27/04/2025
"Who controls the past controls the future;
who controls the present controls the past."
—George Orwell
Si Felipe II o Philip II ng Espanya ay ang pinakamakapangyarihang tao sa mundo noong panahon niya, katumbas ng Pangulo ng Amerika ngayon. Alam natin na sa kanya pinangalan ang Filipinas ng Kastilang manggagalugad na si Ruy López de Villalobos noong 1542. Gaya ng lahat ng makapangyarihang tao, siya ay may maraming kaaway. May mga kaaway pa siya hanggang ngayon, walang tigil ang paninira sa kanyang pangalan, kasabay nito, maging ang bansa natin ay nadadamay. Sino nga ba talaga si Haring Felipe, paano siya nabuhay sa mundong ito?
Si Felipe ay pinanganak noong ika-21 ng Mayo taong 1527 at namatay siya noong ika-13 ng Setyembre taong 1598. Malawak ang kanyang nasasakupan. Naghari siya sa Espanya mula 1556 hanggang 1598. Bilang Haring Filipe I, o unang Filipe, siya rin ang hari ng Portugal mula 1581 hanggang 1598. Hari rin siya ng Naples at Sicily at siya'y naging Duke ng Milan. Noong napangasawa niya si Queen Mary I ng England, taong 1554 hanggang 1558, siya rin ang Hari ng England at Ireland. Matapos niyang mamuno sa iba't ibang kaharian, nanatili na lang siya bilang Hari ng Reino de Castilla. Kaya kilala natin ang mga Espanyol bilang Kastila dahil ang kanilang kaharian ay ang Kingdom of Castile.
Lumaki siya na mahilig mag-sulat ngunit hindi niya natapatan ang pagiging bihasa sa iba't ibang lenguahe ng kanyang ama na si Carlos I ng Espanya. Ang kanyang Ama ay kilala rin bilang Charles V ng Holy Roman Empire. Marami siyang mga g**o na may iba't ibang kakayahan. Sa kanyang murang edad, naging bihasa siya sa kaalaman sa digmaan.
Kilala siya sa palayaw na Felipe el Prudente, o Philip the Prudent. May teritoryo siya sa lahat ng kontinente sa Mundo, kabilang na ang Filipinas. Hindi man siya nakarating sa Filipinas, tuwing babaggitin ang Philippines o Filipinas, sa ayaw at sa gusto mo, ang kanyang ngalan ay nakadikit na dito. Panahon kasi ito ng tinatawag nilang Golden Age ng Espanya. Sinasabi nga nila, ang kanyang Imperyo ay hindi nilulubugan ng araw dahil sa kahit saang parte ng mundo ay may pag-aari siya. Noong bigyan ng pangalan ni Ruy López de Villalobos ang Filipinas, tinutukoy dito ay ang Samar at Leyte islands lang. Hanggang sa ang buong kalupaan ay Filipinas na. Kung hindi sa mga Kastila, wala tayong buong bansa. Ang mga pangkat etniko ay patuloy na mag-aalitan at maglalabanan sa teritoryo.
Nakasabay niyang nabuhay sina Martin Luther at King Henry VIII ng Inglatera. Ang buong Europa noon ay maraming problema, nababawasan ang malaking problemang ito kapag may pagkakaisa at hindi watak watak.
Isang daang taon lang matapos mamatay si Muhammad, ang mga Muslim conquerors ay umabot na sa Spain, nasakop nila ang buong Espanya noong ika-30 ng Abril taong 711. Nilimas nila lahat ng yaman at ang mga tao ay inalipin o binenta bilang alipin. Napigilan lang ang kanilang walang hintong pananakop noong matalo lang sila sa Battle of Tours ni Charles Martel noong 732, kaya't hindi nila nasakop ang buong Kontinente at sila ay napigilan sa pag-abante. Kung nasa lahi man ng mga Kastila ang pagiging bayolente, nakuha nila ang ganitong ugali sa mga muslim na mananakop. Mala-impyerno ang buhay ng mga Kristyano at Hudyo sa Espanya noong mga panahon na iyon, hindi sila tinatrato bilang kapantay ng mga Muslim. May special tax sila, ang Jizya na noon ay ipinapataw sa mga hindi Muslim. May isang Hudyo na napilitang ibenta ang anak dahil hindi nakapagbayad ng malaking buwis. Ito ang paraan nila para pilitin ang mga taong mag-convert sa Islam. Kapag muslim ka, hindi mataas ang buwis na ipapataw sa iyo.
