OneMaluso

10/07/2026

𝗠𝗔𝗬𝗢𝗥 𝗞𝗔𝗜𝗦𝗘𝗥 𝗦. 𝗛𝗔𝗧𝗔𝗠𝗔𝗡 𝗔𝗡𝗗 𝗧𝗛𝗘 𝗘𝗡𝗧𝗜𝗥𝗘 𝗠𝗨𝗡𝗜𝗖𝗜𝗣𝗔𝗟𝗜𝗧𝗬 𝗢𝗙 𝗠𝗔𝗟𝗨𝗦𝗢 𝗘𝗫𝗧𝗘𝗡𝗗 𝗧𝗛𝗘𝗜𝗥 𝗖𝗢𝗡𝗚𝗥𝗔𝗧𝗨𝗟𝗔𝗧𝗜𝗢𝗡𝗦 𝗧𝗢 𝗘𝗡𝗚𝗥. 𝗔𝗟𝗡𝗔𝗜𝗙 𝗥𝗢𝗡𝗜𝗘 𝗔. 𝗖𝗨𝗘𝗩𝗔𝗦, 𝗠𝗣𝗔, 𝗢𝗡 𝗛𝗜𝗦 𝗔𝗣𝗣𝗢𝗜𝗡𝗧𝗠𝗘𝗡𝗧 𝗔𝗦 𝗕𝗔𝗦𝗜𝗟𝗔𝗡 𝗗𝗜𝗦𝗧𝗥𝗜𝗖𝗧 𝗘𝗡𝗚𝗜𝗡𝗘𝗘𝗥

Malugod na binabati ni Mayor Kaiser S. Hataman, kasama ang buong Pamahalaang Bayan ng Maluso, si Engr. Alnaif Ronie Abunawas Cuevas, MPA, sa kanyang pagkakatalaga bilang Bagong District Engineer ng Basilan District Engineering Office.

Ang mahalagang tungkuling ito ay patunay ng kanyang dedikasyon, kakayahan, at matapat na paglilingkod sa sambayanan. Nawa'y magsilbi ang kanyang pamumuno bilang daan sa mas maayos na pagpapatupad ng mga proyektong pang-imprastraktura at higit pang pag-unlad ng lalawigan ng Basilan.

Taos-puso rin ang aming pasasalamat kina Vice Governor Jim Hataman-Salliman at Chief Minister Abdulraof A. Macacua sa kanilang patuloy na suporta at pagtitiwala sa mga lider na may kakayahan at malasakit sa paglilingkod para sa Bangsamoro.

Muli, congratulations, Engr. Cuevas! Nawa'y pagpalain ka ng Allah (SWT) sa iyong bagong tungkulin at gabayan sa patuloy na paglilingkod para sa kapakanan ng sambayanang Basieñol at ng buong Bangsamoro.

Mabuhay ka, at mabuhay ang Basilan!

08/07/2026

𝐎𝐩𝐢𝐬𝐲𝐚𝐥 𝐧𝐚 𝐏𝐚𝐡𝐚𝐲𝐚𝐠 𝐧𝐢 𝐕𝐢𝐜𝐞 𝐆𝐨𝐯𝐞𝐫𝐧𝐨𝐫 𝐉𝐢𝐦 𝐒. 𝐇𝐚𝐭𝐚𝐦𝐚𝐧 𝐒𝐚𝐥𝐥𝐢𝐦𝐚𝐧

𝘗𝘢𝘳𝘢 𝘴𝘢 𝘬𝘢𝘢𝘭𝘢𝘮𝘢𝘯 𝘯𝘨 𝘱𝘶𝘣𝘭𝘪𝘬𝘰:

Ang Sangguniang Panlalawigan ay nagpasa ng isang Resolusyon na nag-aapruba sa Annual Investment Program (AIP) na may pondong ₱50 milyon mula sa Local Government Support Fund (LGSF) ng BARMM. Alinsunod sa nasabing Resolusyon, malinaw na itinatadhana ang pagsusumite ng status report o ulat sa katayuan sa Sangguniang Panlalawigan hinggil sa progreso at implementasyon ng naturang programa.

Gayunpaman, hanggang sa kasalukuyan, wala pang naihahain o natatanggap na kaukulang ulat o update ang Sangguniang Panlalawigan hinggil sa implementasyon ng nasabing ₱50 milyong programa na may mga rice/food packs distribution ding kasama.

Dahil dito, nagpasya ang pamunuan ng Sangguniang Panlalawigan na pansamantalang ipagpaliban ang pagbibigay ng karagdagang awtoridad sa Local Chief Executive upang pumasok sa isang kasunduan (Authority to Enter into Agreement) para sa implementasyon ng ₱64 milyong Rice Distribution Program, hangga’t hindi pa naipapasa ang kinakailangang status or accomplishment report ukol sa naunang ₱50 milyon at ₱25 milyong mga programa na dati nang inaprubahan ng Sangguniang Panlalawigan, bagamat ayon sa Executive ang 25 Million pesos ay hindi pa na da download sa Account ng Provincial Government.

Ang hakbang na ito ay bahagi ng patuloy na pagsisikap ng Sangguniang Panlalawigan na matiyak ang transparency, accountability, at wastong pagpapatupad ng mga programang pinopondohan ng pamahalaan.

03/07/2026