Elite Newsfeed

Home
Philippines
Makati
Elite Newsfeed

Welcome to Elite Newsfeed — your trusted source for the latest Philippine and global news, trending stories, and updates that matter. Engaged ka. Elite ka.

We bring you a mix of:
📰 Current events
🌐 Global headlines
🎥 Entertainment

Informed ka. Elite Newsfeed is an internet website which provides interesting topics and articles about almost everything. It allows the readers to create, share or exchange information on various interests, entertainment, trending news, ideas and social issues locally and internationally. We are a widely accessible social

media that is focused in bringing you the latest and most reliable topics that have gone beyond simply social sharing to building reputation and interpersonal relationships to publish and access information with viral interests in mind. The positive impact of social networking is always our top consideration in giving all readers a wholesome media website. Enjoy our wide selection of these topics and articles of what is happening in the Philippines and around the world.

18/10/2025

Nag-viral sa social media ang isang tauhan ng Land Transportation Office (LTO) matapos itong makuhanan ng video habang iniinspeksyon at nililista ang mga plaka ng mga nakaparadang motorsiklo sa loob ng isang bakuran sa Barangay Sicsican, Puerto Princesa City.

Sa video na ibinahagi ng netizen na si Psyrock Law Sebalda, makikitang nagulat at nagtaka ang mga residente nang pasukin ng LTO enforcer ang kanilang bakuran. Maririnig pa sa video ang pagtatanong ng mga tao kung ano ang kanilang nilabag at kung bakit pati pribadong lugar ay pinapasok na ng ahensya.

“Ang operation n’yo dapat sa highway lang. Bakit pinasok n’yo kami? Ano kayo? Grabe na LTO sa Puerto,” bahagi ng caption ng post ni Sebalda.

Ayon sa mga residente, wala namang na-isyuhan ng ticket, ngunit nilista umano ng opisyal ang mga plate number ng mga motorsiklong nakaparada sa loob ng bahay. Dahil dito, marami ang nagtanong kung tama ba ang ganitong paraan ng operasyon ng LTO.

Maging si Palawan 2nd District Board Member Ryan Maminta ay nagpahayag ng pagkadismaya sa nangyari. Aniya, “Mawalang galang lang po mga kamanggagawa sa Land Transportation Office o LTO. Bawal na po ang istilo ng inyong panghuhuli maliban na lang kung kayo ay may hawak na 'warrant’. Hindi na kayo pwede sa pribadong lugar — paglabag na yan sa karapatan ng mga kababayan natin. Limitado kayo sa panghuhuli ng mga traffic violations sa mga pampublikong lansangan at lugar.”

Sa ngayon, wala pang inilalabas na pahayag ang LTO Puerto Princesa kaugnay sa insidente.

📷: Palawan News Team, Abante

18/10/2025

Posibleng mawalan ng buwanang pensyon ang mga retiradong opisyal at tauhan ng Armed Forces of the Philippines (AFP) kung mapatunayang nagpapakalat sila ng maling impormasyon o nagsasagawa ng mga pahayag na maituturing na sedisyon.

Sa isang news forum nitong Sabado, sinabi ni AFP spokesperson Col. Francel Margareth Padilla na kasalukuyang nire-review ng AFP ang kanilang military pension system, kabilang ang posibilidad na papanagutin sa ilalim ng court martial ang ilang retiradong opisyal na umano’y nananawagan sa mga sundalo na bawiin ang kanilang suporta kay Pangulong Ferdinand Marcos Jr.

“Civillian nga po category nila, but ito nga po sabi natin since nagre-receive sila ng pension pagaaralan natin how this will fall into play,” ani Padilla.

Nang tanungin kung maaaring mawalan ng pensyon ang mga retiradong opisyal, tugon niya, “If the legal channel determines that this is so, then we will follow.”

