15/08/2026
๐๐๐๐๐ง๐ | Panukalang pondo ng BulSU para sa taong 2027, bawas โฑ181 milyon
ni Risecel Ann Cruz
Bumaba ng humigit-kumulang โฑ181 milyon ang panukalang badyet ng Bulacan State University (BulSU) para sa 2027 kumpara sa kasalukuyang alokasyon nito ngayong 2026, ayon sa National Expenditure Program (NEP) ng Department of Budget and Management (DBM) na inilabas noong Agosto 11.
Mula sa โฑ2.110 bilyong alokasyon ng BulSU para sa 2026, nakapaloob sa panukalang badyet para sa 2027 ang humigit-kumulang โฑ1.929 bilyon, katumbas ng tinatayang 8.59 porsyentong pagbaba.
Gayunman, panukala pa lamang ang naturang halaga at maaari pa itong magbago habang dumaraan ang pambansang badyet sa proseso ng deliberasyon sa Kongreso bago maisabatas ang pinal na General Appropriations Act.
๐๐ฎ๐ด๐ฝ๐ฎ๐ ๐๐ฎ ๐๐๐น๐ฆ๐จ
Kasabay ng usaping panukalang pondo ng BulSU, hindi lamang ang BulSU ang makararanas ng pagbawas ng nasabing badyet dahil binigyang-diin din ng National Union of Students of the Philippines (NUSP) ang mas malawak na kalagayan ng mga state universities and colleges (SUCs) sa bansa.
Sa inilabas na pahayag na inilathala sa Facebook ng NUSP, sinabi nitong 49 sa 113 SUCs ang humaharap sa panukalang pagbawas sa badyet sa ilalim ng 2027 NEP.
Kabilang sa binanggit ng organisasyon ang University of the Philippines System at Polytechnic University of the Philippines, na ayon sa NUSP ay kabilang din sa mga SUC na may panukalang bawas sa pondo.
Iginiit din ng NUSP na maaring makaapekto ang kakulangan sa pondo sa kakayahan ng mga SUC na tugunan ang mga pangangailangan sa mga silid-aralan, kagamitang pang-akademiko, at suporta para sa mga estudyante.
Nanawagan ang organisasyon para sa sapat at mataas na pondo para sa edukasyon, na binigyang-diin nitong hindi dapat paulit-ulit na ipinaglalaban ng mga estudyante sa proseso ng pambansang pagbabadyet.
๐ฃ๐ฎ๐ป๐ฎ๐๐ฎ๐ด๐ฎ๐ป ๐ป๐ด ๐บ๐ด๐ฎ ๐บ๐ฎ๐ด-๐ฎ๐ฎ๐ฟ๐ฎ๐น
Samantala, nanawagan din para sa sapat na pondo ang Office of the Student Regent (OSR) at Student Government (SG) ng BulSU.
Sa kanilang pahayag na inilathala sa Facebook ng OSR at SG, binigyang-diin ng mga student leader na ang pagbaba ng badyet sa pamantasan ay hindi lamang usapin ng halaga ng pondong inilaan dito.
Gayunman, kinilala rin ng OSR at SG na may positibong bahagi ang panukalang badyet, kasabay ng kanilang panawagan na tugunan ang mga kakulangan na maaaring maramdaman ng unibersidad.
Dahil panukala pa lamang ang badyet, nanawagan ang mga student leader para sa pagkakataong madagdagan ang pondo ng pamantasan at hinikayat ang pamahalaan na maglaan ng sapat na pondo para sa sektor ng edukasyon.
๐ฆ๐ฎ๐ฎ๐ป ๐ถ๐น๐ฎ๐น๐ฎ๐ฎ๐ป ๐ฎ๐ป๐ด ๐ฝ๐ผ๐ป๐ฑ๐ผ?
Sa panukalang badyet ng Bulacan State University (BulSU) para sa 2027, nakalaan ang โฑ1.020137 bilyon para sa Personnel Services, โฑ807.013 milyon para sa Maintenance and Other Operating Expenses (MOOE), at โฑ101.36 milyon para sa Capital Outlays.
Nakapaloob din sa panukalang badyet ang mga programa ng pamantasan, kabilang ang Higher Education Program, Free Higher Education, Advanced Education, Research, at Technical Advisory Extension. Mayroon ding mga proyekto at aktibidad na nakalista sa panukalang programa ng BulSU para sa 2027.
Kabilang sa mga nakatalang proyekto ang pagtatatag ng Professional Laboratory para sa College of Medicine sa San Rafael Campus, na may panukalang pondo na โฑ101.360 milyon.
Samantala, sinabi ng Office of the Student Regent (OSR) at Student Government (SG) ng BulSU sa kanilang pahayag na maaaring maantala ang ilang proyekto at pasilidad at maapektuhan ang ilang serbisyo at pangangailangan ng mga estudyante kapag nabawasan ang pondong nakalaan sa pamantasan.
Sa ngayon, nananatiling panukala ang badyet ng BulSU para sa 2027 habang nagpapatuloy ang proseso ng pagtalakay sa panukalang pambansang badyet sa Kongreso.
