Ang Balita Ngayon Reels

17/03/2025

“ANG ATING BANSA NGAYON AY PINAGTATAWANAN NG BUONG MUNDO!” - CONG. RODANTE MARCOLETA sa ginawang pagsuko ng Administrasyong Marcos Jr. kay dating Pangulong Rodrigo Duterte sa ICC.

Sa isang matapang na pahayag, isinalaysay ni Congressman Rodante Marcoleta ang mga pangyayari na humantong sa pag-aresto at pagsuko ng isang minamahal na Pangulo sa isang dayuhang hurisdiksyon.

Bilang isang batikang abogado, binigyang-linaw ni Marcoleta ang mga proseso na ginamit ng administrasyong Marcos Jr. upang pabilisin ang paghahatid kay dating Pangulong Rodrigo Roa Duterte sa International Criminal Court (ICC).

Inilahad ni Marcoleta ang mga maling hakbang na ginawa ng gobyerno at mga nagpapatupad ng batas, na hindi alinsunod sa tamang legal na proseso.

Inisa-isa rin ni Marcoleta ang iba pang mga lider ng mundo na may nakabinbing warrant of arrest sa ICC, kabilang sina Russian President Vladimir Putin at Israeli Prime Minister Benjamin Netanyahu. Binigyang-diin niyang kahit may mga kaso laban sa kanila, ni minsan ay hindi sila isinuko ng kanilang sariling gobyerno. Sa halip, ipinagtanggol sila ng kanilang mga bansa—isang bagay na kabaligtaran ng ginawa ng administrasyong Marcos Jr. kay dating Pangulong Duterte.

PANOORIN:

https://youtu.be/4K_0kHdqfC8

“ANG ATING BANSA NGAYON AY PINAGTATAWANAN NG BUONG MUNDO!” - CONG. RODANTE MARCOLETA sa ginawang pagsuko ng Administrasyong Marcos Jr. kay dating Pangulong R...

15/03/2025

BATO, BINIRA SI MARCOS: INTERPOL???!! BULLSHlTTTT!!!

MANILA – Binasag ni Senador Bato ang kanyang katahimikan kasunod ng pagkakaaresto ni dating Pangulong Rodrigo Duterte.

Sa isang malaking prayer rally sa Liwasang Bonifacio noong Sabado, Marso 15, matapang niyang kinuwestyon ang naging aksyon ni Marcos Jr. sa pagpapatupad ng International Criminal Court (ICC) warrant sa pamamagitan ng Interpol.

Sa harap ng libu-libong tagasuporta ni Duterte, hayagang binatikos ni Dela Rosa ang desisyon ni Marcos Jr.:

“Ano ginawang basis ni Pangulong Marcos? Interpol! Bu****it! Ako, naging PNP chief ako, alam ko ang papel ng Interpol sa mundo! Commitment sa Interpol? Bu****it! Presidente ka ng Pilipinas, magpa-pressure ka sa Interpol? Ha?”

(What was President Marcos’ basis? Interpol! Bu****it! I was once a PNP chief, and I know Interpol’s role in this world! Commitment to Interpol? Bu****it! You are the president of the Philippines, why did you allow Interpol to pressure you?)

Dagdag pa niya, tila mas pursigido pa ang administrasyon ni Marcos Jr. kaysa mismo sa Interpol at ICC sa pagdakip kay Duterte:

“Ang lumalabas, mas gigil na gigil, mas atat na atat sila kaysa sa Interpol, sa ICC. Bakit?… Sinong sineserbisyuhan niya? Mga dayuhan, hindi ang Filipino people?”

(As it turned out, the government was more eager, more excited than Interpol and the ICC. Why? Do they serve foreigners and not the Filipino people?)

Ayon kay Dela Rosa, hindi dapat isinuko ng gobyerno si dating Pangulong Duterte sa isang dayuhang hukuman lalo na’t ito’y dating pangulo at isang lider na inilagay sa puwesto ng taumbayan.

