What are the opening hours?

Monday 9am - 5pm Tuesday 9am - 5pm Wednesday 9am - 5pm Thursday 9am - 5pm Friday 9am - 5pm

https://www.facebook.com/462347897922571/

Baliktanaw, Anonas Street, Manila (2026)

07/08/2026

𝗡𝗚𝗔𝗬𝗢𝗡 | Kasalukuyang ginaganap ang unang special lecture ng GSIS Historians’ Fair 2026 na “Juan Luna's Parisian Life” sa pangunguna ni Prop. Eric B. Zerrudo, PhD, ngayong araw, Agosto 7.

Si Dr. Zerrudo ay kinikilala bilang isang cultural administrator, iskolar, tagapagtaguyod ng pamanang kultural, at isa sa mga nanguna sa pagsusulong ng cultural mapping sa bansa. Kamakailan lamang ay nahalal din siya bilang Chairperson ng National Commission for Culture and the Arts (NCCA).

Gayunpaman, kasalukuyang binibigyang-diskurso ni Dr. Zerrudo sa naturang lektyur ang isa sa pinakakilalang obra ng kilalang pintor na si Juan Luna na “Parisian Life,” kabilang ang kasaysayan, konteksto, simbolismo, at kabuluhan nito sa sining, kultura, at kasaysayan ng Pilipinas.

| Dexter Flores

07/08/2026

𝗧𝗜𝗡𝗚𝗡𝗔𝗡 | Pormal nang sinimulan ngayong umaga, Agosto 7, ang unang araw ng GSIS Historians’ Fair 2026 sa pangunguna ng GSIS Museo ng Sining katuwang ang National Historical Commission of the Philippines (NHCP), bilang pakikiisa sa pagdiriwang ng Buwan ng Kasaysayan, sa GSIS Museum, Pasay City.

Tampok sa programa ang iba’t ibang aktibidad, kabilang ang mga special lectures, book signing, at ang "Mga Pahinang Buhay: A History Month Book's Fair," kung saan itinampok ang samu't saring aklat, publikasyon, at historical merchandise, at iba pang pangkasaysayan at pangkulturang inisyatiba mula sa mga exhibition booths ng mga kilalang publishing houses, institusyon, at organisasyon.

Bilang panimula, matagumpay ring naisagawa ang unang lecture ng "Tapat sa Watawat" sa pangunguna ng NHCP. Kaugnay nito, tampok din ng programa ang serye ng mga special lectures sa pangunguna ng mga pangunahing tagapagsalita, kabilang sina Prop. Eric Zerrudo, PhD., Prop. Ambeth Ocampo, at Ms. Mona Magno-Veluz (Mighty Magulang), na nakatakdang magbahagi ng mga makabuluhang talakayan hinggil sa kasaysayan, pamana, at pagpapalawak ng kamalayang pangkasaysayan.

Matatandaang kahapon, Agosto 6, ay pansamantalang kinansela ang orihinal na iskedyul ng unang araw ng naturang programa bunsod ng masamang lagay ng panahon. Gayunpaman, itinuloy ngayong araw ang mga nakatakdang aktibidad na magsisilbing lunsaran ng programa.

| Dexter Flores

06/08/2026

𝗧𝗜𝗡𝗚𝗡𝗔𝗡 | Kasalukuyang naglulunsad ng isang press conference ang mga petitioner, tagapagtaguyod, mga magsasaka, at mga lider ng pamayanang Aeta mula sa Capas, Tarlac upang muling tutulan ang kontrobersyal na Pax Silica initiative at mariing igiit ang pagpapatigil sa proyekto, ngayong umaga, Agosto 6, sa Kamuning Bakery Cafe, Brgy. Kamuning, Quezon City.

Kabilang sa mga dumalo sa naturang kumperensya ang mga lider ng komunidad ng Aeta, sa pangunguna ng mga lokal na chieftain, at mga magsasaka mula sa iba't ibang sityo sa Capas na direktang maaapektuhan ng nasabing inisyatiba.

