Hataw D’yaryo ng Bayan

15/08/2025

𝐏𝐢𝐥𝐢𝐩𝐢𝐧𝐚𝐬 𝐒𝐞𝐧𝐢𝐨𝐫 𝐆𝐨𝐥𝐟 𝐓𝐨𝐮𝐫 𝐎𝐫𝐠𝐚𝐧𝐢𝐳𝐚𝐭𝐢𝐨𝐧 (𝐏𝐒𝐏𝐆𝐓𝐎) 𝐛𝐢𝐧𝐮𝐨
https://hatawtabloid.com/2025/08/15/pilipinas-senior-golf-tour-organization-pspgto-binuo/

Muling mabibigyan ng pagkakataon na magpamalas ng kahusayan ang mga seniors professional golfer sa pamamagitan ng Pilipinas Senior Golf Tour Organization (PSPGTO) sa pamumuno ng multi-title Mars Pucay.

Ayon kay Pucay, binuo nila ang organisasyon upang mabigyan ng tamang venue ang mga seniors golfer na manatiling kompetitibo at maitaas ang antas ng kaalaman at kalidad ng mga batang players na naghahangad na matuto at humusay sa sports.

"Hindi na masyadong nabibigyan ng pansin ang Seniors sa mga regular Tour. And also, mahirap ng manalo ang ating mga Seniors kumpara sa mga batang players, kaya napagisipan namin na magkaroon ng sariling programa para sa Seniors," pahayag ni Pucay sa Tabloids Organization in Philippine Sports, Inc. (TOPS) 'Usapang Sports " nitong Huwebes sa PSC Conference Room.

Kasama ni Pucay na dumalo sa lingguhang sports forum na itinataguyod ng Philippine Sports Commission Behrouz Persian Cuisine at Pocari Sweat ang mga dati ring kampeon at PSPGTO officials ba sina Mario Manubay (Chairman), Orland Sumcad (Secretary), Wendy Superal (Treasurer), Robert Pactolerin (Tournament Chairman) at Darren Evangelista (Commissioner).

Sinabi ni Manubay na bilang panimulang programa, isasagawa ng asosasyon, sa tulong ni Manila Mayor Isko Moreno ang isang araw na Pro- Am tournament sa Setyembre 21 sa Intramuros Golf Club.

"Open po ito sa lahat ng seniors players kahit hindi pa namin member. Layunin namin talaga na mag-organize ang grupo para yung mga legit na players ang maging teaching pro sa ating Golf courses. Kapag mali ang turo sa simula mali ang resulta sa players," Ayon kay Manubay.

Batay sa format, hahatiin sa apat na classification ang torneo - 50 up, 55-up,60-up, 65-up at ladies -- gamit and Stableford scoring format.

"May kabuuang P150, 000 ang premyo natin para sa mga winners na seniors, habang yung mga amateur partners nila mga mga regalo ring makukuha, " sambit ni Evangelista.

"Simula pa lng ito. Sa October launching na ng Tour may night Golf competition na tayo. Nagpapasalamat kami sa nga sponsors, at sa mga gusto pang tumulong bukas po kami sa collaboration and partnership, " dagdag ni Evangelista, dating collegiate basketball players at champion swimming coach. (𝙃𝙉𝙏)

𝘗𝘩𝘰𝘵𝘰 𝘤𝘢𝘱𝘵𝘪𝘰𝘯:

𝗔𝗻𝗴 𝗺𝗴𝗮 𝗼𝗳𝗳𝗶𝗰𝗲𝗿𝘀 𝗻𝗴 𝗣𝗶𝗹𝗶𝗽𝗶𝗻𝗮𝘀 𝗦𝗲𝗻𝗶𝗼𝗿 𝗣𝗿𝗼 𝗚𝗼𝗹𝗳 𝗧𝗼𝘂𝗿 𝗢𝗿𝗴𝗮𝗻𝗶𝘇𝗮𝘁𝗶𝗼𝗻 (𝗣𝗦𝗣𝗚𝗧𝗢) 𝗺𝘂𝗹𝗮 𝘀𝗮 (𝗸𝗮𝗹𝗶𝘄𝗮) 𝗢𝗿𝗹𝗮𝗻 𝗦𝘂𝗺𝗰𝗮𝗱-𝗦𝗲𝗰𝗿𝗲𝘁𝗮𝗿𝘆, 𝗠𝗮𝗿𝗶𝗼 𝗠𝗮𝗻𝘂𝗯𝗮𝘆-𝗖𝗵𝗮𝗶𝗿𝗺𝗮𝗻/𝗕𝗢𝗗, 𝗗𝗮𝗿𝗿𝗲𝗻 𝗘𝘃𝗮𝗻𝗴𝗲𝗹𝗶𝘀𝘁𝗮-𝗖𝗼𝗺𝗺𝗶𝘀𝘀𝗶𝗼𝗻𝗲𝗿, 𝗪𝗲𝗻𝗱𝘆 𝗦𝘂𝗽𝗲𝗿𝗮𝗹-𝗧𝗿𝗲𝗮𝘀𝘂𝗿𝗲𝗿 𝗠𝗮𝗿𝗰𝗶𝗮𝗻𝗼 𝗣𝘂𝗰𝗮𝘆-𝗣𝗿𝗲𝘀𝗶𝗱𝗲𝗻𝘁 𝘀𝗮 𝗸𝗮𝗻𝗶𝗹𝗮𝗻𝗴 𝗽𝗮𝗴𝗱𝗮𝗹𝗼 𝘀𝗮 𝗧𝗮𝗯𝗹𝗼𝗶𝗱𝘀 𝗢𝗿𝗴𝗮𝗻𝗶𝘇𝗮𝘁𝗶𝗼𝗻 𝗶𝗻 𝗣𝗵𝗶𝗹𝗶𝗽𝗽𝗶𝗻𝗲 𝗦𝗽𝗼𝗿𝘁𝘀, 𝗜𝗻𝗰. (𝗧𝗢𝗣𝗦) '𝗨𝘀𝗮𝗽𝗮𝗻𝗴 𝗦𝗽𝗼𝗿𝘁𝘀 " 𝗻𝗶𝘁𝗼𝗻𝗴 𝗛𝘂𝘄𝗲𝗯𝗲𝘀 𝘀𝗮 𝗣𝗦𝗖 𝗖𝗼𝗻𝗳𝗲𝗿𝗲𝗻𝗰𝗲 𝗥𝗼𝗼𝗺. 𝗻𝗴 𝗣𝗦𝗖 𝘀𝗮 𝗥𝗶𝘇𝗮𝗹 𝗠𝗲𝗺𝗼𝗿𝗶𝗮𝗹 𝗦𝗽𝗼𝗿𝘁𝘀 𝗖𝗼𝗺𝗽𝗹𝗲𝘅 𝘀𝗮 𝗠𝗮𝗹𝗮𝘁𝗲, 𝗠𝗮𝘆𝗻𝗶𝗮. (𝗛𝗘𝗡𝗥𝗬 𝗧𝗔𝗟𝗔𝗡 𝗩𝗔𝗥𝗚𝗔𝗦)