Samantala, ipinahayag din ni Dela Rosa ang kanyang kahandaan na samahan si FPRRD sakaling tuluyan itong dalhin sa Netherlands:

“If all legal remedies are exhausted and still justice is to no avail, then I don’t want my family to suffer from cops looking for a heartbeat. I am ready to join the old man, hoping that they would allow me to take care of him.”

(Kung maubos na ang lahat ng legal na paraan at wala pa ring hustisyang makakamit, ayokong mahirapan ang pamilya ko sa paghanap ng pulis na huhuli sa akin. Handa akong sumama sa matanda, umaasang papayagan akong alagaan siya.)

Ang naging aksyon ng administrasyong Marcos Jr. ay nagpapakita ng malinaw na pagsunod sa utos ng mga dayuhan, sa halip na protektahan ang isang lider na ipinaglaban ang kapakanan ng mga Pilipino.

Ang tanong ngayon ng mga tagasuporta ni FPRRD: kung nagawa nila ito sa isang dating pangulo, sino pa ang susunod nilang isasakripisyo?

https://youtu.be/Nur9fQWGc4U

“INTERPOL???! BULLSHlTTTT!!!!” - SENADOR BATO sa GINAWANG RASON ni MARCOS JR. 🎥 SMNI News

13/03/2025

RETIRED GENERAL FILMORE ESCOBAL, BINASAG ANG KATAHIMIKAN SA PAGDAKIP KAY FPRRD

Binasag ni Ret. Gen. Filmore Escobal ang kanyang katahimikan kaugnay ng pagdakip kay dating Pangulong Rodrigo Duterte, na aniya’y isang “minadaling proseso” na isinagawa sa loob mismo ng kampo militar ng Pilipinas para ibigay sa isang dayuhang korte.

“Habang kumakain ng hapunan si FPRRD sa loob ng ibinigay na karagdagang 30 minutong palugit bago sumakay ng eroplano, pumasok si Torre sa silid at ipinaalala sa kanya na tapos na ang oras. At pagkatapos… ganito siya tinrato, ang ating dating pangulo, ng sarili nating kapulisan, sa loob ng sarili nating kampo militar, sa loob ng ating teritoryo, upang iharap sa isang dayuhang korte sa bisa ng isang dayuhang warrant of arrest.”

(“FPRRD was having his dinner during the additional 30-minute deadline granted before boarding the plane when Torre entered the room, reminding him that the time was up. And then…. this is how he was treated, our former president, by our own police, inside our own military camp, inside our territory, to be delivered to a foreign court, by virtue of a foreign warrant of arrest.”)

Giit niya, ang pinakamababang maaaring gawin ng gobyerno ay bigyan ng paglilitis si FPRRD sa loob ng ating sariling korte, at kung mapatunayang may sala, pagdusahan ang parusa sa loob ng ating bilangguan.

“The least we can do is to grant him trial, inside our courts, convicted by Filipino judges if found guilty, and serve time in our jail.”

Tanong ni Escobal, bakit tila minadali ang proseso?

“Nangyari ito nang napakabilis, bakit nagmamadali?”
(“This happened so fast, why in a hurry?”)

Nagbabala rin siya na maaaring nagbigay ng daan ang gobyerno sa mas malalim na panghihimasok ng mga dayuhan sa ating sistemang panghukuman.

“Binuksan ba ng ating gobyerno ang pintuan para sa pangingialam ng dayuhang kapangyarihan sa ating hudikatura? Kung kaya nilang arestuhin ang isang dating Commander-in-Chief, magagawa rin nila ito sa sinumang Pilipino.”

(“Did our own government just open the floodgates for foreign powers to intervene in our judicial system? If they can arrest a former Commander in Chief, they can do that to any Filipino.”)

Wala pang tugon ang Malacañang ukol sa pahayag ni Retired General Escobal.

RETIRED GENERAL FILMORE ESCOBAL, BINASAG ANG KATAHIMIKAN SA PAGDAKIP KAY FPRRDBinasag ni Ret. Gen. Filmore Escobal ang kanyang katahimikan kaugnay ng pagdaki...

