Aksyon Pinoy

Aksyon Pinoy An online platform that delivers information to the public.

(Dahil sa kalasingan sa foam party)NEGOSYANTE INARESTO SA ILEGAL NA BARIL SA BATUAN, MASBATE BATUAN- SWAK at laglag sa k...
12/12/2025

(Dahil sa kalasingan sa foam party)
NEGOSYANTE INARESTO SA ILEGAL NA BARIL SA BATUAN, MASBATE

BATUAN- SWAK at laglag sa kamay ng mga nagpapatrulyang kapulisan sa bayan ng Batuan, lalawigan ng Masbate ang isang senglot na negosyante matapos bumunot at akmang ipuputok ang kanyang di-lisensyadong baril sa gitna ng kasayahan sa foam party sa Municipal plaza kaugnay sa katatapos lamang na paboksing ng punong ehekutibo dito nitong Disyembre 9.

Kinilala ang suspek na si alyas "Agipo Asijan" edad 48, residente ng Brgy. Panisihan na diumano'y isang pinsan ng nakaupong SB Member at malapit na tauhan lang din ng punong bayan.

Ayon sa Batuan Municipal Police Station (MPS), nagroronda ang mga pulis nang mamataan nilang binubunot at itinaas ng suspek ang isang maliit na baril sa hindi matukoy na dahilan.

Agad siyang inaresto in flagrante delicto at binasa ang kanyang Miranda Rights sa wikang naiintindihan niya.

Nakumpiska mula kay alyas “Agipo Asihan” ang isang TM Armscor Caliber .45 pistol, isang magazine at anim na bala.

Sa ngayon, nasa kustodiya ng Batuan MPS ang suspek at mga ebidensiya para sa karampatang dokumentasyon at imbestigasyon.

Muling nanindigan ang Masbate Police Provincial Office (PPO) sa mahigpit na pagpapatupad ng Republic Act 10591 o Comprehensive Fi****ms and Ammunition Regulation Act upang mapanatili ang kapayapaan at kaligtasan sa lalawigan.

Subalit may ibang bersyon ang isang source na tumangging magpakilala, ayon sa kaniya, nakikipag-inuman daw ang suspek sa ilang tauhan ng pulitiko ngunit dahil sa labis na kalasingan ay naging bastos na ang suspek kaya bigla itong sinuntok ng kasamahan niya sa harap mismo ng nasabing alkalde at ng ito ay akmang bubunot ng kanyang baril at ipuputok ngunit siya ay pinagtulungan ng mga ito hanggang sa maagaw ang armas.

Samantala nagtatanong ang mga residente sa Batuan kung bakit nakakagala diumano ang suspek samantalang ito ay nahuli ‘enflagrante delicto’ o caught in the act at sinampahan ng kaso sa piskalya.

Pinapaalalahanan din ng awtoridad ang publiko na tuloy-tuloy ang mas mahigpit na kampanya kontra illegal fi****ms sa Masbate.

Sa kabilang dako, nagtatanong ang karamihan kung bakit kinaumagahan matapos ang insidente at dinala ang suspek ng kapulisan sa piskalya ay agad din itong pinalaya.

Tanong pa nila, kinasuhan nga ba ito o inatras na lang ang kaso dahil sa pagiging malapit nito sa nasabing pulitiko.

Kaugnay sa balitang ito, ang suspek ay pinakakasuhan pa rin ng Provincial Director ng Masbate PNP dahil ‘caught in the act’ ang pagkakahuli dito.

photo courtes: Batuan MPS

07/12/2025

(Walang natanggap na calamity cash assistance mula sa PSWDO)
BARANGAY OFFICIALS SA ILANG MUNISIPYO SA MASBATE NADISMAYA

HINDI ikinatuwa at nadismaya ang mga barangay officials sa ilang bayan sa lalawigan ng Masbate matapos ang pamamahagi ng calamity cash assistance ng Provincial Social Welfare and Development Office (PSWDO) mula sa Office of the President dahil karamihan sa kanila ay wala sa listahan ng mga binigyan ng ayuda.

Ang nasabing cash assistance na nagkakahalaga ng P5,000 ay ibinigay ni Pangulong Ferdinand Marcos, Jr. sa Masbate sa inisyatibo ni Governor Richard Kho bilang tulong sa mga frontliner noong kasagsagan ng bagyong ‘Opong’.

Sa impormasyong ipinarating ng ilang opisyal ng barangay, nabatid na wala diumano sila sa listahan subalit nagsumite sila ng kanilang datos at ID sa nasabing opisina.

Ang partikular na mga bayang tinukoy ay ang Milagros, Cataingan, Placeŕ at Batuan sa Ticao island.

