https://www.facebook.com/103458805193718/

107.3 DXMM Magnet FM, Maguindanao (2025)

25/07/2025

SALAM BARANGAY JULY 25, 2024| SALAM BARANGAY SULTAN KUDARAT, MAGUINDANAO DEL NORTE
Hosted by: SKM Municipal Administrator SULTAN BANJO M. MAMPON AL-HADJ Tuned in every Monday to Friday 7PM-8PM only on your number 1 FM station DXMM 107.3 Magnet FM. Disclaimer: We don't own the COPYRIGHT for this song, this video is for educational and public information purposes only. Sec. 107 of the Copyright Act 1979, allows this material for fair use. No copyright infringement intended. Lyrics and music belong to the rightful owner. radio station of Skiat Broadcasting Center 107.3 Magnet Fm.

25/07/2025

𝟮𝟬 𝗞𝗔𝗕𝗔𝗕𝗔𝗜𝗛𝗔𝗡 𝗦𝗔 𝗠𝗔𝗚𝗨𝗜𝗡𝗗𝗔𝗡𝗔𝗢 𝗗𝗘𝗟 𝗡𝗢𝗥𝗧𝗘, 𝗧𝗨𝗠𝗔𝗡𝗚𝗚𝗔𝗣 𝗡𝗚 𝗧𝗨𝗟𝗢𝗡𝗚 𝗣𝗜𝗡𝗔𝗡𝗦𝗬𝗔𝗟 𝗣𝗔𝗥𝗔 𝗦𝗔 𝗡𝗘𝗚𝗢𝗦𝗬𝗢

Dalawampung kababaihan mula sa Barangay Kinebeka, Datu Odin Sinsuat, Maguindanao del Norte, ang nakatanggap ng tulong pinansyal mula sa tanggapan ni Bangsamoro Transition Authority (BTA) interim Parliament Member Atty. Suharto “Teng” M. Ambolodto, MNSA.

Ang tulong na ito, na ipinagkaloob sa pakikipagtulungan ng Community and Family Services International (CFSI) para sa inisyatibong "Halal Condiment Technology Enterprise," ay naglalayong magtatag ng isang sustainable at women-led business na lilikha ng economic opportunities at mapabuti ang kabuhayan sa komunidad.

Ayon kay Noraida Abdullah Karim, CFSI Director for Mindanao Programme, ang inisyatibong ito sa ilalim ng Communities for Learning and Employment Project (CLEP) ay ipinatutupad upang isulong ang kapayapaan at sustainable local development sa anim na kampo ng Moro Islamic Liberation Front (M**F) at mga lugar na sakop nito. Nakikipagtulungan ang CLEP sa implementasyon ng proyekto sa mga piling ahensya, ministeryo, at tanggapan ng BARMM, Joint Task Forces on Camps Transformation (JTFCT), local government units (LGUs), at mga partner na kooperatiba o organisasyon ng mamamayan.

Bago pa man ang pamamahagi ng tulong pinansyal, nauna nang nakipagtulungan ang CFSI sa tanggapan ni MP Ambolodto noong Disyembre 2024 upang magsagawa ng limang araw na pagsasanay para sa 20 kababaihan mula sa MATADO cooperative, na nakatuon sa “hot sauce processing”. Ayon kay Myla Gumafelix, CLEP Community Organizer ng CFSI, ang mga kababaihang kalahok sa nasabing pagsasanay ay inaasahang magiging bahagi ng community-based enterprise.

Binigyang-diin ni MP Ambolodto na ang tulong pinansyal ay isang mahalagang paraan upang makabuo ng mas produktibo at self-sufficient community. Pinuri din ng mambabatas ang CFSI sapagkat pinapakita ng inisyatibong ito ang kapangyarihan ng kolaborasyon at ang epekto na maaaring makamit kapag nagtutulungan ang bawat isa upang palakasin ang mga komunidad.

Samantala, sinaksihan din ni Sukarno Akmad, kinatawan mula sa JTFCT-Badre, ang nasabing aktibidad.