Dagdag pa ni Padilla, may kaakibat na legal na pananagutan ang mga pahayag na maituturing na sedisyon at ang pagpapakalat ng maling impormasyon.
“The AFP is not 'gonna take this sitting down,” aniya.

Samantala, ibinunyag ni AFP Chief of Staff Gen. Romeo Brawner Jr. na may ilang retiradong opisyal na umano’y nananawagan ng “withdrawal of support” laban sa administrasyon sa gitna ng mga protesta kaugnay ng isyu ng flood control anomalies na lumutang kamakailan.

Ayon naman kay Philippine Navy Rear Admiral Roy Vincent Trinidad, ang pinakamataas na retiradong opisyal na mino-monitor ng AFP dahil sa pagpapakalat umano ng fake news ay isang two-star general na tumatanggap ng humigit-kumulang ₱160,000 kada buwan bilang pensyon.

“'Pag tumatanggap ka ng pension sa gobyerno, it follows na dapat may pananagutan ka sa tinatanggap mo so ito ay kasama sa pinagaaralan ng legal officers ng AFP,” pahayag ni Trinidad.

Dagdag pa niya, “Ang problema ngayon pati mga retired, pilit binabago ang katotohanan. Hahaluhan ng mali, fake news para guluhin ang kaisipan ng kasundaluhan. Kung ang problema ay corruption, ang sagot doon ay higpitan ang project management, hindi umaklas ang militar.”

Nauna nang itinanggi ng Department of National Defense (DND) ang mga kumakalat na tsismis tungkol sa umano’y coup plot laban sa administrasyong Marcos.

Batay sa ulat, nakipagpulong si Pangulong Marcos sa Association of Generals and Flag Officers (AGFO) at iba pang grupo noong Setyembre 19, ilang araw bago ang mga protesta laban sa korapsyon noong Setyembre 21 kung saan nagkaroon din ng kaguluhan sa Maynila.

18/10/2025

Pabirong tinuldukan ni dating Philippine National Police (PNP) Chief Gen. Nicolas Torre III ang mga usaping balak daw niyang tumakbo bilang bise presidente sa 2028.

“Parang hindi ko kakayanin dahil pag-chief PNP nga lang, 85 days nga lang ako, tanggal agad. Baka naman pag nag-VP ako, ma-impeach kaagad ako,” biro ni Torre sa isang panayam sa radyo nitong Biyernes.

Kasalukuyang naka-leave si Torre mula nang ma-relieve siya bilang hepe ng PNP noong Agosto 26. Habang nasa pahinga, abala siya sa paghahanda ng isang fun run laban sa bullying na gaganapin sa Nobyembre 16 sa Santa Rosa, Laguna — bilang bahagi ng kanyang adbokasiya para sa kabataan at kalusugan.

Ibinahagi rin ni Torre na hindi pa niya napagpapasyahan ang susunod na hakbang matapos ang kanyang leave na magtatapos sa Oktubre 31, at wala pa umanong malinaw na balita tungkol sa mga ulat na maaari siyang italaga muli sa isang posisyon sa pamahalaan.

Bukod sa kanyang adbokasiya, kinumpirma rin ni Torre na magbibigay siya ng testimonya sa korte sa Oktubre 23 kaugnay ng mga kasong may kinalaman kay Kingdom of Jesus Christ (KOJC) leader Pastor Apollo Quiboloy.

18/10/2025

Thomasian, Doble Topnotcher sa MedTech at Physician Board Exam

Muling ipinamalas ni Kharam Baricaua Molbog ng Barangay Quezon, Solano, Nueva Vizcaya ang husay at determinasyon matapos niyang manguna sa October 2025 Physician Licensure Examination (PLE) — ang ikalawang pagkakataon na siya ay naging national topnotcher.

Tatlong taon na ang nakalipas nang una siyang gumawa ng kasaysayan matapos ding manguna sa 2022 Medical Technologist Licensure Examination (MTLE). Sa pagkakataong ito, pinatunayan niyang kaya niyang ulitin ang tagumpay bilang No. 1 sa mga bagong doktor sa bansa.

