The Illustrados

The Illustrados In Pursuit of Truth and Excellence

The Official School Publication of PHINMA St. Jude College - Manila

ππ€π‹πˆπ“π€ | KLASE SA MAYNILA, IPINATIGIL NGAYONG HAPON: F2F Classes, Sinuspinde Dahil sa HabagatLUNSOD NG MAYNILA β€” Dahil s...
13/08/2026

ππ€π‹πˆπ“π€ | KLASE SA MAYNILA, IPINATIGIL NGAYONG HAPON: F2F Classes, Sinuspinde Dahil sa Habagat

LUNSOD NG MAYNILA β€” Dahil sa patuloy na thunderstorm na dala ng habagat (southwest monsoon), ipinagutos ni Mayor Francisco "Isko" Moreno Domagoso ang suspensiyon ng mga klase sa hapon para sa lahat ng antas sa mga pampubliko at pribadong paaralan ngayong Huwebes, Agosto 13, 2026.

Ang desisyong ito ay ibinaba bunsod ng rekomendasyon mula sa Manila City Disaster Risk Reduction and Management Department (MCDRRMD). Ayon sa ahensya, nagpapatuloy ang mga kondisyon ng thunderstorm simula pa ngayong umaga at inaasahan din ang isa pa ngayong hapon.

Bilang tugon, pinapayuhan ang mga paaralan na lumipat sa Alternative Delivery Mode o ADM upang patuloy na makapag-aral ang mga estudyante mula sa kanilang mga tahanan.

| Isinulat ni Trinity Rain Cayetano

ππ€π‹πˆπ“π€ | 200 PAMILYA, NAWALAN NG MGA TIRAHAN DAHIL SA MALAKING SUNOG SA MALATELUNGSOD NG MAYNILA β€” Nasa 200 pamilya ang...
12/08/2026

ππ€π‹πˆπ“π€ | 200 PAMILYA, NAWALAN NG MGA TIRAHAN DAHIL SA MALAKING SUNOG SA MALATE

LUNGSOD NG MAYNILA β€” Nasa 200 pamilya ang nawalan ng tirahan matapos tupukin ng apoy ang humigit-kumulang 150 bahay sa Malate, Maynila nitong Miyerkules ng madaling araw, Agosto 12, 2026.

Ayon sa ulat ng lokal na barangay, mabilis na kumalat ang liyab sa buong komunidad dahil halos lahat ng mga bahay sa lugar ay gawa lamang sa mga light materials.

Batay naman sa salaysay ng isang saksi sa ginanap na panayam, nagsimula ang sunog sa gitna ng matinding pagtatalo ng isang mag-live-in partner sa kanilang tahanan.

Habang nag-aaway ang dalawa, natumba at natapon ang isang nakasinding gasera o lampara nang hindi agad nila napapansin.

Dagdag pa ng saksi, dahil sa pagkataranta at matinding panic nang mapansing lumalaki na ang apoy, hindi na nagawa pang patayin ng magkapareha ang liyab hanggang sa tuluyan na itong sumiklab at mabilis na lumapit sa mga katabing bahay.

Kasalukuyan nang nagsasagawa ng masusing imbestigasyon ang Bureau of Fire Protection (BFP) upang opisyal na makumpirma ang kabuuang pinsala sa ari-arian at ang tunay na pinagmulan ng naturang sakuna.

Para sa ibang impormasyon, maaring bisitahin :
https://www.facebook.com/share/p/1DGGNXRDhu/

| Isinulat ni Trinity Rain Cayetano

𝗖𝗔π—₯π—§π—’π—’π—‘π—œπ—‘π—š | π—•π—œπ—‘π—œπ—•π—œπ—‘π—œπ—‘π—š π—žπ—”π—¦π—¨π—’π—§π—”π—‘: π—žπ—”π—£π—”π—‘π—”π—›π—’π—‘π—”π—‘Sa paglipas ng panahon, nagbabago ang kasuotan, ngunit nananatili ang kultu...
12/08/2026

𝗖𝗔π—₯π—§π—’π—’π—‘π—œπ—‘π—š | π—•π—œπ—‘π—œπ—•π—œπ—‘π—œπ—‘π—š π—žπ—”π—¦π—¨π—’π—§π—”π—‘: π—žπ—”π—£π—”π—‘π—”π—›π—’π—‘π—”π—‘

Sa paglipas ng panahon, nagbabago ang kasuotan, ngunit nananatili ang kulturang siyang bumabalot sa ating pagkakakilanlan.