Kasabay ng mga walang tigil na pananakop, ang Europa ay tinadtad ng walang tigil na pamimirata mula sa mga Muslim pirates, kinukuha nila ang mga kababaihan sa mga dalampasigan at binebentang alipin. Mabibilis ang mga arabo, ang mga sasakyang pandagat nila ay nakakarating sa bawat lugar sa Europa. Sa katunayan, ang salitang White Slavery ay mula sa pandurukot ng mga Arab, Barbary at Ottoman slave traders. Mahal ang bayad ng bumibili ng blonde na mga babaeng dinukot nila sa mga mapayapang mga nayon sa gilid ng mga baybay-dagat ng Europa. Kapag sinabing white slave, mas mamahalin ito sa mga black slaves. Mula noon, hanggang ngayon, walang tigil ang pangunguha nila ng mga batang babaeng taga-Europa para gawing alipin. Kung familiar ka sa pelikulang "Taken (2008)" alam mo ang sinasabi ko.
Ang Krusada ay hindi binuo para mang-alipin o magpahirap sa mga inosente, ito ay binuo para kalabanin ang Jihad ng mga Muslim laban sa Kristyanong Europa. Akala ng karamihan, ang Krusada ay naganap lang sa Middle East, may mga Krusada rin sa gaya ng Espanya kung saan ang mga Muslim ay pinipilit masakop ulit ang Espanya. Karamihan ng Krusada ay naganap sa teritoryo ng mga Kristyano, kung saan dinedepensahan lamang nila ang kanilang teritoryo. Sa paniniwalang Islam, ang lahat ng nasakop na ng Muslim ay dapat mabawi nila dahil pagaari nila ito magpakailanman. Sa mga propaganda ngayon ng mga Ingles, pinalilitaw nilang ang inosente ay ang kawawang muslim at ang abusado ay ang mga Crusaders. Ang totoo, ang naganap na Krusada ay mahahalintulad sa sarili mong bahay na pinasok ng mga kawatan, magnanakaw, lumaban ka, pumiglas ka, sa bandang huli, ikaw ang inakusahan na masama, dahil napatay mo ang mga mamamatay tao na manloloob sa bahay mo. Ang mga masasama ay binabaluktot ang kasaysayan. Ang totoong kasaysayan, ang mga Arabo at Turks ang mga mananakop, umalis sa kanilang bansa para maghasik ng lagim. Kailangan pang maghintay hanggang 1614 bago mawawala ang mga muslim sa Espanya at ang kanilang impluwensya, ngunit hindi tumigil ang mga piratang muslim sa kanilang mga malagim na gawain sa buong Europa na natutunan nila sa kanilang propeta mismo. Tuloy ang problema ng mga taga-Europa hanggang sa panahong mamatay na si Filipe II. Tuloy ang pamimirata at walang tigil na pag-atake.
Alam ni Haring Felipe ito at alam niya na ang tanging paraan para may laban ang mga taga-Europa sa mga mananakop ay ang palakasin ang kanyang Imperyo sa pamamagitan ng pangangalap ng kayamanan mula sa iba't ibang dako ng mundo. Alam rin niya at ng mga monarka na nauna na sa kanya, na mahalaga ang pagkakaisa sa bawat nasasakupan. Magastos ang paglaban sa mga rebelyon. Tuwing may sumusulpot na panibagong protestanteng pangkat, ang gusto nilang mailuklok na opisyales ng gobyerno ay kapwa nila protestante. Parating may rebelyon, alam nila na sa kasaysayan, ang pangunahing sanhi ng pagkawasak ng kapayapaan at pagkakaisa ay nagaganap sa loob, sa mga rebelyon nawawasak ang mga malalaking kabihasnan. Alam ng Haring Felipe na mahalaga ang papel ng Katolisismo upang mapanatiling buo ang kanyang Imperyo. Sa katunayan, malaki ang ebidensya na binuo mula sa wala ang mitolohiya na tinawag na Islam. Binuo ito ng dahil sa walang "pandikit" na magdidikit sa mga Arabo kung sila ay walang sariling relihiyon at magkakaiba ang paniniwala, nag-aaway away. Samantalang ang mga karatig pook mga Zoroastrians at Byzantine Empire ay may relihiyong masasabing kanila. Pinaliwanag ito ni Robert Spencer sa kanyang aklat, "Did Muhammad Exist?" (Panoorin: https://www.youtube.com/watch?v=J6bBeyaRjac)
Ang relihiyon ay isang unifying factor sa mga medieval kingdoms.
