22/09/2026
WAG KANG MAYABANG.
Huwag kang mayabang dahil may narating ka na. Huwag mong maliitin ang mga taong hindi kasing taas ng posisyon, estado, o kakayahan mo. Tandaan mo, hindi mo hawak ang lahat ng mayroon ka; marami sa mga biyayang natanggap mo ay ipinagkaloob sa iyo.
Huwag mong ipagmalaki ang pera, ganda, talino, posisyon, koneksyon, o anumang mayroon ka ngayon. Dahil lahat ng iyan ay maaaring mawala.
Mas mabuting maging mapagpakumbaba kaysa maging mataas sa paningin ng iba ngunit mababa naman ang pagtingin sa kapwa.
Kapag nasa taas ka, huwag mong apakan ang nasa baba. Kapag pinagpala ka, matutong magbahagi. At kapag may kakayahan ka, gamitin mo ito para makatulong, hindi para mangmaliit.
Darating ang panahon na pare-pareho tayong haharap sa Diyos. Sa huli, hindi natin madadala ang pera, titulo, posisyon, o yabang; ang mahalaga ay kung paano natin minahal at itinuring ang ating kapwa.
Wag kang mayabang. Manatiling mapagpakumbaba.
