Archlight

08/11/2025

MAGKAPATID NA REMULLA, MAGKASALUNGAT ANG PAHAYAG SA UMANOY ICC WARRANT VS. DELA ROSA

Naglabas ng magkaibang pahayag ang magkapatid na sina Ombudsman Boying Remulla at DILG Secretary Jonvic Remulla hinggil sa umano’y arrest warrant na inilabas ng International Criminal Court (ICC) laban kay Sen. Ronald “Bato” Dela Rosa, kaugnay ng imbestigasyon sa crimes against humanity noong war on drugs ni dating Pangulong Rodrigo Duterte.

Sa panayam nitong Sabado, Nobyembre 8, sinabi ni Ombudsman Remulla na mayroon nang warrant of arrest mula sa ICC laban sa senador. Ngunit agad itong itinanggi ni Secretary Jonvic Remulla, na iginiit na wala pang red notice mula sa Interpol, na siyang nagpapatunay ng mga international arrest request. “As per the Center for Transnational Crimes, there has been no red notice issued as of 10 minutes ago,” aniya.

Kinumpirma rin ng Department of Justice (DOJ) na wala pa itong natatanggap na abiso o dokumento mula sa Interpol o ICC kaugnay ng sinasabing warrant. Hanggang ngayon, nananatiling magkasalungat ang pahayag ng magkapatid habang hinihintay ng publiko ang anumang opisyal na kumpirmasyon mula sa ICC.

07/11/2025

🤣

CHUA, HUMANGA SA TAHIMIK PERO TAPAT NA PAMUMUNO NI MARCOS

Pinuri ni Manila Rep. Joel Chua si Pangulong Ferdinand “Bongbong” Marcos Jr. bilang isang lider na “tahimik ngunit tapat” sa kanyang paglilingkod sa sambayanang Pilipino.

Ayon kay Chua, hindi kailangang maging maingay o palaging nasa balita ang Pangulo upang mapatunayan ang kanyang malasakit at dedikasyon sa bayan. “Si Pangulong Marcos ay nagtatrabaho nang tahimik, pero buong puso niyang inaalay ang kanyang oras at lakas para sa kapakanan ng bawat Pilipino,” pahayag ng kongresista.

Dagdag pa ni Chua, makikita ang sinseridad ng Pangulo sa paraan ng kanyang pamumuno—hindi puro salita, kundi gawa. Pinuri rin niya ang kampanya ng administrasyon laban sa ilegal na droga, na aniya ay epektibo at mas organisado kumpara sa mga nakalipas na administrasyon.

07/11/2025

pinaglalaruan na lang ata tayo ah🤡

ZALDY CO, POSIBLENG HUMARAP SA SENATE HEARING VIA ZOOM AYON KAY LACSON

Posibleng dumalo sa pamamagitan ng Zoom si dating Ako Bicol Party-list Rep. Elizaldy “Zaldy” Co sa nalalapit na pagdinig ng Senate Blue Ribbon Committee hinggil sa umano’y korapsyon sa mga flood control projects, ayon kay Sen. Panfilo Lacson.

Ayon kay Lacson, na nakatakdang muling pamunuan ang komite sa pagbubukas ng sesyon sa Nobyembre 10, nagpahayag umano si Co ng kagustuhang sumagot sa mga isyung ibinabato sa kanya sa pamamagitan ng virtual appearance sa Nobyembre 14 hearing.

“Kung gusto niyang mag-appear via Zoom, papayagan natin. Ang mahalaga ay mabigyan ng pagkakataon ang mga nabanggit para maipaliwanag ang kanilang panig,” pahayag ni Lacson sa isang panayam sa radyo.

Si Co ay isa sa mga pangalan na nadawit sa umano’y iregular na paggamit ng pondo sa mga proyektong pang-imprastruktura, partikular sa Bicol Region, na kabilang sa mga lugar na pinuna ng Senado dahil sa mga ghost projects o depektibong flood control works.

06/11/2025

dahil pa rin ba to kay speaker?😅

BATANGAS REP. LUISTRO, SINAMPAHAN NG KASO SA OMBUDSMAN

Nahaharap sa kasong administratibo at kriminal si Batangas 2nd District Rep. Gerville Luistro sa Office of the Ombudsman kaugnay ng umano’y anomalya sa Cat’s Eyes road stud project na ipinatupad sa Batangas City–San Pascual–Bauan Diversion Road.

Batay sa reklamo, may mga iregularidad umano sa paggamit ng pondo, kabilang ang labis na presyo, maling alokasyon ng pondo, at umano’y hindi epektibong pagpapatupad ng proyekto na nagdulot ng pag-aaksaya ng kaban ng bayan.

Kasama ni Luistro sa mga pinangalanang respondent sina DPWH Calabarzon Regional Director Jovel Mendoza at Batangas 2nd District Engineer Sonia Paglicauan, na kapwa inaakusahan ng pakikipagsabwatan upang mailusot ang nasabing proyekto.

Ayon sa mga nagreklamo, dapat masusing busisiin ng Ombudsman ang lahat ng dokumento at transaksiyon sa likod ng Cat’s Eyes project upang mapanagot ang mga sangkot kung mapatutunayang nagkaroon ng katiwalian.