Kung ikaw ay isang Hari, ikaw ang lalapitan ng mga iba't ibang pinuno mula sa iba't ibang landas ng iyong nasasakupan tuwing sila ay nagkakaroon ng mga problema. Ang mga problema gaya ng kumakalat na epidemya, mga mananakop, mga alitan, ikaw na hari ang sasalo ng lahat na ito at ayaw mo nang mas pabigatin pa ang problema. Ang isa sa madaling solusyon na may maliit na masasayang na yaman ay ang panatilihing Katoliko ang buong kalupaan. Saan nga ba galing ang pagiging tapat ni Felipe sa kanyang relihiyon? Ang pagpigil sa Heretiko ay mahalaga sa Espanya upang mapanatiling buo ang kanilang kaharian at may laban sila sa mga mapanakop na mga muslim. Alam nila kung paano ang trato ng mga muslim sa mga hindi muslim at ayaw na nilang maulit ito. Nasakop na sila dati at hindi biro ang dinaanan nila para lang lumaya.
Ang kanyang anak, sa edad na labimpito, ang prinsipe na si Carlos ay nahulog sa hagdan noong 1562. Nakaligtas siya nung butasin ang kanyang bungo ng noon ay sikat na anatomist, si Andreas Vesalius. Ayon sa alamat, noong hindi mapagaling ang anak ni Philip, si Philip ay nangako sa Diyos na pagsisilbihan siya sa abot ng kanyang makakaya. Pagkatapos niyang magdasal ng todo, ang anak niya na si Carlos ay gumaling. Tandaan, noong mga panahon na ito, sila na ang pinakamakapangyarihan at pinakamayaman sa daigdig. Marami pa rin ang pagkakataong hindi nila abot ang solusyon sa mga problema at ang tanging kinakapitan nila ay relihiyon o ang ugnayan ng tao sa kanyang Diyos.
Makikilala ang tao lalo na ang isang hari sa kanyang tagumpay at kanyang mga pagkatalo. Napakalawak ng buong kasaysayan ni Haring Felipe, sa loob ng 42 years ng kanyang paghahari siya ay ika-apat sa pinakamatagal na naghari sa Espanya. Nangunguna si Philip V, ang ikalawa ay si Alfonso XIII, Philip IV ang ikatlo at siya ang ika-apat. Ang panlima ay ang ama niya na si Charles V, Holy Roman Emperor. Hindi ko na tutukuyin pa ang ibang mga nagawa ni Felipe.
Ang pinakamaipagmamayabang na tagumpay ni Philip II ay ang Battle of Lepanto na naganap noong ika-7 ng Oktubre taong 1571. Naganap ito sa Ionian Sea sa Gulf of Patras. Kalaban ng Holy League ang Imperyo ng mga Muslim, ang Ottoman Empire. Malaki ang naging papel ni Felipe sa pagkakatagumpay ng labanang ito. Ang Imperyo ng mga Turks ay walang awang sinakop ang ibang parte ng Europa at nais nilang sakupin ng buo ang Christian empire. Sinagot ito ng Santo Papa at ni King Philip II. Binubuo ang Holy League ng nagkakampihang mga Katolikong bansa. Ang pinuno ay ang Espanyol na admiral na si Don Juan of Austria. Siya ang katumbas ni Gen. Douglas McArthur o Chester W. Nimitz noong panahon na yun. Kahiya-hiyang tinalo ng todo ng pwersa ng Holy League ang mga mananakop na muslim. Dahil dito, nadala ng todo ang Ottoman Empire at hindi na muling naghasik ng malawakang pananakop gaya nito. Humigit kumulang 20,000 ang mga napatay at nahuli sa mga Ottoman turks at sa Holy League, mga 7,500 katao ang namatay. 17 lang sa mga sasakyang pandagat ng Holy League ang napalubog, samantalnag 50 ang napalubog sa Ottoman, 137 ang nahuli. 12,000 sa mga preso nilang Kristyano ay napalaya. Ang pagkakapanalong ito ay pinaniwalaang tinulungan ng Birheng Maria, ang Our Lady of Guadalupe. Ipinagdiriwang ngayon ang tagumpay na ito sa piesta ng Our Lady of the Rosary.
