10/09/2026
'PAGIGING HUMBLE NI VP SARA'
Inihayag ni Defense counsel at dating Department of Education (DepEd) chief of staff Michael Poa na ang pagiging “totoong tao” ni Vice President Sara Duterte ang isa sa mga dahilan kung bakit pinili niyang manatili sa panig nito.
“Sa akin, it's very rare to meet people na totoo lang, na totoong tao. What you see is what you get, basically,” sabi niya sa panayam with Karen Davila.
Dagdag ni Poa, nakita rin niya umano ang pagiging mapagkumbaba ni Duterte, na naging mahalagang bahagi ng kanyang naging desisyon.
“So to see the humility in her na naging totoong tao siya sa akin, that's what really made me decide,” saad niya.
Giit niya, mas pinili raw niyang manatili sa isang taong malinaw sa kanya ang iniisip at pananaw nito sa kanya, kaysa sa isang taong hindi niya alam ang tunay na iniisip.
“I’ll stay with someone na at least alam ko kung ano ’yung nasa isip niya, kung ano ’yung tingin niya sa akin, kaysa do’n sa ’di mo alam,” pahayag niya.
Iginiit ni Poa na lagi umano siyang binibigyan ni Duterte ng kalayaan na magdesisyon para sa sarili at gawin kung ano ang sa tingin niyang makabubuti para sa kanya. Aniya, hindi umano siya ang tipo na pipigil o hihiling na huwag siyang iwan.
