Ang Tagamasid, College of Arts and Sciences, UP Manila, Manila (2025)

Q: What is the address?

College Of Arts And Sciences, UP Manila

15/05/2025

MGA LARAWAN | Opisyal nang binuksan ang eksibisyon ng mga estudyante mula sa programang BA Philippine Arts na pinamagatang "Balik-Balik: Sari-Saring Alaala" ngayong ika-15 ng Mayo, 2025, sa Museum of a History of Ideas ng UP Manila.

Bilang bahagi ng kanilang pinal na proyekto para sa PA 164: Curatorship and Collections Management sa ilalim ni Bb. Yra Dorotheo, nag-organisa sila ng isang eksibit na nagpapakita ng kanilang mga personal na koleksyon ng kanilang kabataan.

Masisilayan sa kanilang eksibisyon, ang iilan sa mga bagay-bagay na kinalakihan ng bawat Pilipino, mula sa mga pagkain, damit, laruan, hanggang sa mga pangkaraniwang bagay na ginagamit sa araw-araw, na siyang magbibigay nostalgia sa mga bisita. Layunin ng mga mag-aaral na magsagawa ng isang pagbabalik-tanaw sa pagkabata ng mga batang 2000s at ilapit pa ang mga ganitong uri ng sining sa komunidad ng UP Manila.

Ang exhibit na ito ay bukas sa lahat hanggang Mayo 16.

Kuha ni Jeremiah Li
Sulat ni Jeremiah Li at Sherly Mae Traifalgar

11/05/2025

Binging-bingi na si Mak sa mga parang sirang-palaka na political jingles ng mga trapo ngayong eleksyon. Naduduling na rin siya sa dami at naglalakihang billboards at tarpaulins na nakasabit sa mga daan. Higit sa lahat, hindi na niya masikmura ang mga paulit-ulit na mabubulaklak na salita at pangako ng mga tumatakbong ito na hindi naman talaga maisasakatuparan kapag sila’y naupo sa pwesto. Sabi nga nila, kung sino ang may pinakamalaking ginastos ngayong eleksyon, ay siya rin may pinakamalaking babawiin kapag sila ay nanalo.

Naniniwala si Mak na dapat magkaroon ng tunay na representasyon ang taumbayan sa gobyerno. Matagal na naman dapat pero panahon na rin upang bigyan natin ng boses ang bawat sektor ng ating lipunan. Hindi na dapat tayo magpadala sa mga tradisyonal na politiko na tuwing eleksyon na lang na ata nabubuhay at puno pa ng mga pangakong napapako.

BASAHIN: https://atupm.wordpress.com/2025/05/11/ang-kwento-ni-mak-at-ang-anyo-ng-politika-sa-bansa/

Sulat ni Sherly Mae Traifalgar

10/05/2025

MGA LARAWAN | Nagtungo sa Tomas Morato ang Makabayan Coalition kahapon, Mayo 9, 2025, kasama ang kanilang labing-isang kandidato sa pagka-senador, limang partylist na nabibilang sa kanilang hanay, at pangkat ng mga tagasuporta para sa kanilang isinagawang Miting De Avance.

Bitbit ang iba’t-ibang panawagan katulad ng mas mataas na sahod ng mga manggagawa mula sa iba't ibagn sektor, mas mataas na pondo sa sektor ng agrikultura at edukasyon, at paglaban para sa karapatan ng mga
kababaihan, kabataan, at LGBTQIA+ na mamamayan. Kanila ring iginiit ang mga dinastiya na patuloy na naghahari sa pulitika, at idiniin na dapat nang wakasan ang kanilang pang-aalipusta sa ating bayan.

Sa nalalapit na eleksyon, pinawagan nila na ang mga botante ay maging mapanuri, bantayan ang mga boto, at ipanalo ang taumbayan sa senado.

Mga kuha ni Patch

02/05/2025

MGA LARAWAN | Umaga nang unang araw ng Mayo, 2025 nang sumulong ang hanay na kinabibilangan ng manggagawa at iba't ibang sektor upang irehistro ang kanilang mga progresibong panawagan bilang pagsalubong sa Araw ng Paggawa at pagdiwang narin ng ika-45 na anibersaryo ng pagkakatayag ng Kilusang Mayo Uno (KMU). Ang pagtataas ng sweldong pampamilya sa halagang nakakabuhay (P1200) at ang katiyakan sa trabaho ay ilan sa mga adbokasiya ng binitbit ng hanay.

