Hataw D’yaryo ng Bayan

13/09/2025

𝘔𝘢𝘬𝘢𝘴𝘢𝘺𝘴𝘢𝘺𝘢𝘯𝘨 𝘗𝘢𝘨𝘣𝘶𝘣𝘶𝘬𝘢𝘴 𝘵𝘢𝘮𝘱𝘰𝘬 𝘢𝘯𝘨 𝘚𝘢𝘺𝘢𝘸, 𝘔𝘶𝘴𝘪𝘬𝘢
𝐅𝐈𝐕𝐁 𝐖𝐨𝐫𝐥𝐝 𝐂𝐡𝐚𝐦𝐩𝐢𝐨𝐧𝐬𝐡𝐢𝐩 𝐨𝐩𝐞𝐧𝐢𝐧𝐠 𝐦𝐚𝐤𝐮𝐥𝐚𝐲 𝐚𝐭 𝐞𝐧𝐠𝐫𝐚𝐧𝐝𝐞
https://hatawtabloid.com/2025/09/13/makasaysayang-pagbubukas-tampok-ang-sayaw-musika-fivb-world-championship-opening-makulay-at-engrande/

MULING naging sentro ng mundo ng palakasan ang Pilipinas, nang opisyal nitong simulan ang pinakamalaking FIVB Volleyball Men’s World Championship sa kasaysayan sa isang makulay at engrandeng pagbubukas nitong Biyernes ng gabi sa Mall of Asia Arena sa Lungsod ng Pasay.

Mula sa mga pagtatanghal ng kulturang Pilipino hanggang sa mga world-class na performances, tunay na naging isang masaya at makasaysayang gabi ito bago pa man ang mas matinding bakbakan ng 32 koponang hinati sa walong grupo na magsisimula ng kanilang mga laban sa Sabado sa parehong MOA Arena at Smart-Araneta Coliseum sa Lungsod Quezon.

“Tiyak naming narito ang pinakamahusay na volleyball sa buong mundo. Ito ang kauna-unahang pagkakataon na ginanap ang Men’s World Championship sa Timog-Silangang Asya, at unang beses din itong lumahok ang 32 bansa — 32 koponang maglalaban para sa isang dangal at isang tropeo,” pahayag ni FIVB president Fabio Azevedo.

“Sa loob ng maraming taon, ang volleyball ay tila nasa likod lamang ng ibang paboritong isport sa bansa — ang basketball. Pero ngayon, narito tayo: ang crowd na ito, ang event na ito, ang sandaling ito — nasa harap tayo ng isang bagong panahon at simula ng isang kapanapanabik na pamana. Mabuhay ang Pilipinas,” dagdag pa ni Philippine Sports Commission (PSC) chairman Patrick “Pato” Gregorio.

Pinangunahan ng FIVB, PSC, at ng Philippine National Volleyball Federation (PNVF) sa pangunguna ni Ramon “Tats” Suzara — na siya ring presidente ng Asian Volleyball Confederation (AVC) at executive VP ng FIVB — ang pagdadala ng 32 watawat, na pinangunahan ng host na Pilipinas, upang opisyal na ideklara ang pagbubukas ng mga laro sa harap ng libu-libong volleyball fans sa bansa.

Hindi rin kumpleto ang gabi kung wala ang engrandeng pagtatanghal ng mga lokal at internasyonal na performers sa makasaysayang edisyong ito ng World Championship na inorganisa ni Suzara ng Local Organizing Committee, na pinangungunahan din nina Presidential son William Vincent “Vinny” Araneta Marcos, Senador Alan Peter Cayetano, at Tourism Secretary Christina Frasco.

Kasama rin sa LOC Board sina Senadora Pia Cayetano at POC President Abraham “Bambol” Tolentino.
Binigyang saya ng up-and-coming K-POP group na BOYNEXTDOOR ang mini-concert sa pamamagitan ng kanilang pagtatanghal para sa libo-libong Pilipinong tagahanga na dumagsa kahit na maulan at abalang Biyernes.

Ipinamalas naman ng Ramon Obusan Folkloric Group ang mayamang kultura at pamana ng Pilipinas sa world stage, kasama ang Bruganda Drumline and Dancers. Nagdagdag din ng energy sa gabi sina P-POP girl group G22 at Cebuana singer Karencitta sa kanilang electrifying na performances.

Isinagawa ang engrandeng pagbubukas bilang paghahanda sa laban ng Alas Pilipinas kontra Tunisia, na ginanap din sa MOA Arena.

"Sa Philippine team, hangad ko ang inyong tagumpay sa pandaigdigang entabladong ito. Ngunit huwag kalilimutan: ang tunay na pagbabago ay kung paano ninyo binabago ang imahe ng sports sa ating bansa. Tinuturing natin silang Alas Pilipinas dahil hindi lamang sila naglalaro para sa bayan — sila ay bahagi ng bagong yugto sa kasaysayan ng palakasan, kung saan ang volleyball ang magiging sandigan ng muling pagbangon ng Pilipinas bilang puso ng sports sa Timog-Silangang Asya,” dagdag ni Gregorio.
Ang World Men’s Volleyball Championship ay suportado rin ng mga sponsors tulad ng Rebisco, SM, PLDT, SMART, Metro Pacific Investment, Honda Philippines, Meralco, Sony, Lenovo, at LRT Line 2, at opisyal na kinikilala ng FIVB. Nakipagtulungan din ang Volleyball World, Mikasa (opisyal na bola), Mizuno, Gerflor, at Senoh Corporation.

Magpapatuloy ang torneo hanggang Setyembre 28, bilang bahagi ng sunod-sunod na world sporting events na ginanap sa Pilipinas, kasunod ng matagumpay na 2023 FIBA Basketball World Cup.

Ang mga tiket para sa mga laro ay mabibili sa kanilang opisyal na website:https://www.philippineswch2025.com (𝙋𝙉𝙑𝙁)

𝘗𝘩𝘰𝘵𝘰 𝘤𝘢𝘱𝘵𝘪𝘰𝘯:

𝗔𝗡𝗚 𝗺𝗮𝗸𝘂𝗹𝗮𝘆 𝗮𝘁 𝗲𝗻𝗴𝗿𝗮𝗻𝗱𝗲𝗻𝗴 𝗽𝗮𝗴𝘀𝗶𝘀𝗶𝗺𝘂𝗹𝗮 𝗻𝗴 𝗙𝗜𝗩𝗕 𝗩𝗼𝗹𝗹𝗲𝘆𝗯𝗮𝗹𝗹 𝗠𝗲𝗻’𝘀 𝗪𝗼𝗿𝗹𝗱 𝗖𝗵𝗮𝗺𝗽𝗶𝗼𝗻𝘀𝗵𝗶𝗽 𝗻𝗼𝗼𝗻𝗴 𝗕𝗶𝘆𝗲𝗿𝗻𝗲𝘀 𝗻𝗴 𝗴𝗮𝗯𝗶 𝗻𝗮 𝗴𝗶𝗻𝗮𝗻𝗮𝗽 𝘀𝗮 𝗠𝗮𝗹𝗹 𝗼𝗳 𝗔𝘀𝗶𝗮 𝗔𝗿𝗲𝗻𝗮 𝘀𝗮 𝗣𝗮𝘀𝗮𝘆 𝗖𝗶𝘁𝘆. 𝗨𝗻𝗮 𝗮𝗻𝗴 𝗪𝗲𝗹𝗰𝗼𝗺𝗲 𝗿𝗲𝗺𝗮𝗿𝗸𝘀 𝗻𝗶 𝗣𝗮𝘁𝗿𝗶𝗰𝗸 𝗖. 𝗚𝗿𝗲𝗴𝗼𝗿𝗶𝗼, 𝗖𝗵𝗮𝗶𝗿𝗺𝗮𝗻 𝗻𝗴 𝗣𝗵𝗶𝗹𝗶𝗽𝗽𝗶𝗻𝗲 𝗦𝗽𝗼𝗿𝘁𝘀 𝗖𝗼𝗺𝗺𝗶𝘀𝘀𝗶𝗼𝗻 𝗸𝗮𝘀𝘂𝗻𝗼𝗱 𝗮𝗻𝗴 𝗢𝗽𝗲𝗻𝗶𝗻𝗴 𝗿𝗲𝗺𝗮𝗿𝗸𝘀 𝗻𝗶 𝗙𝗮𝗯𝗶𝗼 𝗔𝘇𝗲𝘃𝗲𝗱𝗼, 𝗣𝗿𝗲𝘀𝗶𝗱𝗲𝗻𝘁 𝗻𝗴 𝗙𝗲𝗱𝗲𝗿𝗮𝘁𝗶𝗼𝗻 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹𝗲 𝗱𝗲 𝗩𝗼𝗹𝗹𝗲𝘆𝗯𝗮𝗹𝗹 (𝗙𝗜𝗩𝗕). 𝗕𝗶𝗻𝗶𝗴𝘆𝗮𝗻𝗴 𝘀𝗮𝘆𝗮 𝗻𝗴 𝘂𝗽-𝗮𝗻𝗱-𝗰𝗼𝗺𝗶𝗻𝗴 𝗞-𝗣𝗢𝗣 𝗴𝗿𝗼𝘂𝗽 𝗻𝗮 𝗕𝗢𝗬𝗡𝗘𝗫𝗧𝗗𝗢𝗢𝗥 𝗮𝗻𝗴 𝗺𝗶𝗻𝗶-𝗰𝗼𝗻𝗰𝗲𝗿𝘁 𝘀𝗮 𝗽𝗮𝗿𝗮 𝘀𝗮 𝗹𝗶𝗯𝗼-𝗹𝗶𝗯𝗼𝗻𝗴 𝗣𝗶𝗹𝗶𝗽𝗶𝗻𝗼𝗻𝗴 𝘁𝗮𝗴𝗮𝗵𝗮𝗻𝗴𝗮. 𝗡𝗮𝗻𝗴𝘂𝗻𝗮 𝘀𝗶 𝗣𝗵𝗶𝗹𝗶𝗽𝗽𝗶𝗻𝗲 𝗡𝗮𝘁𝗶𝗼𝗻𝗮𝗹 𝗩𝗼𝗹𝗹𝗲𝘆𝗯𝗮𝗹𝗹 𝗙𝗲𝗱𝗲𝗿𝗮𝘁𝗶𝗼𝗻 (𝗣𝗡𝗩𝗙) 𝗽𝗿𝗲𝘀𝗶𝗱𝗲𝗻𝘁 𝗥𝗮𝗺𝗼𝗻 “𝗧𝗮𝘁𝘀” 𝗦𝘂𝘇𝗮𝗿𝗮 𝗯𝗶𝗹𝗮𝗻𝗴 𝗵𝗼𝘀𝘁 𝗮𝗻𝗴 𝗣𝗶𝗹𝗶𝗽𝗶𝗻𝗮𝘀 𝘀𝗮 𝗽𝗮𝗿𝗮𝗱𝗲 𝗻𝗴 𝟯𝟮 𝗻𝗮 𝗯𝗮𝗻𝗱𝗶𝗹𝗮 𝗻𝗮 𝗸𝗶𝗻𝗮𝗸𝗮𝘁𝗮𝘄𝗮𝗻 𝗻𝗴 𝗸𝗮𝗹𝗮𝗵𝗼𝗸 𝗻𝗮 𝗯𝗮𝗻𝘀𝗮.
𝗜𝗽𝗶𝗻𝗮𝗺𝗮𝗹𝗮𝘀 𝗻𝗴 𝗥𝗮𝗺𝗼𝗻 𝗢𝗯𝘂𝘀𝗮𝗻 𝗙𝗼𝗹𝗸𝗹𝗼𝗿𝗶𝗰 𝗚𝗿𝗼𝘂𝗽 𝗮𝗻𝗴 𝗺𝗮𝘆𝗮𝗺𝗮𝗻𝗴 𝗸𝘂𝗹𝘁𝘂𝗿𝗮 𝗻𝗴 𝗣𝗶𝗹𝗶𝗽𝗶𝗻𝗮𝘀 , 𝗸𝗮𝘀𝗮𝗺𝗮 𝗮𝗻𝗴 𝗕𝗿𝘂𝗴𝗮𝗻𝗱𝗮 𝗗𝗿𝘂𝗺𝗹𝗶𝗻𝗲 𝗮𝗻𝗱 𝗗𝗮𝗻𝗰𝗲𝗿𝘀. 𝗡𝗮𝗴𝗱𝗮𝗴𝗱𝗮𝗴 𝗻𝗴 𝗲𝗻𝗲𝗿𝗴𝘆 𝗮𝗻𝗴 𝗣-𝗣𝗢𝗣 𝗴𝗶𝗿𝗹 𝗴𝗿𝗼𝘂𝗽 𝗚𝟮𝟮 𝗮𝘁 𝗖𝗲𝗯𝘂𝗮𝗻𝗮 𝘀𝗶𝗻𝗴𝗲𝗿 𝗞𝗮𝗿𝗲𝗻𝗰𝗶𝘁𝘁𝗮. (𝗛𝗘𝗡𝗥𝗬 𝗧𝗔𝗟𝗔𝗡 𝗩𝗔𝗥𝗚𝗔𝗦)

13/09/2025

𝐈𝐒𝐈𝐍𝐀𝐆𝐀𝐖𝐀 ni Pangulong Ferdinand R. Marcos Jr. (gitna) ang ceremonial toss sa pagsisimula ng ika-21 FIVB Volleyball Men’s World Championship sa Mall of Asia Arena sa Pasay City noong Biyernes ng gabi kalahok ang 32 na bansa. Kasama niya sina Patrick Gregorio, Chairman ng Philippine Sports Commission (kaliwa), at Ramon Suzara, Presidente ng Philippine National Volleyball Federation. (𝙋𝙉𝙑𝙁 𝙥𝙝𝙤𝙩𝙤)

𝐏𝐀𝐍𝐀𝐋𝐎 ang Tunisia 25-13, 25-17, 25-17 kontra Alas Pilipinas sa unang laban sa torneo. (𝙃𝙀𝙉𝙍𝙔 𝙏𝘼𝙇𝘼𝙉 𝙑𝘼𝙍𝙂𝘼𝙎)

