Addition Hills News

Addition Hills News Empowering Addition Hills through truthful, impactful, and youth-led journalism.

| Personal na hinatid ng Sangguniang Kabataan ng Addition Hills sa pangunguna ni SK Chairman JV Hoseña ang handheld me...
17/09/2026

| Personal na hinatid ng Sangguniang Kabataan ng Addition Hills sa pangunguna ni SK Chairman JV Hoseña ang handheld metal detectors sa limang paaralan sa Barangay Addition Hills ngayong Huwebes, Setyembre 17.

Kabilang sa mga paaralang nakatanggap nito ang Addition Hills Integrated School (AHIS), Andres Bonifacio Integrated School (ABIS) Main at Senior High School, Jose Fabella Memorial School (JFMS), at Mandaluyong Addition Hills Elementary School (MAHES).

Layunin ng hakbang na makatulong sa pagpapatibay ng seguridad sa mga paaralan.

Bahagi rin ito ng pakikiisa ng SK Addition Hills sa pagpapanatili ng ligtas at maayos na learning environment para sa mga mag-aaral.

Inaasahang makatutulong ang mga handheld metal detector sa mas maayos na pagsusuri sa mga pumapasok sa paaralan at sa maagap na pagtukoy sa mga bagay na maaaring magdulot ng panganib, bilang dagdag na hakbang para sa kaligtasan ng mga estudyante, g**o at school personnel.

‘LIGTAS NA PAARALAN, LIGTAS NA KABATAAN’TINGNAN | Ipinamahagi na ng Sangguniang Kabataan ng Addition Hills, sa pangungun...
17/09/2026

‘LIGTAS NA PAARALAN, LIGTAS NA KABATAAN’

TINGNAN | Ipinamahagi na ng Sangguniang Kabataan ng Addition Hills, sa pangunguna ni SK Chairman JV Hoseña, ang mga handheld metal detector sa mga pampublikong paaralan sa Barangay Addition Hills ngayong Huwebes, Setyembre 17.

Ito ay bilang dagdag na hakbang para sa seguridad ng mga estudyante at school personnel.

Isa-isa nilang pinuntahan at binisita ang mga paaralan sa barangay upang personal na i-turnover ang mga metal detector, kasama sina SK Kagawad Sophie Hermosa at SK Secretary Ivy Ressureccion.

JUST IN | Lusot na sa ikatlo at huling pagbasa sa Senado, sa botong 13 na pabor, limang tutol at wala namang abstain, an...
14/09/2026

JUST IN | Lusot na sa ikatlo at huling pagbasa sa Senado, sa botong 13 na pabor, limang tutol at wala namang abstain, ang panukala na nagtatakda ng limang taong termino para sa mga opisyal ng Barangay at Sangguniang Kabataan (SK).

Ipinatatakda rin sa November 2028 ang susunod na Barangay at SK elections, sa halip na ngayong November 2, 2026.

| via Niconiel Devenecia, Addition Hills News

| Umarangkada ngayong Setyembre 14 ang programang “Handog ng Pangulo: Serbisyong Sapat Para sa Lahat, Hatid sa mga Man...
14/09/2026

| Umarangkada ngayong Setyembre 14 ang programang “Handog ng Pangulo: Serbisyong Sapat Para sa Lahat, Hatid sa mga Mandaleño” na ginanap sa Mandaluyong City College of Science and Technology (MCST) Gymnasium.

Handog ito ni Pangulong Ferdinand Marcos Jr., bilang bahagi ng paghahatid ng iba’t ibang serbisyo at tulong sa mga residente ng lungsod, kabilang ang mga benepisyaryo mula sa Barangay Addition Hills.

Kabilang sa mga serbisyong hatid ng programa ang ₱20 kada kilo ng bigas para sa 1,000 indibidwal, gayundin ang libreng medical, dental at legal services.

Mamamahagi rin ng 10 kilo ng libreng bigas para sa mga tricycle driver at senior citizen bilang dagdag na ayuda sa mga sektor na nangangailangan ng suporta.

Layunin ng programa na mailapit sa mga Mandaleño ang mga serbisyong pangkalusugan, legal at pangkabuhayan upang makatulong sa kanilang pang-araw-araw na pangangailangan.

| via Irish Calape, Addition Hills News

THE BADDEST JOURNALISTS ARE IN ADDITION HILLS NEWS ✍🏻👀Addition Hills News is opening its doors to driven individuals who...
13/09/2026

THE BADDEST JOURNALISTS ARE IN ADDITION HILLS NEWS ✍🏻👀

Addition Hills News is opening its doors to driven individuals who aspire to make an impact in the field of journalism.