"Uring manggagawa, hukbong magpapaglaya!" ang naging sigaw ng mga nagtipon sa Mendiola na patuloy na lumalaban sa gitna ng mapang-aping rehimeng Marcos. Ilan sa mga sumapi sa kilos-protesta ay ang mga tumatakbong senador at kongresista sa ilalim ng Makabayan bloc. Naging malaki din ang presensya ng kapulisan sa kahabaan ng Recto Avenue habang nagmamartsa ang hanay, kahit mapayapaya naman ang protesta. Ang mga puwersa ng estado ay nagtayo rin ng barikada na may nakatali ng alambreng tinik na kung saan nasaktan ang ilang mga indibidwal.

Bukod sa pagtataas ng sweldo, ang mga nagpoprotesta ay nanawagan din upang babaan ang presyo ng mga bilihin para mas maging makatao ang mga kundisyong pang-ekonomiya ng bansa, at wakasan rin ang mga dinastiya pampulitikal ng mga malalaking burukratikang kapitalista na nangungungkulan sa pamahalan at nagpapahirap sa mamamayang Pllipino. Kanilang giniit na tuloy-tuloy ang pakikipaglaban para sa karapatan ng masang Pilipino sa kabila ng pagtatapos ng programa sa Mendiola.

01/05/2025

LOOK | Police officers forcefully block the march of labor groups and allied sectors during the protest.

Even before progressive groups arrived in Recto Avenue, state forces had already put in place barbed wire barricades, to block the path towards Mendiola, despite the peaceful nature of the protest. Individuals have reportedly been wounded by the barbed wires.

01/05/2025

MAYO UNO 2025 | Workers and other sectors march to Mendiola to register calls for a P1200 living wage, job security, and lowering the price of basic goods for the masses. Progressive groups also demand greater democratization amidst continuous societal crises.

Among the protesters are senatorial and party-list candidates from the Makabayan bloc, as mass leaders of their respective sectors.

Photos by Chrisrence Patio and Jeremiah Li

29/04/2025

TINGNAN | Nitong nakaraang Semana Santa, nagsagawa ng mobilisasyon ang mga maralitang lungsod, kasama ang iba’t ibang sector, sa pamamagitan ng taunang Kalbaryo ng Mamamayan—isang paggunita sa Mahal na Araw (Abril 16, 2025) na nangangahulugan sa inhustisya na patuloy na dinadaranas ng mga mahihirap.

Sa pangunguna ng KADAMAY, nirehistro ng hanay ang kanilang mga panawagan para sa nakakabuhay na sahod at katiyakan sa trabaho at Bahay sa gitna ng napakaraming panlipunang krisis.

Kuha ni Aya Pena

28/04/2025

ICYMI | Under the theme of ‘Habi: Weaving New Learning Pathways,’ various UP Manila organizations conducted Alternative Classroom Learning Experiences (ACLEs) for students all around campus, April 10, 2025.

ACLEs ranged from highlighting the rights, voices, and culture of indigenous peoples in the country to workshops and seminars that discussed various, pertinent social issues.

Photos by Chrisrence Patio

14/04/2025

ICYMI | Ginanap ang ika-11 na Area Studies National Conference, isang taunang kumperensyang nagbibigay-pugay sa mga akademiko, tagapagsalita, tagapagsaliksik, at mga tagapagturo sa larangan ng agham panlipunan, sa UP Manila Little Theater nitong nakaraang ika-10 at ika-11 ng Abril.

Ilan sa mga naging paksa sa kumperensya ay ang migrasyon, lingguwistika, kultura ng pagkain, mga dinastiya sa larangan ng pulitika, at papel ng media at kasaysayan sa kasalukuyang panahon. Ang mga paksang ito ay ipinarating sa pamamagitan ng ilang mga diskusyon at open forum.