25/07/2025

Pag-aayos ng Rido sa pagitan ng Dating Kapitan at Bagong Kapitan ng Barangay Sambulawan, naisakatuparan na❗️

Isang mahalagang hakbang tungo sa kapayapaan at kaunlaran ang isinagawa kamakailan sa Barangay Sambulawan, kung saan matagumpay na naayos ang alitang nag-ugat sa pagitan ng dating kapitan at kasalukuyang kapitan ng barangay. Ang nasabing pag-aayos ng rido ay pinangunahan ni Mayor Datu Shameem Mastura, bilang bahagi ng kanyang adbokasiya para sa pagkakaisa at kapayapaan sa buong bayan.

Ayon pa sa Alkalde, hindi kailanman dapat manaig ang personal na alitan sa pamayanan. Sa halip, ang kapayapaan, pagkakaunawaan, at pagmamahalan ang nararapat na mangibabaw upang makamit ang tunay na kaunlaran sa barangay at sa buong komunidad. Dagdag pa niya, mahalagang panatilihin ang diwa ng “pagkakaisa sa kabila ng pagkakaiba.”

Kasama rin sa nasabing aktibidad si Congresswoman Bai Dimple Mastura, na nagpahayag ng kanyang buong suporta sa mga hakbang ng lokal na pamahalaan upang tuldukan ang sigalot at masiguro ang katahimikan sa lugar. Ipinahayag ni Congresswoman Mastura ang kanyang paghanga sa katapangan at pagpapakumbaba ng magkabilang panig na piniling magkasundo para sa kapakanan ng mas nakararami.

Ang pagkakasundong ito ay nagbigay ng bagong pag-asa sa mga residente ng Barangay Sambulawan, na matagal nang umaasam ng kapayapaang pangmatagalan. Isa rin itong malinaw na mensahe sa lahat ng lider-barangay at mamamayan na ang tunay na pamumuno ay nasusukat hindi lamang sa lakas ng paninindigan kundi sa kakayahang isantabi ang personal na interes para sa kapakanan ng nakararami.

Ang lokal na pamahalaan ay patuloy na magsusulong ng mga katulad na hakbang upang maisulong ang mapayapang pamumuhay at matatag na komunidad sa buong bayan.

25/07/2025

JULY 25, 2025 | Muharram 30, 1447 " GABAY NG QUR'AN " Radio Dawah Program ng TMDF - The Mindanao Dawah Foundation.Mula Lunes - Beyernes alas 3:00 - 5:00 p.m.. Sponsored by MAYOR DATU TUCAO ' AHMAD ' O.MASTURA AT ANCHOR: 1. MWT - ABDULMOHAYMIN P.JACOBO 2. TUESDAY - AHMAD ESTOMO AT BRO ABDULKAHAR DATUAN Disclaimer: We didn't own the COPYRIGHT© for this song; this video is for educational and religious purposes only. Sec. 107 of the Copyright Act. 1979 allows for this material to be used for fair use. No copyright infringement is intended. The lyrics and music belong to the rightful owner. 3. Megahertz. Magnet FM. Magnet FM.

25/07/2025

Samahang serbisyo publiko ng Malungon LGU at SMI lumalawig

Labing-anim na taon ng nagtutulungan ang municipal government ng Malungon sa probinsya ng Sarangani at ang Sagittarius Mines Incorporated sa mga proyektong pang-serbisyo publiko at ang mga ito ay mas magiging ekstensibo pa, ayon sa mga local executives at mga kinatawan ng kumpanya.

Sa ulat ng mga media outfits sa Central Mindanao nitong Biyernes, July 25, 2025, binigyang halaga ng mga kinatawan ng Malungon local government unit ang samahan nito at ng Sagittarius Mines Incorporated, mas kilala bilang SMI, sa pamamagitan ng 16 years Partnership Day na kaugnay ng selebrasyon ng 56th founding anniversary nitong July 13, 2025 ng Malungon, isa sa mga bayan na sakop ng Sarangani province sa Region 12.