We are seeking new contributors and staff members who are committed to storytelling and producing credible, engaging and socially relevant content across our digital and multimedia platforms.

Join the community now!

https://tinyurl.com/AHNApplication
https://tinyurl.com/AHNApplication
https://tinyurl.com/AHNApplication

| Arestado ang isang lalaki na nakuhanan sa Closed-circuit television (CCTV) at dalawang kasabwat nito sa pagnanakaw n...
13/09/2026

| Arestado ang isang lalaki na nakuhanan sa Closed-circuit television (CCTV) at dalawang kasabwat nito sa pagnanakaw ng ilang gamit sa permanent evacuation center sa Barangay Addition Hills, Mandaluyong City.

Tinatayang ₱35,200 ang halaga ng mga gamit na nabawi ng mga pulis at barangay personnel kabilang na ang laptop, extension wires, radyo, speaker, first aid kit, tripod, shoulder bag, reading glasses, wireless mouse, keyboard, mortar at pestle set.

Kinilala ang mga nahuli na sina alyas “Denmark,” 21; “Robert,” 42; at “Rochelle,” 45-anyos, na pawang residente ng Mandaluyong.

Nadiskubre ng mga complainant ang insidente bandang alas-8 ng umaga noong Setyembre 11, kung saan nagkalat ang mga gamit sa opisina at nawawala ang ilang kagamitan.

Sapul sa CCTV si “Denmark” na pumasok sa opisina sa pamamagitan ng bintana dakong alas-12:50 ng madaling araw at lumabas siya sa ibang bintana bandang alas-2:14 ng madaling araw.

Nang maaresto si “Denmark”, itinuro niya sina “Robert” at “Rochelle” na umano’y nagbenta ng ilang ninakaw na gamit.

Nakakulong na ang tatlo sa Mandaluyong City Police Station at inihahanda na ang pagsasampa ng kaso sa Mandaluyong City Prosecutor’s Office sa pamamagitan ng inquest proceedings.

13/09/2026

‘PAGNANAKAW SA LOOB NG EVACUATION CENTER’

PANOORIN | Sapul sa CCTV ang pagnanakaw ng naarestong lalaki sa ilang gamit sa main evacuation center sa Mandaluyong City, na matatagpuan sa Barangay Addition Hills.

Huli rin ang dalawang indibidwal na kasabwat nito.

Courtesy: PNP Mandaluyong City Police Station

KAPANGANAKAN NG MAHAL NA BIRHEN MARIA 💙👑Ngayong Setyembre 8, ipinagdiriwang ng Simbahang Katolika ang kapanganakan ng Ma...
08/09/2026

KAPANGANAKAN NG MAHAL NA BIRHEN MARIA 💙👑

Ngayong Setyembre 8, ipinagdiriwang ng Simbahang Katolika ang kapanganakan ng Mahal na Birhen Maria, bilang paggunita sa pagsilang sa kanya na itinalaga upang maging Ina ni Hesukristo.

Ang kanyang buhay ay naging mahalagang bahagi ng plano ng Diyos para sa kaligtasan ng sangkatauhan.

Sa paggunita sa kanyang kapanganakan, nawa’y magsilbing inspirasyon sa atin ang kanyang matatag na pananampalataya, kababaang-loob, at buong pagtitiwala sa kalooban ng Diyos. Tulad ni Maria, nawa’y patuloy nating piliing manalig at sumunod sa tamang landas. 💙🙏

| Suspendido ang in-person classes sa lahat ng antas ng pampubliko at pribadong paaralan sa Mandaluyong City ngayong M...
07/09/2026

| Suspendido ang in-person classes sa lahat ng antas ng pampubliko at pribadong paaralan sa Mandaluyong City ngayong Martes, Setyembre 8, 2026 dahil sa inaasahang matinding pag-ulan dulot ng Habagat.

Ipinatupad ang suspensyon na batay sa rekomendasyon ng Mandaluyong CDRRMD at abiso ng PAGASA.

Sa halip, gagamit muna ng Alternative Delivery Mode (Modular at Asynchronous Learning).

Source: https://www.facebook.com/share/p/1CzmZA4swF/?mibextid=wwXIfr

Address

3rd Floor, New Barangay Hall, Barangay Addition Hills
Mandaluyong
1550

Website

Alerts

Be the first to know and let us send you an email when Addition Hills News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category