Ang Kawayan

10/10/2025

BALITA | Matapos ang 7.6 magnitude na lindol na tumama sa Davao Oriental, tinatayang nasa mahigit-kumulang 15 mag-aaral ng Madrid National High School ang nakaranas ng matinding pagkabigla, panic attack, at may ilan ding nahimatay dahil sa takot, kaninang alas 9:45 ng umaga.

Sa tulong ng Bureau of Fire Protection (BFP), Red Cross Youth (RCY), at School Disaster Risk Reduction Management (SDRRM), naagapan kaagad ang mga estudyanteng nakaranas ng pagkahilo at paghingal, habang ang ilan na nasa kritikal na kondisyon ay agad na dinala sa ospital.

Agad na pinalabas ng mga g**o at school personnel ang mga mag-aaral upang masig**o ang kanilang kaligtasan. Bilang pag-iingat, suspendido rin ang klase sa naturang paaralan upang mabigyang daan ang inspeksyon sa mga gusali at mapangalagaan ang kaligtasan ng mga estudyante at kawani.

Ulat ni Isshey Mayelle Varon / Ang Kawayan

18/09/2025

BALITA | Inilahad ni Mayor Juan Paolo Lopez ang kaniyang State of the Municipality Address (SOMA) o “Talumpati sa Kalagayan ng Munisipalidad” noong ika-13 ng Setyembre, sa Madrid Freedom Park. Layunin nito na ipaalam sa mga mamamayan ang mga nagawa, patakaran, at mga plano ng lokal na pamahalaan ng Madrid.

Ulat ni MG Therese Laine Guartel / Ang Kawayan

18/09/2025

BALITA | Sinimulan na ng Science Club ang isa sa kanilang gaganaping paligsahan na Poster Making Contest, na may temang "Spatialyze Surveying Societies Sensing Solutions" ngayong National Science Month nitong ika-10 ng Setyembre, 2025.

Ulat ni MG Therese Laine Guartel / Ang Kawayan

18/09/2025

BALITA | Upang mas mapaunlad ang kaalaman sa siyensya, Idinaos ng Madrid National High School ang National Science Month na may temang "Spatialyze Surveying Societies Sensing Solutions" nitong ika-8 ng Setyembre 2025.

Inanunsyo ng Science Club na magkakaroon ng paligsahan, Poster Making Contest, Cheering Contest at Iba pa.

Ulat ni MG Therese Laine Guartel / Ang Kawayan

18/09/2025

BALITA | Sinimulan na ang Launching Program ng Peer Mediator's Club (PMC) nitong ika-9 ng Setyembre, para sa pagdiriwang ng National Peace Consciousness Month 2025 na may temang "A Peaceful Tomorrow, Within Reach for a New Philippines."

Nagbahagi rin sila ng kanilang mga gagawing paligsahan, kasama ang Infomercial, Spoken Poetry, Mr. & Ms. Peace, at Iba pa.

Ulat ni MG Therese Laine Guartel / Ang Kawayan

18/09/2025

BALITA | Opisyal nang inilunsad ang Academic Recovery and Accessible Learning (ARAL) Program sa paaralan ng Madrid National High School nitong ika-11 ng Setyembre.

Ang ARAL Program ay alinsunod sa batas republika bilang 12028 o Republic Act No. 12028 na naglalayong tugunan ang mga nahuhuli sa pag-aaral o Learning Gaps lalo na sa pagbasa at komprehensyon, matematika, at agham.

Nagkaroon din sila ng opisyal na pagbubukas ng ARAL Classroom kasama ang mga major sponsors, SPTA President, at ang mga g**o ng mataas na paaralan ng Madrid.

Ulat ni MG Therese Laine Guartel / Ang Kawayan

06/09/2025

NGAYON | Sa kauna-unahang pagkakataon, nagtipon-tipon ang mga Taekwondoin na kabilang sa Philippine National Police Taekwondo Association (PNPTA) Caraga para dumalo sa Taekwondo Dual-Meet sa Madrid Convention Center bilang isa sa mga aktibidad sa pagdiriwang ng Linggo ng Kabataan at ikaapat na Palaro ng Bayan sa Madrid, kung saan naglalayong magkaroon ng kolaborasyon sa kabataan ng rehiyon.

