26/06/2025
Viva!
π·PAG βAMPO ALANG SA MAHAL NGA
BIRHEN DE LOS REMEDIOSπΉ
O Rayna sa langit ug yuta, labing Balaang Birhen Maria, nagpasidungog kami kanimo.
Ikaw ang pinalanggang Anak nga Babaye sa Labing Halangdon nga Diyos,
Ang piniling Inahan sa Pulong nga nahimong Tawo, ang Putli nga Esposa sa Espiritu Santo ug Balaang Punduhananan sa Santisima Trinidad.
O Inahan sa Balaang Manunubos, kinsa nga ubos sa titulo nga Among Mahal nga Birhen de los Remedios, kanunay andam sa pagtabang sa tanan nga mosangpit kanimo, ipadangat kanamo ang imong inahanong pagpanalipod.
Kami nagasalig kanimo, Mahal nga Inahan,nga daw sama sa mahuyang ug nanginahanglang mga anak ngadto sa malumo ug maamomahong Inahan.
Maghimaya Ka Mariaβ¦
Santa Mariaβ¦
O Mahal nga Birhen de los Remedios, tuburan sa walay pagkapakyas nga panabang, itugyan nga kami mokuha gikan sa panudlanan sa imong mga grasya sa panahon nga kami nagkinahanglan. Hikapa ang kasingkasing sa mga makasasala, aron hikaplagan nila ang panaghiuli ug pagpasaylo. Hupaya ang mga naglisod ug nanagsubo;
tabangi ang mga kabus ug ang mga nawad-an sa paglaum; tabangi ang mga adunay balati-an ug ang mga nag-antos sa kasakit. Hinaut nga mamaayo ug mobaskog ang ilang espiritu aron molahutay sa mga pag-antos nga puno sa kamapailubon ug Kristohanong Kalig-on.
Maghimaya Ka Mariaβ¦
Santa Mariaβ¦
Mahal namong Birhen de los Remedios, tuburan sa walay pagkapakyas nga panabang, ang imong maloloy-ong kasingkasing nasayod sa mga paagi sa pag-alim sa matag kasakit ug kalisod nga among nahiaguman sa kinabuhi.
Tabangi kami sa imong pag-ampo ug pagpataliwala alang sa kahupayan sa among mga suliran ug mga panginahanglan.
(Dinhi ibungat ang tagsa-tagsa ka mga katuyuan.)
Sa akong kabahin, mahigugmaong Inahan, akong gitahan ang akong kaugalingon ngadto sa mas mainitong Kristohanong pagpuyo, ngadto sa mas mainampingong pagsunod sa mga balaod sa Ginoo, nga mas magmasulundon sa pagtuman sa mga obligasyon sa kahimtang ning kinabuhi ug maningkamot nga mamahimong tuburan sa pag-alim ning atong kalibutan nga nagusbat.
Hinigugma namong Birhen de los Remedios, ubani ako kanunay, ug pinaagi sa imong pagpataliwala, matagamtam ko unta ang kahimsog sa lawas, ang kalinaw sa hunahuna ug magtubo nga malig-on diha sa pagtoo ug sa gugma sa Imong Anak nga si Hesus.
Maghimaya Ka Maria....
Santa Maria
Ig-ampo mo kami, O Santa nga Inahan de los Remedios
Nga mahimong mapalawom ang among paghalad ngadto sa Imong Anak ug makapahimo sa kalibutan nga buhi diha sa Iyang Espiritu.
Amen