09/03/2025

“GINAWA KO ‘TO PARA SA INYO”: FPRRD, HANDANG ARESTUHIN NG ICC PARA SA KAPAKANAN NG SAMBAYANANG PILIPINO

HONG KONG — Handang magpahuli at makulong si dating Pangulong Rodrigo Duterte sakaling tuluyang maglabas ng warrant of arrest ang International Criminal Court (ICC) laban sa kanya kaugnay ng giyera kontra droga noong kanyang administrasyon. Iginiit niyang ginawa niya ito hindi para sa kanyang sarili o pamilya, kundi para sa kapakanan ng mga Pilipino.

Sa kanyang talumpati sa harap ng Filipino community sa Hong Kong, inamin ni FPRRD na narinig na niya ang balitang may arrest warrant na laban sa kanya.

“Ang balita ko may warrant daw ako…’Yung sa ICC or something. Matagal na ako hinahabol ng mga putang ina,” ani FPRRD.

Ayon kay FPRRD, kung aarestuhin siya ng ICC ay wala siyang balak lumaban o tumakas.

“Tutal ganito na lang swerte ko sa buhay. Okay lang tatanggapin ko ‘yan. Eh wala tayong magawa eh. Hulihin tayo o ikulong tayo,” dagdag niya.

Ngunit binigyang-diin ng dating Pangulo na wala siyang ginawang masama at ang layunin lamang niya noon ay protektahan ang mga Pilipino mula sa salot na droga.

“Ano man ang kasalanan ko? Na ginawa ko man sa panahon ko para may konting katahimikan at mapayapa ang buhay ng Pilipino,” paliwanag ni FPRRD.

Iginiit rin niya na hindi siya nagpatupad ng kampanya kontra droga para sa sariling interes, kundi para sa kapakanan ng bansa.

“Assuming na totoo. Totoo talaga ang naririnig ninyo bakit ko ginawa yan. Para sa sarili ko? Para sa pamilya ko? Para sa inyo at inyong mga anak sa ating bayan,” ani FPRRD.

“GINAWA KO ‘TO PARA SA INYO”: FPRRD, HANDANG ARESTUHIN NG ICC PARA SA KAPAKANAN NG SAMBAYANANG PILIPINOHONG KONG — Handang magpahuli at makulong si dating Pa...

05/03/2025

SINONG FAKE NEWS SA KANILANG DALAWA?! JAY RUIZ, NAGDIVEST O HINDI NAMAN DAW MAY-ARI?

Watch on YouTube:
https://youtu.be/AE19hY7wtPU

Nagkakabuhol-buhol ang mga pahayag ng Malacañang tungkol sa kontrobersyal na P206 milyong kontrata na nakuha ng Digital 8 Inc. mula sa PCSO, kung saan nasasangkot ang bagong talagang Presidential Communications Office (PCO) Secretary Jay Ruiz.

Sa isang press briefing, sinabi ni PCO Undersecretary Atty. Claire Castro na kasalukuyang dinidivest ni Ruiz ang kanyang shares o interes sa naturang kumpanya.

“Ang batas naman po natin ay allowed po mag-divest ng shares o interest sa anumang kumpanya na pagaari niya within 60 days.”

Ibig sabihin, inaamin ng Malacañang na may interes o shares si Ruiz sa Digital 8—bagay na tila taliwas sa opisyal na pahayag ng PCO ilang oras matapos ang press briefing.

Sa isang written statement, iginiit ng PCO na hindi kailanman naging incorporator o shareholder si Ruiz sa Digital 8.

“Secretary Jay Ruiz was not an incorporator or director of Digital8 and has never owned any shares in the company.”

FAKE NEWS ALERT?!

Kung hindi kailanman nagmay-ari ng shares si Ruiz sa Digital 8, bakit pa kailangang mag-divest? At kung totoo ang pahayag ng PCO, mali ba ang sinabi ni Undersecretary Castro?