06/11/2025

Pangunahan sana ni Mr. President ang mga kasundaluhan natin kung sakali🤣🤣🤦🤦🤦

MARCOS SA AFP: DAPAT KAYANG IPAGLABAN ANG PILIPINAS NANG MAG-ISA NG 20–30 ARAW

Ipinag-utos ni Pangulong Ferdinand Marcos Jr. sa Armed Forces of the Philippines (AFP) na tiyaking kaya nitong ipagtanggol ang bansa nang mag-isa sa loob ng 20 hanggang 30 araw bago dumating ang anumang tulong mula sa mga kaalyado sa ilalim ng Mutual Defense Treaty. Ito ang ibinunyag ni AFP Chief of Staff Gen. Romeo Brawner Jr. sa pagbubukas ng taunang military exercise na AJEX DAGIT-PA sa Camp Aguinaldo.

Ayon kay Brawner, kailangang maging handa ang Pilipinas na lumaban sa unang bahagi ng anumang digmaan, lalo’t inaasahan ng mga kaalyado tulad ng Estados Unidos na “tayong mga Pilipino muna ang lalaban” bago pumasok ang panlabas na suporta. “Kailangan muna nating umasa sa sarili nating kakayahan,” ani Brawner, sabay giit na napakahalaga ng ginagawang unilateral defense planning ng AFP upang mapanatili ang kaligtasan ng bansa.

Ang pahayag ay kasabay ng patuloy na tensyon sa West Philippine Sea, kung saan nananatiling hamon ang agresibong kilos ng China. Bagaman hindi tuwirang pinangalanan ni Brawner kung sinong bansa ang tinutukoy, malinaw umano na layunin ni Marcos na palakasin ang kakayahan ng militar upang makapagtanggol kahit walang agarang tulong mula sa mga kaalyado.

06/11/2025

haayyysss

MALACAÑANG IPINAIIMBESTIGA ANG 343 FLOOD PROJECTS SA CEBU SA PANAHON NI DUTERTE

Ipinag-utos ng Malacañang ang pagsasagawa ng masusing imbestigasyon sa 343 flood control projects sa Cebu na naipatayo mula 2016 hanggang 2022, o sa ilalim ng nakaraang administrasyong Duterte. Ayon kay Palace Press Officer Claire Castro, layon ng hakbang na malaman kung bakit, sa kabila ng mga pondong inilaan para rito, ay labis pa rin ang pinsala ng bagyong Tino sa lalawigan.

Ang direktiba ay tugon sa pahayag ni Cebu Governor Pam Baricuatro, na sa kaniyang social media post ay nagtanong kung saan napunta ang P26 bilyong flood control budget ng probinsya. “P26 billion of flood control funds for Cebu, yet we are flooded to the max,” ani ng gobernador sa Facebook.

Giit ni Castro, dapat masusing suriin kung nasaan at gumagana ba ang naturang mga proyekto. “Kung may 343 flood control projects na tapos mula 2016 hanggang 2022, dapat ay nakatutulong na ang mga ito. Kailangang alamin kung sino ang mananagot kung may iregularidad,” saad ng opisyal, kasabay ng panawagan na pagtuunan ng pansin ang mga anomaliyang nag-ugat pa sa mga nakalipas na taon.

05/11/2025

🤡

Pahayag ng Palasyo sa panawagan ng aktor na si Anjo Yllana patungkol sa hamon kay PBBM na magpa-hair follicle drug test.

05/11/2025

wow

SOTTO, MAKIKIPAGPULONG KAY ROMUALDEZ UKOL SA FLOOD CONTROL PROBE

Kumpirmado ang nalalapit na pagpupulong nina Senate President Tito Sotto at Leyte Rep. Martin Romualdez kaugnay ng imbestigasyon sa umano’y maanomalyang flood control projects na iniimbestigahan ng Senate Blue Ribbon Committee.

Ayon kay Sotto, pinag-aaralan ngayon ng Senate leadership kung paano maayos na maimbitahan si Romualdez sa pagdinig—maaari umanong sa pamamagitan ng personal na paanyaya sa kanilang magiging pagpupulong o sa pamamagitan ng pormal na liham na idadaan kay House Speaker Bojie Dy, bilang paggalang sa kapwa sangay ng Kongreso.

Naugnay si Romualdez sa alegasyong pagtanggap ng kickbacks mula sa mga flood control projects, batay sa mga naunang testimonya sa pagdinig. Mariin namang itinanggi ng mambabatas ang naturang paratang.

04/11/2025

Duterte, team to beat pa rin sa 2028!

DUTERTE, TEAM TO BEAT PA RIN SA 2028!

Nanawagan si OCTA Research fellow Prof. Ranjit Rye sa mga tinaguriang “anti-Duterte forces” na magkaisa kung tunay nilang nais talunin ang mga Duterte sa nalalapit na 2028 elections. Ayon kay Rye, nananatiling matatag at organisado ang political machinery ng kampo ng dating pangulo, bagay na mahirap tapatan kung watak-watak ang oposisyon.

04/11/2025

🤣🤣🤣

BREAKING | ROMUALDEZ AT ZALDY CO, IPATATAWAG SA SUSUNOD NA HEARING — LACSON

Kinumpirma ni Senator Ping Lacson na kabilang sina dating House Speaker Martin Romualdez at dating Ako Bicol congressman Elizaldy “Zaldy” Co sa mga iimbitahan sa susunod na pagdinig ng Senado kaugnay ng isyu sa flood control anomalies.

Ayon kay Lacson, mahalagang marinig ang panig ng dalawang mambabatas matapos maiugnay ang kanilang mga pangalan sa umano’y iregularidad sa pondo.

01/11/2025

゚ ゚viral

01/11/2025

゚ ゚viral