https://www.facebook.com/105406908387905/

Tinig Media, Marilao (2025)

03/07/2025

𝐈𝐍𝐀𝐀𝐒𝐀𝐇𝐀𝐍𝐆 𝐌𝐀𝐋𝐀𝐋𝐀𝐊𝐀𝐒 𝐍𝐀 𝐏𝐀𝐆-𝐔𝐋𝐀𝐍 𝐒𝐀 𝐋𝐔𝐙𝐎𝐍 𝐀𝐓 𝐖𝐄𝐒𝐓𝐄𝐑𝐍 𝐕𝐈𝐒𝐀𝐘𝐀𝐒 𝐃𝐀𝐇𝐈𝐋 𝐒𝐀 𝐋𝐏𝐀 𝐀𝐓 𝐇𝐀𝐁𝐀𝐆𝐀𝐓

𝙼𝚒𝚌𝚊 𝙳𝚘𝚖𝚒𝚗𝚐𝚘 | 𝙹𝚞𝚕𝚢 𝟹, 𝟸0𝟸𝟻

Manila – Inaasahang magpapatuloy ang malalakas na pag-ulan sa malaking bahagi ng Luzon at Western Visayas ngayong araw bunsod ng Low Pressure Area (LPA) at umiiral na habagat o southwest monsoon, ayon sa Philippine Atmospheric, Geophysical and Astronomical Services Administration (PAGASA).

Ayon sa pinakahuling ulat ng weather bureau, namataan ang LPA sa layong 330 kilometro silangan ng Casiguran, Aurora. Bagamat mababa pa ang tsansa nitong maging ganap na bagyo, pinapalakas nito ang habagat na siyang nagdadala ng mga pag-ulan sa kanlurang bahagi ng bansa.

Kabilang sa mga rehiyong apektado ang Metro Manila, Ilocos Region, Cordillera Administrative Region, CALABARZON, MIMAROPA, at Western Visayas, kung saan inaasahan ang katamtaman hanggang sa malalakas na buhos ng ulan na maaaring magdulot ng flash floods at landslides, lalo na sa mga mababa at bulubunduking lugar.

Nagpaalala ang PAGASA sa publiko na maging mapagmatyag at sumubaybay sa mga weather bulletin, lalo na ang mga naninirahan malapit sa mga ilog, bundok, at tabing-dagat.

Patuloy rin ang koordinasyon ng mga lokal na pamahalaan sa disaster response teams upang matiyak ang kaligtasan ng mamamayan. Sa ilang lugar, naka-alerto na ang mga evacuation center sakaling lumala ang lagay ng panahon.

Bagama’t normal na bahagi ng panahon sa Hulyo ang habagat, pinapaalalahanan pa rin ang lahat na huwag ipagsawalang-bahala ang anumang babala, dahil ang ilang minutong malakas na ulan ay maaaring magbunga ng panganib sa buhay at ari-arian.

03/07/2025

Walang Pasok sa mga sumusunod na lugar sa Biyernes, Hulyo 4, dahil sa inaasahang sama ng panahong dulot ng habagat at low pressure area.

LAHAT NG ANTAS (public at private)

Bataan

Ilocos Sur
- Santiago
- Tagudin

La Union
- Sudipen

Pangasinan
- Manaoag (face-to-face classes only)
- Pozorrubio
- Umingan

Pampanga
- Candaba (face-to-face classes only)
- Masantol

Tarlac
- La Paz (face-to-face classes only)

ELEMENTARY HANGGANG GRADE 12 (public at private)

Cavite

Pampanga
- Macabebe (face-to-face classes only)

PRE-SCHOOL HANGGANG GRADE 12

Dagupan City (face-to-face classes only)

PRE-SCHOOL HANGGANG ELEMENTARY

La Union
-Bauang

03/07/2025

LOW PRESSURE AREA (LPA) AT HABAGAT, MAGDUDULOT NG PAG ULAN SA ILANG BAHAGI NG LUGAR SA LUZON.

