14/04/2026
Hindi lahat ng pinapalago,
dapat binibigyan ng buhay.
May mga bagay na sa umpisa pa lang,
alam mong mali,
pero dahil sa awa, sa takot,
o sa pag-asang magbabago,
pinili mong alagaan.
Hanggang sa dumating ang araw
na hindi na ito simpleng pagkakamali,
kundi isang siklong ikaw na mismo
ang nahihirapang takasan.
Dahil ang katotohanan,
kung ano ang patuloy mong pinapayagan,
unti-unti mo ring tinuturuan
kung paano ka ubusin.
At sa huli,
hindi mo lang inalagaan ang mali—
pinayagan mo rin itong maging bahagi mo.
At ang pagkakamaling pinabayaan mo,
hindi lang ikaw ang apektado—
may ibang nadadamay,
at posibleng maging dahilan pa
ng tuluyang pagkasira.