Mismong si Malungon Mayor Reynaldo Constantino ang nagpasalamat sa SMI sa mga proyekto nitong pangkabuhayan, mga humanitarian, socio-economic at education support activities nito para sa mga residente ng Malungon, kabilang na ang mga etnikong Blaan na sakop nito.

"Sa ating partner na Sagittarius Mines Incorporated maraming, maraming Salamat. Nais naming magpatuloy ang ating magandang samahan," ani Mayor Constantino.

Ayon kay Mayor Constantino at kanyang mga constituent-leaders, ilang mga residente na ng Malungon ang nakapagtapos, nitong nakalipas na ilang mga taon, ng college bilang scholars ng SMI.

Ang SMI ay kinontrata ng national government na magpatupad ng Tampakan Copper-Gold Project sa Tampakan, South Cotabato na nakatakda ng magsimula. May basbas ang tribong Blaan sa Tampakan, South Cotabato sa proyekto, nakasaad sa kanilang Free Prior and Informed Consent na may lagda ng kanilang mga tribal leaders.

Sakop ng copper and gold mining project sa Tampakan ang ilang mga lugar sa Malungon at sa mga bayan ng Columbio sa Sultan Kudarat, sa Kiblawan sa Davao del Sur at mismo sa Tampakan, mga 16 na kilometro lang ang layo mula sa Koronadal City, ang kabisera ng South Cotabato.

Mismong mga local executives ng naturang mga bayan, kabilang sa kanila si Malungon Vice Mayor Ma. Theresa Constantino at Kiblawan Mayor Joel Calma ang nagpahayag na bagama’t hindi pa nakakapagsimula ng Tampakan Copper-Gold Project, gumastos na ang SMI ng hindi bababa sa P2.2 billion para sa mga community-empowerment projects nito na naisagawa sa pakikipagtulungan ng kumpanya at ng kani-kanilang mga local government units.

Makikita sa larawan ang pagtanggap ng special citation plaque, mula kay Mayor Constantino, ni William Baang, senior superintendent ng community relations ng SMI, bilang parangal sa kumpanya sa isang seremonyang kaugnay ng Malungon 56th founding anniversary celebration nitong July 13 lang. (July 25, 2025)

25/07/2025

Napaka-honest na bata, dapat pamarisan

Ang bata sa larawan at si Denard B. Uy-uyon, 11-anyos na estudyante ng Panubtuban Elementary School sa bayan ng Asipulo sa lalawigan ng Ifugao.

Ibinalik niya ang napulot niyang P102,450 cash sa tunay may-ari batay sa mga ID na nakuha kasama ang nasabing halaga kamakalawa.

Isang residente ng Kiangan sa Ifugao ang naiulat na nagbigay ng P10,000 kay Denard dahil sa kanyang paghanga sa ipinakita na kabutihang loob ng bata, ayon sa mga ulat ng radio stations sa lalawigan ng Ifugao at sa Baguio City nitong Biyernes.

Umani ng paghanga at papuri ang mag-aaral na si Denard mula sa iba’t-ibang sector sa kanilang probinsya at mga karatig na mga lugar sa Luzon.

Ayon kay Denard, nakita niya ang isang pouch na naglalaman ng naturang pera sa loob pampasaherong jeepney na kanyang sinakyan.

Agad na nakipag-ugnayan ang ina ni Denard na si Daisy sa may-ari ng pera sa pamamagitan ng identification cards na nakita sa loob ng pouch na pinagsidlan nito.

Ang pera ay agad na naisuli kay Myrna Nalliw na empleyado ng isang kumpanya sa Ifugao. Sa salaysay ni Nalliw, galing sa bangko ang perang pag-aari ng kumpayang kanyang pinagtatrabahuan na kanyang naiwan sa isang public transportation.

Nagalak ang mga school teachers at principal ng Panubtuban Elementary School sa bayan ng Asipulo sa ipinakitang kabutihan ni Denard. (July 25, 2025, handout photos)

25/07/2025

Kapatid ng mayor, na-ambush sa Cotabato province

Biktima ng ambush ang kapatid ng isang mayor sa Special Geographic Area (SGA) ng Bangsamoro region sa probinsya ng Cotabato sa Region 12 nitong umaga ng Huwebes, July 24, 2025.