Shaira Dacanay| July 03, 2025

Nagbabanta ang patuloy pagpasok ng Low Pressure Area (LPA) sa ating bansa na sa ngayon ay mas lumalakas pa. Ayon sa DOST - PAGASA, inaasahan ang malakas na pag-ulan sa iba't ibang lugar sa luzon dahil sa sinasabing Low Pressure Area (LPA)at Southwest Monsoon. Ang forecast para sa Cagayan, Batanes, Apayao, Abra, Kalinga, at Ilocos Norte ay 100-200 mm at 50-100 mm. Ang Southwest Monsoon ay inaasahang magdadala rin ng 50-100 mm at 100-200mm sa Pangasinan, Zambales, Bataan, Occidental Mindoro, Metro Manila, Ilocos Sur, La Union, Benguet, Ifugao, Mountain Province, Tarlac, Pampanga, Bulacan, Rizal, Laguna, at Cavite.

Maaaring mas mataas ang pagtataya sa mga bulubundukin at matataas na lugar, at maaaring lumala ang epekto nito sa ilan pang mga lugar. Sa ngayon ay patuloy pa rin binabantayan ng PAG ASA ang panahon.

Paalala sa ating mga kababayan na huwag kalimutan ang payong na panangga sa ambon o ulan tuwing lalabas ng bahay. Siguraduhin laging handa ang mga gamit sa emergency at manatiling updated sa balita at anunsyo.

03/07/2025

𝐓𝐑𝐔𝐂𝐊 𝐁𝐀𝐍 𝐒𝐀 𝐌𝐀𝐑𝐈𝐋𝐀𝐎, 𝐃𝐀𝐏𝐀𝐓 𝐓𝐔𝐓𝐔𝐊𝐀𝐍!

Michael Garza l July 3, 2025

MARILAO, BULACAN — Muling nabibigyang pansin ang pagpapatupad ng Truck Ban Ordinance sa bayan ng Marilao, lalo na sa gitna ng mga reklamo ng mga residente ukol sa hindi pagsunod ng ilang truck drivers sa itinakdang oras ng pagbabawal.

Ayon sa ipinost ng Barangay Lambakin Marilao Official page, mahigpit ang pagpapatupad ng Municipal Ordinance No. 2023-1011 kung saan ipinagbabawal ang pagdaan ng mga truck mula 5:00 AM hanggang 9:00 AM at 4:00 PM hanggang 8:00 PM sa mga pangunahing lansangan gaya ng:

M. Villarica Road

Patubig Road

Sta. Rosa 1 & 2 Road

M. Santiago Road

Gayunpaman, tila hindi lahat ay sumusunod sa kautusang ito — partikular sa Barangay Lias, kung saan madalas pa ring dumaan ang mga truck sa mga oras ng pagbabawal, lalo na sa Lias Road na nagsisilbing daanan ng mga estudyante ng Marilao S Trade School.

“Lalo na po kapag oras ng labasan ng mga estudyante, delikado po talaga. Halos dikit-dikit na ang mga sasakyan. Paano pa kung may malalaking truck?”, ani ng isang magulang na naghatid ng anak sa naturang paaralan.

Ito ay isang hamon sa bagong alkalde ng Marilao, Atty. Jem Sy, na agarang aksyunan ang pagpapatupad ng ordinansa, hindi lamang sa papel kundi sa aktwal na lansangan.

Panawagan ng publiko ang mas maigting na presensya ng mga awtoridad, tulad ng mga enforcer o barangay tanod sa mga critical na oras ng truck ban, lalo na sa mga lugar na malapit sa paaralan, upang matiyak ang kaligtasan ng mga estudyante at pedestrian.

Kung nais ng lokal na pamahalaan na maging epektibo ang ordinansa at magdulot ng ginhawa sa mga mamamayan, kinakailangang mayroong mahigpit na implementasyon, monitoring, at parusa sa mga lalabag. Hindi sapat ang signage lamang; kailangan ng tunay na aksyon.

