged, legal age, residente sang Purok 14, Manubuan Village, Poblacion Carmen.
Suno sa inisyal nga imbestigasyon, samtang nagalingkod ang biktima sa iya motorsiklo sa nasambit nga lugar, gilayon nga nag-abot ang suspek kag gintiro siya sa ulo gamit ang kalibre .45 nga pusil. Narekober sa lugar ang isa ka basiyo sang bala nga ginapatihan halin sa amo nga armas.
Gilayon nga nagresponde ang kapulisan nga ginapamunuan ni PEMS Eliazar Estrellas, upod ang MDRRMO ambulance, kag gindala ang biktima sa Carmen Hospital. Apang gindeklarar ini nga dead on arrival sang nagadumala nga doktor.
Ang suspek, matapos ang krimen, nagpalagyo sa indi matuod nga direksyon.
Dayon man nagkasa ang Carmen Municipal Police Station sang hot pursuit operation agud madakpan ang suspek.
Ginpatigayon ang mga checkpoint sa posible nga mga exit points sang banwa.
Kag gin-review ang CCTV footage sa palibot sang lugar agud makilala ang nagpalagyo nga suspek.
Padayon ang imbestigasyon kag ginalantaw sang mga otoridad ang posible nga motibo sa krimen.
