News Desk Online Channel

News Desk Online Channel Mga Balitang sa iba't ibang rehiyon sa bansa

PBGEN ELMER RAGAY, BAGONG REGIONAL DIRECTOR NG PRO9, PORMAL NANG NAGSIMULA SA WESTERN MINDANAOPORMAL nang nagsimula sa k...
01/09/2026

PBGEN ELMER RAGAY, BAGONG REGIONAL DIRECTOR NG PRO9, PORMAL NANG NAGSIMULA SA WESTERN MINDANAO

PORMAL nang nagsimula sa kanyang bagong tungkulin bilang Regional Director ng Police Regional Office 9 o PRO9 si Police Brigadier General Elmer E. Ragay.

Sa kanyang mensahe, pinasalamatan ni PBGen Ragay ang mga kalalakihan at kababaihan ng PRO9 sa mainit at taos-pusong pagtanggap sa kanya sa kanyang bagong assignment sa Western Mindanao.

Ayon kay Ragay, higit pa sa mga seremonya at pormalidad, lubos niyang naramdaman ang sinseridad ng pagtanggap sa kanya at ang dedikasyon ng mga personnel sa kanilang tungkuling maglingkod at protektahan ang komunidad.

Binigyang-diin din ng bagong regional director ang kahalagahan ng pagkakaisa, integridad at sama-samang commitment sa serbisyo habang hinaharap ang mga hamon sa peace and order sa rehiyon.

Sa kanyang mensahe, sinabi ni PBGen Ragay:

“Muchisimas Gracias, Magsukul Kaniyo Katan, Maraming Salamat, PRO9, for the warm welcome. I am humbled and honored to serve with you.”

Inaasahan naman ang pagtutulungan ni PBGen Ragay at ng buong hanay ng PRO9 upang higit pang mapalakas ang pagpapatupad ng batas at paghahatid ng serbisyo-pulisya sa Western Mindanao.

📷 PRO 9

01/09/2026

IMUS RETARDING BASIN, OPISYAL NANG NA-TURN OVER SA CAVITE

PANOORIN: Inaasahang malaking tulong sa mga residente ng Imus City ang Imus Retarding Basin, na opisyal nang na-turn over sa Pamahalaang Panlalawigan ng Cavite ngayong Martes, Setyembre 1.

Pinangunahan ni Public Works and Highways Secretary Vince Dizon ang turnover ceremony, kasama si Interior and Local Government Secretary Jonvic Remulla.

Ang Imus Retarding Basin ay isang joint project ng Department of Public Works and Highways o DPWH at Japan International Cooperation Agency o JICA, na layong makatulong sa pagkontrol at pagbabawas ng pagbaha sa mga komunidad.

May lawak itong 35 hectares, o katumbas ng tinatayang 48 soccer fields, at may kapasidad na mag-imbak ng hanggang 1.12 milyong cubic meters ng tubig-ulan—katumbas ng humigit-kumulang 448 Olympic-size swimming pools.

Ayon kina Sec. Dizon at Sec. Remulla, mahalagang hakbang ang naturang proyekto upang mapababa ang panganib ng pagbaha sa Imus at mga kalapit na komunidad.

Ngunit binigyang-diin din ng dalawang kalihim na kailangan ang pagkakaisa ng lokal at pambansang pamahalaan upang matugunan ang problema sa pagbaha.

Giit nila, panahon na para hindi lamang sa salita nakatuon ang mga hakbang, kundi sa aktuwal na pagpapatupad ng mga proyektong makatutulong sa mga mamamayan.

🎥 PTV

BISITA SA BJMP TANZA, ARESTADO MATAPOS UMANONG MAKUMPISKAN NG HINIHINALANG DROGATANZA, CAVITE - Isang 49-anyos na babae ...
01/09/2026

BISITA SA BJMP TANZA, ARESTADO MATAPOS UMANONG MAKUMPISKAN NG HINIHINALANG DROGA

TANZA, CAVITE - Isang 49-anyos na babae ang inaresto ng mga tauhan ng BJMP sa BJMP Tanza matapos umanong matagpuan sa kanyang dalang gamit ang isang sachet ng hinihinalang ilegal na droga na nakatago sa loob ng isang sapatos.