“Kung may ordinansa pero hindi ipinatutupad, para saan pa?”, dagdag pa ng isa pang residente ng Lias.

Sa dulo, ang tunay na tagumpay ng isang patakaran ay nasusukat sa kung paano ito ipinapatupad sa kalsada—at hindi lang sa post sa Facebook.

02/07/2025

JUST IN: Class suspensions for Thursday, July 3, 2025, due to inclement weather.

Valenzuela City- Kinder to college, public and private (No in-person classes)

Pasig City - Kinder to senior high school, early childhood care development, and alternative learning system, public and private (No in-person classes)

02/07/2025

𝐔𝐓𝐀𝐍𝐆 𝐍𝐆 𝐌𝐀𝐘𝐍𝐈𝐋𝐀, 𝐏𝐔𝐌𝐀𝐋𝐎 𝐒𝐀 ₱𝟏𝟎.𝟐 𝐁𝐈𝐋𝐘𝐎𝐍

ᴘɪᴀ ᴄᴀᴅᴀᴡᴀs | ᴊᴜʟʏ 𝟸, 𝟸𝟶𝟸𝟻

Ibinunyag ni Manila Mayor Isko Moreno na umabot na sa humigit kumulang na halaga ng utang na 10.2 bilyong piso ang lokal na pamahalaan ng Maynila.

Ang rebelasyong ito ay nagbigay-linaw sa pinansyal na kalagayan ng lungsod at nagdulot ng iba't ibang reaksyon mula sa publiko at mga kinatawan ng pamahalaan.

Ang naturang halaga ay nagmula sa iba't ibang klase ng pautang at obligasyon na naipon sa nakaraang administrasyon.

"May kapabayaan. Pinabayaan. Tawag dito ay Estafa," ani Mayor Isko sa kanyang inaugural speech.

Kasabay nito ang pagsiwalat na utang ng lungsod sa waste management corporation na umabot naman sa ₱950 milyon.

Binigyang-diin din ng alkalde na mahalagang malaman ng mga Manileño ang tunay na estado ng pananalapi upang maging transparent ang kanyang pamamahala at magkaroon ng malinaw na basehan para sa mga susunod na hakbang.

Patuloy na sinusubaybayan ng publiko ang mga susunod na hakbang ng administrasyon ni Mayor Moreno hinggil sa usaping ito, sa pag-asang maisasaayos ang pinansyal na sitwasyon ng Maynila para sa ikabubuti ng lahat ng residente.

02/07/2025

𝐌𝐀𝐘𝐎𝐑 𝐉𝐄𝐌 𝐒𝐘, 𝐁𝐀𝐆𝐎𝐍𝐆 𝐏𝐀𝐆-𝐀𝐒𝐀 𝐍𝐆 𝐌𝐀𝐑𝐈𝐋𝐀𝐎, 𝐁𝐔𝐋𝐀𝐂𝐀𝐍

ᴘɪᴀ ᴄᴀᴅᴀᴡᴀs | ᴊuly 2, 𝟸𝟶𝟸𝟻

Sa pag-upo ni Mayor Jemina "Jem" Sy inaasahan ito ng pag-asa at pananabik para sa pagbabago ng mga residente ng Marilao, Bulacan.

Sa loob ng maraming taon, naramdaman ng Marileño na tila napag-iwanan na ang kanilang bayan sa pag-unlad, lalo na pagdating sa pangunahing serbisyo tulad ng kalusugan at imprastraktura.

Kaya naman, sa pagpasok ng bagong liderato nagbukas ito ng pinto sa mga posibleng solusyon sa matagal nang problemang kinahaharap ng komunidad.

Dalawa sa pinakamahalagang isyung inaasahang tutugunan ni Mayor Sy ay ang pangangailangang pangkalusugan tulad na lamang ng pagpapatayo ng ospital at ang matagal nang suliranin ng matinding pagbaha sa bayan.