Mariing iginiit ng mga lumahok sa kumperensya na hindi dapat maisakatuparan ang mga mapaminsalang proyektong inilalatag ng Bases Conversion and Development Authority (BCDA) kapalit ng kabuhayan, lupang ninuno, at karapatan ng mga maliliit na magsasaka at katutubong pamayanan. Kaugnay nito, tinututulan nila ang planong pagbubukas ng humigit-kumulang 1,600 ektarya sa loob ng New Clark City para sa Economic Security Zone ng Pax Silica, kung saan nakatakdang itayo ang kauna-unahang Pax Silica hub sa Pilipinas.

Sa naturang press conference, nakatakda ring iharap ng mga petitioner ang mahigit kalahating milyong lagda na kanilang nakalap bilang bahagi ng petisyong nananawagang ipatigil ang proyekto. Ayon sa kanila, layunin nitong higit pang palakasin ang panawagan ng publiko at igiit ang pananagutan sa mga planong anila'y magdudulot ng malawakang epekto sa mga apektadong komunidad.

Ayon kay Petroniza Capriz-Muñoz, Aeta Chieftain ng Sapang Kawayan, malinaw na ang kanilang komunidad ang may matagal nang ugnayan at karapatan sa lupang ninuno.“Kaming mga katutubo ang patunay na sa amin talaga iyan [ang ancestral lands] at kung gaano na katagal ang mga kanununuan namin [gayundin] ang pagke-claim ng ancestral domain sa National Commission on Indegenous People (NCIP). Kung alam mo yung boundaries: mga burial grounds, mga native title nila at yung mga puno, kung gaano na [ito] katagal,” aniya.

Dagdag pa niya, bahagi na ng kanilang kasaysayan ang mga lupang ninuno dahil naroon na ang kanilang mga ninuno mula pa noong panahon ng pananakop ng mga Kastila, Amerikano, at Hapon. Aniya, doon na rin lumaki at namuhay ang kanilang mga magulang at iba pang henerasyon ng kanilang komunidad, at matagal na nilang ipinaglaban na mapanatili ang kanilang lupang ninuno sa kabila ng militarisasyon at iba pang bantang kinakaharap ng kanilang tribo.

| Dexter Flores

30/07/2026

𝗜𝗡 𝗣𝗛𝗢𝗧𝗢𝗦 | Matagumpay na kinatampukan ng samu't saring pangkasaysayan at kultural na mga aktibidad ang ikatlo at huling araw ng “HistoEx 2026: Across Borders and Currents” kahapon, Hulyo 29, sa SM Mall of Asia Music Hall, Pasay City, bilang pagtatapos ng tatlong araw na programang inihandog ng National Historical Commission of the Philippines (NHCP) kaugnay ng pagdiriwang sa nalalapit na Buwan ng Kasaysayan ngayong Agosto 2026.

Sa pagbubukas ng huling araw ng programa, inilunsad ang aklat na Presa sa pangunguna ng Philippine National Historical Association at Manila Studies Association (MSA). Tampok din ang pagpapalabas ng dokumentaryong “Tubabao Odyssey” ng Municipal Government of Guiuan, Eastern Samar, gayundin ang “The Baul Mundo: Show & Tell” ng Museo del Galeón, na pinasinayaan naman ni G. Ralph “Leo” Batoon.

Bukod pa rito, nagpatuloy naman daloy ng programa sa pamamagitan ng isang makabuluhang talakayan, kung saan itinampok ang Day 3 HistoEx Talks kasama ang aktres at theater performer na si Gab Pangilinan, na nagbahagi ng mga karanasan sa ilan sa kaniyang makasaysayang pagtatanghal sa teatro at musikal. Tinalakay rin niya kung paano nagsisilbing mahalagang daluyan ang sining sa pagpapalalim ng pag-unawa sa kasaysayan, kultura, lipunan, at pambansang pamana ng Pilipinas.

