24/01/2025
💧PARA KO MGA KANGODAAN:
➖➖➖➖➖➖➖
🔸Ska a Kangodaan na sabap ko Kala aka i arga ko agama, lalayon ka pkha aloy ko Qur'an ago so Hadith sabap sa Mala a sangan ka ko Kapaka apas o Engd, Pagtao na aya mala na so Agama..
📍 Na adn a Mosawer akn Rka taremaangka balasan rka o Allah sa mapiya:
1-Siyapangka so kababaloyngka a kangodaan sa nggolalan sa pananggila ingka so mga rarata ago so phamakabinasa na aya mala na so mga Dusa, sabap sa so rarad rka o Dusa na dingka pn magdam ko kangodangka na aya sigurado na odi kadn thawbat a dingka pagnawan a ginawangka na oras a maloks ka na makapzndit ka sa tarotop.
2-Siyapangka so Paliyogat a sambayang, Puwasa, Kagya so sambayang ago salakaw ron a paliyogat na aya rka phakatabang ko kaparoli angka ko mga Pangarap ka ko Dunya, lagid o arap ka baka makapasad mangadi, baka makalai tamok, baka makabalas ko mbala a loks ka.
3-Tunayn ka so mga kabnar rka o Mbala a loks ka , mga pagaringka, mga lolot ka ago so mga siringan ka, mga layok ka taman ko mga ustadh odi na mga Gurongka, giyanan so kapharangayngka kiran sa mga pipiya a adat ago paparangayan kagya san pkha along so khawriyan ko kaphagin'taongka... 📍Sadn sa mapiya i Paparangayan na tawfiqan o Allah sa mapiya a kaphagintao.
4-Pakimbolayoka ka ko mga alai sabot ko agama a mga pipiyA i Simba, pagapas ka ko ilmo iran ago so mga nda'wan iran ago so mga mosawer iran na talikhodingka so mga karibatan iran kagya siran na mga manosya a lagid ka.
5- Onotingka so mga lalangan o mga Datu ko kaphagingd a di makasosopak ko Qur'an ago so Hadith kagya san mapapadalm so kaphaka tabangka ko kalilintad o Darpa aka.
6- Khotaingka a ginawangka sa nggolalan ko Podipodi ko Allah a mga Tasbih, Istigfar, Tahajjud, Kalangag sa Qur'an , Kapmaathurat.. Kagya giyanan i kakhasiyapangka ko ginawangka phoon ko Shaitan ago Pangangatao a makatipo ago mga Jinn a makasiig ago mga Manosya a tomotonda sa Songkor. Labao ron so kabatya sa Qur'an ka ipthakna o puso a phakabugaw sa awida akal ago mga proglema.
7- Layamangka a ginawangka ko kambayorantang nduwaa ago mangni ko Allah kagya arang a mawatan ka pn ko zongowan ka na aya mala a loto oka na so tabang o Allah ko kapakadaya aka ko Dunya aka ago so Alongan ka a mawri.
8-Aya playokn ka na so mga pipiya a layok a sii kiran khisabap a kakhalipatingka ko marata a baya a ginawa ago so kambaradusa... Na dika p**i ph'layok ko di matao moman sa ilmo a di phanampo sa walay ka mababaya ndadalakaw sa daa bali niyan.
9-Obangka kalipati a giya miyangi bago a kasangkapan o mga kangodaan a lagid ka aya datar yan na so mga celphone, loptop, Tablets na khapakay a mabaloy a reduayngka a pagalangan niyan so kapiya a kapagintao ko pkhaori a masa a kapakazndit ago kapakambaoman na aya mala na khitolod ka niyan ko rarangit o Allah o dingka masiyap a ginawangka.
10-Sigurado a pagadapn ka so Allah sa alongan a mawri, na obaka makasndit sangkoto a gawii a di phakanggay a gona so kazndit.
=🤝📚PHANGNIN AKN KO ALLAH A MABALOY KA KANGODAAN A MALA I KIPANTAG KO ENGD AGO SO PAGTAO NA AYA MALA NA SO AGAMA
KABALASAN KA SO MGA LOKS KA A MIYARASAY RKA
MIPAGANDISAN KA IRAN KO MGA LOLOT IRAN AGO SO MGA GINAWAE IRAN
PAKASOLDN KA O ALLAH KO SURGA
SKA AGO SAKN AGOSO MGA TAO A MALA RKA I ARGA
AMEEN YA RABB...
Mga Mosawer anan o mala ulama a si Shaikh AbdulRazaq Al-Badr siyapn o Allah
Initugalin tanu sa Basa iranon..