13/09/2025

𝘚𝘢 𝘈𝘴𝘪𝘢𝘯 𝘖𝘱𝘦𝘯 𝘚𝘤𝘩𝘰𝘰𝘭𝘴 𝘐𝘯𝘷𝘪𝘵𝘢𝘵𝘪𝘰𝘯𝘢𝘭 (𝘈𝘖𝘚𝘐)
𝐒𝐰𝐢𝐦 𝐋𝐞𝐚𝐠𝐮𝐞 𝐏𝐡𝐢𝐥𝐢𝐩𝐩𝐢𝐧𝐞𝐬’ (𝐒𝐋𝐏) 𝐏𝐚𝐭𝐫𝐢𝐨𝐭𝐬 𝐛𝐮𝐦𝐢𝐝𝐚 𝐬𝐚 𝐁𝐚𝐧𝐠𝐤𝐨𝐤 𝐦𝐞𝐞𝐭
https://hatawtabloid.com/2025/09/13/sa-asian-open-schools-invitational-aosi-swim-league-philippines-slp-patriots-swimmers-bumida-sa-bangkok-meet/

TAGUMPAY ang naging kampanya ng Swim League Philippines (SLP) ‘Patriots’ swimmers sa katatapos na Asian Open Schools Invitational (AOSI) sa Assumption University Aquatic Center sa Bangkok, Thailand.

Hataw ang delegasyon ng bansa na kinatawan ng tatlong koponan kung saan tinanghal na overall champion ang Patriiots Luzon na pinangunahan ng magkapatid na Behrouz Mohammad Madi at Mikhael Jasper Mikee Mojdeh na kapwa itinangghal na Most Outstanding Swimmer (MOS) sa kani-kanilang age division.

Nakopo ng Patriots Luzon ang kabuuang 4,867 puntos kabilang ang nakamit na 244 puntos ng 10-anyos na si Mikee tampok ang tatlong ginto, tatlong silver at dalawang bronze medal, habang kumana si Madi ng kabuuang 374 puntos mula sa pitong ginto, tampok ang limang meet record at isang silver.

Ang Patriots Visayas sa kabilang banda ay nagtatapos bilang Second Runner-Up, at ang The Patriots Mindanao ay nagpamalas ng kapansin-pansing pagganap, na nakakuha ng maraming Personal Best Times sa iba't ibang mga events.

Binati ni Commissioner Fritz Gaston ang mga manlalangoy at ang kanilang mga coach matapos magbigay ang koponan ng courtesy call sa Philippine Sports Commission.

"Ang mga batang atleta na ito ay hindi lamang nag-uwi ng mga medalya kundi nagdala rin ng karangalan sa Pilipinas sa pamamagitan ng kanilang talento at determinasyon," sabi ni Gaston.

Ginawaran ni Global Aquatics Chairman Mr. Chanaka Fernando ang Swim League Philippines ng Award of Appreciation bilang pagkilala sa patuloy nitong tungkulin sa paglingap ng grassroots aquatics sa bansa.

Binibigyang-diin ng parangal ang misyon ng SLP sa pag-aalaga ng mga batang talento sa paglangoy mula sa buong Pilipinas—Luzon, Visayas, at Mindanao—at pagbibigay sa kanila ng mga pagkakataong maging mahusay sa pandaigdigang yugto bilang suporta sa National Federation na Philippine Aquatics Inc. (PAI).

Si SLP President Fred Galang Ancheta at SLP Chairman Joan Mojdeh ay nagpahayag ng kanilang pasasalamat sa pagkilala.

"Ipinagmamalaki naming ang nagawa ng aming mga manlalangoy. Ang tagumpay na ito ay isang patunay ng pagsusumikap ng aming mga atleta, coach, magulang, at buong komunidad sa paglangoy. Kami ay pare-parehong nagpapasalamat sa PSC para sa kanilang patuloy na suporta,” ayon kay Galang.

Ang Swim League Philippines ay patuloy na nagpapatibay sa posisyon nito bilang isang organisasyon sa kumakalinga sa pag-unlad sa Philippine aquatics. (𝙃𝙉𝙏)

𝘗𝘩𝘰𝘵𝘰 𝘤𝘢𝘱𝘵𝘪𝘰𝘯:

𝗔𝗡𝗚 𝗸𝗼𝗽𝗼𝗻𝗮𝗻 𝗻𝗴 '𝗣𝗮𝘁𝗿𝗶𝗼𝘁𝘀' 𝗦𝘄𝗶𝗺𝗺𝗲𝗿𝘀 𝗻𝗴 𝗦𝘄𝗶𝗺 𝗟𝗲𝗮𝗴𝘂𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 (𝗦𝗟𝗣) 𝘀𝗮 𝗽𝗮𝗻𝗴𝘂𝗻𝗴𝘂𝗻𝗮 𝗻𝗶 𝗦𝗟𝗣 𝗣𝗿𝗲𝘀𝗶𝗱𝗲𝗻𝘁 𝗙𝗿𝗲𝗱 𝗚𝗮𝗹𝗮𝗻𝗴 𝗔𝗻𝗰𝗵𝗲𝘁𝗮 𝗮𝘁 𝗦𝗟𝗣 𝗖𝗵𝗮𝗶𝗿𝗺𝗮𝗻 𝗝𝗼𝗮𝗻 𝗠𝗼𝗷𝗱𝗲𝗵, 𝗮𝘁 𝗸𝗮𝗻𝗶𝗹𝗮𝗻𝗴 𝗺𝗴𝗮 𝗰𝗼𝗮𝗰𝗵 𝗮𝘆 𝗯𝗶𝗻𝗮𝘁𝗶 𝗻𝗶 𝗖𝗼𝗺𝗺𝗶𝘀𝘀𝗶𝗼𝗻𝗲𝗿 𝗙𝗿𝗶𝘁𝘇 𝗚𝗮𝘀𝘁𝗼𝗻 𝗺𝗮𝘁𝗮𝗽𝗼𝘀 𝗺𝗮𝗴𝗯𝗶𝗴𝗮𝘆 𝗻𝗴 𝗰𝗼𝘂𝗿𝘁𝗲𝘀𝘆 𝗰𝗮𝗹𝗹 𝘀𝗮 𝗣𝗵𝗶𝗹𝗶𝗽𝗽𝗶𝗻𝗲 𝗦𝗽𝗼𝗿𝘁𝘀 𝗖𝗼𝗺𝗺𝗶𝘀𝘀𝗶𝗼𝗻. 𝗜𝘁𝗶𝗻𝗮𝗻𝗴𝗵𝗮𝗹 𝗻𝗮 𝗼𝘃𝗲𝗿𝗮𝗹𝗹 𝗰𝗵𝗮𝗺𝗽𝗶𝗼𝗻 𝗮𝗻𝗴 𝗸𝗼𝗽𝗼𝗻𝗮𝗻 𝘀𝗮 𝗸𝗮𝘁𝗮𝘁𝗮𝗽𝗼𝘀 𝗻𝗮 𝗔𝘀𝗶𝗮𝗻 𝗢𝗽𝗲𝗻 𝗦𝗰𝗵𝗼𝗼𝗹𝘀 𝗜𝗻𝘃𝗶𝘁𝗮𝘁𝗶𝗼𝗻𝗮𝗹 (𝗔𝗢𝗦𝗜) 𝘀𝗮 𝗔𝘀𝘀𝘂𝗺𝗽𝘁𝗶𝗼𝗻 𝗨𝗻𝗶𝘃𝗲𝗿𝘀𝗶𝘁𝘆 𝗔𝗾𝘂𝗮𝘁𝗶𝗰 𝗖𝗲𝗻𝘁𝗲𝗿 𝘀𝗮 𝗕𝗮𝗻𝗴𝗸𝗼𝗸, 𝗧𝗵𝗮𝗶𝗹𝗮𝗻𝗱. (𝗦𝗟𝗣 𝗽𝗵𝗼𝘁𝗼)