15/08/2025

‘𝐅𝐚𝐦𝐢𝐥𝐲 𝐬𝐩𝐢𝐫𝐢𝐭’ 𝐧𝐠 𝐯𝐨𝐥𝐥𝐞𝐲𝐛𝐚𝐥𝐥, 𝐬𝐮𝐬𝐢 𝐬𝐚 𝐬𝐩𝐨𝐫𝐭𝐬 𝐭𝐨𝐮𝐫𝐢𝐬𝐦 — 𝐂𝐚𝐲𝐞𝐭𝐚𝐧𝐨
https://hatawtabloid.com/2025/08/15/family-spirit-ng-volleyball-susi-sa-sports-tourism-cayetano/

BINIGYANG DIIN ni Senator Alan Peter Cayetano nitong Miyerkules ang kahalagahan ng pamilya, pagtutulungan, at pasasalamat sa kanyang pagdalo sa paglulunsad ng hosting ng bansa para sa FIVB Men’s World Championship 2025.

“Papasalamat ako that the way the Lord created Filipinos are napaka-hospitable natin at ang hilig natin sa bayanihan,” ayon kay Cayetano sa kanyang talumpati noong Agosto 13, 2025 sa Set Na Natin ’To: An Electrifying Launch.

Sa naturang event, ipinakilala ang opisyal na theme song na ‘Electrifying’ na isinulat at inawit ng Cebuana artist na si Karencitta, pati na rin ang mga opisyal na mascots na sina Koolog, Kidlat, at Hataw.

Dumalo rin sa okasyon sina Philippine Sports Commission Chairman John Patrick “Pato” Gregorio, Philippine National Volleyball Federation President Ramon “Tats” Suzara, Philippine Olympic Committee Chairman Abraham “Bambol” Tolentino, at iba pang kinatawan ng local organizing committee (LOC).

Bilang co-chairperson ng LOC, sinabi ni Cayetano na ang sports ay sumasaloob ng mga katangiang mahalaga sa lipunan — mula sa adbokasiya laban sa droga hanggang sa teamwork, commitment, focus, at sipag.

Binanggit din niya na sa buong mundo, tinuturing ang volleyball bilang isang “family sport,” kung saan hindi lang magkasama ang pamilya sa paglalaro kundi pati sa panonood, bagay na akma umano sa mga pinahahalagahan ng mga Pilipino.
Sa kanyang mensahe sa mga volunteer, inihalintulad ni Cayetano ang “set up” play sa volleyball sa pagsisikap ng bansa na maihanda ang sarili para sa paglago ng ekonomiya.

“How important is it in the game of volleyball na tama yung pagka-set up? So, in search of our identity economically — call centers, manufacturing, agriculture — we want the Philippines to be a powerhouse in sports tourism,” aniya.

Nagpasalamat din siya sa World Federation, sponsors, mga sports leader, at sa mga pambansang koponan ng volleyball mula under-16 division pataas.

“Thank you for joining the game. God bless you all,” dagdag pa niya.

𝘗𝘩𝘰𝘵𝘰 𝘤𝘢𝘱𝘵𝘪𝘰𝘯:

𝗡𝗮𝘀𝗮 𝗹𝗮𝗿𝗮𝘄𝗮𝗻 𝘀𝗶𝗻𝗮 (𝗟-𝗥) 𝗧𝗼𝗻𝘆 𝗟𝗶𝗮𝗼 𝗻𝗴 (𝗣𝗡𝗩𝗙), 𝗖𝗵𝗮𝗶𝗿𝗺𝗮𝗻 𝗣𝗮𝘁𝗿𝗶𝗰𝗸 "𝗣𝗮𝘁𝗼" 𝗚𝗿𝗲𝗴𝗼𝗿𝗶𝗼 (𝗣𝗦𝗖) , 𝗠𝗿. 𝗠𝗮𝗿𝗸 𝗟𝗮𝗽𝗶𝗱, 𝗥𝗮𝗺𝗼𝗻 𝗦𝘂𝘇𝗮𝗿𝗮 (𝗣𝗿𝗲𝘀𝗶𝗱𝗲𝗻𝘁, 𝗣𝗡𝗩𝗙) , 𝗔𝗿𝗻𝗲𝗹 𝗖. 𝗚𝗼𝗻𝘇𝗮𝗹𝗲𝘀 (𝗚𝗠 / 𝗦𝗔𝗩𝗣 𝗼𝗳 𝗔𝗿𝗲𝗻𝗮 𝗠𝗮𝗻𝗮𝗴𝗲𝗺𝗲𝗻𝘁 𝗮𝗻𝗱 𝗣𝗿𝗼𝗺𝗼𝘁𝗶𝗼𝗻𝘀 𝗦𝗠 𝗠𝗮𝗹𝗹 𝗼𝗳 𝗔𝘀𝗶𝗮 𝗔𝗿𝗲𝗻𝗮), 𝗦𝗲𝗻. 𝗔𝗹𝗮𝗻 𝗣𝗲𝘁𝗲𝗿 𝗖𝗮𝘆𝗲𝘁𝗮𝗻𝗼 (𝗖𝗵𝗮𝗶𝗿𝗺𝗮𝗻 𝗘𝗺𝗲𝗿𝗶𝘁𝘂𝘀 𝗼𝗳 𝗣𝗡𝗩𝗙), 𝗖𝗵𝗮𝗶𝗿𝗺𝗮𝗻 𝗔𝗯𝗿𝗮𝗵𝗮𝗺 𝗧𝗼𝗹𝗲𝗻𝘁𝗶𝗻𝗼 ( 𝗣𝗢𝗖), 𝗗𝗼𝗻𝗮𝗹𝗱𝗼 𝗖𝗮𝗿𝗶𝗻𝗴𝗮𝗹 ( 𝗦𝗲𝗰𝗿𝗲𝘁𝗮𝗿𝘆 𝗚𝗲𝗻𝗲𝗿𝗮𝗹, 𝗣𝗡𝗩𝗙)

15/08/2025

𝐌𝐠𝐚 𝐁𝐚𝐠𝐮𝐡𝐚𝐧𝐠 𝐆𝐲𝐦𝐧𝐚𝐬𝐭𝐢𝐜𝐬 𝐬𝐭𝐚𝐫𝐬, 𝐌𝐚𝐠𝐩𝐚𝐩𝐚𝐬𝐢𝐤𝐥𝐚𝐛 𝐬𝐚 𝐅𝐈𝐆 𝐉𝐮𝐧𝐢𝐨𝐫 𝐖𝐨𝐫𝐥𝐝 𝐂𝐡𝐚𝐦𝐩𝐢𝐨𝐧𝐬𝐡𝐢𝐩𝐬
https://hatawtabloid.com/2025/08/15/mga-baguhang-gymnastics-stars-magpapasiklab-sa-fig-junior-world-championships/

ISANG BAGONG henerasyon ng mga baguhang bituin sa gymnastics mula sa iba’t ibang panig ng mundo ang inaasahang matutuklasan habang sila’y magpapasiklaban sa ikatlong FIG Artistic Gymnastics Junior World Championships na gaganapin mula Nobyembre 20 hanggang 24 sa Manila Marriott Hotel sa loob ng Newport World Resorts sa Lungsod ng Pasay.