Ang kanyang pag-upo ay simbolo ng bagong pag-asa, pag-asang magkakaroon ng sariling ospital para sa agarang medikal na pangangailangan at pag-asang masosolusyunan ang matinding pagbaha na matagal nang bumabagabag sa bayan.

Hindi madali ang mga hamong ito, ngunit sa suporta ng komunidad at sa determinasyon ng bagong liderato, umaasa ang bawat mamamayan na unti-unting makakamit ang pag-unlad at ginhawa na matagal na nilang minimithi.

02/07/2025

𝐏𝐍𝐏 𝐑𝐄𝐆𝐈𝐎𝐍 5, 𝐀𝐆𝐀𝐃 𝐍𝐀 𝐓𝐔𝐌𝐔𝐆𝐎𝐍 𝐒𝐀 5-𝐌𝐈𝐍𝐔𝐓𝐄 𝐑𝐄𝐒𝐏𝐎𝐍𝐒𝐄 𝐎𝐑𝐃𝐄𝐑 𝐍𝐈 𝐏𝐍𝐏 𝐂𝐇𝐈𝐄𝐅 𝐓𝐎𝐑𝐑𝐄, 𝐒𝐎𝐑𝐒𝐎𝐆𝐎𝐍 𝐏𝐈𝐍𝐔𝐑𝐈 𝐒𝐀 𝐌𝐀𝐀𝐘𝐎𝐒 𝐍𝐀 𝐂𝐎𝐌𝐌𝐀𝐍𝐃 𝐂𝐄𝐍𝐓𝐄𝐑

SORSOGON CITY — Bilang tugon sa kautusan ni Philippine National Police Chief PGen. Nicolas Torre II hinggil sa pagpapatupad ng "5-Minute Response Time" sa lahat ng police stations sa bansa, agad nang isinagawa sa Region 5 ang inisyatibang ito upang tiyaking mabilis na makareresponde ang kapulisan sa anumang tawag ng saklolo.

Layunin ng kautusan na mapabilis ang aksyon ng mga pulis sa mga insidente gaya ng krimen, aksidente, at iba pang emergency situations upang mas mapangalagaan ang seguridad at kapakanan ng mamamayan.

Pinuri rin ni PGen. Torre ang lalawigan ng Sorsogon dahil sa pagkakaroon nito ng isa sa pinakamaganda at pinaka-maayos na command center sa buong rehiyon. Aniya, ang ganitong klase ng pasilidad ay malaking tulong sa mabilisang tugon ng kapulisan at epektibong koordinasyon ng mga awtoridad.

“Napakahalaga ng mabilis na pagresponde sa oras ng pangangailangan. Sa ipinapakitang aksyon ng Region 5, partikular na ang Sorsogon, tunay na nakikita natin ang pagiging handa at dedikasyon ng ating kapulisan,” pahayag ni PGen. Torre.

Samantala, tiniyak naman ng mga lokal na opisyal ng PNP Region 5 na kanilang paiigtingin pa ang koordinasyon, paggamit ng makabagong teknolohiya, at pagsasanay ng mga pulis upang mapanatili at mapabuti pa ang mabilisang serbisyo sa publiko.

30/06/2025

TINGNAN:TUTUTUKAN ANG PROBLEMA SA BASURA

Humarap si Manila Mayor Isko Moreno sa media sa unang araw niya sa panunungkulan ngayong Lunes, June 30.

Pinangako ng alkalde na tututukan niya ang problema sa basura. Dahil dito, nanawagan siyang magdeklara ang city council ng State of Health Emergency.