13/09/2025

𝐓𝐞𝐚𝐦 𝐏𝐚𝐝𝐞𝐥 𝐏𝐢𝐥𝐢𝐩𝐢𝐧𝐚𝐬 𝐍𝐚𝐠𝐰𝐚𝐠𝐢 𝐧𝐠 𝐌𝐚𝐤𝐚𝐬𝐚𝐲𝐬𝐚𝐲𝐚𝐧𝐠 𝐓𝐚𝐠𝐮𝐦𝐩𝐚𝐲 𝐬𝐚 𝟐𝟎𝟐𝟓 𝐀𝐬𝐢𝐚 𝐏𝐚𝐜𝐢𝐟𝐢𝐜 𝐏𝐚𝐝𝐞𝐥 𝐂𝐮𝐩
https://hatawtabloid.com/2025/09/13/team-padel-pilipinas-nagwagi-ng-makasaysayang-tagumpay-sa-2025-asia-pacific-padel-cup/

Selangor, Malaysia — PORMAL nang kinoronahan bilang kampeon ng 2025 Asia Pacific Padel Cup (APPC) ang Philippine National Padel Team. Idinaos mula Agosto 28 hanggang 31 kinoronahan bilang kampeon ng 2025 Asia Pacific Padel Cup (APPC tampok sa torneo ang walong pinakamahuhusay na koponan sa rehiyon — Malaysia, Hong Kong, Thailand, South Korea, Pakistan, Singapore, India, at Pilipinas.
Kinatawan ng bansa ang isang koponang binubuo ng mga beteranong kampeon at mga bagong talento, sa pangunguna ni Team Captain Argil Lance “LA” Cañizares, kasama sina Abdulqoahar “Qoqo” Allian, Johnny Arcilla, Bryan Saarenas, Derrick Santos, Raymark “Mac” Gulfo, Fritz Chris Verdad, Joanna Tao Yee Tan, Mariam Yasmin “Yam” Garsin, Jed Vallie Rayne Aquino, Danna Mariella Abad, at Joshea Dominique Malazarte.
Matagumpay na tumawid ang Pilipinas mula sa group stage matapos talunin ang Pakistan (5-0), Hong Kong (4-1), at ang host nation na Malaysia (4-1), kaya’t nakapasok ito sa quarterfinals. Sa quarterfinals, nilampaso ng koponan ang South Korea, 3-0, sa pamamagitan ng panalo nina Fritz Verdad at Qoqo Allian, Danna Abad at Jed Aquino, at muling naglaro si Aquino kasama si Verdad.
Sa semifinals, muling nakaharap ng Pilipinas ang Malaysia at muling nanaig, 3-0. Napanalunan nina Johnny Arcilla at LA Cañizares ang unang laban (6-4, 6-4), sinundan nina Tao Yee Tan at Yam Garsin (6-0, 6-3), at si Arcilla ay muling naglaro kasama si Tan (6-2, 6-3) upang tuluyang patalsikin ang defending champions at masungkit ang tiket patungong finals.
Sa finals kontra Hong Kong, tatlong laban lamang ang kinailangan ng Pilipinas para masungkit ang best-of-five series. Nagsimula ang koponan sa panalo nina Arcilla at Cañizares (6-0, 6-2), sinundan nina Tan at Garsin (6-2, 6-3), at muling naglaro si Arcilla kasama si Tan para isara ang laban (7-5, 6-2) at tuluyang kamtin ang kampeonato.
Bilang dagdag sa tagumpay, kinilala si Johnny Arcilla bilang Male MVP, habang si Joanna Tao Yee Tan, na kasalukuyang Asia Pacific Padel Tour Rank No. 2, ang tinanghal na Female MVP, na lalong nagpatingkad sa pamamayagpag ng Pilipinas sa torneo.
Ang tagumpay ng koponan ay naisakatuparan sa ilalim ng pamumuno ni National Team Head Coach Bryan Casao, Strength and Conditioning Coach Jaric Lavalle, at Collaborating Foreign Coach Tomás Vasco mula Portugal. Kasama nila sa tagumpay ang mga lider ng Padel Pilipinas — Founder Senator Pia S. Cayetano, Team Manager Jeff Cheng, Secretary General Atty. Duane Santos, Executive Director Atty. Jackie Gan, at ang pangunahing sponsor na si UNILAB President Backy Baquiran, na lahat ay naroroon upang suportahan ang pambansang koponan.

Ibinahagi ni Senator Pia S. Cayetano ang kanyang pagmamalaki sa koponan:
“Ang tagumpay ng koponan ay hindi lang bunga ng pagganap nila ngayong linggo. Ito ay bunga ng matinding paghahanda buong taon, sa loob at labas ng court. Espesyal ang torneong ito dahil ito ang Asia Pacific Padel Cup — salpukan ng mga bansa. Hindi lang dalawang manlalaro ang kailangang manalo, kundi buong koponan. At ngayon, nanalo ang Pilipinas! Ipinakita ng ating mga atleta ang galing, tibay, at puso ng mga Pilipino. Lubos ang aking pagmamalaki sa tagumpay nilang ito para sa bayan.”
Ayon naman kay Team Manager Jeff Cheng:
“Talagang pinaghandaan ng koponan ang torneong ito. Bawat ensayo, bawat pagbabago — lahat 'yan ay nagbunga. Ikinararangal ko kung paano nagsanib-puwersa ang mga manlalaro, nanatiling nakatutok, at pinatunayan na kayang makipagsabayan ng Pilipinas sa pinakamagagaling sa Asia.”
Para naman kay Secretary General Atty. Duane Santos, ito ay isang makasaysayang tagumpay:
“Ang pagkapanalo sa Asia Pacific Padel Cup ay patunay ng matibay na pundasyon ng ating federasyon at ng dedikasyon ng ating mga atleta. Sa buong torneo, naglaro tayo ng 26 na laban — 24 ang panalo, 2 lang ang talo — at naging kampeon laban sa 7 sa pinakamahuhusay sa rehiyon. Patunay ito na ang Pilipinas ay isa nang pwersa sa Asia.”
Binigyang-diin naman ni Executive Director Atty. Jackie Gan ang kalidad ng tagumpay:
“Ang kahalagahan ng tagumpay na ito ay hindi lang dahil sa titulo, kundi sa ipinakitang consistency at composure ng ating mga manlalaro. Ipinakita natin na handa na tayong makipaglaban sa pandaigdigang entablado.”
Itinampok din ng kampeonato ang tagumpay ng mga programa ng Padel Pilipinas — mula grassroots development hanggang international competition, naging matibay ang pundasyong isinulong ng federasyon para sa tagumpay ng bansa. (𝙃𝙉𝙏)