Makisabay sa uso, ngunit huwag hayaang mahubad ang ating kultura.

| guhit ni Rhyzza Dionne Valeroso

ππ€π‹πˆπ“π€ |Banta sa Kalusugan Kasunod ng Baha β€” DOH NagbabalaBALITA β€” Hindi lamang pinsala sa tahanan at kabuhayan ang nasi...
11/08/2026

ππ€π‹πˆπ“π€ |Banta sa Kalusugan Kasunod ng Baha β€” DOH Nagbabala

BALITA β€” Hindi lamang pinsala sa tahanan at kabuhayan ang nasisira tuwing may bagyo at baha. Ayon sa Kagawaran ng Kalusugan o DOH, kasabay ng pag-urong ng tubig-baha, tumataas naman ang panganib na magkasakit. Maaaring lumabas ang mga sakit hanggang 30 araw matapos makadikit o malantad sa baha.

Ang leptospirosis na dulot ng bakteryang Leptospira, ay ang pangunahing ikinabaahala ng DOH. Nakukuha ito kapag ang balat, lalo na kung may sugat, ay nakadikit sa tubig-baha o putik na kontaminado ng ihi ng daga o hayop. Ang bakterya ay pumapasok sa katawan at kumakalat sa dugo. Lumalabas ang sintomas sa loob ng 2 hanggang 30 araw matapos malantad.

Lagnat, matinding pananakit ng kalamnan, lalo na sa binti, paninilaw ng balat at mata, ito ang mga senyales na dapat bantayan. Kapag naagapan, mabisa ang gamot na doxycycline, na nananatiling naka-freeze ang presyo ayon sa ahensya.

Bukod sa leptospirosis, nagbabala rin ang DOH sa mga sumusund na sakit dulot ng pagbaha:

β€’Dengue
β€’Diarrhea at Gastroenteritis
β€’Impeksyon sa balat at sugat
β€’Sakit sa baga, ubo at sipon

Habang wala pang direktang opisyal na bilang o hiwalay na kumpirmasyon ng mga bagong kaso ng leptospirosis na eksklusibong iniugnay sa Bagyong Luis at Maymay, ngunit mahigpit nang nagbabala at nagpapatupad ng mga hakbang ang Department of Health (Philippines) dahil sa banta ng baha mula sa tuloy-tuloy na pag-ulan.

PAALALA: Kung May Sugat o Impeksyon sa Paa

Iwasan lumusong sa baha kung mayroong impeksyon sa paa, o ano mang bahagi ng katawan na maaring malantad sa baha. Linisin agad ng sabon at tubig, patuyuin, at lagyan ng disimpektante. Uminom lamang ng antibiotic kung may tunay na impeksyon, at ayon lamang sa utos ng doktor. Huwag uminom ng antibiotic kung walang senyales ng impeksyon, dahil nawawalan ito ng bisa at nakakasama pa sa kalusugan. Agad magpatingin kung lumala ang sugat.