Inorganisa ng Gymnastics Association of the Philippines (GAP) at inaprubahan ng International Gymnastics Federation (na kilala rin sa French acronym na FIG) at ng Asian Gymnastics Union, ang makulay na kaganapang ito ay magtitipon ng mga natatanging junior gymnasts na posibleng maging susunod na Simone Biles at Carlos Edriel Yulo, na nag-uwi ng dalawang gintong medalya para sa Pilipinas sa Paris Olympic Games noong nakaraang taon.

“Ang Artistic Gymnastics Junior World Championships ay isang entablado ng mga batang talento na hindi pa natin nasasaksihan kailanman — isang tagpuan kung saan maaaring magningning, magpakitang-gilas, at magtagumpay ang mga kahanga-hangang atleta,” ani GAP President Cynthia Carrion sa media launch ng event sa Newport Performing Arts Theater ng Newport World Resorts Mall.

“Lubos ang pasasalamat namin kay FIG President Morinari Watanabe sa muli niyang pagtitiwala sa GAP at sa inyong lingkod upang maging host ng isang prestihiyosong kompetisyon na ito,” dagdag pa ni Carrion ukol sa patimpalak na nakalaan para sa mga MAG (Men's Artistic Gymnastics) gymnasts na may edad 16 hanggang 18, at WAG (Women's Artistic Gymnastics) gymnasts na 14 hanggang 16 taong gulang.

Sa harap ng mga pangunahing opisyal ng FIG at mga pinuno mula sa pribado at pampublikong sektor, ikinatuwa niyang ianunsyo na halos 1,000 atleta mula sa 79 bansa ang nakapagparehistro na, mahigit dalawang buwan bago ang aktuwal na torneo.

Kabilang din sa mga dumalo ay si Philippine Sports Commission Chairman Patrick Gregorio, isang tagapagtaguyod ng sports tourism, na nangakong buong suporta ng ahensiyang pampalakasan ng gobyerno sa nasabing palaro.

Naroon din sina FIG Men’s Artistic Gymnastics Technical Committee President Andrew Tombs, Women’s Artistic Gymnastics Technical Committee President Donatella Sacchi, MAG Senior Events Manager Stepane Detraz, at WAG Senior Events Manager Celine Cachemaille.

Dumating sila noong Miyerkules upang personal na inspeksyunin ang mga paghahanda ng host association, kabilang na ang kahanga-hangang Manila Marriott Hotel Grand Ballroom — ang lugar kung saan ginanap ang Asian Olympic Qualifying Tournament noong 2015 — at magsisilbing arena ng mga kalahok.

Ipinagmalaki ni Carrion na nalampasan na ng kasalukuyang edisyon ang bilang ng mga kalahok noong ikalawang edisyon ng torneo sa Antalya, Turkey dalawang taon na ang nakararaan, kung saan 283 atleta mula sa 64 na bansa ang lumahok. “At inaasahan pa naming mas dadami pa ang mga sasali habang papalapit ang event,” aniya.

Ayon kay Carrion, ang tuloy-tuloy na paglago ng bilang ng mga kalahok ay patunay sa lumalawak na kasikatan ng makulay at dynamic na Olympic sport na ito, at ang 3rd FIG Artistic Gymnastics Junior World Championships ay magiging tulay pa lalo sa paglawak ng interes dito sa buong mundo.

Kaugnay nito, inilunsad din ni Carrion ang opisyal na slogan ng paligsahan: “Leap High, Flip Strong!” na naghihikayat sa mga kalahok na maniwala sa sarili at magkaroon ng positibong pag-iisip sa kabila ng mga hamon ng kompetisyon.

“Mahalaga ito sa tagumpay sa anumang larangan — lalo na sa masidhing isport ng gymnastics,” dagdag niya.

Tiniyak din ni Carrion na mararanasan ng lahat ng mga delegado ang kilalang Filipino hospitality sa isang ligtas, komportable, at masayang kapaligiran sa kanilang buong pananatili sa bansa. (𝙂𝘼𝙋)

𝘗𝘩𝘰𝘵𝘰 𝘤𝘢𝘱𝘵𝘪𝘰𝘯:

𝗜𝗣𝗜𝗡𝗔𝗣𝗔𝗟𝗜𝗪𝗔𝗡𝗔𝗚 𝗻𝗶 𝗚𝗔𝗣 𝗣𝗿𝗲𝘀𝗶𝗱𝗲𝗻𝘁 𝗖𝘆𝗻𝘁𝗵𝗶𝗮 𝗖𝗮𝗿𝗿𝗶𝗼𝗻 (𝗻𝗮𝗸𝗮𝘁𝗮𝘆𝗼) 𝗮𝗻𝗴 𝗸𝗮𝗵𝗮𝗹𝗮𝗴𝗮𝗵𝗮𝗻 𝗻𝗴 𝗽𝗮𝗴𝗵𝗼-𝗵𝗼𝘀𝘁 𝗻𝗴 𝗣𝗶𝗹𝗶𝗽𝗶𝗻𝗮𝘀 𝘀𝗮 𝗶𝗸𝗮-𝟯 𝗙𝗜𝗚 𝗔𝗿𝘁𝗶𝘀𝘁𝗶𝗰 𝗚𝘆𝗺𝗻𝗮𝘀𝘁𝗶𝗰𝘀 𝗝𝘂𝗻𝗶𝗼𝗿 𝗪𝗼𝗿𝗹𝗱 𝗖𝗵𝗮𝗺𝗽𝗶𝗼𝗻𝘀𝗵𝗶𝗽𝘀 𝘀𝗮 𝗴𝗶𝗻𝗮𝗻𝗮𝗽 𝗻𝗮 𝗽𝗿𝗲𝘀𝘀 𝗹𝗮𝘂𝗻𝗰𝗵 𝗻𝗶𝘁𝗼𝗻𝗴 𝗛𝘂𝘄𝗲𝗯𝗲𝘀 𝘀𝗮 𝗡𝗲𝘄𝗽𝗼𝗿𝘁 𝗧𝗵𝗲𝗮𝘁𝗲𝗿 𝘀𝗮 𝗹𝗼𝗼𝗯 𝗻𝗴 𝗡𝗲𝘄𝗽𝗼𝗿𝘁 𝗪𝗼𝗿𝗹𝗱 𝗥𝗲𝘀𝗼𝗿𝘁𝘀 𝘀𝗮 𝗟𝘂𝗻𝗴𝘀𝗼𝗱 𝗻𝗴 𝗣𝗮𝘀𝗮𝘆. 𝗞𝗮𝘀𝗮𝗺𝗮 𝘀𝗮 𝗹𝗮𝗿𝗮𝘄𝗮𝗻 (𝗺𝘂𝗹𝗮 𝘀𝗮 𝗸𝗮𝗹𝗶𝘄𝗮) 𝘀𝗶𝗻𝗮 𝗙𝗜𝗚 𝗠𝗔𝗚 𝗧𝗲𝗰𝗵𝗻𝗶𝗰𝗮𝗹 𝗖𝗼𝗺𝗺𝗶𝘁𝘁𝗲𝗲 𝗣𝗿𝗲𝘀𝗶𝗱𝗲𝗻𝘁 𝗔𝗻𝗱𝗿𝗲𝘄 𝗧𝗼𝗺𝗯𝘀,𝗙𝗜𝗚 𝗪𝗔𝗚 𝗧𝗲𝗰𝗵𝗻𝗶𝗰𝗮𝗹 𝗖𝗼𝗺𝗺𝗶𝘁𝘁𝗲𝗲 𝗣𝗿𝗲𝘀𝗶𝗱𝗲𝗻𝘁 𝗗𝗼𝗻𝗮𝘁𝗲𝗹𝗹𝗮 𝗦𝗮𝗰𝗰𝗵𝗶, 𝗣𝗦𝗖 𝗖𝗵𝗮𝗶𝗿𝗺𝗮𝗻 𝗣𝗮𝘁𝗿𝗶𝗰𝗸 𝗚𝗿𝗲𝗴𝗼𝗿𝗶𝗼, 𝗝𝗼𝗵𝗻 𝗟𝘂𝗰𝗮𝘀 𝗖𝗵𝗶𝗲𝗳 𝗛𝗼𝘀𝗽𝗶𝘁𝗮𝗹𝗶𝘁𝘆 𝗢𝗳𝗳𝗶𝗰𝗲𝗿 𝗡𝗲𝘄𝗽𝗼𝗿𝘁 𝗪𝗼𝗿𝗹𝗱 𝗥𝗲𝘀𝗼𝗿𝘁𝘀 𝗮𝘁 𝗣𝗦𝗖 𝗖𝗼𝗺𝗺𝗶𝘀𝘀𝗶𝗼𝗻𝗲𝗿 𝗘𝗱𝘄𝗮𝗿𝗱 𝗛𝗮𝘆𝗰𝗼. 𝗡𝗮𝘀𝗮 𝗵𝗮𝗿𝗮𝗽𝗮𝗻 𝘀𝗶𝗻𝗮 (𝗺𝘂𝗹𝗮 𝘀𝗮 𝗸𝗮𝗹𝗶𝘄𝗮) 𝗦𝗲𝗻𝗶𝗼𝗿 𝗘𝘃𝗲𝗻𝘁𝘀 𝗠𝗮𝗻𝗮𝗴𝗲𝗿 𝗖𝗲𝗹𝗶𝗻𝗲 𝗣𝗮𝘁𝗿𝗶𝗮 𝗖𝗮𝗰𝗵𝗲𝗺𝗮𝗶𝗹𝗹𝗲, 𝗙𝗜𝗚 𝗠𝗔𝗚 𝘀𝗲𝗻𝗶𝗼𝗿 𝗲𝘃𝗲𝗻𝘁𝘀 𝗺𝗮𝗻𝗮𝗴𝗲𝗿 𝗦𝘁𝗲𝗽𝗵𝗮𝗻𝗲 𝗗𝗲𝘁𝗿𝗮𝘇 𝗮𝘁 𝗛𝗲𝗮𝗱 𝗣𝗮𝘀𝗮𝘆 𝗣𝘂𝗯𝗹𝗶𝗰 𝗘𝗺𝗽𝗹𝗼𝘆𝗺𝗲𝗻𝘁 𝗦𝗲𝗿𝘃𝗶𝗰𝗲 𝗢𝗳𝗳𝗶𝗰𝗲 𝗔𝘁𝘁𝘆. 𝗠𝗮𝗿𝗹𝗮 𝗕𝗲𝗹𝗼 𝗔𝗹𝗼𝗺. (𝗛𝗘𝗡𝗥𝗬 𝗧𝗔𝗟𝗔𝗡 𝗩𝗔𝗥𝗚𝗔𝗦)

15/08/2025

MAGKATULONG na giniba ng Lokal na Pamahalaang Lungsod na binubuo ng DPS, Manila Engineering, MTPB, Manila Hawkers katuwang ang pamunuan ng Barangay at mga residente na may-ari ng ilang mga baron-barong na ginawang tindahan sa gilid ng bundoks ng basura o Smokey Mountain sa Barangay 128 Tondo Maynila.

Ayon sa ulat, giniba ang mga barong-barong upang masiguro ang kaligtasan ng mga residente dahil anila sa posibleng pagguho ng bundok ng basura sa oras na muling maranasan ang matinding pag-buhos ng ulan.

Napanatili naman ng MPD Station 1, SWAT at Special Mayors Reaction Team(SMArT) na generally peaceful ang nasabing demolition sa area.

Napagalaman na karamihan umano sa mga may-ari ng mga ginibang puwesto o tindahan ay mayroon mga unit o tahanan sa gusali ng permanent housing sa nasabing lugar.

Base naman kay Manila Hawkers Director Raffy Alejandro na kanilang pagaaralan ang mas maayos na lugar at systema para makapag-hanapbuhay ang mga manininda sa area na naayon sa polisiya at programa ni Manila Mayor Isko Moreno Domagoso.

