24/07/2026
UPDATE SA SCAMMER.
Nag-message ulit siya gamit ang ibang Facebook account. Magre-reply na sana ako, pero binlock na naman niya ako bago pa kami makapag-usap.
Gets ko na lahat tayo may pinagdadaanan at may mga pangangailangan sa buhay. Pero hinding-hindi magiging tama ang solusyon na kumuha ng perang pinaghirapan ng ibang tao.
Ang pinakamasakit dito, hindi lang ako ang naapektuhan. Marami sa mga miners namin ang nawalan ng perang pinag-ipunan nila.
Hangga’t hindi naibabalik ang pera ng mga miners namin, hindi kami titigil sa paghahanap at pananagutin ang taong gumawa nito.
Nakipag-coordinate na rin kami at sisiguraduhin naming maayos naming haharapin ito sa LEGAL na paraan. Binigyan na nga kita ng palugit na basta ibalik mo lang e, hindi ko alam kung totoong rason to pero ang hirap paniwalaan.
Paanong nakakailang gawa ka na ng Facebook account sa loob lang ng dalawang araw tapos parehas mong id-delete din pagkatapos?
Kung may nakakakilala sa taong nasa likod nito o may impormasyon na makakatulong sa amin, paki-message lang kami. Lahat ng impormasyon ay malaking tulong.
Maraming salamat sa lahat ng nag-report, nag-share ng posts, at patuloy na sumusuporta sa amin. Sana ay wala nang mabiktima.
