08/12/2012
Bayan ng San Ildefonso, Sta. Maria namayagpag sa 2012 Lakan at Lakambini ng Bulakan
Nanguna sa kakisigan si Joey Taruc mula sa bayan ng San Ildefonso habang sa pagandahan naman nanaig ang pambato ng Sta. Maria na si Bernadette Mae Aguirre matapos silang tanghaling mga panalo sa katatapos lang na Lakan at lakambini ng Bulacan 2012 na ginanap sa bagong tayong Baliwag Gymnasium.
Una pa lang ay humakot na ng special awards ang dalawang kampeon at nangibabaw sa 19 na kandidatong Lakan at 15 Lakambining Kandidata na mga kalahok.
Magkasama nilang nasungkit ang Best in Swimwear na sinundan pa ng pagiging Best in Formal Wear ni Aguirre at Popularity Award ni Taruc.
Nagkaroon din ng parangal sina Charlie Rick Sheen Flores ng Sta. Maria at mula sa San Ildefonso na si Michelle Angela Soriano bilang mga Best in Talent at Miss Photogenic din, Mr. Congeniality at Mr. Formal Wear naman ang nakamit ng panlaban ng Plaridel na si Mark Louie Bornilla habang Ms. Congeniality ang napunta kay Guia Paula Guttierez ng Sta. Maria at Ms. Popularity Award ang kay Kriszha Soriano mula sa Meycauyan.
Pagkataps ng Special Awards ay inanunsiyo na ang Top 10 na pinuno nina Taruc ng San Ildefonso, Bornilla ng Plaridel, Emerald Pascual mula Bulakan, Christian Allen Soriano ng Meycauyan, Jonathan Maniquis ang Lakan ng San Jose Del Monte (SJDM), James Maverick Jose ng Bustos, Aaron Neil Borja ng SJDM, Phillip Henry Magsalin mula sa Calumpit, Flores ng Sta. Maria at Mark Anthony Mempin mula sa bayan ng San Rafael para sa Lakan.
Kasama nila ang mga lakambining sina Aguirre ng Sta. Maria, Dannah Gayle Claro ng SJDM, Krizza Fyelle Ignacio ng Sta. Maria, Zairra Maryca Adriano ng Paombong, Soriano ng Meycauyan, Cristine Andrea Munsayac ng San Rafael, Rickie Mae Bernabe ang Lakambini ng Baliwag, Rachelle Navarro ng Hagonoy, Shaira Soriano ng Obando at Kate Diane Moreno mula sa SJDM.
Naiuwi nga ni Taruc at Aguirre ang pinakamaningning na titulong Lakan at Lakambini ng Bulacan 2012, samantalang sumunod naman sa kanila sina Jonathan Maniqius at Cristine Andrea Munsayac bilang mga first runner-up, pumwesto naman sa second runner-up sina Charlie Rick Sheen Flores at Rickie Mae Bernabe, sina Mark Louie Bornilla at Kriszha Soriano naman ang nagsalo sa third runner-up at fourth runner-up sina Aaron Neil Borja at Rachelle Navarro.
“Sila talagang dalawa ‘yong nag standout. Magaling silang sumagot at napaka pleasant nilang tignan sa stage.” ani ng isa sa mga judges na si Janina San Miguel, former Bb. Pilipinas winner.
Wala naman paglagyan ng kasiyahan ang dalawang nagwagi na sinabing pagmamahal at tiwala sa sarili ang naging susi ng kanilang tagumpay.
“It’s because of my self-confidence and the believe that I have in myself.” sagot ng bagong Lakambini.
Gayunpanman, nagpasalamat din sila sa lahat ng mga taong sumuporta sa kanila sa buong kumpetisyon.
“Maraming, Maraming salamat sa lahat ng sumuporta especially sa mga taga-San Ildefonso at doon sa kahit ‘di namin ka town na sinuportahan ako. Salamat.” bati ng bagong Lakan.
Bukod sa titulo nag-uwi rin ang dalawa ng Php30,000 bilang cash prize.
Ito na ang ika-16 na taon na pagtatanghal ng Lakan at lakambini ng Bulacan Charities Inc.,na itinuturing na pinakaprestihiyosong patimapalak pagdating sa pagandahan at pakisigan sa nasabing probinsya.