( Ulat ni Brian Bilasano )

15/08/2025

𝐒𝐚𝐧 𝐌𝐢𝐠𝐮𝐞𝐥 𝐏𝐚𝐥𝐞 𝐏𝐢𝐥𝐬𝐞𝐧, 𝟏𝟑𝟓 𝐓𝐚𝐨𝐧 𝐧𝐚! 𝐌𝐚𝐲 “𝐁𝐚𝐥𝐢𝐤 𝐓𝐚𝐧𝐚𝐰” 𝐧𝐚 𝐋𝐢𝐦𝐢𝐭𝐚𝐝𝐨𝐧𝐠 𝐋𝐚𝐭𝐚
https://hatawtabloid.com/2025/08/15/san-miguel-pale-pilsen-135-taon-na-may-balik-tanaw-na-limitadong-lata/

SAN MIGUEL Pale Pilsen, ang iconic na inumin ng bansa na naging simbolo ng pagka-Pilipino sa buong mundo, ay ipinagdiriwang ang ika-135 anibersaryo nito sa pamamagitan ng isang espesyal na “Balik Tanaw” na lata, bilang pagpupugay sa mayamang kasaysayan at makabuluhang kontribusyon nito sa ating kultura.

Sa mahigit isang siglo, naging kaagapay na ng mga Pilipino ang San Miguel Pale Pilsen sa malalaki man o maliliit na pagtitipon—mula sa mga simpleng salu-salo sa barangay hanggang sa malalaking pista—na nag-uugnay sa bawat henerasyon sa pamamagitan ng mga kuwentong pinagsaluhan sa isang bote ng kanilang award-winning na beer.

Bilang bahagi ng pagdiriwang, nakipagtulungan ang San Miguel Brewery Inc. (SMB) sa kilalang Pilipinong visual artist na si Francis Nacion upang likhain ang disenyo ng collectible can. Kilala si Nacion sa kanyang estilong sining na gumagamit ng kalahating-larawan at paglalaro sa liwanag at anino. Binigyang-buhay niya ang “Balik Tanaw” can sa pamamagitan ng mga larawang puno ng nostalgia, muling inilalarawan ang mga tradisyonal na tagpo sa buhay ng Pilipino kung saan bahagi ang San Miguel Pale Pilsen sa mga hindi malilimutang sandali.

“Ang paglikha ko rito ay parehong intuitive at intentional,” ani Nacion, na binigyang-diin na ang kanyang mga likha—na inspirasyon mula sa tradisyonal na mga halaga at kultura—ay sumasalamin sa malalim na kasaysayan at pambansang pagmamalaki ng brand.

Ang limited-edition na lata ay mabibili na sa piling mga supermarket, grocery, at convenience store sa buong bansa, pati na rin sa SMB Delivers sa 8632-BEER (2337) at sa www.SMBDelivers.com.

Sa 135 taon ng kahusayan sa paggawa ng beer, nananatiling higit pa sa isang inumin ang San Miguel Pale Pilsen—isa itong cultural icon na bahagi na ng bawat kwento ng buhay-Pilipino. (𝙃𝙉𝙏)

Para sa iba pang promo at updates, i-like at i-follow ang San Miguel Pale Pilsen sa Facebook: www.facebook.com/SanMiguelPalePilsen.
.

𝘗𝘩𝘰𝘵𝘰 𝘤𝘢𝘱𝘵𝘪𝘰𝘯:

𝗠𝗔𝗟𝗨𝗚𝗢𝗗 𝗻𝗮 𝗶𝗻𝗶𝗹𝗮𝗵𝗮𝗱 𝗻𝗶 𝗦𝗠𝗕 𝗜𝗻𝗰. 𝗽𝗿𝗲𝘀𝗶𝗱𝗲𝗻𝘁 𝗖𝗮𝗿𝗹𝗼𝘀 𝗔𝗻𝘁𝗼𝗻𝗶𝗼 𝗠. 𝗕𝗲𝗿𝗯𝗮 𝗮𝗻𝗴 𝟭𝟯𝟱𝘁𝗵 𝗸𝗮𝘀𝗮𝘆𝘀𝗮𝘆𝗮𝗻 𝗻𝗴 𝗸𝗼𝗺𝗽𝗮𝗻𝘆𝗮. 𝗞𝗮𝘀𝗮𝗺𝗮 𝗮𝗻𝗴 𝗸𝗶𝗹𝗮𝗹𝗮𝗻𝗴 𝗣𝗶𝗹𝗶𝗽𝗶𝗻𝗼𝗻𝗴 𝘃𝗶𝘀𝘂𝗮𝗹 𝗮𝗿𝘁𝗶𝘀𝘁 𝗻𝗮 𝘀𝗶 𝗙𝗿𝗮𝗻𝗰𝗶𝘀 𝗡𝗮𝗰𝗶𝗼𝗻, 𝗻𝗮𝗴 𝗱𝗶𝘀𝗲𝗻𝘆𝗼 𝗻𝗴 '𝗕𝗮𝗹𝗶𝗸 𝗧𝗮𝗻𝗮𝘄' 𝗹𝗶𝗺𝗶𝘁𝗲𝗱 𝗰𝗼𝗹𝗹𝗲𝗰𝘁𝗶𝗯𝗹𝗲 𝗰𝗮𝗻, 𝗻𝗮 𝗱𝗶𝗻𝗮𝗹𝘂𝗵𝗮𝗻 𝗻𝗴 𝗺𝗴𝗮 𝗰𝗼𝗺𝗽𝗮𝗻𝘆 𝗲𝘅𝗲𝗰𝘂𝘁𝗶𝘃𝗲𝘀. (𝗛𝗘𝗡𝗥𝗬 𝗧𝗔𝗟𝗔𝗡 𝗩𝗔𝗥𝗚𝗔𝗦)

15/08/2025

𝐏-𝐏𝐨𝐩 𝐛𝐨𝐲 𝐠𝐫𝐨𝐮𝐩 𝐧𝐚 𝐀𝐬𝐭𝐞𝐫, 𝐧𝐚𝐠𝐥𝐚𝐛𝐚𝐬 𝐧𝐠 𝐟𝐮𝐥𝐥-𝐥𝐞𝐧𝐠𝐭𝐡 𝐚𝐥𝐛𝐮𝐦 𝐭𝐢𝐭𝐥𝐞𝐝 '𝐓𝐚𝐥𝐚𝐲𝐚𝐠'
https://hatawtabloid.com/2025/08/15/p-pop-boy-group-na-aster-naglabas-ng-full-length-album-titled-talayag/

𝘼𝙇𝘼𝙈 𝙈𝙊 𝙉𝘼!
𝙣𝙞 𝙉𝙤𝙣𝙞𝙚 𝙉𝙞𝙘𝙖𝙨𝙞𝙤

ISANG-DOSENANG bagets ang bumubuo sa bagong P-Pop boy group na Aster. Sila ay kinabibilangan nina Kean, Charlie, Tatin, Gee, Alas, Laurence, Wayne, Loyd, Kiel, Gem, Miguel, at Cray.