Para sa iba pang impormasyon maaring bukaan ang pahinang ito:

Sanggunian:
Philippine News Agency (PNA) β€” DOH advisory at datos:
https://www.pna.gov.ph/articles/1277974

NDRRMC/OCD ulat hanggang Agosto 8, 2026 β€” 6 nasawi, 7 nasugatan, 261,048 katao naapektuhan
https://www.pna.gov.ph/articles/1281397

Department of Health (DOH)β€”Leptospirosis, dulot ng baha dahil sa patuloy na pag-ulan
https://www.facebook.com/share/r/1FCdiaXTRL/

Manatiling handa, manatiling ligtas. Alagaan ang kalusugan at kaligtasan.

| Isinulat ni Charlene E. Besinio
News Writer / Medical Technology Student

π—’π—£π—œπ—‘π—¬π—’π—‘ | π—ͺπ—”π—Ÿπ—”π—‘π—š π—£π—”π—¦π—’π—ž 𝗑𝗔 𝗑𝗔𝗠𝗔𝗑—𝗠𝗔𝗦𝗔𝗬𝗔 π—žπ—” 𝗣𝗔 𝗕𝗔 𝗦𝗔 𝗕𝗔𝗛𝗔𝗬?Bilang estudyante, ibang klase talaga ang saya kapag may anunsy...
11/08/2026

π—’π—£π—œπ—‘π—¬π—’π—‘ | π—ͺπ—”π—Ÿπ—”π—‘π—š π—£π—”π—¦π—’π—ž 𝗑𝗔 𝗑𝗔𝗠𝗔𝗑—𝗠𝗔𝗦𝗔𝗬𝗔 π—žπ—” 𝗣𝗔 𝗕𝗔 𝗦𝗔 𝗕𝗔𝗛𝗔𝗬?

Bilang estudyante, ibang klase talaga ang saya kapag may anunsyong β€œwalang pasok bukas.” Sa wakas, may pagkakataong matulog nang hindi nagmamadali, humilata buong araw, at pansamantalang kalimutan ang tambak na readings at requirements. Pero sa totoo lang, baka hindi lang tayo ang excited sa suspensionβ€”baka pati ang mga magulang natin, dahil ilang araw na rin nilang nakikita ang mukha natin sa bahay.

Sa unang araw, masaya pa sila na nandiyan tayo. Sa ikalawang araw, β€œMagpahinga ka muna.” Sa ikatlo, β€œMay pasok na ba bukas?” At kapag sunod-sunod na ang suspension, parang unti-unting nauubos ang pasensya ng buong bahay. Hindi na ito simpleng quality time with familyβ€”family endurance test na. Habang tayo ay masayang nagsasabing β€œWalang pasok!”, may magulang namang tahimik na nagtatanong kung kailan tayo muling makikita ng paaralan.

Pero sa kabila ng biro, may dahilan kung bakit kailangang ipatupad ang suspensyon. Mas mahalaga pa rin ang kaligtasan kaysa sa isang araw na klase, lalo na kung delikado ang pagbiyahe at patuloy ang masamang panahon. Kaya kung walang pasok, sulitin ang pagkakataong magpahingaβ€”pero huwag ding kalimutang tumulong sa bahay. Baka sakaling hindi pa tayo paalisin ng sariling magulang natin bago pa man bumalik ang pasok.

ππ€π˜ππ€π˜ 𝐍𝐆 π–πˆπŠπ€Magandang araw, mga ka-baybayin! 🌞Panibagong araw, panibagong kaalaman na naman ang ating matutuklasan! Sa...
11/08/2026

ππ€π˜ππ€π˜ 𝐍𝐆 π–πˆπŠπ€

Magandang araw, mga ka-baybayin! 🌞

Panibagong araw, panibagong kaalaman na naman ang ating matutuklasan!

Sa Baybay Challenge natin ngayong araw, alin ang tamang baybay para sa salitang ito?

Dyip o Jeep? πŸš™

Mag-iwan ng sagot sa comment section at alamin kung tama ba ang inyong baybay!

| krokis ni Nash

π—£π—”π—£π—”π—Ÿπ—”π—£π—œπ—§ 𝗑𝗔 π—”π—‘π—š π—˜π—«π—”π— β€”πŸ³ 𝗔π—₯𝗔π—ͺ 𝗑𝗔 π—Ÿπ—”π—‘π—š! Pitong araw na lang bago ang ating pagsusulit! Bilang kaunting dagdag-motibasyon, ...
10/08/2026

π—£π—”π—£π—”π—Ÿπ—”π—£π—œπ—§ 𝗑𝗔 π—”π—‘π—š π—˜π—«π—”π— β€”πŸ³ 𝗔π—₯𝗔π—ͺ 𝗑𝗔 π—Ÿπ—”π—‘π—š!

