25/01/2026
🔴 Mindanao
Tinambangan ang alkalde ng Shariff Aguak, Maguindanao del Sur na si Datu Akmad Mitra Ampatuan ngayong Linggo ng umaga.
Nakaligtas ang alkade habang sugatan ang kanyang dalawang security es**rt.
Sa kuha ng CCTV, paliko ang itim na SUV ng alkalde sa Barangay Poblacion nang lumabas ang tatlong lalaki mula sa isang mini van at saka tinarget ng rocket-propelled gr***de o RPG ang sasakyan ni Ampatuan.
Humarurot ang SUV palayo sa lugar at mabilis ding tumakas ang mini van.
Ayon sa Police Regional Office - Bangsamoro Administrative Region, hinabol ng mga tauhan ni Ampatuan ang mga suspek at nagkabarilan.
Nakatanggap naman ng impormasyon ang mga pulis na may isang mini van sa national highway sa bahagi ng Barangay Meta sa bayan ng Datu Unsay na lulan ang tatlong lalaking duguan at wala nang buhay.
Pinaniniwalaang sila ang mga suspek sa pananambang sa alkalde.
Nagpapatuloy pa ang imbestigasyon sa insidente.