𝘗𝘩𝘰𝘵𝘰 𝘤𝘢𝘱𝘵𝘪𝘰𝘯:

𝗔𝗡𝗚 𝗣𝗵𝗶𝗹𝗶𝗽𝗽𝗶𝗻𝗲 𝗡𝗮𝘁𝗶𝗼𝗻𝗮𝗹 𝗣𝗮𝗱𝗲𝗹𝗧𝗲𝗮𝗺 𝗸𝗶𝗻𝗼𝗿𝗼𝗻𝗮𝗵𝗮𝗻 𝗯𝗶𝗹𝗮𝗻𝗴 𝗸𝗮𝗺𝗽𝗲𝗼𝗻 𝗻𝗴 𝟮𝟬𝟮𝟱 𝗔𝘀𝗶𝗮 𝗣𝗮𝗰𝗶𝗳𝗶𝗰 𝗣𝗮𝗱𝗲𝗹 𝗖𝘂𝗽 (𝗔𝗣𝗣𝗖 𝗻𝗮 𝗴𝗶𝗻𝗮𝗻𝗮𝗽 𝘀𝗮 𝗦𝗲𝗹𝗮𝗻𝗴𝗼𝗿, 𝗠𝗮𝗹𝗮𝘆𝘀𝗶𝗮. (𝗣𝗮𝗱𝗲𝗹 𝗽𝗵𝗼𝘁𝗼)

Selangor, Malaysia — PORMAL nang kinoronahan bilang kampeon ng 2025 Asia Pacific Padel Cup (APPC) ang Philippine National Padel Team. Idinaos mula Agosto 28 hanggang 31 kinoronahan bilang kampeon ng 2025 Asia Pacific Padel Cup (APPC tampok sa torneo ang walong pinakamahuhusay na koponan sa rehiyon...

13/09/2025

𝐇𝐢𝐧𝐝𝐢 𝐬𝐚 𝐛𝐚𝐤𝐮𝐫𝐚𝐧 𝐧𝐠 𝐊𝐨𝐧𝐠𝐫𝐞𝐬𝐨! — 𝐏𝐨𝐞, 𝐔𝐦𝐚𝐥𝐦𝐚 𝐯𝐬 𝐢𝐥𝐥𝐞𝐠𝐚𝐥 𝐎𝐧𝐥𝐢𝐧𝐞 𝐆𝐚𝐦𝐢𝐧𝐠
https://hatawtabloid.com/2025/09/13/hindi-sa-bakuran-ng-kongreso-poe-umalma-vs-illegal-online-gaming/

Quezon City — Sumama si Congressman Brian Poe sa isinagawang operasyon kamakalawa ng gabi sa Batasan Hills laban sa ilegal na online at on-ground gambling na walang kaukulang lisensiya mula sa Philippine Charity Sweepstakes Office (PCSO).

Pinangunahan ng Cybercrime Investigation and Coordinating Center (CICC) ang operasyon, katuwang ang PCSO, Philippine National Police (PNP), at civil society group na Digital Pinoys.

Pitong suspek ang naaresto sa operasyon—lima sa Quezon City at dalawa sa mismong Batasan—na nagsasagawa ng ilegal na operasyon ng sugal sa mismong paligid ng Kongreso. Kompirmado ng mga awtoridad na nilabag ng mga suspek ang mga probisyon ng Revised Penal Code at ng Cybercrime Prevention Act of 2012 (RA 10175).

“Ang pagtutulungan ng PCSO, PNP, CICC, at DICT ay patunay na kung may koordinasyon, may resulta. Kahit kulang sa pondo, ipinakita ng CICC at DICT na patuloy silang nagseserbisyo para sa taong-bayan. Kapag nadagdagan pa ang kanilang budget, mas marami pa tayong makikitang ganitong operasyon laban sa mga ilegal na sindikato ng sugal,” pahayag ni Cong. Poe.

Bilang co-sponsor ng budget ng DICT, binigyang-diin ni Poe ang malaking pangamba dahil sa pagbawas ng pondo para sa cybercrime enforcement sa 2025—binawasan ng 36% ang kabuuang cybersecurity budget ng DICT at itinakda sa zero ang capital outlay ng CICC.

Dagdag ni Poe: “Sa panig ko, ang pinakaunang resolusyon na inihain ko bilang kongresista ay ang House Resolution No. 40 na nagsisiyasat sa mga suliranin ng online gaming sa ating bayan. Kailangan marinig ng mga kongresista ang mga ulat na ito para malaman nila na kahit magpatupad tayo ng bagong polisiya, may mga operasyon ng online gambling na nakalulusot pa rin. Kaya’t narito ako upang makita mismo kung paano nagpapatuloy ang mga ilegal na operasyon na ito. Hihingi ako ng mga ulat mula sa PCSO, DICT, CICC, at PNP upang matutukan ito.

Kung may mga polisiya na maaari nating ipanukala sa Kongreso para mas palakasin ang CICC at ang kanilang interagency capabilities, sisilipin natin ito. Hindi ko papayagang umiral ang mga operasyong ito sa mismong bakuran ng Kongreso."

Samantala, ipinahayag din ni DICT Secretary Henry Aguda ang kanyang pasasalamat at pagpuri kay Cong. Poe dahil sa kanyang aktibong suporta: “Kasama natin ngayon si Congressman Brian. At gaya ng nakikita ninyo, matapos ang aming budget hearing kanina, siya mismo ay nagpunta rito upang personal na makita kung paano natin ginagamit ang National Fund para isakatuparan ang mga ganitong operasyon. Mahalaga ang kanyang suporta upang maipakita na ang pondo ay tunay na napupunta sa laban kontra cybercrime.”

Ipinaalala rin ng Kongresista na ang kanyang adbokasiya laban sa ilegal na online gambling ay bahagi ng kanyang unang hakbang sa ika-20 Kongreso, at patuloy niya itong ipaglalaban.

“Sa loob ng tatlong araw lang mula nang italaga ang PNP personnel sa loob ng CICC, ito na agad ang resulta. Ipinapakita nito na kung whole-of-government approach ang gagamitin natin, mas malakas ang laban kontra ilegal na online gambling. Hindi lang online casino kundi pati online lottery ang problema—mula piso hanggang sampung piso ang taya kaya nakaaapekto ito sa pinakamahihirap. Kaya’t salamat sa lahat ng katuwang, lalo na sa ating budget defender na si Congressman Brian.” giit ni ED Paraiso ng CICC.

Muling iginiit ng mga awtoridad na ang mga ilegal na operasyon ay nag-aalis ng kita na dapat sana’y napupunta sa mga charity program ng PCSO, partikular para sa medikal na tulong sa mga nangangailangan. Hinimok din ng mga partner sa civil society ang publiko na i-report ang mga ilegal na operasyon ng sugal sa CICC hotline 1326 o sa DigitalPinoys.org.