Pitong araw na lang bago ang ating pagsusulit! Bilang kaunting dagdag-motibasyon, ang The Illustrados ay magsasagawa ng random GCash giveaway para sa mga random reactors ng post na ito.

Mas mataas ang pagkakataong mapili kung ilalagay ninyo ang inyong GCash QR code sa comment section. Kaya react na, mag-comment, at baka ikaw ang mapiling makatanggap ng munting pampagana sa pagrereview!

𝗝𝗨𝗦𝗧 π—œπ—‘ | π—ͺπ—”π—Ÿπ—”π—‘π—š π—£π—”π—¦π—’π—ž 𝗦𝗔 π— π—”π—‘π—œπ—Ÿπ—” π—•π—¨π—žπ—”π—¦, π—”π—šπ—’π—¦π—§π—’ 𝟭𝟭Suspendido ang face-to-face classes sa lahat ng antas sa mga pampubliko...
10/08/2026

𝗝𝗨𝗦𝗧 π—œπ—‘ | π—ͺπ—”π—Ÿπ—”π—‘π—š π—£π—”π—¦π—’π—ž 𝗦𝗔 π— π—”π—‘π—œπ—Ÿπ—” π—•π—¨π—žπ—”π—¦, π—”π—šπ—’π—¦π—§π—’ 𝟭𝟭

Suspendido ang face-to-face classes sa lahat ng antas sa mga pampubliko at pribadong paaralan sa Maynila bukas, Martes, Agosto 11, 2026, bunsod ng patuloy na pag-ulan at masamang lagay ng panahon na dulot ng pinalakas na Habagat. Ang hakbang ay isinagawa bilang pag-iingat sa kaligtasan ng mga mag-aaral, g**o, at iba pang kawani ng mga paaralan.

Ayon sa anunsyo mula sa Manila Public Information Office (Manila PIO), ipinatupad ang suspensyon kasunod ng rekomendasyon ng Manila Disaster Risk Reduction and Management Office (MDRRMO) habang patuloy na minomonitor ang kondisyon ng panahon sa lungsod. Patuloy na nakararanas ng malalakas na pag-ulan ang Metro Manila, na nagdudulot ng pagbaha at iba pang panganib sa ilang lugar.

Pinapayuhan ang mga mag-aaral at kanilang pamilya na manatili muna sa ligtas na lugar at iwasang bumiyahe kung hindi kinakailangan. Hinihikayat din ang lahat na patuloy na subaybayan ang mga opisyal na anunsyo ng Manila PIO, lokal na pamahalaan, at PAGASA para sa anumang karagdagang abiso kaugnay ng lagay ng panahon.

Manatiling ligtas, Judeans. Unahin ang kaligtasan sa gitna ng patuloy na pag-ulan.

| isinulat ni Ashley Carmela

π—žπ—”π—¦π—”π—•π—œπ—›π—”π—‘ π—‘π—š π—ͺπ—œπ—žπ—”β€œAng hindi marunong magmahal sa sariling wika ay higit pa sa malansang isda.”Sa bawat salitang ating bi...
10/08/2026

π—žπ—”π—¦π—”π—•π—œπ—›π—”π—‘ π—‘π—š π—ͺπ—œπ—žπ—”

β€œAng hindi marunong magmahal sa sariling wika ay higit pa sa malansang isda.”

Sa bawat salitang ating binibigkas, dala natin ang kasaysayan, kultura, at pagkakakilanlan ng ating bayan. Ang sariling wika ay hindi lamang paraan ng pakikipag-usap, kundi isang pamana na nararapat nating gamitin, pagyamanin, at ipagmalaki.