Nagtuluy-tuloy ang agos ng programa sa ginanap na KASiklaban '26, mula elimination hanggang final round. Gayunpaman, sa naging resulta ng patimpalak, itinanghal na kampeon si Enrico Miguel Nievera Salvador matapos makalikom ng 46 puntos, na nagkamit ng ₱8,000 at mga publikasyon ng NHCP bilang premyo. Pumangalawa si Janry Clark Manansala Nacilla na may 38 puntos, habang pumangatlo naman si Ramon Francesco Afante Carbon. Dagdag pa rito, kinilala rin ang mga natatanging eksibisyon na itinanghal bilang Best Booth(s) ng HistoEx 2026, kung saan nakamit ng Iglesia ni Cristo Museum ang unang gatimpala, na sinundan naman ng Malacañang Heritage Mansions and Management Center (MHMMC) at Bangsamoro Commission for the Preservation of Cultural Heritage (BCPCH-BARMM).

Bilang pormal na pagtatapos ng HistoEx 2026, itinanghal ng Alice Reyes Dance Philippines (ARDP) ang “Sayaw Tungo sa Kalayaan,” na nagsilbing sumasayaw na alon na nagpapakita ng kalalagahan ng paggunita sa kasaysayan, sining, at pambansang identidad. Sa diwa ng temang “Across Borders and Currents,” ipinamalas ng HistoEx 2026 ang kahalagahan ng pag-uugnay ng iba't ibang larangan, kultura, at pananaw upang higit na mapalalim ang pagpapahalaga ng publiko sa kasaysayan at pamanang Pilipino.

| Kenjie Obeda, Yunus Desuyo, Joseph Riel Dagaas, Dexter Flores

29/07/2026

𝗧𝗜𝗡𝗚𝗡𝗔𝗡 | Kasalukuyan nang idinaraos ang ikatlo at huling araw ng “HistoEx 2026: Across Borders and Experience” sa SM Mall of Asia Music Hall, Pasay City, ngayong araw, Hulyo 29.

Sa pangunguna ng National Historical Commission of the Philippines (NHCP) katuwang ang mga institusyong nakiisa sa HistoEx 2026. Tampok ang mga nakalatag na aktibidad ng programa, kabilang ang paglulunsad ng aklat na Presa sa pangunguna ng Philippine National Historical Association at Manila Studies Association (MSA).

Bukod pa rito, ibinida rin ang presentasyon ng dokumentaryong pinamagatang “Tubabao Odyssey” na siyang inihandog ng Municipal Government ng Guiuan, Eastern Samar; Ibinida nama ng Museo del Galeón pagbabahagi ng kanilang “The Baul Mundo: Show & Tell” na pinasinayaan ni Ralph "Leo" Batoon.

Samantala, pinangunahan ng NHCP ang kasalukuyang umaarangkada na Elimination Round ng KASiklaban '26 na siyang magpapatuloy naman hanggang Final Round at tutukuyin kung sino o sino-sino ang mananaig sa patimpalak. Gayunpaman, nakatakdang sundan ito ng isang makabuluhang talakayan — sa ikatlong pagkakataon ng HistoEx Talks ay makakasama ang panauhing pandangal na si Gab Pangilinan.

| Kenjie Obeda, Yunus Desuyo, Lalien Avenido, Dexter Flores

29/07/2026

𝗜𝗡 𝗣𝗛𝗢𝗧𝗢𝗦 | Matagumpay na naidaos ang dalawang araw na programa ng taunang History to Experience (HistoEx) 2026: "Across Borders and Experience" sa SM Mall of Asia Music Hall, Pasay City, sa pangunguna ng National Historical Commission of the Philippines (NHCP) kaugnay ng pagdiriwang sa nalalapit na Buwan ng Kasaysayan ngayong Agosto.