Mas lalong lumabo ang usapin nang lumabas ang ilang pruweba mula sa isang press conference sa Manila Polo Club noong Disyembre 2024, kung saan lumabas ang pangalan ni Ruiz bilang “Digital 8 Inc. President.”

Bukod pa rito, hindi pa rin kinukumpirma ni Ruiz kung sino nga ba ang tunay na may-ari ng Digital 8. Nang tanungin kung sino ang nasa likod ng kumpanya, ito lang ang sagot niya:

“Ahhhmmm, again, check na lang po kung sino po ang may-ari.”

Dahil dito, marami ang nagtatanong:

➡ Fake news ba ang pahayag ni Undersecretary Castro?
➡ O fake news ang pahayag ng PCO na wala talagang shares si Ruiz?
➡ At sino talaga ang may-ari ng Digital 8?!

Habang ang taumbayan ay naguguluhan sa magkakasalungat na pahayag , tila palalim nang palalim ang misteryo sa likod ng P206 milyong kontrata—at sa papel ni Jay Ruiz sa likod nito.

SINONG FAKE NEWS SA KANILANG DALAWA?! JAY RUIZ, NAGDIVEST O HINDI NAMAN DAW MAY-ARI?Nagkakabuhol-buhol ang mga pahayag ng Malacañang tungkol sa kontrobersyal...

01/03/2025

KUNG IKAW AY BOTANTE AT MAY PLANONG BUMOTO SA DARATING NA HALALAN, TUMUTOK KA SA KAGANAPANG ITO:

COMELEC SINAMPAHAN NG KASO SI ATTY. RESPICIO DAHIL UMANO SA POLL MANIPULATION VIDEO

Sa gitna ng tumitinding diskusyon sa kalayaan sa pagpapahayag, isang kandidato sa pagka-bise alkalde sa Isabela ang sinampahan ng kasong cyber libel at paglabag sa Cybercrime Prevention Act matapos niyang ilabas ang isang serye ng Facebook videos na nagpapakita kung paano maaaring i-hack ang automated counting machines (ACMs) ng Comelec.

Sa isang hakbang na kinondena ng ilang sektor bilang panunupil sa kalayaan sa pagpapahayag, Task Force K*K sa Halalan ng Comelec ang nanguna sa pagsasampa ng kaso laban kay Atty. Jeryll Harold Respicio sa City Prosecutor’s Office ng Maynila.

Kasabay nito, naghain din ang Comelec ng disqualification case, disbarment case, at petisyon sa PRC para tanggalin ang kanyang CPA license.

COMELEC: DELIKADO ANG MGA PAHAYAG NI ATTY. RESPICIO

Ayon kay Comelec Chairman George Erwin Garcia, hindi ito usapin ng simpleng kritisismo kundi isang banta sa kredibilidad ng eleksyon.

“This is dangerous. Aside from misinformation, this is dangerous because the public is being conditioned that the elections can be rigged.”

Iginiit pa niya na tila hinahanda ni Respicio ang kanyang sarili sa anumang magiging resulta ng eleksyon.

“Think about this. If he wins, he will say that it’s because of his manipulation, but if he loses, he will say that others manipulated the results of the elections.”

Pinanindigan din ng Comelec na hindi maaaring i-hack ang ACMs dahil stand-alone machines ang mga ito at hindi konektado sa internet habang bumoboto ang publiko.

“Mukha po kasing yung kanyang understanding, magtatransmit kaagad ang bawat makina at after transmission saka mag-iimprenta ng election returns. Bago makapagtransmit, alam na ng lahat ang boto sa bawat presinto so paano mo siya mahahack?”

ATTY. RESPICIO: HINDI DAPAT MATAKOT ANG PUBLIKO NA PAG-USAPAN ANG ELECTION SECURITY

Ngunit ayon kay Atty. Respicio, mali ang interpretasyon ng Comelec sa kanyang video. Hindi umano niya sinasabing maaaring dayain ang eleksyon basta-basta kundi nais lamang niyang ipakita kung paano maaaring maging vulnerable ang sistema kung hindi ito maayos na babantayan.

