13/05/2025
𝐓𝐀𝐆𝐔𝐌𝐏𝐀𝐘 𝐍𝐆 𝐊𝐀𝐌𝐀𝐍𝐆𝐆𝐀𝐆𝐀𝐖𝐀!
Mahigit 378k+ na mga Kamangaggawa natin ang nagtiwala sa at ating plataporma ayon sa latest na partial at unofficial na resulta.
Walang bilyon-bilyong pondo. Walang malalaking billboard, o radio and TV ads. Walang makinarya kundi ang pinagsama-samang mga manggagawa't ordinaryong Pilipino. Hindi lang ito tagumpay ng Kamanggagawa Partylist, kundi pruweba ng lakas ng ating pagkakaisa.
Simula pa lamang ito. Hindi magiging madaling makamit ang ating plataporma at ang tunay na pagbabago. Gayunpaman, ang Kamanggagawa Partylist ay magiging tunay na boses ng manggagawa sa loob ng Kongreso. Hinding-hindi tayo magbabago. Hinding-hindi tayo titigil hangga't hindi pa nabuwag ang walang kwentang provincial rate, at hindi naipatupad ang living wage nationwide.
Muli, taos-pusong pasasalamat sa lahat ng sumuporta sa atin. Ang Kamanggagawa Partylist ay tatayong kinatawan ng bawat manggagawa, hindi lang ng ating mga botante.
Tuloy ang laban!
𝗧𝗔𝗬𝗢 𝗔𝗡𝗚 𝗞𝗔𝗠𝗔𝗡𝗚𝗚𝗔𝗚𝗔𝗪𝗔!