Ginanap ang launching ng kanilang full-length album titled 'Talayag' sa Viva Cafe last week.
Lahat ng album tracks ay composed and arranged ng mga member ng Aster. Ang titulo ng album na 'Talayag' ay mula sa pinaghalong Filipino words na 'Tala' (star) at 'Layag' (sail). Ito ay hinggil sa paglalakbay ng grupo sa kanilang mga pangarap sa buhay.

Ang Aster is a rising 12-member P-pop group na nasa pangangalaga ng AsterisK Entertainment. May ibubuga sa kantahan at sayawan ang mga bagets na ito. Actually, magaganda ang timbre ng kanilang boses, pati na kapag sama-sama sila, astig ang blending ng grupo.

Ang pangalang Aster ay galing sa kanilang kompanya, ang Asterisk na ang kahulugan ay 'a small star'.

Ang debut single nilang 'Bingo' ay inilabas noong July 7, 2024 at na-release naman ang official music video nito last July 21, 2024. Bago ang album nila, ang pinakahuling nila ay ang 'A Sstar' which was released last December 7, 2024.

Sinungkit ng grupo ang New Artist of the Year sa 9TH PPOP Music Awards and Promising Male PPOP Group from both Asia's Pinnacle Award at sa Saludo Excellence Awards 2024.

Nagpahayag nang sobrang kasiyahan ang 12 member na boy group sa kanilang album launching.

Pahayag ni Wayne, bilang sentimyento ng kanilang grupo, "It's a cliche kung sasabihin na happy kami, but it's true, sobrang saya po namin, it is a dream come true for us all."

Sinabi ng grupo na wala silang intensiyong makipagkompitensiya sa kanino mang P-Pop group at inspirasyon nila ang mga tulad ng grupong SB19.

Saad ni Kean, “Marami na rin po kaming na-experience na kanya-kanyang heartbreaks and I think madadala po namin iyon sa journey namin.

“We understand that it will take time for us to carve out our own place in the music industry, but we will do our best and be ourselves to get there. There is room for everyone.”

Sa palagay nila, ano ang mayroon sa Aster sa P-Pop industry na tatatak sa music fans?

Sagot ni Kean, "Ang Aster po kasi is a self-produced group and management. Lahat po nang gusto naming ilabas, galing po talaga sa amin. From music, from composing, from song writing to dance, pati yung contents and all, gusto po namin na lahat ay galing sa amin.

"Kaya siguro kung may maipagmamalaki po ako sa buong mundo, siguro iyong strength ng Aster, na ang Aster ay makers ng arts na inilalabas po namin."

Dagdag pa niya, “Sana malaman ng tao na we have only one goal and that is to promote people, to promote our excellence, music, art, and culture po."

Sino ang P-Pop group na wish nilang maka-collab kung magkaka-concert sila?

Esplika ni Aster Miguel, "Ako po, lahat ng puwedeng P-Pop, kahit na sino'ng P-Pop po, basta…Kasi, ngayon po ang goal namin ay umangat iyong P-Pop and sama-sama po kaming umangat. Kasi, P-Pop rise po tayo.

"Lahat-lahat talaga, isipin nyo guys, isang stage, tapos maraming P-Pop, nakakatuwa iyon," nakangiting sambit pa niya.

15/08/2025

𝐁𝐚𝐫𝐛𝐢𝐞 𝐭𝐚𝐭𝐥𝐨𝐧𝐠 𝐥𝐢𝐧𝐠𝐠𝐨 𝐧𝐚𝐧𝐠 𝐧𝐚𝐧𝐚𝐧𝐚𝐤𝐨𝐭
https://hatawtabloid.com/2025/08/15/barbie-tatlong-linggo-nang-nananakot/

𝙋𝙐𝙎𝙃 𝙉𝘼'𝙔𝘼𝙉
𝙣𝙞 𝘼𝙢𝙗𝙚𝙩 𝙉𝙖𝙗𝙪𝙨

THREE weeks na palang nananakot si Barbie Forteza.

Three weeks na ngang ‘di natitinag sa mga sinehan nationwide ang pinag-uusapang mind-bending horror film ng GMA Pictures na P77.

May iba pa ngang nag-sold out na nitong mga nakaraang araw, ha.

Dahil sa patuloy na pagbuhos ng magagandang reviews, marami ang ayaw ma-FOMO at hindi nagpapahuli para mapanood ang pelikula sa kanilang paboritong sinehan.

Sey nga raw kasi ng mga nakapanood na, hindi ordinaryong horror film ang pelikula dahil bukod sa mga nakakakaba’t nakatatakot na eksena, napakaraming unexpected twists and turns na talagang hahamon sa pag-iisip ng viewers hanggang sa huli.

Siyempre, hindi rin dapat palagpasin ang mahusay na pagganap ng bida na si Barbie na tila ba dinadala ang mga manonood sa loob ng pelikula.

THREE weeks na palang nananakot si Barbie Forteza. Three weeks na ngang ‘di natitinag sa mga sinehan nationwide ang pinag-uusapang mind-bending horror film ng GMA Pictures na P77. May iba pa ngang nag-sold out na nitong mga nakaraang araw, ha. Dahil sa patuloy na pagbuhos ng magagandang review...

15/08/2025

𝐒𝐚𝐛𝐫𝐢𝐧𝐚 𝐌, 𝐒𝐞𝐧 𝐌𝐚𝐫𝐜𝐨𝐥𝐞𝐭𝐚 𝐧𝐚𝐠-𝐫𝐞𝐚𝐜𝐭 𝐬𝐚 𝐩𝐚𝐫𝐢𝐧𝐢𝐠 𝐧𝐢 𝐕𝐢𝐜𝐞 𝐆𝐚𝐧𝐝𝐚
https://hatawtabloid.com/2025/08/15/sabrina-m-sen-marcoleta-nag-react-sa-parinig-ni-vice-ganda/

𝙋𝙐𝙎𝙃 𝙉𝘼'𝙔𝘼𝙉
𝙣𝙞 𝘼𝙢𝙗𝙚𝙩 𝙉𝙖𝙗𝙪𝙨

DAHIL umabot na nga sa maraming lugar sa mundo na may active Pinoy communities ang isyu kay Vice Ganda, may mga nagsasapantaha na may "kilos o bahid politika" ang eskandalo.

"Hindi na kami magugulat if one of these days ay makumbinsi iyan na pasukin ang politika. Sa dami ng isyu ng bansa na alam niya at nagagawa niyang halukayin sa mga palabas niya, pwede siyang manalo," komento ng mga Pinoy netizen here and abroad.

Ang latest ngang mga personalidad na naglabas ng kanilang sama ng loob dahil sa paggamit ni Vice Ganda ng names nila ay sina Sabrina M at Sen Rodante Marcoleta.

