The Catalyst

The Catalyst Ito ang opisyal na page ng The Catalyst, ang opisyal na publikasyon ng Polytechnic University of the Philippines

Opisyal na pahayagang pang mag-aaral ng Politeknikong Unibersidad ng Pilipinas (PUP) na 39 taon nang nagsisilbi para sa interes ng mga estudyante at mamamayan.

TINGNAN | Nagsagawa ng iglap-protesta ang Kabataang Makabayan sa harap ng Victory Liner Terminal, Legarda, ngayong hapon...
05/12/2025

TINGNAN | Nagsagawa ng iglap-protesta ang Kabataang Makabayan sa harap ng Victory Liner Terminal, Legarda, ngayong hapon, Disyembre 05.

Tahasang kinukundena ng rebolusyonaryong grupo ang lantarang pasismo at korapsyon sa gobyerno ni Marcos Jr., at gayundin ang pagbibigay diin sa pagsusulong ng demokratikong rebolusyong bayan bilang natatanging paraan sa tunay na pagbabagong lipunan.

Hinihimok din ng Kabataang Makabayan ang lahat ng kabataan na sumapi sa New People's Army at isulong ang demokratikong rebolusyong bayan tungong sosyalistang kinabukasan.

TINGNAN | Umabot na sa 85,651 ang kabuuang bilang ng mga aplikante ng Polytechnic University of the Philippines College ...
04/12/2025

TINGNAN | Umabot na sa 85,651 ang kabuuang bilang ng mga aplikante ng Polytechnic University of the Philippines College Entrance Test (PUPCET), ayon sa pinakahuling datos na nakalap ng administrasyon ng PUP – Sta. Mesa Campus ngayong araw, Disyembre 04.

Mula sa bilang na ito, 55,983 lamang ang nakapag-finalize ng kanilang aplikasyon. Sa hanay ng mga nakapag-finalize, 27,164 na aplikante pa lamang ang nakakumpleto ng mga kinakailangang dokumento at nabigyan na ng test permit.

Hinihikayat ang lahat ng aplikante na kumpletuhin na ang mga kinakailangang dokumento upang maging tuloy-tuloy ang proseso ng kanilang aplikasyon.

Bukas ang ¡Apply at PUPCET applications ng PUP Sta. Mesa campus para sa mga bagong aplikante hanggang Disyembre 31, 2025.

Litrato mula sa Polytechnic University of the Philippines Official page.

TINGNAN | Ilang araw matapos ang anibersaryo ng Kabataang Makabayan (KM), namataan ang mga sulat ng KM - Kira Mindoro sa...
04/12/2025

TINGNAN | Ilang araw matapos ang anibersaryo ng Kabataang Makabayan (KM), namataan ang mga sulat ng KM - Kira Mindoro sa mga pader ng Anonas St. patungong Nagtahan ngayong umaga, Disyembre 04.

Ginunita ng rebolusyonaryong grupo ang ika-61 nitong anibersaryo at muling nanawagan sa mga Iskolar ng Bayan na sumali sa New People's Army (NPA).

Ang Kabataang Makabayan ay isang organisasyon ng mga rebolusyonaryong kabataan na itinatag noong Nobyembre 30, 1964. Sila ang isa sa mga nangunang kilusan na lumaban noong First Quarter Storm sa rehimen ni Marcos Sr. noong 1970s.

Following the recent SCE, familiar names have once again shot up to the highest positions in student governance. For mos...
03/12/2025

Following the recent SCE, familiar names have once again shot up to the highest positions in student governance. For most colleges, the story remains the same. The same political parties, the same personalities.

However, the CAL, CS, CAF, CBA, CSSD and CPSPA student councils have all seen drastic changes in their leadership, with independents and opposing coalitions taking over what were once deemed "strongholds."

True service demands humility—the willingness to be criticized, to be questioned, and to be corrected. It means creating spaces where students can be critical of governance without fear or apathy. To be “for the students and the people” means more than repeating the slogan during campaigns; it requires these leaders to become more than mere mouthpieces, to embody transparency even when it is uncomfortable. Real leadership is not proven by how loudly one can speak, but by how willingly one can listen. This is what should be demanded of our new leaders.

READ: https://pahayagangthecatalyst.wordpress.com/2025/12/03/cycles-of-comfort/

TINGNAN | Kasalukuyan nang umaarangkada ang Tara KKB Seminar ng mga alagad ng midya ng Polytechnic University of the Phi...
03/12/2025

TINGNAN | Kasalukuyan nang umaarangkada ang Tara KKB Seminar ng mga alagad ng midya ng Polytechnic University of the Philippines sa Krus Na Ligas High School.

Ang seminar ay patungkol sa disaster risk reduction management at understanding weather reporting. Kabilang sa mga tiga-pagsalita si Ms. Vivian Gay Aggasid mula sa DOST-PAGASA at Mr. Marco Mondejar isang Search and Rescue Specialist.