Naganap ang insidente bandang alas-2 ng hapon nitong Agosto 30, 2026. Ayon sa paunang imbestigasyon, bumisita ang babae sa kanyang kapatid na kasalukuyang detainee sa BJMP Tanza kaugnay ng isang drug-related case.

Tinatayang 2.42 gramo ng hinihinalang droga ang nakumpiska, na may tinatayang street value na ₱16,456.

Nasa kustodiya na ng pulisya ang suspek habang inihahanda ang kaukulang kaso laban sa kanya.
Samantala, iginiit ng mga awtoridad na magpapatuloy ang mahigpit na pagbabantay upang hindi magamit ang mga pasilidad ng BJMP bilang daanan ng ilegal na droga.

“Walang puwang ang iligal na droga sa Bayan ng Tanza,” ayon sa alkalde ng bayan.

📷 MATRO BROS

31/08/2026

HVI ARESTADO SA LAS PIÑAS; ₱13.6-M HALAGANG SHABU NASAMSAM

Naaresto ng Philippine National Police Drug Enforcement Group o PNP DEG ang isang itinuturing na High-Value Individual (HVI) sa isinagawang buy-bust operation sa Barangay Manuyo Dos, Las Piñas City noong Agosto 29, 2026.

Kinilala ang suspek sa alyas na “Alvin,” 30 taong gulang.

Ayon sa PNP DEG, nasa 2,000 gramo o dalawang kilo ng hinihinalang shabu ang nasamsam sa operasyon, na may tinatayang standard drug price na ₱13.6 milyon.

Katuwang ng PNP DEG sa operasyon ang PDEA-NCR, PNP DEG Special Operations Unit-NCR, Southern Police District-Station Drug Enforcement Unit, at Las Piñas City Police Station.

Dinala ang suspek sa Las Piñas Police Station para sa dokumentasyon at kaukulang disposisyon, habang isinailalim naman sa laboratory examination ng PNP Forensic Group ang nakumpiskang hinihinalang shabu.

Patuloy ang imbestigasyon at paghahanda ng mga kaukulang kaso laban sa naarestong suspek.

🎥 PNP Drug Enforcement Group
Philippine National Police

GENERAL TRIAS CITY JAIL, BEST CITY JAIL OF THE YEARKinilala bilang “Best City Jail of the Year” ang General Trias City J...
30/08/2026

GENERAL TRIAS CITY JAIL, BEST CITY JAIL OF THE YEAR

Kinilala bilang “Best City Jail of the Year” ang General Trias City Jail – Male Dormitory sa pagdiriwang ng 35th BJMPRO-CALABARZON Anniversary noong Agosto 20, 2026.

Ang parangal ay pagkilala sa dedikasyon at mahusay na serbisyo ng mga jail personnel sa pagtupad ng kanilang tungkulin.

Kasama rin sa mga pinarangalan si General Trias City Mayor Luis “Jon-Jon” Ferrer IV, na kabilang sa mga tumanggap ng Local Government Unit (LGU) Award.

Ipinahayag ng alkalde ang kanyang pagbati sa mga jail personnel at binigyang-diin ang kahalagahan ng kanilang patuloy na dedikasyon sa paglilingkod sa publiko.

Isang tagumpay na ipinagmamalaki ng buong Lungsod ng General Trias! 🏆🇵🇭

📷 Mayor Jon-Jon Ferrer

BERNADETTE HERRERA, NAGKOMENTO SA RESULTA NG SPECIAL ELECTION SA DASMARIÑASNagbigay ng reaksyon si Bernadette Herrera ka...
30/08/2026

BERNADETTE HERRERA, NAGKOMENTO SA RESULTA NG SPECIAL ELECTION SA DASMARIÑAS

Nagbigay ng reaksyon si Bernadette Herrera kasunod ng resulta ng special election sa ikaapat na distrito ng Cavite, kung saan muling nagwagi ang isang Barzaga—si Dasmariñas Mayor Jennifer “Jenny” Barzaga.