“Kinasuhan ako ng Comelec dahil sa Facebook video kung saan inilahad ko ang malubhang kahinaan ng voting machines.”

Sa halip na kasuhan siya, hinamon niya ang Comelec na patunayan sa publiko na talagang impenetrable ang kanilang sistema.

“Kapag nakakonekta sa Internet ang machine bago i-print ang election returns, maaaring madaya ang eleksyon.”

Maraming eksperto sa cybersecurity ang sumusuporta sa ideya na walang ganap na 100% na secure na sistema—kahit ang mga bangko at gobyernong institusyon ay nadadala ng mga hacker.

Sa halip na ipaliwanag nang malinaw kung paano nila masisigurong hindi maaapektuhan ang resulta ng halalan, agad na idinaan ng Comelec ang isyu sa kasong legal.

Marami ang nagtatanong: Bakit tila takot ang Comelec na pag-usapan ang posibilidad na baka may kahinaan nga ang kanilang sistema? Bakit hindi nila kayang labanan ang impormasyon gamit ang tamang impormasyon, sa halip ay gumagamit ng batas upang patahimikin ang mga kritiko?

Sa isang panahon kung saan pinapahalagahan ang transparency at accountability, hindi maiiwasang magduda ang publiko kung ang ganitong aksyon ay pagtatakip lamang sa isang mas malaking problema.

Kung totoong walang dapat ipangamba, bakit hindi kaya ng Comelec na ipakita ito sa harap ng isang bukas na talakayan? Bakit tila mas madali para sa kanila na sirain ang reputasyon ng isang indibidwal kaysa ipagtanggol ang kanilang sistema?

KALAYAAN SA PAMAMAHAYAG O PAGTATAKIP SA POSIBLENG ABUSO?

Sa administrasyong PBBM, maraming bumabatikos sa tila lumalawak na panunupil sa malayang pamamahayag. Mula sa “fake news” hearing ng Quadcom sa Kongreso, kung saan maraming kaalyado ni Marcos ang kabilang, hanggang sa agresibong pagkilos ng Comelec laban sa mga kritiko nito—hindi maiiwasang isipin ng ilan na may mas malalim pang dahilan sa likod ng kasong ito.

Mayroon bang itinatago ang Comelec? O ito ba ay isang leksyon para sa lahat ng nais magsalita tungkol sa eleksyon—na huwag magkamali, dahil ang kapalit ay demanda, pagkadiskwalipika, at pagbawi ng kanilang propesyonal na lisensya?

Sa kabila ng lahat, nanindigan si Atty. Respicio na wala siyang pinagsisisihan sa kanyang ginawa:

"Ano ba ang gagawin ng gobyerno? Patatahimikin niya ba ang mga tao na nagsasabi ng mga gawain ng gobyerno, para itama ng gobyerno? O papakinggan niya sila at itatama ang mga mali? O kaya patatahimikin niya tulad ng ginagawa ngayon? Ang suggestion ko sa Comelec ay, hello Comelec, freedom of speech ito. Bilang citizen ng Pilipinas may karapatan akong magsalita at mag-comment sa lahat ng transaction ng gobyerno. At ito lamang para itatama ang mga kahinaan ng gobyerno para maging tama. Dapat ang gawin ng Comelec ay makinig sila at tingnan nila sa sarili nila kung anong mali at itama nila. Ngayon ang hindi dapat nilang gawin ay patatahimikin ang tao at abusuhin ang kanilang karapatan na magsalita laban sa ating gobyerno dahil fundamental right yan, freedom of speech. Nangyari na yan nung mga nakaraang administration sa iba't ibang bansa, kaka-celebrate lang natin ng EDSA revolution, ang gobyerno na pinapatahimik ang tao na nagsasabi ng katotohanan sa huli ay hindi nananalo. Hindi magiging maganda ang itsura nito sa Comelec, hindi magiging maganda ang itsura nito kay Commissioner Garcia. Dapat maging mature siya sa approach, pakinggan niya ang concern at i-address niya ang concern mismo. Huwag niyang patahimikin ang tao kasi kapag gano'n ang mangyayari mukha lang silang guilty. Kapag hindi totoo ang sinasabi ko, let the public judge for themselves."