Sa unang araw ng event noong Lunes, Hulyo 27, binuksan ang iba't ibang interaktibong aktibidad tulad ng “Reyal or Fakeh,” HistoEx Talks kasama si Miss Philippines Earth 2025 Joy Barcoma, at PeaceSaysay Live naman sa pangunguna ng Project Saysay Inc. Binuksan din ang mga eksibisyon at booths ng iba't ibang katuwang na institusyon, na nagtatampok ng mahahalagang koleksiyon at iba pang inisyatiba.

Nagpatuloy naman ang ikalawang araw kahapon, Hulyo 28, sa serye ng mga lektyur, presentasyon, at cultural demonstration: ang video presentations mula sa FamilySearch International; pagtatanghal ng tradisyunal na Pangalay ng Bangsamoro Commission for the Preservation of Cultural Heritage (BCPCH-BARMM); presentasyon ng Renacimiento Manila tungkol sa Digital Manila Project; at, sa pangalawang pagkakataon, ang HistoEx Talks kasama ang batikang mamamahayag na si Howie Severino. Bukod pa rito, tampok din ang talakayan ni Dr. Kristoffer R. Esquejo hinggil sa patakarang panlabas ng administrasyong Macapagal, pagpapakilala ng mga proyekto ng Mindanao Histories and Studies Advocacy Group (MHS-AG), paggabay sa Malacañang Heritage Mansions, at isang show and tell tungkol sa pinagmulan ng basketbol sa Pilipinas sa pangunguna ng The BasketVault.

Gayunpaman, muling nagsagawa ng talakayan ang BCPCH-BARMM tungkol sa tamang pagsusuot at kultural na kahalagahan ng tradisyunal na kasuotang Tausug, na higit pang nagbigay-diin sa kahalagahan ng pangangalaga sa mayamang pamana at pagkakaiba-iba ng kultura sa bansa.

Samantala, nakatakdang magpatuloy ang ikatlo at huling araw ng HistoEx 2026 ngayong araw, Hulyo 29, kung saan mananatiling bukas ang mga lecture, cultural presentations, exhibits, at iba pang aktibidad na naglalayong palalimin ang kamalayan at pagpapahalaga ng publiko sa kasaysayan at pamanang Pilipino.

| Kenjie Obeda, Yunus Desuyo, Lalien Avenido

27/07/2026

𝗧𝗜𝗡𝗚𝗡𝗔𝗡 | Pormal nang sinimulan ang unang araw ng taunang History to Experience ( ) sa temang “Across Borders and Experience” sa SM Mall of Asia Music Hall, Pasay City, na inihahandog ng National Historical Commission of the Philippines (NHCP) ngayong araw, Hulyo 27, bilang bahagi ng pagdiriwang ng nalalapit na Buwan ng Kasaysayan sa Agosto.

Tampok sa pagbubukas ng programa ang iba’t ibang interaktibong aktibidad, kabilang ang “Reyal or Fakeh” at HistoEx Talks sa pakikiisa ng isa sa mga panauhing pandangal na si Miss Philippines Earth 2025, Joy Barcoma. Gayundin ang PeaceSaysay Live — isang serye ng makabuluhang talakayan tungkol sa kasaysayan at pambansang kamalayan sa pangunguna ng Project Saysay Inc.

Bukod pa rito, pormal ding binuksan sa unang araw ng programa ang iba’t ibang ekshibisyon mula sa mga katuwang na institusyon, na nagtatampok ng pangkasaysayang koleksiyon at mga booths, at iba pa na nagpapalawak sa pag-unawa ng publiko sa kasaysayan at kulturang Pilipino.

Katuwang ng NHCP sa pagsasagawa ng HistoEx 2026 ang National Library of the Philippines (NLP), Museo del Galeón, Instituto Cervantes de Manila, Philippine National Historical Society, at Manila Studies Association, na nagsagawa rin ng kani-kanilang mga presentasyon at aktibidad para sa mga dumalo.