Ulat ni Gian Carl Bico / Ang Kawayan

30/08/2025

TAMPOK SA ISPORTS | Sinimulan na ang bakbakan sa 'Land of Dawn' kung saan nagsagupaan ang mga manlalaro mula sa iba't ibang barangay ng Madrid sa ginaganap na Mobile Legends Bang Bang (MLBB) Tournament saklaw ng Linggo ng Kabataan 2025 dito sa Madrid Social Hall, ngayon.

Unang sumabak sa tunggalian ang mga manlalaro ng Barangay San Juan at Linibunan; matagumpay namang sinelyuhan ng San Juan ang panalo sa isang malinis na 2-0 na iskor matapos akayin ni Angelo Guardiana (mag-aaral mula sa Madrid National High School) ang koponan.

Sumunod namang nagtagisan ng husay ang mga manlalaro mula sa Barangay ng Quirino at Union kung saan nasungkit ng Quirino ang iskor sa unang game.

Gayunpaman, bumawi naman kaagad ang Barangay Union sa ikalawang game nang mapaamo nila ang panahon at sinigurado ang panalo.

Sa huli, napasakamay ng Barangay Quirino ang panalo, 2-1, nang dominahin nila ang kalaban sa ikatlong game.

Tutumbok ang Barangay San Juan at Quirino sa susunod na bracket upang kalabanin ang iba pang manlalaro ng iba't ibang barangay.

Ulat ni Rhan Quinnet Saloma / Ang Kawayan
Larawan nina Francis Vince Cale / The Green Leaf at Franz Maribao / Ang Kawayan

30/08/2025

TINGNAN | Isang mainit na pagbati para sa Madrid District matapos itong mahalal sa katatapos na Division School Paper Advisers and Campus Journalists Reorganization na ginanap nitong Agosto 29, 2025 sa Division Office Conference Hall, Tandag City.

DSPAA Officers Secondary
• Algien A. Parker – Vice President - External, Madrid NHS
• Ivy M. Arado – Secretary, Madrid NHS
DCJA Officer Secondary
• Gian Carl Bico – President, Madrid NHS
DSPAA Officer Elementary
• April Melody Velez-Mainit – Public Relations Officer, Madrid CES
DCJA Officer Elementary
• Ynah Hayagan – Treasurer, Union CES

Ang tagumpay na ito ay hindi lamang pagkilala sa kakayahan ng kabataang mamamahayag at g**o ng Madrid District, kundi isang panibagong hakbang tungo sa mas makabuluhan at de-kalidad na pamamahayag sa buong dibisyon ng Surigao del Sur.

Via Shielo Joyce Gruyal / Ang Kawayan

26/08/2025

26/08/2025

TAMPOK SA ISPORTS | Opisyal nang umarangkada ang laro ng Womens at Mens Volleyball teams nitong ika-23 ng Agosto bilang bahagi ng 2025 Linggo ng Kabatan at Ikaapat na Palaro ng Bayan ng Madrid.

Nagsimula ang sagupaan dakong alas 9:00 ng umaga sa pagitan ng mga babae at nagpatuloy 1:30 ng hapon bilang pagbubukas sa laban ng mga lalaki— tagisan ng taktika, lakas ng opensa't depensa ang pinakita ng Sanibunan vs Bayong, Pasay vs San Banga at Quirino vs Sonniun, na ginanap sa Bulwagan ng Linibunan.

Via Kenneth Laorden / Ang Kawayan
Larawan mula Francis Vince Cale / The Green Leaf

21/08/2025

TINGNAN | Bumida ang Sangguniang Kabataan (SK), kasama ang iba pang mga pangkabataang organisasyon, sa Madrid Convention Center para sa kasalukuyang ginaganap na Comprehensive Barangay Youth Development Plan (CBYDP) Workshop.

Layunin ng aktibidad na ito na mapaigting ang partisipasyon ng mga kabataan sa paggawa at pagpapatupad ng mga proyektong nakaangkla sa Sustainable Development Goals (SDGs).

Via Gian Carl Bico / Ang Kawayan