Hindi nag-iisa ang Battle of Lepanto sa mga battles na nilahukan ng mga Kastila laban sa mga mapanakop na muslim. Ano man ang dahilan kung bakit naging mahigpit, malupit ang mga Espanyol sa nasasakupan, masisisi lamang ito sa mga mapanakop na mga muslim. Ninanais ng Espanya na manatiling buo, malaya, kaya kailangan nilang may pagkakaisa, may sapat na yaman para harapin ang mga brutal na mga pangkat na nais sumira dito.
Labimpitong taon ang nakalipas, naganap naman ang pinakamalaking trahedya sa kasaysayan ng hukbong-dagat. Tumanda na si Haring Felipe sa mga panahon na ito. Ang Spanish Armada ay kilala na pinakamalaking pagkawala ng naparaming galyon sa giyera. Ito ay binuo ni Philip II para sakupin ang Inglatera dahil ang pinaniniwalaan niyang tamang tagapagmana ng trono na si Mary of Scots ay pinapatay ni Queen Elizabeth. Bago pa lang ito, malaki na ang ginawang kaguluhan ng imperyo ng mga Ingles. Si Queen Elizabeth ay pinopondohan ang rebellion ng mga Protestante sa Spanish Netherlands, marami ang namamatay doon dahil sa giyera. Para kay Philip, si Mary dapat ang Reyna ng Inglatera, ngunit pinapatay nga ito ni Elizabeth para sa kanya ang trono. Dahil dito siguradong may malaking pagbabago sa bansa. Ang mga Katoliko sa Inglatera ay may mala-impyernong buhay, sila ay pinahihirapan, dinudukot, pinapatay. Hindi na ito bago, alam na ng lahat ang kasaysayan ng Inglatera sa panahon pa lang ng ama ni Elizabeth na si Henry VIII, matindi na ang pagpapasakit na natamo ng mga Katoliko doon. Napakarami ng martir na pinapatay ng Hari ng Inglatera. Kapag ang isang Katolikong bansa gaya ng Inglatera ay pinilit mong magconvert sa ibang relihiyon, ang Anglikano, tiyak na marami ang ikukulong, mapapahirapan at papatayin dahil marami ang hindi papayag. Ganito kadesperado ang mga taga Inglatera, alam ng Haring Felipe at ng Santo Papa na kailangan ng tulong mula sa Espanya.
Sa Krusada pa lang, napakarami na ng yaman na nawala sa mga Kristyano, napakarami na ng buhay na naubos, ayaw na sana nila ng panibagong giyera ngunit ang invasion of England ay hindi mapipigilan. Kaya, ang Hari, bagamat siya ang pinakamayaman sa buong mundo ay nangalingan ng mas malaking kayamanan. Siya ay nangutang ng todo para mabuo ang 130 barko na magdadala ng 30,000 katao. Napakalaking gastos nito para masakop ang Inglatera, napakaraming tao ang kailangan, dahil isang buong bansa na nasa isla ang sasakupin mo. Hindi niya ito inantala dahil kung masasakop naman ang Inglatera, ang yaman na makukuha doon ay gagamitin na pang-bayad sa lahat ng nautangan niya. Kinuha niya ang batikang admiral na si Marquis de Santa Cruz. Ang gusto sana ni Santa Cruz ay bigyan pa siya ng mas mahabang oras para makapag-recruit ng mga sundalong magagaling at makapagplano. Alam ni Santa Cruz ang ginagawa niya habang si Philip II ay nauubusan na ng pasensya. Pebrero taong 1588, kung di ba naman talaga minamalas si Haring Felipe, namatay si Marquis de Santa Cruz.
