27/07/2026
Nais ko lang maglabas ng hinaing ukol sa mga overcharging at abusadong singilan ng pamasahe sa bao-bao sa Pagadian City.
Noong July 21, dumating ako sa Pagadian Airport papuntang Integrated Bus Terminal (IBT). Lima (5) kaming pasahero sa bao-bao (3 sa likod at 2 sa tabi ng driver), pero ang singil sa amin ay ₱100 BAWAT ULO (kabuuang ₱500 sa isang biyahe!). Biktima rin ang iba pang pasahero ng overcharging, at walang anumang Fare Matrix na nakapaskil sa sasakyan. Kasi kung fare matrix ang susundin nasa 25php lang per head kami dapat.
Noong July 25 naman, galing akong Ramon Magsaysay at bumaba sa bus stop sa Pagadian para pumuntang airport pabalik ng Manila. Sumakay ulit ako ng bao-bao at ₱100 per head ulit ang singil. Ang masama pa, kailangan daw dalawa kami para umalis. Dahil matagal mag-abang ng kasama at ayaw kong mahuli sa flight ko, napilitan akong bayaran na lang pati ang pamasahe ng isa pang upuan—a total of ₱200 para lang makabiyahe na!
Sa mga otoridad at tanggapan na may jurisdiction sa pamasahe sa Pagadian City: paki-implement naman po nang maayos ang tamang taripa at regulasyon.
Huwag hayaang magtakda ang mga driver ng sarili nilang presyo.
Ang pamasahe ay dapat nakabase sa kasalukuyang presyo ng gasolina at per kilometer distance.
Dapat may official FARE MATRIX na nakakabit nang malinaw sa loob ng bawat bao-bao/PUV para transparent at nakikita ng mga pasahero.
Hindi lahat ng nagbi-biyahe o dumadayo sa Pagadian City ay mayayaman. Ang ganitong sistema ay malinaw na pang-aabuso at maling practice na dapat agad maitama ng lokal na pamahalaan. Kung ano ang nakasaad sa local ordinance para sa fare matrix, iyon dapat ang masunod—walang dagdag, walang taga-singil.
Sana ay maaksyunan ito ng LGU at ng City Transportation Office para sa kapakanan ng mga residente at mga bisita sa lungsod.