12/09/2025

𝐌𝐀𝐒𝐂𝐎 𝐭𝐚𝐫𝐠𝐞𝐭 𝐦𝐚𝐧𝐠𝐢𝐛𝐚𝐛𝐚𝐰 𝐬𝐚 𝐁𝐚𝐭𝐚𝐧𝐠 𝐏𝐢𝐧𝐨𝐲
https://hatawtabloid.com/2025/09/12/masco-target-mangibabaw-sa-batang-pinoy/

TARGET ni Manila Sports Council (MASCO) Chief Dale Evangelista na mas maraming Pinoy na Batang Maynila ang maging Olympian.

“That’s my dream, but reality is very clear as MASCO with the support of Manila Mayor Isko Moreno is buckle up to work to make Manila – again, became the top sports city in the country,” pahayag ni Evangelista sa Tabloids Organization in Philippine Sports, Inc. (TOPS) ‘Usapang Sports’ kahapon sa PSC Conference room.

“The last Filipino so far na may double gold medal sa Olympic sa purong taga-Maynila,” saad ni Evangelista patungkol kay gymnast Carlo Yulo na laking Paraiso ng Maynila sa Malate.

Matapos maitalaga bilang MASCO Chief kaagad na inilatag ni Evangelista ang programa para palakasin ang kasanayan ng atletang Manileno mula sa grassroots hanggang sa elite level upang masiguro ang ‘continuity’ hindi lamang sa kanilang pagsasanay bagkus sa kanilang edukasyon.

Aniya, kagyat niyang inilunsad ang pagpapatupad sa mga programa sa mga barangays, pakikipagpulong sa mga opisyal na pampubliko at pribadong eskwelahan, higit ang pakikipag-ugnayan sa Philippine Sports Commission (PSC) sa liderato ni Chairman Pato Gregorio upang magamit ang mga pasilidad sa Pambansang training center.

“Sa Manila may mga existing spirts facilities naman tayo. Andyan ang Dapitan Sports Center at Tondo Sports Complex. Lahat yan ay under repair and maintenance na para magamit pero syempre malaking bagay sa Batang Maynila ang pagbubukas ni Chairman Gregorio sa pasilidad ng Rizal Memorial Sports Complex.

“Under kay Yorme Isko, kaya nating ibalik ang Manila bilang sports center sa bansa. Kakayanin natin yan at yan ang aming gagawin,” ayon kay Evangelista sa lingguhang forum na itinataguyod ng Philippine Sports Commission (PSC), Behrouz Persian Cuisine, Pocari Sweats at Lila Premium Healthy Coffee.

Iginiit ni Evangelista na nakatuon ang pansin ng MASCO na maagaw ang korona sa Pasig City sa gaganapig Batang Pinoy sa Oktubre 24 hanggang Nov. 1 sa Gen. Santos City kung saan sasabak angh Manila sa 15 sa 24 na sports na paglalabanan.

“Lahat syempre gusto nating madomina pero right now Malaki ang laban natin sa Batang Pinoy sa athletics, aquatics, boxing, gymnastics, karate, weightlifting, chess at taekwondo,” aniya.

Sa aquatics, katuwang niya sa pagpapalakas sa sports ang nakatatandang kapatid at beteranong swimming coach at event organizer na si Darren Evangelista.

Ilalarg ani Darren ang Yorme Swimming Cup bilanbg panimula na nakatakda sa Setyembre 27-28 sa Teofilo Yldefonso Swimming Center.

“So far 40 teams na nakalista and we expected na over 700 ang swimmers natin dito. Katuwang natin dito syempre ang Right Med at Balay Royale Spa. Aside from this, may tournaments din tayo sa running, weightlifting and golf,” ayon kay Darren. (𝙃𝙉𝙏)

𝘗𝘩𝘰𝘵𝘰 𝘤𝘢𝘱𝘵𝘪𝘰𝘯:

𝗠𝗚𝗔 𝗽𝗿𝗼𝗴𝗿𝗮𝗺𝗮 𝘀𝗮 𝗽𝗮𝗹𝗮𝗸𝗮𝘀𝗮𝗻 𝗻𝗴 𝗺𝗴𝗮 𝗯𝗮𝘁𝗮𝗻𝗴 𝗠𝗮𝗻𝗶𝗹𝗲𝗻𝗼 𝗶𝗻𝗶𝗹𝗮𝘁𝗮𝗴 𝗻𝗶 𝗠𝗮𝗻𝗶𝗹𝗮 𝗦𝗽𝗼𝗿𝘁𝘀 𝗖𝗼𝘂𝗻𝗰𝗶𝗹 (𝗠𝗔𝗦𝗖𝗢) 𝗖𝗵𝗶𝗲𝗳 𝗗𝗮𝗹𝗲 𝗘𝘃𝗮𝗻𝗴𝗲𝗹𝗶𝘀𝘁𝗮 (𝗸𝗮𝗹𝗶𝘄𝗮) 𝘀𝗶𝗺𝘂𝗹𝗮 𝗴𝗿𝗮𝘀𝘀𝗿𝗼𝗼𝘁𝘀 𝗵𝗮𝗻𝗴𝗴𝗮𝗻𝗴 𝗲𝗹𝗶𝘁𝗲 𝗹𝗲𝘃𝗲𝗹 𝗸𝗮𝘀𝗮𝗺𝗮 𝗮𝗻𝗴 𝗻𝗮𝗸𝗮𝘁𝗮𝘁𝗮𝗻𝗱𝗮𝗻𝗴 𝗸𝗮𝗽𝗮𝘁𝗶𝗱 𝗮𝘁 𝗯𝗲𝘁𝗲𝗿𝗮𝗻𝗼𝗻𝗴 𝘀𝘄𝗶𝗺𝗺𝗶𝗻𝗴 𝗰𝗼𝗮𝗰𝗵 𝗮𝘁 𝗲𝘃𝗲𝗻𝘁 𝗼𝗿𝗴𝗮𝗻𝗶𝘇𝗲𝗿 𝗻𝗮 𝘀𝗶 𝗗𝗮𝗿𝗿𝗲𝗻 𝗘𝘃𝗮𝗻𝗴𝗲𝗹𝗶𝘀𝘁𝗮 (𝗴𝗶𝘁𝗻𝗮) 𝗮𝘁 𝗶𝘀𝗮 𝗽𝗮𝗻𝗴 𝗠𝗔𝗦𝗖𝗢 𝗼𝗽𝗶𝘀𝘆𝗮𝗹 𝘀𝗮 𝗧𝗮𝗯𝗹𝗼𝗶𝗱𝘀 𝗢𝗿𝗴𝗮𝗻𝗶𝘇𝗮𝘁𝗶𝗼𝗻 𝗶𝗻 𝗣𝗵𝗶𝗹𝗶𝗽𝗽𝗶𝗻𝗲 𝗦𝗽𝗼𝗿𝘁𝘀, 𝗜𝗻𝗰. (𝗧𝗢𝗣𝗦) ‘𝗨𝘀𝗮𝗽𝗮𝗻𝗴 𝗦𝗽𝗼𝗿𝘁𝘀’ 𝗻𝗶𝘁𝗼𝗻𝗴 𝗛𝘂𝘄𝗲𝗯𝗲𝘀 𝘀𝗮 𝗣𝗦𝗖 𝗖𝗼𝗻𝗳𝗲𝗿𝗲𝗻𝗰𝗲 𝗿𝗼𝗼𝗺 𝘀𝗮 𝗥𝗶𝘇𝗮𝗹 𝗠𝗲𝗺𝗼𝗿𝗶𝗮𝗹 𝗦𝗽𝗼𝗿𝘁𝘀 𝗖𝗼𝗺𝗽𝗹𝗲𝘅 𝘀𝗮 𝗠𝗮𝗹𝗮𝘁𝗲, 𝗠𝗮𝘆𝗻𝗶𝗹𝗮. (𝗛𝗘𝗡𝗥𝗬 𝗧𝗔𝗟𝗔𝗡 𝗩𝗔𝗥𝗚𝗔𝗦)