Sa kanyang pahayag, kinuwestiyon ni Herrera ang umano’y malaking halagang ginastos ng pamahalaan para sa special election.
“What a waste of government resources!” ani Herrera.

Ayon sa kanya, tinatayang ₱200 milyon ang maaaring nagastos para sa special election—na nauwi umano sa pagkakapanalo muli ng isang Barzaga sa Kongreso.

Iginiit din ni Herrera na dapat pakinggan ang naging desisyon ng mga botante sa Dasmariñas.
Matatandaang pinatalsik ng Kamara si dating Congressman Francisco “Kiko” Barzaga, bago isinagawa ang special election para punan ang nabakanteng puwesto.

Sa halalan, pinili naman ng mga botante si Jenny Barzaga, na ina ni Kiko, bilang bagong kinatawan ng distrito.

Para kay Herrera, malinaw umano ang mensahe ng resulta ng halalan:

Maaaring nagkaroon ng desisyon ang Kongreso, ngunit nasa mga botante ang kapangyarihan ng boto.

“Congress may have had the numbers to expel him, but the people have the votes,” pahayag niya.

Kasabay nito, binati ni Herrera si Jenny Barzaga sa pagkapanalo at hinimok ang lahat na igalang ang naging pasya ng mga mamamayan.

Nanawagan din siya na tigilan na umano ang paggamit ng malaking pondo ng gobyerno para sa mga labanang pulitikal at hayaan ang taumbayan ang magpasya sa pamamagitan ng halalan.

“Kung gusto nating malaman ang totoong pulso ng taumbayan, sa halalan natin ito makikita. Hayaan nating ang tao ang magdesisyon,” dagdag ni Herrera.

JENNIFER BARZAGA, BAGONG KINATAWAN NG 4TH DISTRICT NG CAVITEDASMARIÑAS CITY, CAVITE — Nanalo at naiproklama bilang bagon...
30/08/2026

JENNIFER BARZAGA, BAGONG KINATAWAN NG 4TH DISTRICT NG CAVITE

DASMARIÑAS CITY, CAVITE — Nanalo at naiproklama bilang bagong kinatawan ng ika-4 na Legislative District ng Cavite si Dasmariñas City Mayor Jennifer “Jenny” Barzaga, matapos ang isinagawang special election noong Agosto 29.

Batay sa resulta ng halalan, nakakuha si Barzaga ng 201,893 boto mula sa kabuuang 258,361 na bumoto, katumbas ng 57.75 percent voter turnout sa lungsod ng Dasmariñas.

Papalitan ni Barzaga ang kanyang anak na si dating Congressman Francisco “Kiko” Barzaga, na inalis sa puwesto ng House of Representatives noong Hunyo 2, 2026.

Isinagawa ang special election upang punan ang nabakanteng puwesto matapos ma-expel si Kiko Barzaga dahil sa mga paglabag sa parliamentary rules, kabilang ang tinukoy na disruptive at disorderly conduct at iba pang asal na itinuring na hindi naaayon sa tungkulin bilang miyembro ng Kamara.

Pumangalawa sa halalan si dating Vice Mayor Raul Rex Del Rosario Mangubat na may 30,373 boto, habang sinundan siya ni dating konsehal Jacinto Bautista Frani Jr. na may 24,350 boto.

Sa madaling-araw ng Linggo, Agosto 30, pormal na ipinroklama ng District Board of Canvassers si Jennifer Barzaga bilang bagong kinatawan ng Cavite 4th District.

Courtesy: COMELEC

MALAKING PUNO, NATUMBA SA SAN MIGUEL 1, DASMARIÑAS; ILANG KABAHAYAN APEKTADO NG PAGKAWALA NG KURYENTEDASMARIÑAS CITY, CA...
29/08/2026

MALAKING PUNO, NATUMBA SA SAN MIGUEL 1, DASMARIÑAS; ILANG KABAHAYAN APEKTADO NG PAGKAWALA NG KURYENTE

DASMARIÑAS CITY, CAVITE — Humihingi ng agarang tulong ang mga residente ng San Miguel 1, Dasmariñas City, Cavite, matapos tumumba ang isang malaking puno sa playground ng lugar dahil sa malakas na hangin.