Sa bandang huli, hindi lang ito kaso ng isang kandidato laban sa Comelec. Ito ay isang usapin ng kalayaan sa pagpapahayag, pananagutan ng gobyerno, at integridad ng halalan—at ang magiging desisyon sa kasong ito ay may epekto sa kung paano natin masisiguro na ang ating demokrasya ay tunay na malaya.

COMELEC SINAMPAHAN NG KASO SI ATTY. RESPICIO DAHIL UMANO SA POLL MANIPULATION VIDEOSa gitna ng tumitinding diskusyon sa kalayaan sa pagpapahayag, isang kandi...

26/02/2025

“Ang Gobyernong Pinakamaraming kaso sa kasaysayan?” - Atty. Rowena Guanzon nagbigay ng pahayag tungkol sa pambihirang bilang ng mga kaso laban sa administrasyong Marcos, kabilang ang anomalya sa budget, panggigipit sa mga kritiko, at ang isinampa niyang kaso laban kay Speaker Martin Romualdez.

Ang Gobyernong Pinakamaraming kaso sa kasaysayan?” - Atty. Rowena Guanzon nagbigay ng pahayag tungkol sa pambihirang bilang ng mga kaso laban sa administrasy...

24/02/2025

Muling umugong ang pangamba sa isang posibleng diktadurya matapos ipahayag ni dating Pangulong Rodrigo Duterte na hindi na siya magugulat kung ideklara rin ni Marcos Jr. ang Batas Militar, gaya ng ginawa ng kanyang ama, ang yumaong si Ferdinand Marcos Sr.

Sa isang matapang na pahayag sa Indignation Rally sa Mandaue City, hayagang sinabi ni dating Pangulong Duterte na handa siyang tumaya na hindi bababa sa puwesto si Marcos Jr. kahit matapos na ang kanyang termino.

“Si Ginoong Marcos ay lumiliko patungo sa isang diktadurya. Pustahan tayo, hindi na ‘yan bababa sa puwesto pagkatapos ng kanyang termino. Gaya ng kanyang ama. Magkakagulo na naman tayo dahil ang gagawin niya ay magdeklara ng Batas Militar, katulad ng ginawa ng kanyang ama.”

(“Si Mr. Marcos is veering towards a dictatorship. Mopusta ko sa inyo, dili na monaug pagkahuman sa iyang termino. Pareha na sa iyang tatay. Magkagubot na pud ta because ang iyang buhaton mo-declare na pog Martial Law pareho sa iyang papa.”)
Bukod sa Batas Militar, ibinulgar din ng dating Pangulong Duterte na ibinebenta umano ng administrasyong Marcos ang reserba ng ginto ng bansa, isang hakbang na maaaring magdulot ng matinding krisis sa ekonomiya.

“Patuloy nilang ibinebenta ang ating reserbang ginto hanggang sa halos wala nang natitira. Kaya paano na aangat ang ating ekonomiya kung dumating ang panahon na matuklasan nilang wala na tayong reserbang pera?”

(“Sigehan nilag baligya ang atong gold hangtod karon gamay na lang kaayo. So, unsaon na lang pagtindog ang atong ekonomiya pag-abot sa panahon masirip nila nga wala na tay back-up sa atong kwarta?”)

Dagdag pa niya, hindi raw binibigyang-linaw ng administrasyon kung saan napupunta ang kita mula sa pagbebenta ng ginto.

“Hindi man lang nila sinusubukang sagutin ang mga tanong. Wala silang pakialam na magbigay ng paliwanag sa taumbayan.”

(“They don’t bother to answer. And they don’t bother really to give a statement to the Filipino people.”)