12/09/2025

𝐂𝐡𝐚𝐢𝐫𝐦𝐚𝐧 𝐆𝐨𝐢𝐭𝐢𝐚: “𝐇𝐢𝐧𝐝𝐢 𝐊𝐚𝐢𝐥𝐚𝐧𝐦𝐚𝐧 𝐌𝐚𝐚𝐚𝐫𝐢𝐧𝐠 𝐈𝐩𝐚𝐠𝐛𝐢𝐥𝐢 𝐚𝐧𝐠 𝐃𝐢𝐰𝐚 𝐧𝐠 𝐢𝐬𝐚𝐧𝐠 𝐩𝐚𝐠𝐢𝐠𝐢𝐧𝐠 𝐏𝐢𝐥𝐢𝐩𝐢𝐧𝐨”
https://hatawtabloid.com/2025/09/12/chairman-goitia-hindi-kailanman-maaaring-ipagbili-ang-diwa-ng-isang-pagiging-pilipino/

ANO ang halaga ng isang bansa kung hindi nito kayang ipagtanggol ang sariling dangal? Ito ang mapanghamong tanong na ibinato ni Chairman Emeritus Dr. Jose Antonio Goitia habang buong puso niyang sinusuportahan ang pahayag ni Pangulong Ferdinand Marcos Jr. na ang soberanya ng Pilipinas ay hindi kailanman maaaring ipagpalit.

“Makatotohanan ang naging pahayag ng Pangulo,” diretsong sinabi ni Goitia. “Ang soberanya ay hindi paksa ng debate. Hindi ito isang bagay na pwedeng ipagpalit o ipagbili. Ito ang buhay ng ating bayan. At walang bansa, gaano man ito kalakas, ang may karapatang yurakan ito.”

Ipinaalala ni Goitia na hindi teorya lamang ang laban na ito. “Ito ay tungkol sa kinabukasan ng ating mga anak, sa pagkain sa hapag-kainan ng bawat pamilya , at sa kaligtasan ng ating karagatan. Kapag sinabi ng Pangulo na ang soberanya ay hindi maaaring ipagpalit, hindi siya basta nagbibitaw ng salita. Idinedeklara niya ang karapatan ng buong sambayanan na tumatangging apihin.”

Binalaan din niya na mapanganib ang kahit kaunting pagpapabaya. “Kapag pumayag tayong makompromiso, hindi lamang teritoryo ang nawawala kundi pati ang dangal natin bilang isang Pilipino. Kailangang maging matatag ang Pilipinas, at sa pamumuno ni Pangulong Marcos, tayo ay matinding naninindigan.”

Hinimok ni Goitia ang mga Pilipino na lubos magkaisa. “Araw-araw, hinaharap ng ating mga mangingisda ang banta sa karagatan. Ang ating mga sundalo ay inilalagay sa panganib ang kanilang buhay upang bantayan ang ating mga karagatan. Ang ating mga pinuno ay humaharap sa matinding hamon mula sa buong mundo. Ang pinakamaliit na magagawa natin ay tumindig kasama nila. Ang pagkakawatak-watak ay kahinaan. Ang pagkakaisa ang ating lakas. Ang soberanya ay tungkulin ng bawat Pilipino.”

Ipinahayag din ni Chairman Emeritus Goitia na ang multi-awarded na dokumentaryong "Food Delivery: Fresh from the West Philippine Sea" ay isang matibay na katotohanan kung bakit mahalaga ang laban na ito. “Ipinapakita ng pelikulang ito ang katotohanang kinatatakutan ng China. Ipinakikita nito ang ibat-ibang mukha ng ating mga mangingisda, ang paghihirap ng kanilang pamilya, at ang tapang ng sambayanang tumatangging yumuko. Hindi mo ito mapapanood nang hindi ka tatamaan.”

Dagdag pa ni Goitia, may isa pang mas malalim na pelikula na ginagawa ngayon. “Isang bagong pelikula ang binubuo na mas malawak ang saklaw sa araw-araw na hirap at pagsubok ng ating mga bayani sa West Philippine Sea. Ipapakita nito ang karahasan at pang-aabuso ng mga dayuhang mananakop, at ipaliliwanag nang malinaw ang ating tunay na karapatan sa ilalim ng pandaigdigang batas at ang tagumpay na nakuha natin sa UNCLOS. Ang pelikula ay ginagawa ng Blessed Movement sa pamumuno ni Chairman Herbert Martinez. Malapit na itong maipalabas, at bubuksan nito ang mata ng bawat Pilipino sa buong katotohanan.”

Ang panawagang ito ay pinaigting ng bigyang-diin ni National Security Adviser Secretary Eduardo Año na iligal ang deklarasyon ng China na gawing “nature reserve” ang Bajo de Masinloc dahil malinaw na nilalabag nito ang United Nations Convention on The law of the Seas (UNCLOS), ang 2016 Arbitral Award, at ang 2022 Declaration on the Conduct of Parties. Aniya, ito ay pagkukunwari lamang upang palawakin ang kanilang kontrol, samantalang ang mga mangingisdang Tsino mismo ang napatunayang sumira ng bahura at nanghuli ng mga endangered species. Buo ang suporta ng National Security Council (NSC) sa diplomatic protest na inihain ng Department of Foreign Affairs (DFA) laban sa iligal na hakbang na ito.

Tinapos ni Goitia ang kanyang pahayag nang walang alinlangan: “Hindi kailanman maaaring ipagbili ang diwa ng Pilipino. Ang ating mga dagat ay atin, ayon sa batas, ayon sa kasaysayan, at ayon sa sakripisyo. Sa pamumuno ni Pangulong Marcos at sa pagkakaisa ng sambayanan, hindi tayo kailanman susuko, hindi tayo bibitaw, at hindi tayo patatahimikin. Ang soberanya ay hindi maaaring ipagpalit, at panahon na upang igalang ito ng buong mundo.”