28/06/2025

𝐀𝐆𝐀𝐑𝐀𝐍𝐆 𝐀𝐊𝐒𝐘𝐎𝐍 𝐍𝐈 𝐂𝐎𝐋. 𝐑𝐎𝐁𝐄𝐑𝐓𝐎 𝐌𝐔𝐏𝐀𝐒 𝐒𝐀 911 𝐂𝐀𝐋𝐋, 𝐍𝐀𝐆𝐁𝐔𝐍𝐆𝐀 𝐍𝐆 𝐇𝐔𝐋𝐈 𝐒𝐀 𝐀𝐊𝐓𝐎𝐍𝐆 𝐏𝐀𝐆𝐍𝐀𝐍𝐀𝐊𝐀𝐖 𝐒𝐀 𝐁𝐈𝐍𝐎𝐍𝐃𝐎

RUBYLYN LORENZO I JUNE 28, 2025

Hindi nag-atubili si Police Lieutenant Colonel Roberto Mupas na kumilos nang matanggap ng kanyang himpilan ang isang 911 emergency call kaugnay ng isinasagawang pagnanakaw sa Binondo, Maynila.

Sa loob lamang ng ilang segundo, agad niyang pinakilos ang kanyang mga tauhan mula sa Manila Police District Station 11 upang rumesponde sa insidente sa Juan Luna Street. Dahil sa bilis ng aksyon at epektibong koordinasyon, dalawang lalaking suspek ang nahuli sa mismong aktong pagnanakaw ng telco cables.

Ang agarang tugon sa tawag ay patunay ng matibay na pamumuno ni Col. Mupas at ng kahandaan ng kanyang team na tiyakin ang kaligtasan sa kanilang nasasakupan. Ang operasyon ay naisakatuparan sa ilalim ng mas pinatinding kampanya ng pulisya kontra krimen at bilang suporta sa mga direktiba ng pamunuan ng Philippine National Police.

Ang pagkakahuli sa dalawang suspek ay hindi lamang sumasalamin sa galing ng kanilang quick response unit, kundi isang paalala na sa ilalim ni Col. Mupas, ang serbisyo ay mabilis, tapat, at tunay na nakatuon sa kapakanan ng mamamayan.

Sa Binondo, hindi nakakawala ang masasama. Lalo na kung ang kalaban nila ay lideratong may malasakit at aksyon.

27/06/2025

𝐊𝐀𝐒𝐔𝐑𝐎𝐆 𝐂𝐎𝐏𝐒, 𝐓𝐈𝐍𝐈𝐓𝐈𝐘𝐀𝐊 𝐀𝐍𝐆 𝐊𝐀𝐋𝐈𝐆𝐓𝐀𝐒𝐀𝐍 𝐍𝐆 𝐌𝐀𝐌𝐀𝐌𝐀𝐘𝐀𝐍 𝐒𝐀 𝐁𝐔𝐎𝐍𝐆 𝐑𝐄𝐆𝐈𝐎𝐍 𝟓

𝙼𝚒𝚌𝚊 𝙳𝚘𝚖𝚒𝚗𝚐𝚘 | 𝙹𝚞𝚗𝚎 𝟸𝟽, 𝟸0𝟸𝟻

Manila – Patuloy ang pagsusumikap ng Kasurog Cops sa pangunguna ni General Andre Dizon, Regional Director ng Police Regional Office 5, upang tiyakin ang seguridad at kapayapaan sa buong rehiyon.

Sa pamamagitan ng mas pinaigting na police visibility at mahigpit na pagpapatupad ng 5-minute response time, layunin ng pamunuan ng PRO-5 na agad matugunan ang anumang insidente o banta sa kaligtasan ng publiko, mula sa urban centers hanggang sa mga malalayong barangay.

Ayon kay Gen. Dizon, “Ang ating pangunahing layunin ay ang mapanatili ang katahimikan at kapanatagan ng bawat mamamayan sa Bicol Region. Hindi lang tayo basta nagbabantay—nandito tayo para rumesponde agad kapag kailangan.”

Bilang bahagi ng kanilang inisyatiba, regular ang pagsasagawa ng mobile patrols, checkpoint operations, at community visits upang mas mapalapit ang kapulisan sa mamamayan.