Si Molbog, summa cm laude at valedictorian ng UST Medicine Class of 2024, ay nakakuha ng 91.17% rating, nangunguna sa 4,570 na pumasa mula sa 5,900 examinees, ayon sa ulat ng Professional Regulation Commission (PRC).

“I come from the small town of Solano in the province of Nueva Vizcaya where I was born and grew up,” ani Molbog, habang inaalala ang kanyang pinagmulan.

Humble at inspiradong ikinuwento ni Molbog na hindi siya mula sa pamilya ng mga doktor, at hindi rin siya palaging honor student. “People have always referred to me as a late bloomer,” dagdag pa niya, kasabay ng pag-amin na hindi siya pumasa sa UP College Admission Test (UPCAT) noon.

Ngunit sa halip na sumuko, ginamit niya ito bilang motibasyon. Sa kolehiyo, nagsimula siyang nasa ika-100 puwesto sa Dean’s List, hanggang sa siya ay naging No. 1 — patunay na “progress, no matter how slow, is still progress.”

Hindi naging madali ang kanyang paglalakbay. Nakipaglaban siya sa extrapulmonary tuberculosis na nag-iwan ng mga peklat sa kanyang leeg at kinailangang magpahinga ng isang taon. Sa kanyang clerkship, nasangkot siya sa aksidente sa tricycle na nagdulot ng 7-sentimetrong sugat sa noo.

“We are all crippled by something… but by no means are we crippled beyond repair,” ani Molbog, isang paalala ng katatagan sa gitna ng pagsubok.

Sa kanyang kahanga-hangang tagumpay, muling igagawad ng Pamahalaang Panlalawigan ng Nueva Vizcaya kay Molbog ang ₱200,000 incentive sa ilalim ng Topnotchers Incentive Ordinance, katulad ng natanggap niya noong 2022.

“No dream is too big, no effort is too small, and no sacrifice will be in vain,” wika ni Molbog — isang inspirasyong patunay na kahit ang isang late bloomer ay maaaring maging dalawang beses na topnotcher at isa sa pinakamaningning na simbolo ng pag-asa at tagumpay ng Nueva Vizcaya.

17/10/2025

Karl Eldrew sinurpresa si Angelica Yulo at kanyang ama ng brand-new car

Ibinahagi ni Angelica Yulo sa social media ang isang nakakatuwang family moment matapos silang sorpresahin ng anak na si Karl Eldrew Yulo ng isang brand-new car.

Sa mga litratong kuha sa Kia Otis, Manila, makikitang nakangiti si Angelica habang nakatayo sa tabi ng isang puting Kia SUV na may malaking pulang ribbon — simbolo ng pagmamahal at pasasalamat ni Karl para sa kanyang mga magulang.

Ayon kay Angelica, ang sasakyan ay birthday gift ni Karl para sa kanyang ama na si Mark Andrew Yulo, at maagang birthday gift naman para sa kanya. Sa kanyang caption, nagpasalamat siya sa anak sa pamamagitan ng mga katagang:

“Bday gift to his dad Mark Andrew Yulo and early birthday gift for me. Thank you big time Karl Eldrew Yulo. God bless your big and kind.”

Agad na nag-viral ang post, umani ng libo-libong reactions at shares mula sa mga netizens na humanga sa kabutihan ni Karl at sa pagmamahal niya sa kanyang mga magulang.

Si Angelica Poquiz Yulo ay kilalang ina ng two-gold Olympic medalist Carlos Edriel Yulo, at nakilala rin sa social media matapos ang matagumpay na 2024 Olympic run ng anak. Siya rin ang ina nina Karl Jahrel Eldrew at Elaiza Andriel, na pareho ring sumusunod sa yapak ng kanilang kuya sa larangan ng gymnastics.