Imbes na maghintay at kumuha ng magaling na kapalit ni Marquis, kinuha niya ang isang Duke Madina Sidonia para mamuno sa Armada. Isang Army General lang itong si Sidonia, hindi siya Navy. Nais ni Felipe na mapabilis ang Armada dahil habang naghihintay sila, may mga katolikong pinahihirapan at pinapatay na doon sa Inglatera. Napakaunti lang ng barkong pandigma ng mga Ingles, ngunit ginamit nila ang pinakamagagaling nilang pinuno. Pinamunuan nila Lord High Admiral Howard, Sir John Hawkins at Sir Francis Drake ang pagsalubong sa Armada. Alam nilang wala silang laban dito sa depensa, kaya sinugod nila ng maaga ang Armada sa Port of Clais sa Pransiya. Ang ginawa ng mga Ingles, sinunog nila ang mga barko at ibinunggo sa mga pantalan kung nasaan ang mga nakaparadang barko ng mga Kastila. Dahil nagulat at nasindak ang Armada, nagbanggaan ang mga nagmamadaling tumatakas sa apoy, ang mga hindi nakatakas ay nasunog ng tuluyan. Samantalang ang ibang nakaligtas ay nagipon-ipon sa Atlantic para bumuo ng isang plota na gaganti sa mga napalubog ng mga Ingles. Ngunit, dahil sa malas talaga, may nabuong bagyo sa karagatan.
Noong matapos ang labanan at ang bagyo, 76 lang sa 130 ships ang nakabalik, 15,000 katao ang namatay. Matapos ang pagkasawi ng napakaraming kawal ng Espanya sa Armada, nanatiling super-power ang Espanya, kahit noong namatay na ang Hari, ngunit paunti unti na itong bumagsak. Hindi na muling sumubok ang Espanya na sakupin ang Inglatera. Magiging mas mabuti ba ang mundo sakaling manalo ang Espanya? Ito yung kasabihang "God Works in Mysterious Ways". Kung naging Katolikong muli ang Inglatera at naging parte ito ng Espanya, mauulit lang muli ang ganitong pag-aalsa dahil may dagat na humihiwalay sa kanila. Maaaring humiwalay ulit ang Inglatera sa kanilang pamumuno. Sakaling sakop ng Espanya ang Inglatera, hindi magkakaroon ng kabihasnan ang mga Ingles, maging ang Estados Unidos, ang demokrasya ay hindi sisibol sa Amerika. Kung hindi magkakaroon ng Amerika at Inglatera, kung mauulit ang World War II, walang magiging tagapag-ligtas ang Europa. Sig**o ay sinadya ng tadhana na hindi maging matagumpay ang Armada. Sakaling makatawid sa Inglatera ang Armada, tiyak na matatalo ang mga Ingles dahil ang mga sundalong bitbit nito ay mga sanay sa labanan, di gaya ng mga Ingles na mas kaunti ang kasanayan sa bakbakan.
Noong ika-13 ng Setyembre taong 1598, pumanaw sa sakit na cancer si Felipe II. Ayon sa mga mananalaysay, ang Hari ng Espanya ay matagal na nagtiis sa matinding sakit bago siya mamatay. Wala na sig**ong mas masaklap pa sa taong dating matagumpay ang ginugol ang natitirang oras ng kanyang buhay sa pait ng pagkatalo habang nagdurusa siya ng pisikal na sakit sa katawan. Ngunit si Felipe ay nanatiling matagumpay dahil mananatili ang kanyang pangalan sa mas mahabang panahon. Sa kanya ipinangalan ang ating bansa, ang Pilipinas. Tuwing mananalo ang Pilipinas sa mga patimpalak, kadikit ang pangalan niya sa nabanggit. Marami ang gustong palitan ang pangalan ng Pilipinas dahil si Felipe ay kaaway ng mga Heretiko at ng Islam. Ang kanyang pamana sa mundo ay ang pagpapahalaga niya sa kanyang mga nasasakupan. Alam niya kung gaano karupok ang kabihasnan ng mga Kristyano, ang kabihasnan na nagbigay sa atin ng mga Unibersidad, mga Ospital, mga tuklas ng Agham at patas na Hustisya. Kung magpapasakop na lang tayo sa kadiliman ng Islam, wala nang kinabukasan pang maghihintay sa atin. Lahat ng tao sa mundo ay nakagapos, sunud-sunuran sa gusto ni Muhammad, hindi malaya.