Ang ambush victim na si Dhen Mascud at kapatid ni Mayor Duma Mascud ng bagong tatag na bayan ng Kadayangan sa Cotabato province.

Ang naturang bayan ay sakop ng Bangsamoro Autonomous Region in Muslim Mindanao, ngunit nasa teritoryo ng Region 12.

Sakay si Mascud ng kanyang sasakyan, patungo sa kung saan, ng tambangan ng mga armado sa Barangay Agriculture sa Midsayap, Cotabato. Wala pang kumpleto, kumprehensibong ulat ang Midsayap Municipal Police Station hinggil sa kalagayan ng biktima.

Mabilis na nakatakas ang mga nag-ambush kay Mascud, ayon sa mga saksi. (July 24, 2025, handout photo)

25/07/2025

Residente ng Isabela City, Basilan patay sa ambush

Agad na namatay sa mga tama ng bala ang isang 26-anyos na welder ng tambangan ng mga armado sa Barangay Maligue sa Isabela City, Basilan nitong Miyerkules, July 23, 2025.

Naglalakad si Rajak Atulan Lasid pauwi sa kanilang tahanan sa Barangay Maligue ng paputukan ng mga nakaabang sa kanya na mabalis na nakatakas.

Sa ulat nitong Huwebes ng Isabela City Police Station, pitong tama ng bala ang tinamo ni Lasid na nagsanhi ng kanyang agarang kamatayan.

Nagtutulungan ang mga imbestigador ng Isabela City police force at barangay officials sa pagkilala sa mga pumatay kay Lasid upang masampahan ng mga kaukulang kaso. (July 24, 2025, handout photo)

25/07/2025

Cotabato governor, M**F tuloy ang peacebuilding efforts

Nagkaisa ang liderato ng Moro Islamic Liberation Front at si Cotabato Gov. Emmylou Taliño-Mendoza na mas palawigin pa ang kanilang kooperasyon sa pagsulong ng peace process ng M**F at ng Malacañang na saklaw ang kanyang probinsyang may mga kampo ng M**F at mayroong 63 barangays na sakop ng Bangsamoro Autonomous Region in Muslim Mindanao (BARMM).

Si Mendoza, ngayon second-termer governor na at kasalukuyang chairperson ng multi-sector Regional Development Council 12, ay dumalaw sa Camp Darapanan sa Sultan Kudarat, Maguindanao del Norte nitong Miyerkules, July 23, 2025, kung saan nag-usap sila nila M**F chairman Ahod Balawag Ebrahim at isa pang mataas na opisyal ng grupo, si BARMM Education Minister Muhaquer Iqbal, hinggil sa mga peace and development efforts ng M**F at Cotabato provincial government sa mga lugar na may mga Moro communities.

Suportado ng M**F at ng Moro National Liberation Front, sa pamumuno ng chairman nito na si BARMM Labor and Employment Minister Muslimin Sema, ang kandidatura ni Mendoza para sa ikalawang termino nitong May 12, 2025 elections dahil sa kanyang hindi pagiging anti-Moro at kanyang malawakang public service programs sa mga Moro communities sa mga bayan na sakop ng Cotabato province at sa kabisera nito, ang Kidapawan City.

May 63 barangays sa Cotabato province na sakop ng Administrative Region 12 na nakagrupo bilang Special Geographic Area-BARMM at nasa ilalim ng Bangsamoro government.

Ayon kina Ebrahim at Iqbal, bagama’t hindi na sakop ng provincial government ng Cotabato, walang tigil ang serbisyo publiko ng administrasyon ni Mendoza at kanyang mga constituent-mayors sa probinsya para sa mga Moro communities sa 63 SGA-BARMM barangays na ngayon nakagrupo na sa walong municipalities na itinatag ng BARMM parliament nitong nakalipas lang na taon.

