Pilipinas Today

Pilipinas Today Balitang Pilipinas, Balita Today PILIPINAS TODAY is a digital news platform by SARTiNE. Views expressed by contributors or in shared materials are their own.

This company strives for accuracy, making sure that its content is for general information only and not professional advice. Third-party content remains the property of its creators. For any concerns, you may contact [email protected] or (02) 8646-2615; or the Editorial Department at [email protected] or (02) 8374-6386.

Ito ang reaksyon ng content creator na si ‘Kuya Renan’ sa pahayag ng Department of Trade of Industry (DTI) na sapat na u...
30/11/2025

Ito ang reaksyon ng content creator na si ‘Kuya Renan’ sa pahayag ng Department of Trade of Industry (DTI) na sapat na umano ang P500 para sa simpleng pang noche buena ng pamilyang Pilipino ngayong Pasko.

“Ang lupit niyo mag-set ng standard sa aming mahihirap, ‘yung iba nga diyan bilyones ‘di pa nakuntento tapos kami P500 makokontento na?” sabi ni Kuya Renan. (via Julian Katrina Bartolome)







Sa kainitan ng kilos protesta kontra katiwalian na ginaganap sa People Power Monument sa EDSA, Quezon City ngayong Lingg...
30/11/2025

Sa kainitan ng kilos protesta kontra katiwalian na ginaganap sa People Power Monument sa EDSA, Quezon City ngayong Linggo, Nobyembre 30, mismong si Akbayan Rep. Rafaela David ang nag-udyok sa mga anti-corruption advocates na baguhin ang kanilang rally chant upang ipadama sa gobyerno na hindi sila kuntento na ordinaryong mamamayan lang ang kinakasuhan at ikikukulong matapos idawit sa multi-bilyong pisong flood control anomaly.

Inengganyo ni David ang mga raliyista na palitan ang salitan "yan" ng "lahat" para puwersahin ang gobyerno na puntiryahin din ang malalaki at maimpluwensiyang politiko na ginawang gatasan ng flood control project anomalies para mangomisyon ng malaking halaga.

Agad naman itong kinagat ng mga demonstrador sa pagpapatuloy ng kanilang mass action.



‘EDUKASYON, HINDI KORAPSYON’Isa ito sa mga panawagang binigyang-diin ni Sen. Bam Aquino kasabay ng kanyang pakikiisa sa...
30/11/2025

‘EDUKASYON, HINDI KORAPSYON’

Isa ito sa mga panawagang binigyang-diin ni Sen. Bam Aquino kasabay ng kanyang pakikiisa sa Trillion Peso March laban sa korapsyon ngayong Linggo, Nobyembre 30.

“Kaisa tayo sa panawagan ng Simbahan at taumbayan na dapat managot at makulong ang lahat ng may kinalaman sa pagbulsa at pag-abuso sa pera ng bayan,” sabi ni Sen. Bam.

Bahagi ang senador sa hanay ng ilang mag-aaral at mga miyembro ng Kaya Natin Youth na nag-martsa sa People Power Monument sa Quezon City. (via Julian Katrina Bartolome)

(📸: Sen. Bam Aquino)






PROGRESSIVE GROUPS PATUNGONG MENDIOLA, MAYNILA Sa patuloy na dagsa ng mga tao sa Trillion Peso March sa Luneta, Maynila ...
30/11/2025

PROGRESSIVE GROUPS PATUNGONG MENDIOLA, MAYNILA

Sa patuloy na dagsa ng mga tao sa Trillion Peso March sa Luneta, Maynila ngayong Linggo, Nobyembre 30, kumikilos na ang mga progressive groups patungo sa Mendiola.

Batay sa pinakahuling ulat ng Manila Disaster Risk Reduction and Management Office (DRRMO) kaninang alas-11:00 ng umaga, tinatayang higit 3,000 katao na ang nakilahok sa kilos-protesta kontra katiwalian.

(Photos: Manila DRRM Office/Facebook)




‘YUNG IBA DIYAN BILYONES, HINDI PA NAKUNTENTO’“Ang lupit niyo mag-set ng standards sa aming mahihirap, ‘yung iba nga diy...
30/11/2025

‘YUNG IBA DIYAN BILYONES, HINDI PA NAKUNTENTO’

“Ang lupit niyo mag-set ng standards sa aming mahihirap, ‘yung iba nga diyan bilyones ‘di pa nakuntento tapos kami P500 makokontento na?” — ‘Kuya Renan’







30/11/2025

SAAN MAGSE-SESSION ANG SENADO SA DEC. 1?

Sa video na inilabas ng Office of the Senate Secretary, makikitang tumatagas pa ang tubig sa loob ng Session Hall ng Senado sa Pasay City, partikular sa unahang bahagi nito malapit sa puwesto ni Senate President Tito Sotto, ilang oras makaraang maapula ang sunog na sumiklab sa third floor ng Senate building Linggo ng umaga, Nobyembre 30.

Sa isang pahayag, sinabi ni Sotto na nagpapatuloy pa ang assessment ng Senado kung maaaring magamit ang session hall sa Lunes, Disyembre 1.