Wika natin. Pagkakakilanlan natin.

| krokis ni Arianney

π—’π—£π—œπ—‘π—¬π—’π—‘ | π—›π—œπ—‘π——π—œ π—Ÿπ—”π—›π—”π—§ π—‘π—š π—¨π—Ÿπ—”π—‘ 𝗔𝗬 π—£π—”π—›π—œπ—‘π—šπ—”Para sa ilan, ang ulan ay isang uri ng pahinga. Ito ang mga gabing masarap manat...
10/08/2026

π—’π—£π—œπ—‘π—¬π—’π—‘ | π—›π—œπ—‘π——π—œ π—Ÿπ—”π—›π—”π—§ π—‘π—š π—¨π—Ÿπ—”π—‘ 𝗔𝗬 π—£π—”π—›π—œπ—‘π—šπ—”

Para sa ilan, ang ulan ay isang uri ng pahinga. Ito ang mga gabing masarap manatili sa k**a, makinig sa mahinang patak ng tubig sa bubong, at hayaang lamigin ng panahon ang katawan habang walang ibang kailangang isipin. Sa ganitong mga sandali, nagiging kaaya-aya ang ulanβ€”parang paalala na maaari tayong huminto kahit sandali. Ngunit sa likod ng ganitong kaginhawaan ay may isang katotohanang madalas nating nakakalimutan: hindi lahat ay may pribilehiyong magpahinga kapag umuulan.

Habang ang iba ay tahimik na natutulog sa loob ng ligtas at tuyong tahanan, may mga taong patuloy na lumalabas upang magtrabaho dahil ang isang araw na hindi pumasok ay maaaring mangahulugan ng isang araw na walang kita. May mga delivery rider na kailangang maghatid sa kabila ng basang kalsada, mga manggagawang nakikipagsiksikan sa pampublikong transportasyon, at mga pamilyang kailangang mag-ingat sa bawat pagtaas ng tubig dahil maaaring pasukin ng baha ang kanilang tahanan. Para sa kanila, ang ulan ay hindi lamang tunog na nakapagpapatulog. Ito ay trapiko, baha, dagdag na pamasahe, panganib, at pangambang hindi basta nawawala kapag tumila na ang ulan.

Mas madaling sabihin na β€œnakakarelax ang ulan” kapag alam mong hindi mo kailangang harapin ang mga problemang dala nito. Ito ang dahilan kung bakit mahalagang tingnan ang panahon hindi lamang mula sa ating sariling karanasan, kundi pati sa karanasan ng mga taong higit na naaapektuhan nito. Ang parehong ulan na nagbibigay ng pahinga sa isang tao ay maaaring maging dahilan upang mawalan ng kita ang isa, ma-late sa trabaho ang iba, o mawalan ng tirahan ang isang pamilya. Hindi pare-pareho ang bigat ng ulan para sa bawat isa.

Hindi naman mali ang mag-enjoy sa ulan. Hindi rin mali ang magpahinga, matulog, o magsaya sa malamig na panahon. Ngunit kasabay ng ating kaginhawaan ay dapat ang k**alayan na may ibang taong patuloy na kumikilos upang matugunan ang kanilang pangangailangan. Sa halip na tingnan lamang ang ulan bilang isang magandang pagkakataon upang manatili sa bahay, maaari rin natin itong gawing paalala na ang kaligtasan at kaginhawaan ay hindi dapat maging pribilehiyo ng iilan.

Sapagkat ang ulan ay maaaring maging pahinga para sa iba, ngunit para sa marami, isa itong panibagong pagsubok na kailangan nilang harapinβ€”kahit wala silang pagpipiliang manatili sa loob ng bahay.

Address

Dimasalang Cor, Don Quixote Street, Sampaloc
Manila
1008

Website

Alerts

Be the first to know and let us send you an email when The Illustrados posts news and promotions. Your email address will not be used for any other purpose, and you can unsubscribe at any time.

Shortcuts

Share

Category