Ang Pahayagang Plaridel

04/11/2025

PINATAWAN ng isang larong suspensiyon si DLSU Green Archer Vhoris Marasigan matapos magrehistro ng disqualifying foul laban kay NU Bulldog Omar John sa kanilang naging sagupaan sa Men's Basketball Tournament sa SM Mall of Asia Arena nitong Nobyembre 2.

Bunsod nito, hindi makalalaro si Marasigan sa tapatan kontra sa kanilang karibal na Ateneo Blue Eagles sa Smart Araneta Coliseum sa Linggo, Nobyembre 9.





| mula The UAAP

03/11/2025

NAKAMIT ng De La Salle University-Manila ang 66.67% passing rate sa October 2025 Certified Public Accountant Licensure Exam kompara sa 34.02% national passing rate na naitala ng Professional Regulation Commission Board, Nobyembre 4.

| mula PRC Board

03/11/2025

NAUNSIYAMI ang pagsalakay ng DLSU Green Archers sa NU Bulldogs, 67–75, sa kanilang ikalawang pagtutuos sa Men's Basketball Tournament sa SM Mall of Asia Arena kahapon, Nobyembre 2.

Isports

03/11/2025

NAG-ABISO ang PAGASA sa banta ng daluyong na mataas ang posibilidad na mangyari sa loob ng susunod na 24 na oras dulot ng Typhoon batay sa ulat ng ahensiya kaninang ika-8:00 n.g., Nobyembre 3.

Posibleng umabot sa mahigit tatlong metro ang taas ng daluyong sa mabababang lugar sa mga baybayin sa ilang mga bahagi ng Dinagat Islands, Silangang Samar, Leyte, Kanlurang Samar, Katimugang Leyte, at Surigao del Norte.

Maaari namang umabot sa 2.1 hanggang tatlong metro ang taas nito sa ilang mga parte ng Silangang Samar, Katimugang Leyte, at Surigao del Norte.

Posible ring umabot sa isa hanggang dalawang metro ang taas ng daluyong sa ilang mga bahagi ng MIMAROPA, Visayas, at Mindanao. Pinapayuhan ang mga residente sa mga nasabing lugar na lumikas sa mas matataas na lugar.

| mula DOST-PAGASA

03/11/2025

KUMALAS ang mga palaso ng DLSU Lady Archers sa hagupit ng defending champions NU Lady Bulldogs, 67–97, sa kanilang ikalawang tagisan sa Women’s Basketball Tournament sa SM Mall of Asia Arena kahapon, Nobyembre 2.

Isports

03/11/2025

ITINAAS ang Tropical Cyclone Wind Signal (TCWS) No. 4 sa Dinagat Islands, Camotes Islands, Siargao at Bucas Grande Islands, Guiuan, Samar, at ilang mga bahagi ng Bohol at Leyte dulot ng Typhoon ayon sa ulat ng PAGASA kaninang ika-5:00 n.h., Nobyembre 3.

Inakyat ang TCWS No. 3 sa Guimaras, katimugang bahagi ng Silangang Samar, gitnang bahagi ng Leyte, hilaga at gitnang bahagi ng Cebu, silangan at gitnang bahagi ng Bohol, hilagang bahagi ng Negros Oriental, hilagang bahagi ng Negros Occidental, at silangang bahagi ng Iloilo.

Bahagya namang lumakas ang bagyo habang kumikilos patungong Silangang Visayas.

| mula DOST-PAGASA

03/11/2025

NILINAW ng University Student Government ang ilang mga katanungan hinggil sa ilulunsad nilang Student Beep Card Activation, Nobyembre 3.

Gaganapin ang naturang inisyatiba sa Yuchengco Grounds sa ika-9:00 n.u. hanggang ika-5:00 n.h. sa Nobyembre 6 at 7.

| mula DLSU USG

03/11/2025

MULING IPINAAALALA ng Office of the Provost ang pagsasalin sa Filipino ng mga abstrak ng lahat ng mga pananaliksik ng Pamantasan bilang bahagi ng inisyatibang mapalapit ang mga ito sa mga Pilipino, Nobyembre 3.

Maaaring lumapit ang mga estudyante at kaguruan sa Sentro sa Pagsasalin, Intelektuwalisasyon, at Adbokasiya upang humingi ng gabay sa pagsasalin ng mga naturang pananaliksik.

03/11/2025

INILATAG ng De La Salle University (DLSU) Commission on Elections (COMELEC) ang resolusyong magpapatuloy ng mga prosesong elektoral para sa Special Elections 2025 matapos iwaksi ng DLSU Judiciary ang Writ of Preliminary Injunction sa komisyon, Nobyembre 3.

Nakasaad dito ang bagong iskedyul ng mga aktibidad para sa halalan, kabilang ang muling pagbubukas ng pagpasa ng Certificate of Candidacy at ang mga araw ng pangangampanya mula Nobyembre 10 hanggang 19.





| mula DLSU Commission on Elections

03/11/2025

LUMAKAS bilang typhoon ang Bagyong batay sa ulat ng PAGASA kaninang ika-11:00 n.u., Nobyembre 3.

Taglay nito ang lakas ng hanging aabot sa 120 kilometro kada oras malapit sa gitna at pagbugsong umaabot sa 150 kilometro kada oras.

Isinailalim na sa Tropical Cyclone Wind Signal No. 3 ang Camotes Islands, Dinagat Islands, hilagang bahagi ng Surigao del Norte, silangang bahagi ng Bohol, at ilang parte ng Samar at Leyte.

Huling namataan ang sentro ng bagyo sa silangan timog-silangan ng Guiuan, Eastern Samar.

| mula DOST-PAGASA

02/11/2025

NASINDAK ang DLSU Green Archers sa bagsik ng NU Bulldogs, 67–75, sa kanilang ikalawang bakbakan sa Men’s Basketball Tournament sa SM Mall of Asia Arena, Nobyembre 2.

Susubukang ihawla ng Taft-based squad ang pumapagaspas na Ateneo Blue Eagles sa kanilang pagtutuos sa Smart Araneta Coliseum sa ika-4:30 n.h., Nobyembre 9.

02/11/2025

PINAGNILAYAN ng mga Pilipino ang mga alaala ng kanilang mga yumaong mahal sa buhay ngayong Undas, Nobyembre 1 at 2.

Dinalaw sa mga hantungan at nag-alay ng dasal, bulaklak, at kandila ang mga pamilya bilang bahagi ng taunang paggunita.