16/10/2025

Sa isang panayam kay Christian Esguerra sa Facts First, binanatan ni dating Senador Antonio Trillanes IV ang mga politikong kaalyado ni dating Pangulong Rodrigo Duterte, na aniya ay nagpapakita ng “abnormal behavior” at “bizarre responses” sa mga lehitimong usaping pampulitika.

Ayon kay Trillanes, tila nakaukit na sa kultura ng politika ng mga maka-Duterte ang ganitong asal.
“Ba't ganito yung mga character ng mga maka-Duterte? I'm not a trained psychologist or what pero makita natin na these are not normal actions of politicians. Imbes na i-articulate nila yung mga argumento bakit nila ginagawa 'yon o di nila ginagawa, biruin mo ang sagot mo sa reporter 'Meow meow'?” pahayag ni Trillanes.

Dagdag pa niya, ang ganitong asal ay nagpapakita ng mas malalim na problema sa kulturang nabuo sa ilalim ng kampo ni Duterte.
“May problema na tayo don eh. These are the kind of people na nacultivate ng kampo ni Duterte, and sadly talagang may mga tama sa utak,” aniya.

Samantala, mabilis namang sumagot si Cavite Rep. Kiko Barzaga sa naging pahayag ng dating senador.
“Inggit ka lang dahil panalo ang meow meow ko at talo ang aw aw mo!” tugon ni Barzaga, bilang reaksiyon sa mga sinabi ni Trillanes.

16/10/2025

Actor Troy Montero couldn’t help but get emotional as he proudly shared a video of him and his daughter Rocket singing and reading together — isang espesyal na sandali na kumakatawan sa malaking pagbabago sa paglalakbay ng kanyang anak na may Autism Spectrum Disorder (ASD).

Sa kanyang post, ibinahagi ni Troy kung gaano kalayo na ang narating ni Rocket — mula sa pagiging non-verbal noong tatlong taong gulang, ngayon ay nakakabasa na sa first-grade level sa edad na anim. Tinawag niya itong isang “true success story” at nagpaabot ng taos-pusong pasasalamat sa lahat ng tumulong sa kanilang pamilya.

Lubos ang pasasalamat ni Troy sa mga g**o, therapists, at sa kasalukuyang paaralan ni Rocket — Little Sparks Therapy Manila, para sa kanilang dedikasyon at malasakit. Pinuri rin niya ang Villa Medica Manila para sa “cutting-edge treatments and life-changing care,” pati na rin ang mga tagasuporta ng Rocket’s ASD Awareness Page na patuloy na nagbibigay ng inspirasyon at pag-asa sa iba.

Sa huli, nag-iwan si Troy ng mensahe ng pag-asa at pasasalamat:

“From non-verbal at 3 to reading at a first-grade level at 6. Rocket, you’ve truly come a long way! Like any success story, it takes a team to get here.
To Villa Medica Manila, thank you for your cutting-edge treatments and life-changing care. You are family.
And to our community here on Rocket’s ASD Awareness Page — your encouragement, your stories, and your positive energy mean so much to us. Let’s keep pushing for more progress, more breakthroughs, and more hope. Onward and upward.”

Sa hiwalay na post, binanggit din ni Troy na hindi nila tutol sa paggamit ng cellphone ni Rocket paminsan-minsan, ngunit may malinaw silang limitasyon:

“Sometimes it takes a little encouragement from Mom and Dad to focus on story time, especially when there’s a phone nearby. We don’t mind a little screen time, but for us, it’s only after school and never before.”

Matatandaang si Rocket ay na-diagnose na may autism noong 2022. Makalipas ang isang taon, sumailalim siya sa stem cell therapy upang makatulong sa kanyang kalagayan.

Mula noon, patuloy na ibinabahagi nina Troy at Aubrey Miles ang mga positibong update tungkol sa progreso ni Rocket, na nagsisilbing inspirasyon sa maraming magulang na may anak din sa autism spectrum.