Si Dr. Jose Antonio Goitia ay kinikilala bilang Chairman Emeritus ng apat na makabayan at sibikong organisasyon: ang Alyansa ng Bantay sa Kapayapaan at Demokrasya (ABKD), People’s Alliance for Democracy and Reforms (PADER), Liga Independencia Pilipinas (LIPI), at Filipinos Do Not Yield (FDNY) Movement. (𝙈𝘼𝙍𝙄𝙎𝘼 𝙎𝙊𝙉)

ANO ang halaga ng isang bansa kung hindi nito kayang ipagtanggol ang sariling dangal? Ito ang mapanghamong  tanong na ibinato ni Chairman Emeritus Dr. Jose Antonio Goitia habang buong puso niyang sinusuportahan ang pahayag ni Pangulong Ferdinand Marcos Jr. na ang soberanya ng Pilipinas ay hindi kai...

12/09/2025

𝐏𝐁𝐁𝐌, 𝐛𝐢𝐠 𝐬𝐭𝐚𝐫𝐬, 𝐚𝐭 𝐭𝐨𝐩 𝐞𝐱𝐞𝐜𝐮𝐭𝐢𝐯𝐞𝐬 𝐬𝐚 𝐢𝐧𝐝𝐮𝐬𝐭𝐫𝐢𝐲𝐚, 𝐧𝐚𝐤𝐢𝐢𝐬𝐚 𝐬𝐚 𝐢𝐧𝐟𝐨𝐦𝐞𝐫𝐜𝐢𝐚𝐥 𝐧𝐠 𝐌𝐓𝐑𝐂𝐁
https://hatawtabloid.com/2025/09/12/pbbm-big-stars-at-top-executives-sa-industriya-nakiisa-sa-infomercial-ng-mtrcb/

𝘼𝙇𝘼𝙈 𝙈𝙊 𝙉𝘼!
𝙣𝙞 𝙉𝙤𝙣𝙞𝙚 𝙉𝙞𝙘𝙖𝙨𝙞𝙤

PORMAL na inilunsad ng Movie and Television Review and Classification Board (MTRCB) ang infomercial na “Bagong Pilipino, Tara, Nood Tayo!” isang pambansang kampanya ng pamahalaan para hikayatin ang mga Filipino na suportahan ang mga lokal na pelikula at programang pangtelebisyon.

Pinangunahan ito mismo ni Pangulong Ferdinand R. Marcos Jr., kasama ang Unang Ginang Liza Araneta-Marcos at ang buong Unang Pamilya.

Tiniyak ng Pangulo ang suporta ng administrasyon sa industriya ng pelikula at telebisyon.
“Kasama ang pribadong sektor, kaisa ninyo ako, ang aking pamilya at ang ating pamahalaan sa pagtangkilik sa pelikulang Filipino at mga programang pangtelebisyon, dahil ang bagong Filipino ay ipinagmamalaki ang kuwentong Pilipino,” sabi ng Pangulo.

Nagpasalamat naman si MTRCB Chairperson and CEO Lala Sotto sa pangulo, unang pamilya at ang industriya ng pelikula at telebisyon sa matibay na pagsuporta sa kampanya.

“Ang kampanyang ito ay sumasalamin sa ating sama-samang hangarin na itaguyod ang industriya ng pelikula at telebisyon habang isinusulong ang responsableng panonood sa pamilyang Filipino,” sabi ni Sotto.

Ibinahagi rin ng mga pangunahing network executives mula sa GMA, ABS-CBN, TV5 at ALLTV kung paano naging bahagi na ng bawat pamilyang Filipino ang mga palabas at pelikulang Filipino.

“Ang telebisyon at ang mga sinehan ay nagsisilbi ring pangalawa nating tahanan,” sabi ni AMBS-ALLTV President Maribeth Tolentino.

“Nanonood tayo ng mga programa dahil ayaw nating nagpapahuli sa balita at kuwentuhan,” sabi ni TV5 President and CEO Guido Zaballero.

“Invested tayo sa mga karakter na pinapanood natin na parang mga tunay na tao sa totoong buhay,” dagdag ni GMA Network Inc. Senior Vice President Atty. Annette Gozon-Valdes.

“More than just a memory of a happy story, we have invested ourselves in the characters of our TV shows and movies, at sa bawat karakter na kinakapitan natin, sila ay nagiging bahagi ng ating pamilya,” sabi naman ni ABS-CBN Corporation President and CEO Carlo Katigbak.

Ipinaalala ng multi-awarded director na si Cathy Garcia-Sampana na ang mga pelikula at teleserye ay “repleksiyon ng ating pagka-Pilipino,” habang binigyang-diin nina box-office stars Kathryn Bernardo at Alden Richards ang pagiging totoo at pagiging inklusibo ng ating industriya.

“Ito ang industriyang maituturing nating totoo at sariling atin,” sabi ni Bernardo. “Ang tunay na bida ng ating mga pelikula at telebisyon ay ikaw at ako, tayong mga Filipino,” dagdag ni Richards.

Ibinahagi rin ng mag-asawang Judy Ann Santos-Agoncillo at Ryan Agoncillo na ang telebisyon at pelikula ay nagsisilbing “ikalawang tahanan ng pamilyang Filipino.”

Samantala, sina Piolo Pascual, Coco Martin at Vic Sotto, bilang mga aktor at producer, ay umaasa sa mas masiglang industriya para sa susunod na henerasyon.

Nagpahayag naman ng katiyakan ang mga opisyal ng SM Supermalls, Ayala Mall at Robinsons na mananatiling buhay at maganda ang karanasan ng mga manonood sa sinehan.

“We are guided by the fact na ang pagpunta sa sinehan ay isang nominal experience,” sabi ni SM Supermalls President Steven Tan.

“We will make sure watching movies at cinemas is always a fantastic experience para sa lahat at palaging parte ng masasaya nating alaala,” saad ni Robinson Land Corporation Executive Vice President Faraday Go.

“And we honor the movie viewers by ensuring na ang mga sinehan will always represent a happy experience sa bawat manonood,” dagdag ni Ayala Mall Asset Management Head Jose Ramon Katipunan.

Binigyang-diin din nina Regal Entertainment President and CEO Roselle Monteverde at VIVA Communications Inc. President Vincent del Rosario na ang panonood ng pelikula kasama ang pamilya ay nananatiling isang masayang karanasan ng mga Filipino.

Naipalabas ang “Bagong Pilipino, Tara, Nood Tayo!” infomercial sa buong bansa sa pamamagitan ng tradisyonal at digital na plataporma kabilang ang mga sinehan, at naabot ang milyon-milyong manonood. Sa matibay na suporta ng pamahalaan at pakikipagtulungan ng mga TV network, filmmakers, producers, artista, at iba pang nasa industriya, ang kampanya ay nagsilbing isang pagdiriwang ng malikhaing talento at kakayahang magkuwento ng mga Filipino.

Binigyang-diin ni Sotto na patuloy ang dedikasyon ng Board na maprotektahan ang mga manonood, lalo na ang mga bata, mula sa posibleng mapanganib na palabas, habang sinusuportahan ang masining na paglikha sa bansa.

Sa pagsasama-sama ng publiko at pribadong sektor, malinaw ang panawagan: “Bagong Pilipino, Tara, Nood Tayo!”