Kaya pagdating ng mga Kastila sa Pilipinas, ang kanilang sinaunang kaaway ay dinatnan rin nila dito, ang mga Moro. Kaparehas rin ang kanilang gawain, sila ay umaasang magpayaman sa pandurukot ng mga batang babae sa mga dalampasigan. Halimbawa na lang ang Dumaguete ay isang lungsod sa Visayas, galing ang pangalan sa salitang "dagit" ipinangalan ito ni Diego López Povedano noong 1572, isang taon matapos ang Battle of Lepanto. Kilala kasi ang mga dalampasigan sa Dumaguete na inaatake ng mga Piratang Muslim para dagitin ang mga kababaihan.
Totoo na naging malupit ang mga Kastila sa mga Pilipino. Ang hindi nakikita ng mga Pilipino noon ay ang mas malaking larawan. May malakihang digmaan noon sa pagitan ng mga Kristyano at muslim, mga Krusada na nagaganap mismo sa Europa. Hindi mananakop ang mga Krusada, ito ay depensa sa kanilang tinubuan lupa. Sa katunayan, mas bayani pa ang mga lumahok sa Krusada kaysa sa mga lumahok sa Katipunan. Kung may masamang ugali man ang mga Kastila, marahil ay dumikit na rin sa kanila ang ugaling pamana ng mga Muslim sa kanila. Kung may masisisi man tayo sa kalupitan ng mga Kastila, ito ay ang mga Muslim rin na itinulak sila sa ganitong desperadong posisyon. Sa loob ng 300 taon, ang Espanya ay nasa control ng mga muslim. Dumikit sa kanilang ugali ang kalupitan ng mga muslim sa mga hindi muslim. Ang isa sa mga namanang ugali ng mga Espanyol sa mga muslim ay ang mahilig magpa-macho gaya sa mga telenovela, sa fictional Zorro ng mga Mehikano at mga nobela nila. Namana rin nila ang mga latigo na ginagamit ng mga muslim noon sa mga alipin. Naging mapaningil ang mga Kastila sa mga Pilipino noon upang mapondohan ang mga digmaan na sinimulan naman ng mga Protestante at mga muslim. Walang masama kung gusto mong depensahan ang kaharian mo laban sa mga gustong umalipin sa iyo.
Sa ngayon, dahil sa nanalo si Felipe II laban sa mga Ottoman na mga Muslim, hindi na muling sumubok manakop ang mga muslim, natandaan nila ito at tumatak sa kanilang isipan. Ngunit, dahil sa nanalo ang mga Protestante sa Armada, sila ngayon ang dumidikta sa kasaysayan. Binabaluktot nila ang malawak na kasaysayan ng Europa, pinasasama nila ang imahe ng Simbahan. Halimbawa na lang, sa pelikula ng ng Hollywood na Elizabeth noong 1998 at Elizabeth: The Golden Age noong 2007, ang pinalilitaw na kontra-bida ay ang Haring Felipe. Ngunit kung susuriin mo ng patas ang kasaysayan, makikita mong ang mga rebeldeng Protestante na nang-agaw ng trono ang talagang masasama. Si Elizabeth na reyna ang masama at nagpapahirap sa mga Katoliko. Sa ngayon, ang Inglatera ay isa sa mga bansang bukas sa pagpasok ng Islam, napakabilis dumami ng muslim sa Inglatera ngayon. Sa ngayon pa lang natin nakikita ng paunti-unti ang dahilan kung bakit mahalaga para kay Felipe II na panatilihing Katoliko ang Inglatera. Isipin mo na lang, si Anjem Choudary, unlimited na binabatikos at binabastos ang Kristyanismo, hindi siya ban sa England. Samantalang ang mga may pinagaralan at mga desenteng tao, sina Robert Spencer at gaya ni Pamela Geller ay naka-ban. Gusto ring ipa-ban si Donald Trump dahil lang sa hindi nila gusto ang masamang pagtrato ng mga muslim sa mga hindi muslim. Lagi nating tatandaan, ang bansang Pilipinas ay pinangalan sa isang Haring kaaway ng mga heretiko at mga panatikong muslim.