Isang miyembro ng BARMM parliament, ang regional lawmaker na si Kelly Antao, ang siyang nag-escort kay Mendoza sa kampo ng M**F sa Barangay Darapanan sa Sultan Kudarat.

Si Antao ay dating elected member ng Cotabato Sangguniang Panlalawigan bago naitalagang member ng Bangsamoro parliament na may 80 na mga mambabatas na kasalukuyang pinamumunuan ni Chief Minister Abddulrauf Macacua na pinuno din ng Bangsamoro Islamic Armed Forces ng M**F at katuwang din ng gobernadora sa ilang mga humanitarian activities sa kanilang probinsya. (JULY 24, 2025)

25/07/2025

Umaraw man, o bumagyo, tuloy ang kasal

Hindi napigil ng baha ang kasal ng magsing-irog na sina Jade Jeric at Jamaica.

Tuloy ang kanilang kasal nitong Martes, July 22, kahit may baha sa kapaligiran at sa loob ng
Barasoain Church sa Malolos, Bulacan kung saan ito ginanap.

Isa ang probinsya ng Bulacan sa maraming lugar sa Metro Manila at Luzon na binaha sanhi ng ng malakas, paulit-ulit na ulan dulot ng Bagyong Crising. (July 23, handout photo, Our Lady of Mount Carmel Parish, Barasoain, Bulacan)

25/07/2025

Ilang istruktura sa Talitay, Maguindanao del Norte, tinupok ng apoy

Tinupok ng apoy ang ilang mga istruktura sa poblacion ng Talitay, Maguindanao del Norte nitong gabi ng Miyerkules, July 23, 2025.

May isang bata diumano ang na-trap sa isa sa mga gusaling tinupok ng apoy. Inaantabayanan pa ang ulat ng fire station ng Bureau of Fire Protection sa Talitay hinggil dito.

Nagtulungan ang mga bumbero ng BFP fire stations sa mga bayan ng Maguindanao del Sur at Maguindanao del Norte sa pag-apula ng sunog.

Inaantabayanan pa ang kumpletong ulat ng BFP, ng Maguindanao del Norte Risk Reduction and Management Office at ng Police Regional Office-Bangsamoro Autonomous Region hinggil sa insidente. (July 24, 2025)

25/07/2025

P8.7-M worth smuggled ci******es seized in Sulu police operation

Policemen seized P8.7 million worth of smuggled ci******es in an anti-smuggling operation in Barangay Tandu Bagua in Patikul town in Sulu on Tuesday, July 22.

Brig. Gen. Jaysen De Guzman, director of the Police Regional Office-Bangsamoro Autonomous Region, told reporters on Wednesday, July 23, that the 100 boxes containing ci******es made in Indonesia were found piled in a building in Barangay Tandu Bagua, due for delivery to buyers in different towns in Sulu.

Two men guarding the P8.7 million worth contraband were held for procedural interrogation by the police team that carried out the raid, according to De Guzman.

De Guzman said personnel of the Police Maritime unit in Sulu, combined operatives from the Patikul Municipal Police Station and the Sulu Provincial Police Office cooperated in the operation that resulted in the confiscation of 100 boxes of Indonesian-made ci******es, costing P8.7 million.

The confiscated imported ci******es shall be turned over to the Bureau of Customs, according to De Guzman.

Two men guarding the P8.7 million worth contraband were held for procedural interrogation by the policemen who carried out the raid, according to De Guzman.

De Guzman said the successful anti-smuggling operation was based on tips from vigilant residents of Patikul aware of the stockpiling by smugglers of the imported ci******es in Barangay Tandu Bagua that they were supposed to distribute to retailers in different areas in Sulu. (July 23, 2925)

107.3 DXMM Magnet FM

25/07/2025

25/07/2025

25/07/2025

25/07/2025

25/07/2025

25/07/2025

25/07/2025

25/07/2025

25/07/2025

25/07/2025

25/07/2025

25/07/2025

Address

Website

Alerts

Shortcuts

Share

Category