Samantala, magpapatuloy ang HistoEx 2026 hanggang Miyerkules, Hulyo 29, 2026 kung saan nakatakdangisagawa ang iba pang mga kapana-panabik na mga aktibidad na naglalayong higit pang palalimin ang pagpapahalaga ng publiko sa kasaysayan at pamana ng bansa.

| Kenjie Obeda, Yunus Desuyo, Lalien Avenido

27/07/2026

𝗡𝗚𝗔𝗬𝗢𝗡 | Kasado na ang programang SONA ng Bayan 2026 sa tapat ng Wilcon, Commonwealth Avenue, kung saan nagtipon-tipon ang laksa-laksang mga mamamayan mula sa iba't ibang progresibong grupo at sektor ng bilang tugon sa nakatakdang ikalimang State of the Nation Address (SONA) ni Pangulong Ferdinand “Bongbong” Marcos Jr. ngayong araw, Hulyo 27.

Mula sa iba't ibang mga protest point sa ilang bahagi ng Quezon City, nagmartsa sa kahabaaan ng Commonwealth Avenue ang hanay ng nagpoprotesa bitbit ang ang samu't saring mga panawagan, kabilang ang paniningil sa administrasyong Marcos Jr. sa mga usapin ng mababang sahod, pangangamkam ng lupa at panghaharas sa mga katutubo, pananagutan ng mga kumpanyang umano'y sumisira sa kalikasan, at pagtutol sa Pax Silica Agreement sa pangunguna ng Imperyalistang Estados Unidos. Muli rin nilang iginiit ang panawagang dagdagan ang badyet para sa edukasyon at iba pang serbisyong panlipunan.

Bukod pa rito, kasama rin sa mga isinusulong ng mga nagpoprotesta ang panawagan para sa isang patas na impeachment trial at pagpapatalsik kay Vice President Sara Duterte. Matatandaang sa ikatlong pagkakataon ay hindi dadalo ang Bise Presidente sa SONA ng Pangulo.

Samantala, pormal nang nagbukas ang Senado para sa ikalawang sesyon ng 20th Congress bago ang SONA. Dumalo sa sesyon ang mga senador maliban kina Rodante Marcoleta, Jinggoy Estrada, at Ronald “Bato” dela Rosa. Matatandaang pansamantalang nahinto ang sesyon ng Senado upang bigyang-daan ang impeachment trial ni Vice President Duterte bago ito muling ipinagpatuloy kasabay ng pagbubukas ng bagong sesyon ng Kongreso.

Gayunpaman, patuloy ang pagdagsa ng mga mamamayan sa lugar ng pinagdarausan ng kilos-protesta. Inaasahang magpapatuloy ang mga programa habang isinasagawa ni Pangulong Marcos Jr. ang nakatakdang SONA 2026 nito mamayang hapon.

| Tinapa, Balintawak

27/07/2026

𝗧𝗜𝗡𝗚𝗡𝗔𝗡 | Nagtipon-tipon sa Quezon Hall, UP Diliman ang hanay ng mga progresibong sektor, kabilang ang mga Iskolar ng Bayan at mga kabataan, bilang paghahanda sa ikakasang SONA ng Bayan 2026 kaugnay ng nakatakdang State of the Nation Address (SONA) ni Pangulong Ferdinand “Bongbong” Marcos Jr. ngayong araw, Hulyo 27.

Iginiit ng mga estudyante ang kanilang mariing pagkondena sa anila'y talamak na isyu korapsyon, pasismo, at panunupil sa ilalim ng administrasyong Marcos Jr., at maging ang ugnayan nito sa Imperyalistang Estados Unidos. Binigyang-diin nila ang mga isyung may kaugnayan sa umano'y flood control scam, mababang badyet para sa edukasyon, at iba pang usaping nakaaapekto sa kabuhayan at karapatan ng mamamayan. Bukod pa rito, muli ring binatikos ng mga estudyante si Vice President Sara Duterte kaugnay ng mga usaping may kinalaman sa accountability at iba pang kontrobersiyang kinahaharap nito.