(Courtesy: Office of the Senate Secretary)



Batay sa listahan ng Anti-Red Tape Authority (ARTA), mayroong 269 na reklamong natanggap ang ARTA mula sa National Capit...
30/11/2025

Batay sa listahan ng Anti-Red Tape Authority (ARTA), mayroong 269 na reklamong natanggap ang ARTA mula sa National Capital Region (NCR) laban sa Social Security System (SSS) mula Enero hanggang Oktubre 2025.

Karaniwang may kinalaman ang mga reklamo sa Section 21(e) ng Ease of Doing Business and Efficient Government Service Delivery Act of 2018, na tumutukoy sa hindi pagtugon o hindi pagproseso ng serbisyo sa loob ng itinakdang panahon nang walang sapat na dahilan. (via Julian Katrina Bartolome)





Sinabi ni LTO Region 6 Director Atty. Gaudioso Geduspan II na nakasaad sa Republic Act 4136 o Land Transportation and Tr...
30/11/2025

Sinabi ni LTO Region 6 Director Atty. Gaudioso Geduspan II na nakasaad sa Republic Act 4136 o Land Transportation and Traffic Code na obligadong iparehistro ng mga vehicle owners ang mga roof rack o bike carriers na ikinakabit sa kanilang sasakyan.

Iginiit pa ni Geduspan na posibleng pagmultahin ng mga LTO traffic enforcer ang mga lalabag na P5,000.

Aniya, itinuturing ang mga roof rack at bike carriers bilang "vehicle modification" na kailangang iparehistro sa LTO dahil ito ay idinagdag na sa original design.

Sinabi pa ng opisyal na ang registration fee para sa mga naturang vehicle modification ay nasa P100 hanggang P200, depende sa classification.

Ipinaliwanag pa ng LTO official na mahalaga na ma-regulate ang top load ng mga sasakyan upang hindi ito makaapekto sa balance ng sasakyan at makaiwas sa sakuna.






Pinalagan ng labor leader na si Ka Leody de Guzman ang viral na pahayag ni Trade and Industry Secretary Cristina Roque n...
30/11/2025

Pinalagan ng labor leader na si Ka Leody de Guzman ang viral na pahayag ni Trade and Industry Secretary Cristina Roque na kakasya na ang P500 na pambili ng paghanda para sa Noche Buena kada pamilya.





30/11/2025

CLERGY SA GOBYERNO: DO NOT STEAL, DO NOT LIE, DO NOT KILL

Habang nagmamartsa sa ikalawang 'Trillion Peso March' anti-corruption rally ngayong Linggo, Nobyembre 30, sabay-sabay na isinisigaw ng mga pari at madre ang "Ikulong na 'yan... mga kurakot!" na naging patok sa mga kilos protesta matapos mabuking ang multi-bilyong pisong flood control anomaly na kinasasangkutan ng mga mambabatas, opisyales ng Department of Public Works and Highways (DPWH) at iba pang ahensiya ng pamahalaan.

(Courtesy: Altermidya/Facebook)




Hinamon ng grupong Akbayan ang gobyernong Marcos na ipakulong hindi lamang ang mga ordinaryong personalidad ngunit pati ...
30/11/2025

Hinamon ng grupong Akbayan ang gobyernong Marcos na ipakulong hindi lamang ang mga ordinaryong personalidad ngunit pati na rin ang malalaki at maimpluwensiyang politiko na idinawit sa multi-bilyong pisong flood control scam na ibinabandera ng mga awtoridad sa mga press conference kamakailan.

“Mr. President, time is ticking. Catch the big fish or sink in political ruin before 2028. Your actions these coming days will determine your fate,” pahayag ni Akbayan Rep. Rafaela David kasabay ng Trillion Peso March ngayong Linggo, Nobyembre 30.

"The flood control scandal is but a symptom of a deeper, systemic ailment: a bitter dynastic war between the camp of Marcos Jr. and the Dutertes, and the unchecked stranglehold of political families, which enables corruption of staggering proportions to flourish,” dagdag niya.

Hinamon din ng grupo si Pangulong Ferdinand R. Marcos Jr. na sertipikahan bilang priority measure ang Anti-Dynasty Bill na kanilang itunuturong puno't dulo ng malawakang katiwalian sa mga korapsiyon sa gobyerno.





“Ang pinakatiyak na safeguard, panlaban sa mga pang-aabuso sa puwesto ay ‘yung taumbayan mismo na tumitindig, ipinapamal...
30/11/2025

“Ang pinakatiyak na safeguard, panlaban sa mga pang-aabuso sa puwesto ay ‘yung taumbayan mismo na tumitindig, ipinapamalas ang kanilang protesta,” sabi ni Senator Kiko Pangilinan na nakiisa sa ikalawang ‘Trillion Peso March’ sa EDSA People Power Monument sa Quezon City ngayong Linggo, Nobyembre 30.




Address

Makati
1221

Website

Alerts

Be the first to know and let us send you an email when Pilipinas Today posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Pilipinas Today:

Shortcuts

Share

Category