IMPEACHMENT: PANANABOTAHE KAY SARA DUTERTE?
Bago matapos ang kanyang talumpati, binanatan din ni FPRRD ang umano’y planong impeachment laban kay Bise Presidente Sara Duterte.

“Wala naman silang ibang maipanlaban kay Inday. Si Inday, kailanman, hindi matatalo. Kaya ngayon pa lang, gusto na nilang pigilan ang kanyang paglakas.”
(“Wala silay ikapuli og ang kontra nila si Inday. Way pildi si Inday, og modaog. So karon pa lang, gusto nilang piangan.”

Sa gitna ng lumalalang tensyon sa pulitika, nagbabala si dating Pangulong Duterte na kapag tuluyang isinakatuparan ni Marcos Jr. ang Batas Militar, maaaring maulit ang madilim na kabanata sa kasaysayan ng Pilipinas.

Samantala , mariing itinanggi naman ni Executive Secretary Lucas Bersamin ang pahayag ng dating Pangulo at binansagang “one-man fake news factory” si FPRRD.

Matatandaang noong nakaraang buwan, tinawag ring “fake news” ni Bersamin ang mga nadiskubreng blank items nina dating Pangulong Duterte at Congressman Ungab sa umanong maanomalyang bicam report na pormal ng naireklamo sa Korte Suprema kung saan kasalukuyang hinihintay ang original copy ng mga budget documents na hiniling ng Korte Suprema sa kanila.

Muling umugong ang pangamba sa isang posibleng diktadurya matapos ipahayag ni dating Pangulong Rodrigo Duterte na hindi na siya magugulat kung ideklara rin ...

22/02/2025

MARCOLETA DINUR0G SI MARTIN ROMUALDEZ SA CEBU PEOPLE'S INDIGNATION RALLY

Sa harap ng mahigit 40,000 kataong dumalo sa Cebu People's Indignation Rally, naghatid ng isang matapang at umaatikabong talumpati si SAGIP Partylist Representative at senatorial candidate Rodante Marcoleta. Direkta niyang tinukoy si House Speaker Martin Romualdez bilang utak sa likod ng kasalukuyang bantang impeachment laban kay Bise Presidente Sara Duterte.

Sa kanyang pahayag, inilahad ni Marcoleta kung paanong ginamit umano ni Romualdez ang kanyang kapangyarihan upang maisulong ang impeachment, sa kabila ng mariing pagtutol ng mahigit apat na milyong Pilipino. Ayon kay Marcoleta, hindi umano ito simpleng isyu ng pulitika kundi isang sistematikong pagsasabwatan upang patalsikin si VP Sara at palakasin ang sariling kapangyarihan ni Romualdez.

"Martin Romualdez is responsible for weakening our institutions. He cannot lord over, he CANNOT CHANGE the destiny of our people!" mariing pahayag ni Marcoleta, na sinalubong ng sigawan at palakpakan ng libu-libong dumalo.

QuadCom: Ginamit Upang Ipitin si Duterte?

Hindi lamang ang impeachment ang pinuntirya ni Marcoleta. Ibinunyag din niya ang diumano'y tunay na layunin ng QuadCom—isang komiteng nilikha hindi upang maghatid ng hustisya kundi upang usigin si dating Pangulong Rodrigo Duterte. Pinangalanan niya ito bilang isang instrumentong ginagamit upang pahinain ang mga kaalyado ng dating pangulo, lalo na si VP Sara.

'You Need People in the Senate to Frustrate the Impeachment'

Sa kanyang panawagan, binigyang-diin ni Marcoleta ang kahalagahan ng pagboto sa mga kandidatong inendorso ni dating Pangulong Duterte upang mapigilan ang impeachment. Ayon sa kanya, isang laro ng numero sa Senado ang impeachment, at kung magtagumpay ang kampo ni Romualdez sa pagkuha ng sapat na boto, tiyak na mapapatalsik si VP Sara Duterte sa puwesto.

"Kapag nangyari ito, ang bansa ay siguradong babagsak!" babala ni Marcoleta.