Ayon sa mga nagpoprotesta, patuloy na nararanasan ng mga Iskolar ng Bayan at mga kabataan ang epekto ng kakulangan sa pondo para sa pampublikong edukasyon, habang nananatiling hindi umano natutugunan ang kanilang mga pangunahing pangangailangan. Gayunpaman, patuloy ang pagsingil ng mga estudyante ng pananagutan mula sa pamahalaan at dagdag na badyet para sa sektor ng edukasyon.

Bilang simbolikong bahagi ng programa, sinunog ng mga lumahok sa pagtitipon ang isang effigy na kumakatawan sa administrasyong Marcos Jr., bilang pagpapahayag ng kanilang pagkondena sa umano'y mukha ng korapsyon, pasismo, at palpak na pamamahala.

Samantala, bitbit ang kani-kanilang mga panawagan, nakatakdang magmartsa ang hanay ng mga nagpoprotesta patungong Commonwealth Avenue, kung saan magpapatuloy ang pagkilos kasabay ng pagdaraos ng SONA 2026.

| Balintawak

24/07/2026

𝗜𝗡 𝗣𝗛𝗢𝗧𝗢𝗦 | Matagumpay na idinaos ng National Historical Commission of the Philippines (NHCP) Apolinario Mabini Shrine – PUP ang bagong taunang Mabini Unbound Lecture Series kahapon, Hulyo 23, bilang bahagi ng paggunita sa ika-162 anibersaryo ng kapanganakan ni Apolinario Mabini at pagdiriwang ng Ika-48 National Disability Rights Week.

Pinangunahan ng Historic Sites Development Officer II ng NHCP na si G. Eufemio O. Agbayani III ang inagurang lektyur na pinamagatang “Bakit nakatayo si Mabini? Si P**e sa Mata ng Bayan.” Sa kaniyang talakayan, ipinaliwanag niya kung paanong ang mga unang monumento at estatwa ni Mabini — partikular yaong itinayo bago ang dekada 1950 — ay madalas na inilalarawang nakatayo ang bayani, sa halip na nakaupo sa silya na siyang mas kilalang imahen nito sa kasalukuyan. Binigyang-diin din ni G. Agbayani ang representasyong nito sa paraan ng pag-alala at pagkilala ng mga nakasaksi at nabuhay sa panahon ni Mabini.

Bukod pa rito, inilahad din ng tagapagsalita ang iba't ibang anyo ng paggunita kay Mabini sa loob at labas ng bansa, kabilang ang mga monumento, busto, commemorative coins, mga likhang-sining, pangalan ng mga lansangan at paaralan, at iba pang memorial na nagpapakita kung paano nagbago at naipasa sa iba't ibang henerasyon ang kolektibong alaala tungkol sa binansagang ‘Dakilang Lumpo.’

Nagtapos ang programa sa isang open forum, kung saan nagkaroon ng pagkakataon ang mga kalahok na makipagtalakayan at magbigay ng kanilang mga pananaw hinggil sa naging talakayan. Gayunpaman, sa kabuuan ng lektyur, nilayon ng programa na mas palawakin ang pag-unawa sa buhay, pamana, at kaisipan ni Apolinario Mabini sa pamamagitan ng mga multidisiplinaryong talakayan na hindi lamang nakapokus sa karaniwang pagtingin sa kasaysayan.

| Kenjie Obeda, Yunus Desuyo, Dexter Flores

Baliktanaw

07/08/2026

07/08/2026

06/08/2026

30/07/2026

29/07/2026

29/07/2026

27/07/2026

27/07/2026

27/07/2026

24/07/2026

Address

Opening Hours

Website

Alerts

Contact The Business

Shortcuts

Share

Category

Listing takedown request

Monday	9am - 5pm
Tuesday	9am - 5pm
Wednesday	9am - 5pm
Thursday	9am - 5pm
Friday	9am - 5pm