Para sa mga taong sumasang-ayon kay Vice Ganda ay papansin lang at gusto lang makisakay ng mga ito sa usapin.

Pero sa mga marunong tumimbang ng isyu at tumingin sa kung paanong nakutya at ginamit ang names nila makapagpatawa lang, may sabit at palpak ang tv host comedian.

Hindi rin nakaligtas na banggitin kahit na ang insidenteng ukol sa tatay ni Vice Ganda na hindi naman naisapublikong dahilan and yet, sa mga nakaaalam umano ay bahagi nga ito ng isang pangit na nakaraan.

"Ano kaya ang mararamdaman ni Vice kapag ginawa itong pulutan at pagtawanang topic ng mga tao?,"tanong ng netizen.

Nandiyan na ngang nakiusap na si Pokwang na huwag idamay ang may edad na ring nanay nito sa mga batikos ng dahil din sa pangyayari.

"He can not avoid it so might as well he, be used to it unless she does or says something na ma-a-appease ang lahat dahil may balanse siyang manner ng pagpapatawa. O baka nga tama ngang magkaroon na siya ng political program dahil sa usaping politika at mga isyu, lahat pwedeng idamay at madamay," dagdag pang reaksiyon ng netizen.

PUSH NA'YANni Ambet Nabus DAHIL umabot na nga sa maraming lugar sa mundo na may active Pinoy communities ang isyu kay Vice Ganda, may mga nagsasapantaha na may "kilos o bahid politika" ang eskandalo. "Hindi na kami magugulat if one of these days ay makumbinsi iyan na pasukin ang politika. Sa dami....

15/08/2025

𝐒𝐚𝐥𝐜𝐞𝐝𝐚, 𝐢𝐬𝐢𝐧𝐮𝐬𝐮𝐥𝐨𝐧𝐠 𝐦𝐮𝐥𝐢𝐧𝐠 𝐩𝐚𝐠𝐛𝐮𝐡𝐚𝐲 𝐬𝐚 𝐁𝐑𝐁𝐃𝐏, 𝐏𝐍𝐑 𝐒𝐨𝐮𝐭𝐡 𝐋𝐨𝐧𝐠-𝐇𝐚𝐮𝐥 𝐏𝐫𝐨𝐣𝐞𝐜𝐭, 𝐒𝐋𝐄𝐗 𝐓𝐨𝐥𝐥 𝐑𝐨𝐚𝐝 𝟓
https://hatawtabloid.com/2025/08/15/salceda-isinusulong-muling-pagbuhay-sa-brbdp-pnr-south-long-haul-project-slex-toll-road-5/

NAKIPAGPULONG kamakailan si Albay 3rd District Rep. Raymond Adrian Salceda kay House Speaker Martin Romualdez at Majority Leader Sandro Marcos upang isulong ang tatlong malalaking proyekto na sadyang kailangan para sa pag-unlad ng buong Bicol.

Kasama niya sa naturang pulong ang iba pang mga mambabatas mula sa Bicol na tinatawag ang grupo nilang “Bicol Bloc.”

Masugid na isinusulong ni Salceda at ng kanyang grupo ang muling pagbuhay sa Bicol River Basin Development Program (BRBDP), Philippine National Railways (PNR), South Long Haul Project, at Quezon–Bicol Expressway (QUBEX) or SLEX Toll Road 5.

Ayon sa bagong mambabatas na dating alkalde ng Polangui sa Albay, ang tatlong malalaking proyekto ay binalangkas at isinulong din ng kanyang amain, si dating Albay 2nd district Rep. Joey Sarte Salceda. Ang BRBDP ay isang malawakang proyekto na tutugon sa mga suliraning pagbaha, kahirapan, mababang prduksiyon ng agrikultura, at mga problemang pangkapaligirang.

Ipinahayag ni Salceda ang adbokasiya niya para sa Quinale Development Consortium sa kanyang distrito na isang sub-river basin at bahagi ng buong Bicol River Basin na may lawak na 3,771 kuwadrado kilometro, at sumasaklaw sa 28 bayan at tatlong lungsod sa Albay at Camarines Sur, na pinanahanan ng 44 porsiyento ng populasyon ng buong Bikol.

Binigyan niya ng diin na ang BRBDP ay mabisang tugon sa baha na tuwina’y nagpapalubog sa mga bayan ng Oas, Libon, at Polangui sa Albay sa pamamagitan ng pagpapalalim si Quinale River, bukod sa higit na malawak na serbisyong irigasyon, at mga pampamayanang kabuhayan na magiging bunga ng rahabilitasiyon ng ‘watershed’ nito.

Ang Bicol Express (tren) ay dating napakahalagang pasilidad sa biyahe ng mga mamamayan at mga kargong kalakal sa pagitan ng Maynila at Legazpi. Itinuturing na sadyang kailangan ang muling pagbuhay nito. Magiging bahagi ito ng PNR South Long Haul Project na muling magpapabilis sa komersiyo, lalo’t magiging bukas na ang ‘Bicol Economic Zone sa Pantao, Albay kapag natapos na ito, ayon sa mambabatas.

Ipinaliwanag ni Salceda na bukod sa maasahan ang tren sa paghakot ng mabibigat na kargo, mabisang paraan din para mabawasan ang mabilis na pagkasira ng Maharlika Highway, at gastos ng mga magsasaka at negosyante sa pagbiyahe ng kanilang mga ani at kalakal kaya mapapababa din ang presyo nito.

“May pondo na mula sa Estados Unidos para sa malaking bahagi ng proyektong Bicol Express ngunit kailangan pang madagdagan ito para mapondohan din ang relokasyon ng maaapektohang mga pamilyang nakatira sa daraanan ng riles, kaya kasama rin sa proyekto ang partisipasiyon ng National Housing Authority (NHA),” dagdag niya.

Ang QUBEX o SLEX Toll Road 5 na may habang 420 kilometro mula Lucena sa Quezon hanggan sa Matnog, Sorsogon, ay magkakahalaga ng ₱193.6 bilyon, katumbas ng US$3.38 bilyon. Kapag natapos ito, magiging limang oras na lamang ang biyahe sa pagitan ng Maynila at Legazpi mula sa kasalukuyang 10-15 oras.

Ang engineering design para sa 61-kilometrong riles ng tren mula Lucena hanggang Gumaca ay halos tapos na.

Sa kasalukuyan, ginagawa na rin ang bahagi nito mula sa Toll Road 4 hanggang Tiaong, Quezon. Nangako si Salceda na masugid niyang isusulong ang proyekto hanggang matapos ito.