Kasabay ng mga ito, hinihikayat din ng PRO-5 ang pakikiisa ng komunidad sa pamamagitan ng pag-uulat ng kahina-hinalang kilos o insidente, at aktibong partisipasyon sa mga programa ng pulisya tulad ng Barangayanihan at police-community relations activities.

Sa harap ng iba’t ibang hamon sa seguridad, nananatiling buo ang paninindigan ng Kasurog Cops na magserbisyo nang tapat, mabilis, at may malasakit—para sa isang mas ligtas at payapang Bicol Region.

26/06/2025

𝐂𝐎𝐍𝐆. 𝐑𝐀𝐋𝐏𝐇 𝐓𝐔𝐋𝐅𝐎: 𝐓𝐔𝐋𝐎𝐘-𝐓𝐔𝐋𝐎𝐘 𝐀𝐍𝐆 𝐒𝐄𝐑𝐁𝐈𝐒𝐘𝐎 𝐏𝐀𝐑𝐀 𝐒𝐀 𝐃𝐈𝐒𝐓𝐑𝐈𝐂𝐓 2 𝐍𝐆 𝐐𝐔𝐄𝐙𝐎𝐍 𝐂𝐈𝐓𝐘

RUBYLYN LORENZO I JUNE 26, 2025

Sa kanyang ikalawang termino bilang Kinatawan ng Ikalawang Distrito ng Lungsod Quezon, patuloy na ipinapakita ni Cong. Ralph Tulfo ang kanyang tunay na malasakit sa mga mamamayan sa pamamagitan ng iba't ibang serbisyong panlipunan at programang pangkalusugan.

✅ Tapat at Walang Sawang Paglilingkod

Mula pa noong unang termino, hindi tumigil si Cong. Tulfo sa pagtugon sa mga pangunahing pangangailangan ng kanyang nasasakupan. Sa kanyang muling pagkakaupo, mas pinaigting pa niya ang mga inisyatibo lalo na sa larangan ng kalusugan, edukasyon, at serbisyong pangkomunidad.

🏥 Medical Mission at Tulong Pang-Ospital

Isa sa mga pangunahing adbokasiya ni Cong. Tulfo ay ang pagbibigay ng libreng serbisyong medikal sa mga barangay sa District 2. Sa pamamagitan ng Medical Missions, maraming residente ang nabigyan ng libreng check-up, gamot, dental services, at iba pang serbisyong medikal.

Bukod pa rito, patuloy ang kanyang tulong sa mga pasyenteng nangangailangan ng tulong-pinansyal sa ospital. Sa pakikipag-ugnayan sa mga pampubliko at pribadong ospital, nabibigyan ng agarang atensyon ang mga kababayan nating kapos sa gastos medikal.

🤝 Serbisyong Abot-Kamay

Hindi lamang sa kalusugan nakatuon ang serbisyo ni Cong. Tulfo. Mula sa pagbibigay ng ayuda, libreng school supplies, scholarship programs, hanggang sa mga training at livelihood projects, sigurado ang kanyang panata na ang serbisyo ay dapat abot ng bawat mamamayan.

💬 Boses ng Mamamayan, Kinatawan sa Kongreso

Aktibong kinakatawan ni Cong. Tulfo ang Distrito 2 sa Kongreso, kung saan isinusulong niya ang mga panukalang batas na tumutugon sa mga suliraning kinakaharap ng kanyang distrito—tulad ng edukasyon, seguridad, trabaho, at karapatan ng bawat Pilipino.

"Serbisyo ang pundasyon ng tunay na pamumuno," ani Cong. Tulfo sa isa sa kanyang panayam. Kaya naman tuloy-tuloy ang kanyang panata sa mga mamamayan ng District 2—walang iwanan, walang titigil sa pagtulong.

Tinig Media

03/07/2025

03/07/2025

03/07/2025

03/07/2025

02/07/2025

02/07/2025

02/07/2025

02/07/2025

30/06/2025

28/06/2025

27/06/2025

26/06/2025

Address

Website

Alerts

Contact The Business

Shortcuts

Share

Category