Ayon sa mga residente, nahagip ng natumbang puno ang mga linya ng kuryente na nakaapekto sa ilang kabahayan sa lugar.

Isa sa mga residente ang nag-ulat na umusok ang kanilang electric meter o kuntador, bago tuluyang nawalan ng suplay ng kuryente.

Dahil dito, nananawagan ang mga residente sa Meralco na agad na ma-inspect at maayos ang kanilang linya upang maiwasan ang posibleng electrical accident at maibalik ang suplay ng kuryente sa lalong madaling panahon.

Ayon sa mga residente, may mga senior citizen, bata at mga sanggol sa lugar na nangangailangan ng kuryente.

Hinihikayat naman ang publiko na huwag lumapit o humawak sa natumbang puno, mga kawad o electric meter, lalo na kung may posibilidad na may live electrical wires, at agad na i-report ang insidente sa mga awtoridad at sa Meralco.

Nananawagan ang mga residente para sa agarang aksyon at inspeksyon upang matiyak ang kaligtasan ng buong komunidad.

📷 Rose Rosane

27/08/2026

MAHIGIT 2.2 TONS NG DANGEROUS DRUGS NA NAGKAKAHALAGA NG ₱12.34 BILYON, SABAY SABAY NA SINIRA NG PDEA

TRECE MARTIRES CITY - Mahigit 2.2 metric tons ng dangerous drugs, na tinatayang nagkakahalaga ng ₱12.34 bilyon, ang tuluyang sinira ng Philippine Drug Enforcement Agency o PDEA.

Ayon sa PDEA, isinagawa ang pagsira sa mga nakumpiskang ilegal na droga sa pamamagitan ng thermal decomposition o controlled incineration sa Integrated Waste Management Incorporated, nitong Agosto 27, 2026.

Batay sa ulat, umabot sa 2,224,679.9705 gramo ng solid substances at 106,386.0500 mililitro ng liquid dangerous drugs ang isinailalim sa destruction process.

Pinakamalaki sa volume ang methamphetamine hydrochloride o shabu, na umabot sa tinatayang 1,774,023.9425 gramo, o mahigit 1.7 metric tons, na nagkakahalaga ng humigit-kumulang ₱12.06 bilyon.

Kabilang dito ang mga shabu na nakumpiska sa malalaking operasyon sa iba't ibang lugar, kabilang ang MIMAROPA at Valenzuela City, gayundin ang mga operasyong isinagawa kasama ang mga law enforcement partner sa Carmona, Cavite.

Sinira rin ang iba pang dangerous drugs, kabilang ang mahigit 433 kilo ng ma*****na, co***ne, M**A o ecstasy, methamphetamine, ketamine, nitrates, psilocybin, liquid ma*****na, liquid methamphetamine hydrochloride, at expired medicines.

Ayon kay PDEA Director General Undersecretary Isagani R. Nerez, ang aktibidad ay bunga ng tuloy-tuloy na operasyon ng mga awtoridad laban sa ilegal na droga at bahagi ng proseso para matiyak na ang mga nakumpiskang droga ay hindi na muling makababalik sa illegal drug market.

Giit ni Nerez, ang permanenteng pagsira sa mga nakumpiskang droga ay nagpapakita ng patuloy na pagkakaisa ng mga law enforcement agency sa pagpigil sa pagkalat ng ilegal na droga at pagprotekta sa mga komunidad.

Dumalo rin sa aktibidad ang mga kinatawan ng Dangerous Drugs Board, Philippine National Police, iba pang government agencies, law enforcement partners, at media.

