12/06/2026
๐๐ถ๐ป๐ป ๐๐ฑ, ๐๐ข๐ฃ๐๐ช๐จ๐ฉ! ๐
๐๐๐๐ ๐๐๐๐: ๐๐ ๐๐ง๐๐ง๐ ๐๐๐ ๐๐ฌ๐ฉ๐๐ฌ ๐ง๐ ๐ฆ๐ ๐ ๐๐๐ค๐ฉ๐๐ค | ๐๐๐๐ง๐จ๐ฅ๐
May mga paglalakbay na nagsisimula sa isang hakbang. Mayroon ding nagsisimula sa isang simpleng paglingon sa pagtawag ng kanilang pangalan.
Sa bawat pagbigkas ng mga seksyon sa roll call ng AKAP: Freshies' Fair 2026, tila isang bagong himig ang nabuo sa loob ng Valencia Hallโisang himig na binubuo ng pananabik, kaba, at mga pangarap na sabay-sabay na nagising sa pagsisimula ng panibagong taong-panuruan.
Ang mga bagong Labhayenyo ng ika-pitong baitang ay hindi lamang mga estudyanteng naghihintay ng kanilang unang arawโsila rin ay may mga pakpak na naghahandang sumulong sa mas malawak na himpapawid.
At lalo pa ngang nagningas ang damdaming ito sa pagbubukas ng programa sa pamamagitan ng mensaheng hatid ng pinakamamahal na punong-g**o, Maโam Niรฑa Lilia R. Javier. Sa kanyang mga salita, tila isang munting apoy ang isinindi sa puso ng bawat mag-aaralโisang paalala na ang pagpasok sa pamantasan ay hindi lamang pagsisimula ng panibagong baitang, kundi pagsisimula rin ng panibagong bersyon ng kanilang sarili.
Isang bersyon na maalab, palaban, at hindi matitinag.
Ngunit bago maunang lumipad ang isip, kinailangan muna nilang magisingโna naisakatuparan sa pamamagitan ng isang icebreaker game na nagsimula sa simpleng paghula ng mga logo, kung saan mabilis na napalitan ng tawanan ang kaba ng bawat mag-aaral. Mula sa mga pamilyar na tatak hanggang sa mga nakakatawang sagot na hindi inaasahan ng sinuman, napuno ng halakhakan ang apat na sulok ng bulwagan.
Sa mga sandaling iyon, unti-unting natunaw ang ilang pader sa pagitan ng mga estrangherong unti-unti nang kinikilala ang isaโt isa. Nang maging handa na ang lahat, ipinakilala na ni Ma'am Geraldine L. Reyes ang panauhing tagapagsalitaโisang dating Labhayenyo na minsan na ring umupo sa parehong mga upuang
inuupuan ngayon ng mga bagong mag-aaral.
Si Engr. John Arvi S. Marasigan, na kung nooโy nangangarap lang din, ay hindi dumating bilang isang titulo lamang. Dumating siya bilang patunay na may mga pangarap na kayang abutin ng isang Labhayenyo. Bilang Top 6 passer sa March 2026 Civil Engineering Licensure Examination (CELE), ibinahagi niya ang kanyang karanasan, pananampalataya sa sariliโat higit sa lahat, ang kanyang tiwala sa kakayahan ng bawat estudyanteng naroroon.
"Dream high, no matter what. Mangangarap ka na lang, kaya taasan mo na."
At sa isa pang payak ngunit makapangyarihang tanongโ
"Paano mo malalaman kung hindi mo susubukan?" Sa mga salitang iyon, tila nagsitabihan ang mga ulap para magbigay-daan sa sikat ng araw para sa mga bagong mag-aaral. At kahit may mga pagkakataong ang paglipad ay may kasamang panganib, paano nga ba malalaman ang taas na kayang marating ng isang tao kung hindi niya susubukang ibuka ang kanyang mga pakpak?
Dahil ang tunay na kabiguan ay hindi ang pagbagsakโkundi ang hindi man lamang pagtatangkang lumipad.
Mula sa mga pangarap, tumungo naman ang programa sa pagtuklas. Sa pamamagitan ng isang Virtual Campus Tour na inihanda ng Local Student Council, nasilayan ng mga mag-aaral ang iba't ibang bahagi ng kanilang magiging ikalawang tahanan. Sinundan ito ng isang masayang trivia game kung saan nasubok ang kanilang pagka-mapagmasid at alaala. Sa bawat tamang sagot at bawat masayang palitan ng reaksyon, mas naging pamilyar sa kanila ang mundong kanilang tatahakin sa mga susunod na taon.
Sa pagtatapos ng programa, umakyat sa entablado ang bagong talagang LSC Governor na si Ms. Precious Chloe Deliupa upang ihatid ang kanyang pangwakas na mensahe. Ang kanyang salita ay tila susi na marahang ipinagkatiwala sa mga freshiesโsusi tungo sa mga oportunidad, hamon, at tagumpay na naghihintay sa kanilang landas bilang mga Labhayenyo. Nang tuluyang bumaba ang tabing ng AKAP: Freshiesโ Fair 2026, hindi lamang isang oryentasyon ang natapos. Isang paglalakbay ang nagsimula.
At habang dala ng mga mag-aaral ang kanilang mga bagong karanasan, bagong kaibigan, at bagong pangarap, isang bagay ang nananatiling tiyakโsa LabHigh, ang bawat pakpak ay may pagkakataong lumipad.Tunay ngang basta LabHigh, mahusay at magalang!
Caption by Alessandra Glycel S. Chua (9 STE - Banzon)
Copyread by Ava Urielle J. Oprilla (10 STE- Juliano)
Border by Jeslyn Margareth C. Espineda (10 - Yakal)
Photos by Shadd Nesta E. Castillo (9 - Acacia), and Sapphire Mhae A. Calayag (8 - Apitong)
