Radyo Pilipinas Marawi

11/08/2026

𝐂𝐄𝐍𝐓𝐑𝐀𝐋𝐈𝐙𝐄𝐃 𝐒𝐂𝐇𝐎𝐎𝐋 𝐒𝐀 𝐆𝐑𝐎𝐔𝐍𝐃 𝐙𝐄𝐑𝐎, 𝐔𝐍𝐓𝐈-𝐔𝐍𝐓𝐈𝐍𝐆 𝐈𝐇𝐀𝐇𝐀𝐍𝐃𝐀 𝐒𝐀 𝐏𝐀𝐆𝐁𝐔𝐁𝐔𝐊𝐀𝐒

Unti-unti nang inihahanda ang pagbubukas ng Centralized School sa Ground Zero kasabay ng unti-unting pagbabalik ng mga residente sa mga apektadong lugar, ayon kay Islamic City of Marawi Vice Mayor Sultan Majul Gandamra.

Sa panayam, sinabi ng bise alkalde na hindi pa ganap na nakababalik ang lahat ng mga residente sa Ground Zero, kaya isinasagawa rin nang paunti-unti ang mga hakbang para sa pagbubukas ng paaralan.

Ayon kay Gandamra, sa tamang panahon ay bubuksan din ang Centralized School upang makapagbigay ng mas madaling akses sa edukasyon para sa mga mag-aaral na muling naninirahan sa lugar.
Dagdag pa niya, may mga programa ang Department of Education (DepEd) para sa augmentation ng mga school buildings at faculty, bilang suporta sa mga pangangailangan ng mga paaralan.

Ipinaliwanag din ng bise alkalde na sa pamamagitan ng pagtutulungan ng DepEd, Ministry of Basic, Higher and Technical Education (MBHTE), at ng lokal na pamahalaan, may mga programang nakahanda upang makapagpatayo ng mga bagong paaralan sa mga lugar na nangangailangan pa ng karagdagang pasilidad. | Ulat ni Mohammad Nadhif R. Hadji Nabel

11/08/2026

𝐏𝐂𝐒𝐎, 𝐧𝐚𝐤𝐚𝐭𝐮𝐥𝐨𝐧𝐠 𝐬𝐚 𝐟𝐢𝐫𝐬𝐭-𝐠𝐞𝐧𝐞𝐫𝐚𝐭𝐢𝐨𝐧 𝐠𝐫𝐚𝐝𝐮𝐚𝐭𝐞 𝐧𝐚 𝐦𝐚𝐤𝐚𝐩𝐚𝐠𝐭𝐚𝐩𝐨𝐬 𝐧𝐚 𝐂𝐮𝐦 𝐋𝐚𝐮𝐝𝐞

Nakatulong ang Philippine Charity Sweepstakes Office (PCSO) kay Patricia Chua, ang unang college graduate sa kanilang pamilya, upang makapagtapos ng Bachelor of Science in Tourism Management bilang cm laude sa National Teachers College.

Si Chua ay kabilang sa mahigit 22,000 estudyanteng nabigyan ng educational assistance ng PCSO mula 2022, na umabot na sa mahigit ₱375 milyon.

Ayon kay Chua, naging malaking tulong ang financial assistance upang maipagpatuloy niya ang pag-aaral sa kabila ng hirap sa buhay at limitadong kita ng kanyang pamilya.

Aniya, ang kanyang Latin honor ay bunga rin ng sakripisyo at suporta ng kanyang pamilya, at nais niyang balang araw ay makatulong din sa ibang estudyanteng nahaharap sa parehong pagsubok.

Ayon kay PCSO General Manager Melquiades “Mel” Robles, ipinapakita ng tagumpay ni Chua kung paano nakatutulong ang educational assistance upang mabago ang buhay ng isang estudyante at ng kanyang pamilya.

11/08/2026

PANOORIN | Naniniwala si House Prosecutor at Bicol Saro Party-list Rep. Terry Ridon na nananatiling nakatutok ang Prosecution Panel sa kanilang tungkulin na ilabas ang katotohanan at papanagutin si Vice President Sara Duterte.

Binigyang-diin ni Ridon na hindi sila malilihis ng mga "walang basehang paratang" ni Baguio City Mayor Benjamin Magalong na layon umano nitong wasakin ang kredibilidad ng mga miyembro ng prosecutorial team.