'Gusto Nilang Parusahan si Dante Marcoleta, Pero ang Totoong Pinaparusahan Ay Ang Sambayanang Pilipino'

Bukod sa impeachment, ibinunyag rin ni Marcoleta ang diumano’y sistematikong panggigipit sa kanya sa loob ng Kongreso. Ayon sa kanya, tinanggal siya sa mga komite, inalisan ng allowances, at pinutol ang pondo ng kanyang opisina—isang hakbang na aniya’y hindi laban lamang sa kanya kundi sa mga Pilipinong kanyang pinaglilingkuran.

Panoorin ang buong talumpati ni Dante Marcoleta sa Cebu People's Indignation Rally:
https://www.youtube.com/watch?v=-_dpAWl5vwI

MARCOLETA DINUR0G SI MARTIN ROMUALDEZ SA CEBU PEOPLE'S INDIGNATION RALLYSa harap ng mahigit 40,000 kataong dumalo sa Cebu People's Indignation Rally, naghati...

17/02/2025

"Hindi naman kayo ang TINATAKOT ni DIGONG!" - NBI kay Cong. Adiong

JOKE ni DIGONG, CONG. ADIONG tila DISMAYADO sa PAHAYAG ni NBI DIRECTOR JAIME SANTIAGO

Nagpahayag ng matibay na paninindigan si NBI Director Jaime Santiago matapos himukin ng ilang kongresista, partikular ni Congressman Adiong Alonto, na imbestigahan si dating Pangulong Rodrigo Duterte dahil sa kanyang biro tungkol sa labinlimang senador.

Ipinaliwanag ng NBI Director ang pagkakaiba ng naturang biro sa isyung ikinakabit kay VP Sara, at binigyang-diin na ang retorika ay bahagi ng politika sa Pilipinas. Panoorin ang naging palitan ng pahayag at alamin ang buong detalye!

JOKE NI DIGONG, CONG ADIONG TILA DISMAYADO SA SINABI NG NBI DIRECTOR JAIME SANTIAGO Nagpahayag ng matibay na paninindigan si NBI Director Jaime Santiago mata...

15/02/2025

✅ team s**a
❌ team sinus**a
❌ team kain-s**a

14/02/2025

“Kung mas maganda ang buhay ngayon, iboto nyo mga kandidato ni Marcos Jr.!” - FPRRD

Sa isang matapang na pahayag, hinamon ni dating Pangulong Rodrigo Duterte ang mga Pilipino na timbangin ang tunay na estado ng bansa sa ilalim ng administrasyong Marcos Jr. bago bumoto sa darating na halalan.

“Kung mas mababa ang presyo ngayon ng pagkain, iboto natin ’yung mga kandidato niya (PBBM). Kung mas madali maghanap ng trabaho ngayon sa panahon niya, then doon ka sa kanya.”

Sa proclamation rally ng PDP-Laban noong Pebrero 13, 2025, idiniin ni Duterte ang isyu ng patuloy na pagtaas ng presyo ng bilihin, kawalan ng sapat na trabaho, at seguridad sa bansa.

“Kung sa panahon na ito, kampante ka na maglakad ng walang takot, nakakapasyal ka maski saan, huwag mo na bitawan si Marcos, piliin mo na ’yung mga kandidato niya.”

Ang kanyang pahayag ay tila isang hamon sa administrasyon ni Marcos Jr., na kasalukuyang binabatikos dahil sa mataas na presyo ng pagkain at hindi maibsan na kahirapan.

Sa gitna ng lumalalim na iringan sa pagitan ng mga dating magkakampi, ang tanong: Makakakuha pa ba si Marcos Jr. ng suporta mula sa mga Pilipino, o maghahanap na ang taumbayan ng ibang lider na kayang tugunan ang kanilang pangangailangan?

Sa isang matapang na pahayag, hinamon ni dating Pangulong Rodrigo Duterte ang mga Pilipino na timbangin ang tunay na estado ng bansa sa ilalim ng administras...