Kung tutuusin, ang pinalilitaw na numero unong kontra bida sa ating kasaysayan ay ang mga Kastila. Sa mga eskwelahan, sa mga palabas sa telebisyon, sa mga aklat, ngunit kung susuriin mo, simula pa noong 1300's hanggang ngayon, walang tigil ang sunog kubo, pandurukot, r**e, terorismo na ginagawa ng mga Moro. Hindi lang tinuturo sa mga eskwelahan ang katotohanang ito dahil kung ituturo ito, baka saktan nila ang g**o na magtuturo. Kung patas ang lahat, alam mo na kung sino ang talagang kontra bida.
Ang kaisa-isang naging unifying factor sa bansa natin ay ang Katolisismo. Alam nila ito noon, at alam rin natin ito ngayon. Ngunit kung magpapatuloy na napakarami ng kumokontra sa unifying factor na ito, lumilitaw na maraming dahilan para magka-watak watak ang mga Pilipino. May mga maka-kaliwa, mga protestante, mga kulto, mga liberals, mga muslim na sinisiraan ang ngalan ng Pilipinas. Hindi gaya sa South Korea, Vietnam, Malaysia at ibang karatig pook, ang kanilang unifying factor ay inaalagaan nila, walang nagaganap na siraan. Imagine, sa Malaysia halimbawa, may isang pangkat, rebelde man o militante lang ang vocal na kumokontra sa Islam, sa Propeta nila. Ano ang gagawin sa kanya? Baka mabilis na papatayin ito, patatahimikin. Kahit pa totoo ayon sa Islamic scriptures ang mga sinasabi tungkol sa Propeta nila gaya ng nang-asawa ng bata at nang-r**e ng mga hindi Muslim.
Sa mga bansa gaya nila, may pagkakaisa. Hindi nakakapagtaka kung bakit napagiwanan ang Pilipinas. Sa atin, kahit walang masama, pinasasama ang imahe ng Katolisismo, ang isang bagay na naging gamit upang pag-isahin ang Pilipinas ay sinisira upang maging watak watak ang mga Pilipino. May mga taong galit sa Pilipino dahil lang sa pangalan nito, ang Pilipinas na pinangalan kay Felipe. Si Haring Felipe ay hindi banal na tao, hindi rin siya masama, ngunit ginawa niya ang tungkulin niya bilang Hari ng Espanya. Ginawa niya ang tungkulin niya bilang tao na iniisip ang kinabukasan ng buong mundo. Kung hindi tayo naging Kristyanong bansa, tayo ay nakapailalim sa batas Shari'a, batas muslim, hindi sana tayo malaya. Kung hindi maagang natalo ang Armada, hindi sana naging Republika ang Netherlands, ang Pilipinas ay hindi rin magiging republika, mga katolikong bansa sana sila at naka-sentro sa paniniwala nila na dapat pigilan ang walang tigil na pag-aasam ng Islam na masakop ang mundo.
Ngayon, ang Netherlands ay isa na sa pinaka-bukas sa pagpasok ng Islam. Naroon man si Geert Wilders, siya ay maraming kaaway sa mga kapwa niya Olandes. Minsan na nating napigilan ang mga Dutch na sakupin ang Pilipinas. Dahil sa paghina ng impluwensya ng Espanya, sa bandang huli, sila ang panalo, naging republika ang Pilipinas. Mas mayaman ang bansa natin kung nanatili tayong Katolikong Bansa lang, gaya ng golden age ng Espanya. Hindi natin dapat ipantay ang hindi kapantay ng ating kultura. Ang pangit sa republika, ipinapantay ang lahat ng kultura kahit hindi talaga pantay. Kahit pa ang mang-asawa ng minor de edad ay parte ng paniniwala nila. Noon, hindi ito pwede, dahil batas Katoliko ang nasusunod. Ang pinakamalaking bakas sa mundo na iniwang pamana ni Haring Felipe ay ang bansa natin, ang munting liwanag sa Asya.
+