Dagdag pa ng mambabatas, mas mabuting pagtuunan na lamang ng pansin ng alkalde ang kanyang mga kababayan sa Baguio na kasalukuyang apektado ng matinding pagbaha. | via Melany Reyes

11/08/2026

Pinuri ni Pangulong Ferdinand R. Marcos Jr. si Gen. Antonio Nafarrete sa pagpapatatag ng kahandaan, modernisasyon, at kapakanan ng mga sundalo ng Philippine Army.

Sa kanyang pag-upo bilang bagong lider ng Armed Forced of the Philippines (AFP), nagpahayag ang Pangulo ng tiwala sa kanyang disiplina at dedikasyon sa pagtatanggol sa bansa at paglilingkod sa sambayanang Pilipino.

11/08/2026

ICYMI | Personal na sinuri ni Pangulong Ferdinand R. Marcos Jr. ang isinasagawang flood-control operations sa Las Piñas City, kabilang ang paggamit ng high-vacuum self-priming drainage trailer pump upang mapababa ang tubig sa Alido River at makatulong na maiwasan ang pagbaha sa mga kalapit na lugar.

Inatasan din ng Pangulo ang DPWH na tapusin na ang mga na-delay na Las Piñas spillway.

11/08/2026

BREAKING NEWS | VP Duterte kinasuhan na ng reklamong grave threats sa QC RTC ayon sa DOJ.

Kinumpirma ng Department of Justice na naisampa na sa Korte ang ang reklamong grave threats laban kay Vice President Sara Duterte.

Ito ay kaugnay sa kanyang pahayag noong 2024 na nagsabing kumuha umano siya ng isang hitman upang ipapatay sina Pangulong Ferdinand Marcos Jr., First Lady Liza Araneta Marcos, at dating House Speaker Martin Romualdez sakaling siya ay mapatay.

Ayon kay Justice Spokesperson Atty. Polo Martinez kaninang ala una y media ng hapon isinampa sa Office of the Clerk of Court ng Quezon City Regional Trial Court ang reklamo.

Sa ngayon inaasahan na magkakaroon ng maikling pulong balitaan sa DOJ para sa karagdagang detalye. | via DK Zarate

11/08/2026

- KFCIAAS | August 11, 2026

11/08/2026

Tiniyak ng Commission on Elections (COMELEC) na nakahanda sila para sa Barangay at Sangguniang Kabataan Elections (BSKE) sa November 2.

Ayon kay COMELEC Chair George Erwin Garcia kung ipatawag sila sa Kongreso, isa lang ang kanilang sasabihin at ito ay nakahanda sila sa BSKE. | ulat ni DK Zarate

Tiniyak ng Commission on Elections (COMELEC) na nakahanda sila para sa Barangay at Sangguniang Kabataan Elections (BSKE) sa November 2. Ginawa ang pahayag kasunod ng mga panukalang batas sa Kongreso…

11/08/2026

Inihanda na ng Department of Agriculture (DA) ang ₱106.5 milyong halaga ng agricultural aid para sa ating mga magsasakang naitakdang maapektuhan ng pinagsamang epekto ng Bagyong Luis, Maymay, at ng Habagat.

“Mas mabilis nating maproseso ang mga ito, mas mabilis na makakabawi ang ating mga magsasaka at makakabalik sa produksyon.” — DA Sec. Francisco Tiu Laurel Jr. | PBS Digital Media

Detalye: https://radyopilipinas.ph/2026/08/11/da-naghanda-ng-p106-5-m-tulong-sa-magsasakang-naapektohan-ng-mga-bagyo-at-habagat/

11/08/2026

Unti-unti nang naibabalik ang internet at mobile services sa mga lugar na naapektuhan ng Habagat.

Ayon sa Department of Information and Communications Technology (DICT), 23 probinsya sa apat na rehiyon ang may tuloy-tuloy nang restoration ng connectivity. | ulat ni Rey Ferrer

Unti-unti nang naibabalik ang internet at mobile services sa mga lugar na naapektuhan ng Habagat. Ayon sa Department of Information and Communications Technology (DICT), 23 probinsya sa apat na…