16/10/2025

Nasagip ng Department of Social Welfare and Development (DSWD) ang 17 senior citizens mula sa isang “unsafe and unsanitary” care facility sa Maramag, Bukidnon.

Ayon sa ulat ng DSWD nitong Miyerkules, isinagawa ang rescue operation noong Oktubre 11 matapos matanggap ang ulat na ang nasabing pasilidad ay nagdudulot ng panganib sa kalusugan at kapakanan ng mga nakatatanda.

Nadiskubre ng ahensya na walang kaukulang rehistro bilang isang social welfare and development agency ang nasabing care facility.

“Bukod sa walang kaukulang rehistro ay masalimuot at nasa delikadong kalagayan ang mga residente nito. Kaagad nagsagawa ng rescue operation ang mga kinauukulan upang matiyak ang kaligtasan ng mga kliyente,” ayon kay DSWD co-spokesperson Juan Carlo Marquez.

Batay sa inspeksiyon ng DSWD noong Pebrero at Abril ngayong taon, lumalabas na lumabag ang pasilidad sa mga pamantayan sa kaligtasan, kabilang na ang kawalan ng maayos at malinis na palikuran, pati na rin ang hindi ligtas na tulugan ng mga residente.

Bukod dito, kulang din ito sa maayos na case management system, occupational safety standards, tamang dokumentasyon ng mga residente, at kwalipikadong caregivers.

Dinala na sa mga pasilidad na pinamamahalaan ng DSWD at mga lokal na residential centers ang mga nasagip na nakatatanda para mabigyan sila ng agarang tulong, kabilang ang medikal na pagsusuri, counseling, at pansamantalang matutuluyan.

Nabatid din na nakapagbigay na noon ng technical assistance ang DSWD sa nasabing care facility kaugnay ng mga kinakailangang dokumento, ngunit bigo itong sumunod sa mga alituntunin.

Samantala, naglabas din ang DSWD ng cease and desist order laban sa dalawang care facilities sa Central Luzon dahil sa iba’t ibang paglabag.

Binigyang-diin ng DSWD ang kahalagahan ng pagpapatupad ng mga batas para mapangalagaan ang mga nakatatanda, at pinaalalahanan ang publiko na tiyaking lehitimo at rehistrado ang anumang institusyon bago ipagkatiwala roon ang kanilang mga mahal sa buhay.

15/10/2025

Umuugong ngayon sa social media ang mga haka-haka na buntis umano si Bea Alonzo matapos kumalat ang isang video niya online.

Ang aktres ay kasalukuyang karelasyon diumano ng Puregold CEO na si Vincent Co. Ilang buwan matapos kumalat ang mga bali-balitang may relasyon sila, kinumpirma ni Bea na masaya na muli ang kanyang puso, ngunit nilinaw niyang nais niyang panatilihing pribado ang kanilang relasyon.

Madalas na rin silang nakikitang magkasama sa iba’t ibang okasyon, at may mga litrato ring naglabasan na kasama ni Bea si Vincent sa isang family event. May mga espekulasyon ding ikakasal na raw ang dalawa, ngunit hanggang ngayon ay nananatiling tahimik ang aktres tungkol dito.

Kamakailan, muling umikot sa online world ang panibagong ispekulasyon — buntis na raw si Bea. Nagsimula ito matapos kumalat ang isang video kung saan sinurpresa siya ng kanyang mga home staff para sa kanyang kaarawan, tatlong araw bago ang kanyang aktwal na birthday sa October 17.

Sa nasabing video, makikitang nakasuot si Bea ng puting top at bottom na magkaterno, habang nasa likuran niya si Vincent Co. May hawak siyang bouquet at sabay hinipan ang kandila sa kanyang cake. Ibinahagi muli ang video sa TikTok, kung saan nakasaad sa caption na nang pumasok daw si Bea sa bahay, nagtanong siya kung bakit may nagre-record ng video, at tila nagulat din si Vincent.

