19/05/2026
Dahil paulit-ulit ang script ng Duterte camp na “mag-focus sa flood control,” sige, mas mag-focus pa tayo.
Mag-focus tayo sa ₱51 billion na infrastructure allocation ng Davao City First District noong huling tatlong taon ng administrasyon ng tatay ni Pulong Duterte — halagang kinumpirma sa hearing batay sa DPWH records, National Expenditure Program, at General Appropriations Act.
Mag-focus din tayo sa mas maingat na bersyon: ayon sa DPWH-Davao documents na iniulat ng GMA Regional TV, nasa ₱49.8 billion ang actual infrastructure allocation para sa First District mula 2020 hanggang 2022, para sa 710 infrastructure projects. Sa halagang iyon, ₱8 billion ang napunta sa flood control.
Sige. Kahit gamitin pa natin ang conservative figure, hindi pa rin ito sukli sa jeep. Hindi ito barya sa alkansya. Hindi ito “uy may project pala.” This is a historic amount of public money.
Kaya kapag may kabahayan sa Davao na nilulubog ng baha, hindi pwedeng ang sagot lang ay pa-victim, pa-diversion, o “inaatake ang pamilya namin.” Hindi pamilya ang binabaha. Bahay ng tao. K**a ng tao. Gamit ng bata. Ref na pinag-ipunan. School supplies. Gamot ng senior. Yung tsinelas na biglang naging bangka.
Ang tanong simple: kung ganito kalaki ang infrastructure allocation, at kung ₱8 billion ang flood control share, bakit may mga lugar pa ring parang ginawang swimming pool na walang lifeguard, walang alarm, walang malinaw na evacuation warning?
Hindi ito anti-Davao. Anti-baha ito. Anti-“may budget pero lubog pa rin ang tao.” Anti-“historic allocation pero ordinaryong residente pa rin ang sumasalo ng tubig gamit timba, tabo, at dasal.”
At kay Pulong Duterte, hindi sapat ang “ipakita ang records” kung ang mga tao mismo ang nagpapakita ng tubig sa loob ng bahay nila. The flood is already a receipt.
Hindi niya kailangan ng blue ribbon hearing para maging basa. Hindi niya kailangan ng affidavit para pumasok sa sala. Hindi siya opposition. Hindi siya dilawan. Hindi siya komunista. Tubig siya. At kapag ang tubig nasa loob na ng bahay, wala na siyang pakialam sa apelyido mo.
Hindi ko sinasabing ninakaw. Ang sinasabi ko: sa ganitong halaga, bawal ang malabong sagot.
Sa ₱49.8 billion to ₱51 billion na usapan, dapat bawat kanto may paliwanag. Bawat proyekto may lokasyon. Bawat kontrata may pangalan. Bawat contractor may record. Bawat completion report may litrato na hindi mukhang kinuha sa multiverse. Bawat inspection may petsa. Bawat maintenance plan may patunay. Bawat baha may sagot na mas matino kaysa “huwag niyo kaming pulitikahin.”
At this scale, “ipakita ang records” should not mean a press release, a selective screenshot, or a folder waved around like holy water. It should mean a public, searchable, project-by-project accounting: project title, exact location, contractor, contract amount, funding year, status, completion date, inspection report, maintenance record, before-and-after photos, and actual explanation kung bakit may komunidad pa ring binabaha.
Hindi ito paratang ng pagnanakaw. Ito ay demand for public accounting.
Kapag bilyon ang pondo, bawal ang sagot na parang resibo sa sari-sari store.
Dahil ito ang problema sa pamilyang matagal nang sanay na ang kapangyarihan ay parang inheritance: kapag papuri, kanila ang credit; kapag baha, kasalanan ng ulan. Kapag project, “ginawa namin ’yan.” Kapag pumalpak, “huwag idamay ang pamilya.”
Ang galing. Public service kapag may ribbon. Private trauma kapag may tanong.
Pulong Duterte does not get to enjoy the political benefit of a massive district allocation while dodging the moral burden of its results.
Kung historic ang pondo, dapat historic din ang protection. Kung record-breaking ang allocation, dapat record-breaking din ang drainage, warning system, evacuation protocol, transparency, and maintenance. Hindi pwedeng record-breaking ang budget pero record-breaking din ang kapal ng mukha kapag naniningil ang publiko.
Ang baha, walang respeto sa press release. Hindi siya natatakot sa political dynasty. Hindi siya napapakiusapan ng “respeto naman sa pamilya.” Kapag pumapasok ang tubig sa bahay ng tao, ang tanong nila hindi “anong party-list ang may sala?” Ang tanong nila: saan napunta ang pera?
At hanggang walang malinaw, itemized, public, verifiable, project-by-project accounting ng bilyon-bilyong pondong ito, may karapatan ang taumbayan na magtanong.
Dahil ang ₱51 billion infrastructure allocation, o kahit ang mas conservative na ₱49.8 billion figure, hindi dapat nagtatapos sa tarp, press release, at paawa.
Dapat nagtatapos ’yan sa tuyong bahay, ligtas na komunidad, gumaganang drainage, maagap na alarm, matinong maintenance, at residenteng hindi kailangang matulog habang iniisip kung sa k**a ba siya gigising o sa bangka.
Sabi nila, mag-focus sa flood control.
Sige.
Unahin natin ang tanong:
Pulong Duterte, sa laki ng pondong dumaan sa distritong kinatawan mo, bakit parang ang pinak**abilis pa ring umaangat sa Davao ay hindi ang kalidad ng flood control — kundi ang tubig?
REFERENCES:
Untalan, S. (2025, September 9). DPWH official confirms P51-B infra budget to Davao; Paolo Duterte says no irregularities. GMA News Online. https://www.gmanetwork.com/news/topstories/nation/958558/dpwh-davao-51-billion-paolo-duterte/story/
Porcalla, D. (2025, September 10). Paolo Duterte got P51 billion in flood control projects – Cabral. OneNews.PH. https://www.onenews.ph/articles/paolo-duterte-got-p51-billion-in-flood-control-projects-cabral
Davao Today. (2024, January 26). Cong. Pulong Duterte got P51-B budget in three years. Davao Today. https://davaotoday.com/politics/cong-pulong-duterte-got-p51-b-budget-in-three-years/
GMA Regional TV News. (2026, May 18). At least 4 families in Davao City evacuated due to flooding. GMA Regional TV. https://www.gmanetwork.com/regionaltv/community/114130/at-least-4-families-in-davao-city-evacuated-due-to-flooding/story/
City Government of Davao. (2025). Updated barangay directory [PDF].https://www.davaocity.gov.ph/wp-content/uploads/2025/02/Updated-Barangay-Directory.pdf
Duterte, P. (n.d.). The First District. Pulong Duterte. Retrieved May 19, 2026, from https://www.pulongduterte.com/the-first-district
Palicte, C. (2021, October 26). Flooding forces 850 families to evacuate in Davao. Philippine News Agency. https://www.pna.gov.ph/articles/1157864
And also inspired by an old post by Juan Luna Blog.