Sa paggunita ng Araw ni Bonifacio, tiniyak ng masang anakpawis na nananatiling buhay ang rebolusyong sinimulan ni Bonifa...
03/12/2025

Sa paggunita ng Araw ni Bonifacio, tiniyak ng masang anakpawis na nananatiling buhay ang rebolusyong sinimulan ni Bonifacio sa pamamagitan ng pagkundena sa lumulobong korapsyon sa ilalim ng rehimeng Marcos-Duterte. Bitbit ang militanteng diwa, kanilang ipinatambol sa lansangan ang panawagang agarang pagpapanagot sa lahat ng tiwali.

Basahin ang mga hamong kinakaharap ng iba’t ibang sektor ng lipunan na dulot ng korapsyon, at kung paano nila ipinagpapatuloy ang laban ni Bonifacio.

Inihanda nina Alexa Elnar, Candace Baricuatro, Katrina Gabriel, Leslie Canon, Loraine Pujeda, Maxene Marcelo, at Naomi Lim.




Pinangunahan ni Prof. David San Juan ang pagpapaliwanag sa layunin ng makasaysayang pagbaha ng sambayanan sa Luneta sa p...
02/12/2025

Pinangunahan ni Prof. David San Juan ang pagpapaliwanag sa layunin ng makasaysayang pagbaha ng sambayanan sa Luneta sa pangalawang pagkakataon. Aniya, limang buwan na mula nang mabulgar ang flood control scam na kinasasangkutan ng mahigit 30 kongresista ayon sa Office of the Ombudsman ngunit hanggang ngayon, wala pa ring nakukulong na kongresista at senador.

Ipinunto rin nito ang ₱57 bilyong kickback na ipinadala umano kina Pangulong Bongbong Marcos at dating House Speaker Martin Romualdez. Base na rin sa kontrobersyal na video na inilabas ni dating Ako Bicol Party List Representative Zaldy Co noong ika-24 ng Nobyembre, ₱1 bilyon mula rito ang natanggap ni Marcos Jr.

“Habang tayo, maliit ang kita dahil sobrang laki ng tax—at ang gusto pa ng gobyerno, magtiis tayo sa ₱500 na budget para sa Noche Buena!” buwelta ni San Juan.

“Si Marcos at Duterte, walang pinag-iba. Parehong tumatanggap ng donasyon mula sa mga contractors. Parehong nakangisi dahil lusot sa kongreso ang budget nila nang walang tanong-tanong,” dagdag pa niya.

BASAHIN: https://pahayagangthecatalyst.wordpress.com/2025/12/02/baha-sa-luneta-2-0-matagumpay-na-idinaos-sa-kabila-ng-banta-ng-no-permit-no-rally/

IN PHOTOS | Nagmartsa mula Luneta patungong Mendiola ang iba't ibang progresibong organisasyon para sa Baha sa Luneta 2....
01/12/2025

IN PHOTOS | Nagmartsa mula Luneta patungong Mendiola ang iba't ibang progresibong organisasyon para sa Baha sa Luneta 2.0, kasama ang mga kabataan nitong Nobyembre 30.

Sigaw ng taumbayan na mapanagot at makulong ang mga sangkot sa katiwalian sa gobyerno, higit lalo ang pagpapatalsik kina Marcos Jr. at Duterte bilang nangungunang utak ng korapsyon.

Mga larawan nina Kylie Monique Abogado, Leslie Canon, Rianna Cuasay, Joanna Del Rosario, Missy Loreigne Damayo, Rhyzza Gayle Tamayo, at Arliz Torre/The Catalyst

LOOK | PUP Community gathers at the University Obelisk for a thanks-giving mass before the highly anticipated lighting o...
01/12/2025

LOOK | PUP Community gathers at the University Obelisk for a thanks-giving mass before the highly anticipated lighting of the Belen tonight, December 01.

The Belen lighting is a yearly University tradition of the community to express gratitude as the year comes to a close.

30/11/2025

PANOORIN | "TABE! TABE! DADAAN KAME!"

Kolektibong sigaw ng mga demonstrador sa iniharang na barikadang itinayo ng kapulisan sa Recto Avenue ngayong Bonifacio Day.



30/11/2025

PANOORIN | Sa pagpapatuloy ng malawakang kilos-protesta kontra korapsyon, dumadagundong ang pagmartsa ng malawak na hanay ng masa mula sa unang bugso ng pagkilos kaninang umaga sa kahabaan ng Luneta patungong Mendiola ngayong Nobyembre 30.

Bitbit ang umaapaw na galit at pagnanais ng pagbabago, iginiit ng mga nagpoprotesta ang kapabayaan, kakulangan, at lumalalang katiwalian sa ilalim ng administrasyong Marcos-Duterte na patuloy na nagpapahirap sa mamamayan.

Mariing panawagan ng masa ang singilin, panagutin, at huwag palampasin ang pananagutan ng mga sangkot hanggang sa pagpapatalsik sa tambalan ng pasistang Marcos–Duterte.



Address

Room 206 Charlie Del Rosario Bldg
Manila
1016

Website

Alerts

Be the first to know and let us send you an email when The Catalyst posts news and promotions. Your email address will not be used for any other purpose, and you can unsubscribe at any time.

Contact The Business

Send a message to The Catalyst:

Shortcuts

Share

Category