Sa ngayon, wala pang pahayag si Bea Alonzo hinggil sa mga tsismis na siya ay buntis kay Vincent Co.

Matatandaang noong Setyembre, kumalat din ang balitang engaged na raw ang dalawa. Nang tanungin tungkol dito sa isang panayam, sinabi ni Bea na “there was nothing to say about it,” ngunit idiniin niyang siya ay masaya.

15/10/2025

Nilinaw ni dating Ilocos Sur governor Chavit Singson ang kumakalat na balitang may “special relationship” umano sila ng Kapuso actress na si Jillian Ward.

Sa panayam kasama ang ilang miyembro ng media kabilang ang Bandera, diretsahang sinabi ni Singson, “Marites lang ‘yan, Marites lang. Naririnig ko nga ‘yan. Marami ngang nali-link sa akin. Pero puro Marites ‘yan.”

Lumaganap ang espekulasyon matapos maglabasan online ang ilang blind items na umano’y tumutukoy sa kanila ni Jillian. Ayon sa mga netizens, tila naging “close” na raw ang dalawa, dahilan para mas lalong umingay ang mga tsismis.

Samantala, nang tanungin naman si Singson kung totoo bang nagkaroon siya ng relasyon sa aktres na si Yen Santos, hindi niya ito direktang sinagot. Ang tanging naging tugon niya ay “Next question,” sabay tawa, at pakiusap sa media na huwag na siyang tanungin tungkol sa mga babaeng nali-link sa kanya.

Bagama’t hindi niya kinumpirma o itinanggi ang isyung iyon, muling nilinaw ng 84-anyos na dating politiko na hindi totoo ang mga kumakalat na sabi-sabing may anak siya kay Yen Santos — bagay na una na rin niyang itinanggi sa isang vlog appearance sa YouTube channel ng aktres.

Dagdag pa ni Singson, kasalukuyan daw siyang naghahanap ng makakasama sa buhay, isang taong magmamalasakit at mag-aalaga sa kanya.

Aniya, “Talagang naghahanap ako ngayon ng pwedeng mapakasalan para may mag-aalaga naman sa akin. Para sa pagbibiyahe-biyahe ko, may makasama ako. Kahit na sino, basta maganda ang puso.”

14/10/2025

Lalaking gumamit ng pangalan ni “Diwata” tukoy na! Dati niya pala itong kakilala at tauhan ng kasosyo sa negosyo

Matapos ang ilang araw ng imbestigasyon, natukoy na ni Deo Jarito Balbuena, o mas kilala bilang “Diwata”, ang taong responsable sa paggamit ng kanyang pagkakakilanlan na nagdulot ng maling pag-aresto sa kanya.

Matatandaan na humingi ng tulong si Diwata sa Raffy Tulfo in Action (RTIA) noong Oktubre 10, matapos siyang maaresto dahil sa kasong hindi niya ginawa. Ayon sa kanya, nagpiyansa lamang siya upang makalaya mula sa kulungan.

Batay sa salaysay ng arresting officer na si Patrolman Johary Bogagong, nahuli niya ang limang lalaki na nag-iinuman sa kalsada sa Mandaluyong noong Marso, isang gawaing labag sa ordinansa ng lungsod. Isa sa mga lalaking ito ang nagpakita ng TIN ID na nakapangalan kay Deo Jarito Balbuena, ngunit may malabong larawan.

Nang hindi nagpakita ang mga violators upang magbayad ng multa, isinampa ng Mandaluyong PNP ang kaso sa korte, dahilan kung bakit na-issue-han ng warrant of arrest si Diwata — kahit wala siyang kinalaman sa insidente.