Patuloy namang ipinahayag ng PDEA ang kanilang commitment sa mas pinaigting na kampanya laban sa ilegal na droga para sa isang mas ligtas at drug-free na Bagong Pilipinas. via Vincent Octavio -Cavite

PDEA

DALAWANG SUSPEK SA ROBBERY-HOLDAP ,ARESTADO NG CAVITE PNP .45 CALIBER NA BARIL NASAMSAM SA GENERAL TRIAS CITYGENERAL TR...
23/08/2026

DALAWANG SUSPEK SA ROBBERY-HOLDAP ,ARESTADO NG CAVITE PNP .45 CALIBER NA BARIL NASAMSAM SA GENERAL TRIAS CITY

GENERAL TRIAS CITY, CAVITE – Arestado ng mga operatiba ng pulisya ang dalawang suspek sa insidente ng robbery-holdap at paglabag sa Republic Act No. 10591 o Comprehensive Fi****ms and Ammunition Regulation Act, matapos ang isang hot pursuit operation dakong alas-2:45 ng madaling araw noong Agosto 22, 2026, sa Mayor’s Drive, Barangay Santiago, General Trias City, Cavite.

Kinilala ang mga suspek sa alyas na “KHAN,” 40 taong gulang, walang trabaho at residente ng Tropical Village, Barangay San Francisco, General Trias City, Cavite, na nahaharap sa paglabag sa RA 10591; at alyas “ROMIE,” 44 taong gulang, construction worker at residente rin ng nasabing lugar.

Batay sa paunang imbestigasyon, nakaranas ng aberya ang sasakyan ng complainant na alyas “RISH,” 24 taong gulang, habang bumibiyahe sa Mayor’s Drive kaya napilitan siyang huminto sa gilid ng kalsada. Habang sinusuri niya ang kaniyang sasakyan, dumating ang mga suspek sakay ng isang motorsiklo.

Lumapit umano ang isa sa mga suspek sa complainant at, habang nakatutok ang baril, nagdeklara ng holdap. Kinuha nito ang mga personal na gamit ng biktima na kinabibilangan ng isang MacBook laptop, isang iPhone 13, isang susi ng Toyota Wigo, isang hard drive, at isang Seiko wristwatch na may kabuuang tinatayang halaga na ₱76,000.00.

Agad na iniulat ng complainant ang insidente sa mga tauhan ng Sector 5 at nagbigay ng paglalarawan sa mga suspek. Ayon sa kaniyang salaysay, ang isa sa mga suspek ay nakasuot ng asul na jersey na may nakasulat na “Phase 2” at numerong “11,” habang ang isa naman ay nakasuot ng itim na sando at itim na denim shorts. Pareho silang may suot na itim na helmet at tumakas patungo sa Barangay San Francisco sakay ng itim na motorsiklo.

Matagumpay namang natunton ang cellphone ng complainant at natukoy ang lokasyon nito sa Pabahay 2000, Tropical Village. Dahil dito, agad nagsagawa ng hot pursuit operation ang mga tauhan ng Sector 5, kasama ang complainant.

Nang matagpuan ang mga suspek, positibong kinilala sila ng complainant bilang mga taong sangkot sa insidente. Nakumpiska mula sa kanilang posesyon ang isang MacBook laptop, isang iPhone 13, at isang susi ng Toyota Wigo na pag-aari ng complainant. Nakumpiska rin ang dalawang helmet na ginamit umano ng mga suspek at ang kanilang getaway vehicle na isang itim na Rusi motorcycle na may conduction sticker number na 1303-200968.

Samantala, nakumpiska mula kay alyas “KHAN” ang isang C**t Combat Commander caliber .45 pistol na may serial number 102221, dalawang magazine para dito, at walong bala.

Ipinaalam sa dalawang suspek ang kanilang mga karapatang konstitusyonal sa wikang kanilang nauunawaan. Matapos nito, sila ay dinala at itinurn-over sa General Trias City Police Station dakong alas-3:00 ng hapon ng parehong araw para sa kaukulang disposisyon at pagsasampa ng nararapat na kaso.

Patuloy ang pagsisikap ng kapulisan na mapanatili ang kapayapaan at seguridad sa komunidad at mapanagot ang mga indibidwal na sangkot sa mga krimen.

📷 PNP CAVITE

Address

Manila

Website

Alerts

Be the first to know and let us send you an email when News Desk Online Channel posts news and promotions. Your email address will not be used for any other purpose, and you can unsubscribe at any time.

Shortcuts

Share

Category