Ayon sa isang Brgy. Kagawad sa Milagros, isinumite nila sa ‘focal person’ ng Local Government Unit ang kanilang dokumento at umasang sila ay mabibigyan ng ayuda subalit laking gulat at pagtataka niya dahil wala ang kanilang pangalan sa payroll ng PSWDO na nagpay-out sa Malinta covered court noong nakaraang linggo.

Samantala, iba naman ang nangyaring aberya sa bayan ng Batuan kung saan karamihan ng Barangay officials ay wala sa listahan ng PSWDO dahil ibang mga pangalan at hindi naman mga opisyal ng barangay ang isinumite sa kanila at binigyan ng ayuda.

Ayon pa sa ilang Barangay official na tumangging magpabanggit ng kanilang pangalan, isang linggo bago pa ang release ng ayuda ay kinuha na daw ang mga data nila kaya sila ay nagtataka na pinalitan ang pangalan nila.

Idinagdag pa ng mga ito na sa mga barangay sa ibang munisipalidad ay maayos namang naipatupad at ang binigyan ng tulong ay ang totoong mga barangay officials.

Dahil dito, labis anila silang nasaktan na mga brgy. officials sa bayan ng batuan dahil ipinagkait sa kanila ang ayudang malaking tulong na sana para sa kanilang pamilya.

Nabatid pa na ang iba sa kanila ay nangutang ng pamasahe galing sa isla ng Ticao para lng makapunta sa F. Magallanes covered court kung saan ginanap ang releasing at payout.

Kaugnay nito, doble ang naging pasanin nila, gumastos sila sa pamasahe at pagkain at ang ilan ay napilitang magtiis ng gutom matapos maubusan ng pera.

Sinabi ng mga opisyal na hinold pa umano ang kanilang pag-uwi habang sinusubukan pang tawagan ang Office of the Governor upang ipahabol ang kanilang mga pangalan sa listahan ngunit hanggang hapon ay wala umanong nangyaring aksyon.

Giit ng mga barangay officials, malinaw na para talaga sa kanila ang naturang ayuda.

“Kung sinabi lang sana sa amin na iba pala ang ililista, hindi na sana kami gumastos, nangutang at nagutom” pahayag ng isa sa mga opisyal.

Nakausap naman umano ng DSWD province ang mga nakalistang hindi naman empleyado ng barangay at sinabing hindi nila alam kung bakit sila nakasama.

Lumabas din na sina Aladin Gusmo at Fely Grace Landicho, mga empleyado ng Mayor’s Office sa Batuan ang nag-ikot sa mga barangay at nanghingi ng data, ayon sa mga mismong nakausap.

Dahil dito, nagtatanong ngayon ang mga barangay officials kung bakit tila napalitan na sila kahit wala pang halalan.

Makikita rin sa kanilang mga personal na Facebook posts ang sama ng kanilang loob.
Para sa mga opisyal, malinaw na hindi simpleng miscommunication sa pagitan ng Batuan focal person at ng provincial office ang ugat ng problema.

Itinuturo nilang nasa LGU Batuan mismo ang pagkukulang.

"Coable" daw ang naging rason ni Municipal Administrator Maraya Abesamis kaya nagsumite sila ng ibang mga pangalan at iyon din daw ang advice ng provincial focal persons kaya sinunod lang daw nila kaya iba ang nabigyan ng ayuda imbes na frontiner na mga barangay officials.

Patuloy na hinihintay ng mga opisyal ang malinaw na paliwanag mula sa LGU Batuan hinggil sa umano’y palitan ng pangalan at pagkalito sa distribusyon ng ayuda.

12/09/2025

ABOGADO NG DPWH RELIEVED SA PWESTO

Agarang sinibak ni Department of Public Works and Highways (DPWH) Secretary Vince Dizon nitong Setyembre 12 ang isang opisyal ng ahensya na umabuso diumano sa kaniyang tungkulin.

Ayon sa kalihim, ini-report sa kaniyang tanggapan si Atty. Mikhail Valodya M. Tupaz Attorney IV ng Legal Service na ipinagmalaki ang kaniyang pagiging mataas na opisyal ng DPWH sa isang subdivision.

“Medyo abusado ang taong ito dahil ayaw daw siyang papasukin sa isang subdivision ng guard, nagalit siya pinagmumura niya iyong guard tapos binalikan niya pa ito na may kasamang pulis, samantalang ginagawa lang naman ng guard ang kaniyang trabaho kaya isinumbong siya kay Senator Raffy Tulfo" ayon kay Dizon.

Samantala, ibinaba ng ahensya ang memorandum order na nag-aatas na i-relieve sa kaniyang pwesto si Tupaz.

“You are hereby relieved from your duty as OIC Division Chief of the Internal Affairs Division, effective immediately. This Order revokes Special Order No. 142, Series of 2024 and all the entitlements that come with it” saad sa memorandum order ni Sec. Dizon.

Wala pang pahayag ang nasabing opisyal hinggil sa kaniyang relieved order.