Kuha at sulat ni Jeremiah Li

12/04/2025

MGA LARAWAN | Ginanap ang isang kilos-protesta ng ilang progresibong grupo sa pangunguna ng Agham Youth UP Manila kasabay ng pagdiwang ng Earth Month sa harap ng College of Arts and Science, tanghali ng Abril 10.

Isinaboses nila ang kanilang mga panawagang tunay na reporma sa lupa, pagkondena sa mga pakana ng mga malakihang korporasyong dayuhan, at climate change action.

Iginiit nila na ang init ng panahon ay hindi lamang epekto ng lumalalang klima kundi epekto rin ng bulok na sistemang kumikiling naman sa Imperyalistang dayuhan.

Kanilang kinondena ang paglabag ng gobyerno sa mga karapatan ng mga Indigenous Peoples na silang mga tagapagtanggol ng kalikasan ngunit natatamo lamang bilang kapalit mula sa gobyerno ay ang pagsunog sa kanilang mga tirahan, pagpapalayas sa kanilang sariling lupa, at pagdakip ng kanilang mga pamilya't mahal sa buhay.

Anila, hindi na sapat ang alamin ang mga panawagan ng mga inaapi—kailangan nating makisama sa pakikibaka dahil damay tayong lahat sa mundong may lumalalang krisis sa klima. Diin nila, ang pagsagip sa kalikasan ay makakamit lamang sa kolektibong pagsulong.

Kuha at sulat ni Jeremiah Li

10/04/2025

ICYMI | Nagsagawa ng isang picket protest kaninang umaga, Abril 10, sa harapan ng Court of Appeals ang ilang tagasuporta sa paglitaw kina Dexter Capuyan at Gene Roz Jamil "Bazoo" De Jesus kabilang ang pamilya ng mga deseparasidos kasabay ng preliminaryong pagdinig ng writ of amparo at habeas data.

Gabi ng 28 Abril 2023 nang dukutin ng ilang ahente ng Criminal Investigation and Detection Group (CIDG) ang Indinenous Peoples rights activists na sina Dexter at Bazoo sa SM Taytay, Rizal.

"Ang mga ganiting pangyayari ay dulot ng kawalan ng interes ng mga tao... Dapat ay isaalang-alang ang karapatan ng bawat isa," pahayag ni Ida De Jesus, kapatid ni Bazoo De Jesus

Panawagan ng pamilya ng mga deseparasidos ay wakasan ang pagtanim ng takot at kawalan ng seguridad ng mga ahensya ng gobyerno tulad ng NTF-ELCAC upang makabalik na sila sa kanilang mga pamilya at pinagsisilbahan sa buhay: "Ilitaw ang mga deseparasidos!

Kuha at sulat ni Jeremiah Li

29/03/2025

ICYMI | Nagtipon-tipon kahapon, Marso 29, ang mga progresibong grupo at indibidwal sa Liwasang Bonifacio kasabay ng ika-80 na kaarawan ng dating pangulong Rodrigo Duterte. Bitbit ang mga keyk, lobo, at nakasuot pa ng party hats, hiling ng hanay na panagutin at pagbayaran ng dating pangulo ang kanyang mga kasalanan sa pagpapakulong sa kanya.

Giit ng grupo, mabuti pa nga si Duterte na may mga karapatan pa rin sa kabila ng kanyang matitinding krimen sa sambayanan, samantala ang mga biktima ng kanyang giyera kontra droga at extrajudicial killings ay hindi nabigyan ng karapatang ipaglaban ang kanilang sarili.

Sa dulo ng programa, nagtirik ng kandila ang mga raliyista bilang pag-alala sa bawat isang indibidwal na kinitil ng estado. Ayon pa sa kanila, magpapatuloy ang kanilang pagkilos hanggat hindi napagbabayaran ni Duterte ang lahat ng kanyang mga kasalanan at napapanagot ang iba pang mga sangkot sa paglabag sa karapatang pantao ng mamamayang Pilipino.

Kuha at sulat ni Jeandair Benedicto

Ang Tagamasid

15/05/2025

11/05/2025

10/05/2025

02/05/2025

01/05/2025

01/05/2025

29/04/2025

28/04/2025

14/04/2025

12/04/2025

10/04/2025

29/03/2025

Address

Website

Alerts

Contact The Business

Shortcuts

Share

Category