NAKIPAGPULONG kamakailan si Albay 3rd District Rep. Raymond Adrian Salceda kay House Speaker Martin Romualdez at Majority Leader Sandro Marcos upang isulong ang tatlong malalaking proyekto na sadyang kailangan para sa pag-unlad ng buong Bicol. Kasama niya sa  naturang pulong ang iba pang mga mambab...

15/08/2025

𝟖𝐭𝐡 𝐏𝐡𝐢𝐥𝐢𝐩𝐩𝐢𝐧𝐞 𝐄𝐦𝐩𝐨𝐰𝐞𝐫𝐞𝐝 𝐌𝐞𝐧 𝐚𝐧𝐝 𝐖𝐨𝐦𝐞𝐧 𝐦𝐚𝐬 𝐩𝐢𝐧𝐚𝐥𝐚𝐤𝐢 𝐚𝐭 𝐩𝐢𝐧𝐚𝐛𝐨𝐧𝐠𝐠𝐚
https://hatawtabloid.com/2025/08/15/8th-philippine-empowered-men-and-women-mas-pinalaki-at-pinabongga/

𝙈𝘼𝙏𝘼𝘽𝙄𝙇
𝙣𝙞 𝙅𝙤𝙝𝙣 𝙁𝙤𝙣𝙩𝙖𝙣𝙞𝙡𝙡𝙖

KAHANGA-HANGA ngayon ang 8th Philippine Empowered Men and Women 2025 dahil
mas pinalaki at pinabongga pa na gaganapin sa Aug ust16, sa Music Museum, Greenhills San Juan City.

Ang The 8th Philippine Empowered Men and Women ay proyekto ni Richard Hinola.

Ayon kay Richard, “Ang The 8th Philippine Empowered Men and Women Awards ay pagbibigay pagkilala at karangalan sa mga Pinoy Achiever ng 2025.

"Layunin namin ang makapagbigay-inspirasyon sa aming mga awardee na mas pagbutihin pa ang kanilang ginagawa—aktor o aktress, politiko, negosyante, negosyo, kawani ng gobyerno, media atbp. sa pamamagitan ng parangal na aming igagawad sa kanila.

"Kaya naman sa Aug. 16 ay muli naming kikilalanin ang mga ilang piling-piling Pinoy achievers.”

Ilan sa pararangalan ngayong taon sina Cecille Tria Bravo, Ara Mina, Kris Bernal, Michelle Vito, Miguel Bravo, Paolo Gumabao, Marc Logan, Jennifer Boles, Chie Filomeno, John "DJ Janna Chu Chu" Fontanilla, Fernan "Ms F" De Guzman, Elisse Joson, Usec Joee Guilas , Anna Lakrini, Raymond Villanueva, Lito Gruet, Doc. Robert Walcher II, Rey Abellana, Rainier Castillo, Token Lizares, Ahron Villena, John Arcenas, Kim Perez, Joel Cruz, Kween Buraot, Inday Garutay, Andrew Gan, Toni Co, Tuy Batangas Councilor Roselio "Troy" Balbacal atbp..

Kasabay nito, magbibigay parangal din ang The 10th MODELMOM PHILIPPINES 2025 Achievers Award-A, The 3rd Gawad Rosa Rosal Legacy Award, at ang The 2nd Philippine Trending Brand 2025.

MATABILni John Fontanilla KAHANGA-HANGA ngayon ang 8th  Philippine Empowered Men and Women 2025 dahil mas pinalaki at pinabongga pa na gaganapin sa  Aug ust16, sa Music Museum, Greenhills San Juan City. Ang The 8th Philippine Empowered Men and Women ay proyekto ni Richard Hinola. Ayon kay Ri...

15/08/2025

𝐙𝐞𝐥𝐚 𝐚𝐜𝐭𝐢𝐧𝐠 𝐚𝐧𝐠 𝐮𝐧𝐚𝐧𝐠 𝐥𝐨𝐯𝐞
https://hatawtabloid.com/2025/08/15/zela-acting-ang-unang-love/

𝙄-𝙁𝙇𝙀𝙓
𝙣𝙞 𝙅𝙪𝙣 𝙉𝙖𝙧𝙙𝙤

AKTING ang unang gusto ng baguhang singer na si Zela. Eh nang masubukan ang music, dito na niya nais mag-concentrate.

“I love performing on stage,” saad ni Zela nang makausap namin bago iparinig ang songs sa album niyang Lockhart under AQ Prime Music.

Sa Las Vegas lumaki si Zela at nagbalik sa bansa para i-pursue ang kanyang dream. Three years na siya sa bansa and she’s enjoying her stay.

Pagdating naman sa collab sa ibang artist, number one sa kanya si Sarah Geronimo.

Gustuhin man niyang masali sa isang grupo, mas gusto niyang maging solo artist na kanya nang nasimulan noon pa mang bata pa siya.

I-FLEXni Jun Nardo AKTING ang unang gusto ng baguhang singer na si Zela. Eh nang masubukan ang music, dito na niya nais mag-concentrate. “I love performing on stage,” saad ni Zela nang makausap namin bago iparinig ang songs sa album niyang Lockhart under AQ Prime Music. Sa Las Vegas lumaki ...

15/08/2025

𝐂𝐡𝐚𝐫𝐥𝐢𝐞 𝐅𝐥𝐞𝐦𝐢𝐧𝐠 𝐩𝐨𝐬𝐢𝐛𝐥𝐞 𝐩𝐚𝐠𝐬𝐚𝐥𝐢 𝐬𝐚 𝐌𝐢𝐬𝐬 𝐔𝐧𝐢𝐯𝐞𝐫𝐬𝐞 𝐏𝐇
https://hatawtabloid.com/2025/08/15/charlie-fleming-posible-pagsali-sa-miss-universe-ph/

𝙄-𝙁𝙇𝙀𝙓
𝙣𝙞 𝙅𝙪𝙣 𝙉𝙖𝙧𝙙𝙤

OPEN ang puso’t isipan ng Sparkle artist na si Charlie Fleming na sumali sa Miss Universe PH in the future. Pageantry kasi ang first love niya.

Si Charlie ang ka-duo ni Esnyr sa nakaaang PBB Collab.

Sa last GMA Gala, humakot ng award si Charlie gaya ng IAMazing Award, Star of the Night, at Female Kapuso Teen Fan Favorite.

Pagdating naman sa career, magsisimula na sa October ang teleserye niyang Master Cutter with Dingdong Dantes. Mapapanood din siya soon sa All Out Sunday.

I-FLEXni Jun Nardo OPEN ang puso’t isipan ng Sparkle artist na si Charlie Fleming na sumali sa Miss Universe PH in the future. Pageantry kasi ang first love niya. Si Charlie ang ka-duo ni Esnyr sa nakaaang PBB Collab. Sa last GMA Gala, humakot ng award si Charlie gaya ng IAMazing Award, S...