17/05/2025

JUST IN: Dumalo at pinasalamatan ni Pangulong Ferdinand “Bongbong” Marcos, Jr. ang mga miyembro ng Media at mga staff ng Alyansa Para sa Bagong Pilipinas ganap na alas 7:59 ng gabi kahapon, Mayo 17 sa Bagong Pilipinas Headquarters sa Edsa sa Mandaluyong.

Ayon sa pangulo, dapat ng isantabi ang pulitika at harapin ang mga isyu sa buong bansa.

Hiningi rin nito ang tulong ng media sa mga susunod na taon ng kaniyang panunungkulan.

“MORE LOCAL JOB CREATION” -ALYANSA SA kabila ng pagbaba ng walang trabaho sa bansa, nais ng mga kandidato ng administrat...
07/05/2025

“MORE LOCAL JOB CREATION” -ALYANSA

SA kabila ng pagbaba ng walang trabaho sa bansa, nais ng mga kandidato ng administration-backed ‘Alyansa’ Para sa Bagong Pilipinas senatorial bets na mas lalo pang paramihin ang trabaho sa lokal na industriya o more local job creation tulad ng Bulacan.

Ayon kay dating senador Ping Lacson magkakaroon ng multiplier effect kapag naging fully operational na ang Bulacan Airport dahil magha-hire ng laborers ang pamahalaang lalawigan na siyang magpapataas ng ekonomiya nito.

Idinagdag pa ni Lacson na marami sa ating mga kababayan sa Bulacan ang makakakuha ng trabaho.

“Yong local employment ma-enhance lalo para well on a national scale syempre kapag may ganyang bagong proyekto o bagong hanapbuhay talagang bababa ang unemployment rate natin coming from I think 4.3 noong January or February ngayon nasa 3.9 steady actually” aniya.

Sinusugan naman ni ACT-CIS Rep. at senatorial bet Erwin Tulfo ang pahayag ni Lacson.

Aniya, para mapababa ang unemployment rate kailangan ang sustainable livelihood o palaguin ang pangkabuhayang ibinibigay ng Department of Social Welfare and Development (DSWD).

Samantala, nakatakdang ilunsad ng adminitrasyon ang ‘trabaho para sa bayan’ kung saan planong amyendahan ang maternity benefits law upang bigyan ng maikling oras sa trabaho ang mga ina o nanay para mas maprayoridad ang kanilang pamilya.

Komento ni Senatorial candidate Abby Binay, pag-aaralan muna niya aniya ang nasabing panukala dahil magiging mahabang debate umano ito sa senado.

Sinabi naman ni dating Senate President Tito Sotto na ang mga house wife ang pinakadakilang trabaho sa lahat.

“Para sa akin iyan ang pinakadakilang trabaho sa lahat, iyong house wife dahil 24 hours iyon. Kaya sa akin priority iyong mga nanay, mama’s boy ako kaya iyong solo parents act, ako ang author non” wika ni Sotto.

RUBEN FUENTES

03/05/2025

‘TROLL FARMS’ PANANAGUTIN NI ACT-CIS REP. TULFO

Tiyak ng mananagot ang mga ‘troll farms’ o ‘keyboard warriors’ tulad ng Infinitus diumano sa ipapasang batas ni ACT-CIS Rep. Erwin Tulfo sa 20th Congress.

Ayon kay Tulfo, isasama niya na ang mga ‘trolling’ na ang pakay ay pabagsakin ang gobyerno.
Aniya, nakaka-impluwensya sa mga viewers at readers ang ‘trolling’ dahil sa ‘fake news’.

Inihayag ni Tulfo na ang mga fake news ay wala ng tigil at hindi na nagbabasa at nagpa-follow sa mainstream media ang mga tao dahil naka-rely na lamang ang mga ito sa social media.

via RUBEN FUENTES

TINGNAN: SWAK ang 11 senatorial bets ng 'Alyansa Para sa Bagong Pilipinas' na may 'statistical chance of winning' sa , ...
28/04/2025

TINGNAN: SWAK ang 11 senatorial bets ng 'Alyansa Para sa Bagong Pilipinas' na may 'statistical chance of winning' sa , base sa April 2025 Pre-election survey ng grupong OCTA Research.

Via RUBEN FUENTES

26/04/2025

‘CHINESE CONTROLLED’ SENATE, CONGRESS BANAT NI ACT-CIS REP. TULFO

TINULIGSA at binanatan ni ACT-CIS Partylist Rep. at ‘Alyansa’ senatorial bet Erwin Tulfo ang People’s Republic of China dahil sa pinapalabas umano nito na kaya nilang kontrolin ang Senado at Kongreso sa pagpapakandidato nito ng sariling mga senador sa May 2025 polls.

Hinikayat ni Tulfo ang mga botanteng Pilipino na ihalal ang mga pro-Filipino senatorial candidate.

