Ang Bukal - Bucal NIS

13/12/2025

𝘽𝘼𝙇𝙄𝙏𝘼𝙉𝙂 𝙇𝘼𝙏𝙃𝘼𝙇𝘼𝙄𝙉 II NAKAEENGANYONG PAGKAPANALO:
Magkasunod na Tagumpay ng Pulo ni Sara ES sa Kawayan Festival ng Maragondon

Matitingkad na kulay ng kasuotang tila ba nangingiliti sa paningin ng mga manonood ang nakabalot sa katawan ng mga mananayaw na umiindak ang mga bewang habang nakababad na lumalakad sa ilalim ng tirik ng araw. Ganyan ipinagdiriwang taon-taon ang Kawayan Festival na patuloy nilalahukan ng mga mag-aaral mula sa mga paaralang bumubuo sa bayan nito.

Sa gitna ng kalsadang bumubuo sa bayan ng Maragondon, kung saan ginaganap ang Street Dancing Competition, isa ang Paaralang Elementarya ng Pulo ni Sara sa mga kalahok at nag-uwi ng titulo ng pagkapanalo. Si Altricialyn Bashan, 12, isa sa mga mananayaw na nagrepresenta ng kanilang paaralan ang buong pusong natutuwa sa kanilang ikalawang beses na pagkapanalo sa patimpalak.

“Sobrang saya po kasi sulit yung pagod”, saad ni Altricialyn nang may tamis sa kanyang tinig.

Sa likod ng kanilang pagkapanalo, ay ang hangaring maipakita ang kanilang galing at talento, sa kabila ng takot sa mga salitang kanilang maririnig kung sakaling magkamali.

“Gusto naming mairepresenta yung school po namin at maipakita po yung kultura ng Maragondon. Pero yung paghihirap din po na pag nagkamali ka, marami pong magjujudge,” ani Altricialyn.

Sa kabilang banda, si Lester Digma, 26, kanilang tagapagsanay, ay nabigyan lamang ng tatlong linggo upang sanayin ang mga bata sa darating na kompetisyon.

“Ang sabi ko sa kanila, basta mag-enjoy lang sila, magiging maganda yung kalalabasan n’yan”, paglalahad ni Lester, habang may malumanay na tono sa pananalita.

Hindi maikakaila na hindi naging madali ang daanang kanilang tinahak, dahil bukod sa pagod, kinakailangan din niyang disipilinahan ang mga bata sapagkat may mga pagkakataong malaro ang mga ito.

“Yung mga bata talaga karamihan sa kanila is walang experience sa pagsasayaw, so gusto lang nilang maexperience ang street dancing. Pag practice, malaro sila, pero pag laban na, serious talaga sila, laban kung laban”, salaysay ni Lester.

Dahil dito, nagawa nilang mabuo nang maayos at nakapupukaw atensyon ang kanilang sayaw sa init ng kalsada maging sa loob ng plaza. Sa huli, muli nilang naiuwi ang panalo sa ikalawang pagkakataon ng pakikipagtagisan sa patimpalak.

“Sobrang saya, parang teacher, lahat ng tinuro ko, nakikita mo na may nangyayari. Kasi syempre karangalan nila, karangalan ko rin.” Dagdag pa ni Lester.

Mula sa matitingkad na kulay ng kanilang kasuotan hanggang sa init ng kanilang siglang dala sa kalsada, naging patunay ang mga mananayaw na lumiliwanag ang kultura ng Maragondon sa bawat indak. Sa kanilang muling pagwawagi, pinatunayan nilang ang Kawayan Festival ay hindi lamang selebrasyon, kundi isang saksi ng talento ng bawat kabataan sa bayan ng Maragondon.

Balitang lathalain isinulat ni Cherry Rose Binauhan
Dibuho ni Akeo Esguerra
Larawan kuha ni Marc Jharred Borbon

07/12/2025

𝙏𝙄𝙉𝙂𝙉𝘼𝙉 II Nag-pakitang gilas ang ating mga mag-aaral sa baitang 12 sa National Reading Month literary parade noong Disyembre 2, 2025 sa Bulwagan ng karunungan sa loob ng Bucal National Integrated School (BNIS)

larawan kuha ng AngBukal at TheSpring Photojournalists

06/12/2025

𝙂𝙪𝙝𝙞𝙩𝘽𝙪𝙠𝙖𝙡 II ‎Sa sinabi ni Secretary Roque na kaya raw pagsamahin sa ₱500 ang noche buena, napaisip tuloy ang marami kung anong bersyon ng Pasko ang tinutukoy niya—yung sa grocery, o yung sa multiverse kung saan hindi ramdam ng sahod ang inflation. Pero sa tingin natin kasya naman talaga ang ₱500 sa noche buena kasya ito sa:

Ham.

Dibuho ni Prince Charles Diño

06/12/2025

𝙏𝙄𝙉𝙂𝙉𝘼𝙉 II Sa pag tatapos ng nag daang West Unit Festival of Talents 2025 - Filipino na isinagawa noong disyembre 3, 2025 sa Bucal National Integrated School, ating pinarangalan ang mahuhusay na komitee na nag silbing hurado at gurong tagapayo sa mga manlalahok, Isang mainit na pasasalamat ang aming ihahandog sainyong mahusay na pakikiisa sa naganap na programa!

larawan kuha ng AngBukal at TheSpring Photojournalists

05/12/2025

𝙏𝙄𝙉𝙂𝙉𝘼𝙉 II Sa muling pag-sabak ng ating pambato na si Victor Allan King, matagumpay nya ulit na inuwi ang pangatlong parangal sa nag daang West Unit Festival of talents 2025 - Filipino sa kategoryang Bidyokasiya.

Isang mainit na pag bati muli saiyo Victor Allan king, buong puso kang ipinagmamalaki ng ating sintang paaralan!

03/12/2025

𝙏𝘼𝙃𝙄𝙍𝘼𝙒𝘼𝙉 II Nagpakitang gilas ang mga mag-aaral ng iba't ibang paaralan ng masiklab na talastasan ng Tahirawan sa Bucal National Integrated School ngayong Disyembre 03, 2025.

03/12/2025

𝙇𝙄𝙆𝙃𝘼𝙒𝙀𝙉𝙏𝙊 II Mula sa simpleng pananalita sa gitna ng entablado, tungo sa malikhaing pagkekwento ng mga mag-aaral ng baitang tatlo galing sa iba't-ibang paaralan ng West Unit, matagumpay na naitawid ng mga ito ang kanilang pakikipagtagisan ng talento.

larawan kuha ng AngBukal at TheSpring PhotoJournalists

03/12/2025

𝙏𝙄𝙉𝙂𝙉𝘼𝙉 II Sa kauna-unahang pagkakataon, ating sama-sama saksihan ang pagdiriwang ng iba’t ibang angking talento ng bawat mag-aaral mula sa west unit. Simula sa malilikhaing pag-iisip ng mga mag-aaral sa elementarya, hanggang sa talas ng pananalita ng mga estudyante sa sekondarya, tunay na kapana-pananabik ang mga kaganapan kaya’t abangan pa ang mga susunod na pangyayari.

larawan kuha ng AngBukal at The Spring PhotoJournalists

03/12/2025

03/12/2025

𝙏𝙄𝙉𝙂𝙉𝘼𝙉 II Pampasiglang Bilang ng BNIS Dance troupe Isinagawa ngayon sa Opening Program ng WEST UNIT Festival of Talents 2025

larawan kuha ni Erich Ancayan