Ngayong Oktubre 14, emosyonal na ibinahagi ni Diwata sa programang RTIA na natukoy na niya ang totoong salarin sa tulong ni Patrolman Bogagong. Ayon sa kanya, labis ang kanyang sama ng loob dahil may dating atraso na sa kanya ang taong ito at nagamit pa ang kanyang pangalan sa krimen.

Kinilala niya ang suspek bilang Angelito Carmona Y Clarito, o “Angel”, na umano’y dating tauhan ng kanyang ex-business partner na nanloko rin sa kanya.

Ikinuwento ni Diwata na noong kasagsagan ng kanyang negosyong “Diwata Pares” sa Pasay, lumapit daw si Angel upang kumuha ng franchise para sa Quezon City branch. Dahil nagtitiwala pa noon, ibinigay ni Diwata ang kanyang TIN ID kay Angel para gamitin sa pag-aasikaso ng business permit.

Ngunit ayon kay Diwata, hindi na nga nabayaran si Diwata ng amo ni Angel ng royalty and franchise fees ay hindi pa binayaran ni Angel sa kanya ang utang nito na ₱350,000, na umano’y ginamit para sa construction ng nasabing branch.

Sa kabila ng lahat, nagpasalamat si Diwata kay Patrolman Bogagong dahil sa masusing imbestigasyon at pakikipag-ugnayan sa mga barangay officials para matukoy ang pagkakakilanlan ni Angel. Pinuri rin si Bogagong ni Sen. Raffy Tulfo dahil sa kanyang mabilis na aksyon.

Ayon kay Bogagong, nakapagsampa na siya ng kaso laban kay Angel dahil sa pamemeke ng ID, habang nakatakda ring magsampa ng kaso si Diwata para sa identity theft na kanyang sinapit.

14/10/2025

Patuloy ang pagdadalamhati ng isang ina matapos masawi ang kanyang tatlong anak sa sunog na sumiklab sa isang residential area sa Barangay Sto. Domingo, Quezon City nitong Martes ng tanghali, October 14, 2025.

Kinilala ang mga biktima bilang magkakapatid na may edad 10, 7, at 5 taong gulang. Ayon sa ulat ni Isa Avendaño-Umali ng Super Radyo dzBB, nasawi ang mga bata matapos ma-trap sa loob ng kanilang bahay habang lumalaganap ang apoy.

Ibinahagi ng ina ng mga bata, si Janine Miñoza, na nasa ospital siya noon upang ayusin ang medical examination ng kanyang ina nang mangyari ang trahedya.

Batay sa Quezon City Fire District, natagpuan ang tatlong bata sa ikalawang palapag ng kanilang tahanan. Posibleng sanhi ng kanilang pagkamatay ang pagkalanghap ng makapal na usok, bagaman sinabi ng isang source na sunog din ang kanilang mga katawan.

Dinala sa punerarya ang mga labi ng mga biktima bandang alas-2 ng hapon.

Umabot sa ikatlong alarma ang sunog na tumupok din sa isang tatlong-palapag na bahay at nakaapekto sa 33 pamilya. Patuloy namang iniimbestigahan ng mga awtoridad ang sanhi ng insidente.

Tiniyak naman ng mga tauhan ng barangay na magbibigay sila ng tulong sa pamilya ni Miñoza na labis ngayong nagluluksa sa sinapit ng kanyang mga anak.

📷: ABS-CBN News

Address

761 JP Rizal Street, Poblacion
Makati

Telephone

+639266421664

Website

https://www.elitenewsfeed.com/

Alerts

Be the first to know and let us send you an email when Elite Newsfeed posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Elite Newsfeed:

Shortcuts

Want your business to be the top-listed Media Company in Makati?

Elite Newsfeed

18/10/2025

18/10/2025

18/10/2025

18/10/2025

17/10/2025

16/10/2025

16/10/2025

16/10/2025

15/10/2025

15/10/2025

14/10/2025

14/10/2025

Address

Telephone

Website

Alerts

Contact The Business

Shortcuts

Share

Category