Ani Tulfo, nais ng mga Tsino na isulong ang kandidatura ng mga pro-China candidates para ma-repeal ang Philippine Maritime Zones Law.

“So it’s up to us, it’s up to our people kung gusto nating mangyari ito na we have a Chinese controlled Senate and the House of Representatives controlled by China” punto ni Tulfo.

via RUBEN FUENTES

26/04/2025

‘CHINESE CONTROLLED’ SENATE, CONGRESS BANAT NI ACT-CIS REP. TULFO

TINULIGSA at binanatan ni ACT-CIS Partylist Rep. at ‘Alyansa’ senatorial bet Erwin Tulfo ang People’s Republic of China dahil sa pinapalabas umano nitona kaya nilang kontrolin ang Senado at Kongreso sa pagpapakandidato nito ng sariling mga senador sa May 2025 polls.

Hinikayat ni Tulfo ang mga botanteng Pilipino na ihalal ang mga pro-Filipino senatorial candidate.

Ani Tulfo, nais ng mga Tsino na isulong ang kandidatura ng mga pro-China candidates para ma-repeal ang Philippine Maritime Zones Law.

“So it’s up to us, it’s up to our people kung gusto nating mangyari ito na we have a Chinese controlled Senate and the House of Representatives controlled by China” punto ni Tulfo.

via RUBEN FUENTES

MAS MARAMING OPORTUNIDAD SA KABABAIHAN-CAMILLE VILLAR LUNGA, ISABELA – BIBIGYANG prayoridad at susuportahan ni senatoria...
03/03/2025

MAS MARAMING OPORTUNIDAD SA KABABAIHAN-CAMILLE VILLAR

LUNGA, ISABELA – BIBIGYANG prayoridad at susuportahan ni senatorial candidate Camille Villar ang mga programa na naglalayong palakasin ang kakayahan ng kababaihan sa gobyerno at pribadong sektor.

Sa kanyang kamakailang pagbisita sa Luna, Isabela, binigyang-diin ni Villar ang mahalagang papel ng kababaihan sa pamilya, lalo na ang mga ina na may mabibigat na responsibilidad sa tahanan.

“Nung nasa distrito ako, ang gustong-gusto kong tulungan ay ang mga nanay. Bilang isang ina, naiintindihan ko ang iba’t ibang papel na ginagampanan natin” ani Villar, isang ina ng dalawang anak.

Sa pagdiriwang ng Women’s Month ngayong Marso, binigyang-diin ni Villar ang pangangailangan ng pantay na oportunidad para sa kababaihan gayundin ang pagbibigay ng karagdagang benepisyo tulad ng parental leave sa trabaho.

Ipinunto rin niya ang kahalagahan ng mas madaling akses sa serbisyong pangkalusugan, partikular sa reproductive at maternal health pati na ang mental health awareness.

Dahil dito, patuloy niyang sinusuportahan ang mga programang naglalayong sanayin ang kababaihan sa financial literacy at livelihood training upang matulungan silang magkaroon ng sariling hanapbuhay.

Bilang mambabatas, nakipagtulungan si Villar sa iba’t-ibang organisasyong sumusuporta sa kababaihan kabilang ang Buntis Congress na nagbibigay-edukasyon sa mga buntis tungkol sa maternal health, child-rearing at breastfeeding.

Sa Kongreso, inihain ni Villar ang House Bill No. 10697 o Pregnant Women Welfare Act na naglalayong bigyan ng flexible work arrangements ang mga buntis at bagong panganak na ina kasama na ang pagpasa ng Equal Maternity Protection Act na nagbibigay ng maternity benefits sa mga babaeng manggagawa sa impormal na sektor.

Kung mahalal bilang senador sa 2025 midterm elections, isusulong ni Villar ang batas na magbabawal sa mga ospital at lying-in clinics na tanggihan ang mga buntis na nangangailangan ng agarang panganganak gayundin ang pamamahagi ng maternity kits sa mga buntis na mahihirap upang mapabuti ang kanilang prenatal care at mabawasan ang infant mortality sa bansa.

Plano rin niyang ipanukala ang isang batas na katulad ng kanyang HB 5243, na nagbibigay ng libreng medikal at pagpapaospital sa mga indigent women na nakaranas ng sakit, pinsala, o pang-aabuso.

Noong 2023, naghain si Villar ng House Resolution No. 1025, na humihiling ng imbestigasyon sa tumataas na bilang ng maternal deaths sa bansa.

I via RUBEN FUENTES

Address

Poblacion
Makati
02

Website

Alerts

Be the first to know and let us send you an email when Aksyon Pinoy posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Aksyon Pinoy:

Shortcuts

Share

Category

Objective of MNF

A weekly newspaper that is a powerful tool that circulates information to people and one of the greatest means of communication between people and the world.