14/03/2026
BIGWASAN NATIN: "AYUDA O PELIGRO? SERBISYO SA TAO, DILI DAPAT NAKAKAMATAY!"
Usad na dako na sampadong sa gina-sulong na sistema san gobyerno an pagkamatay san usad na benepisyaryo habang nagpipila para sa ayuda.
Sa tunga san grabe na init, pagal, kag siksikan para makuha an kakarampot na suporta sa idarom san Emergency Cash Transfer (ECT) sa Mandaue City, usad na buhay an nawara.
An hunga naton: Pakatun-o daw magiging kalbaryo an pagkuha san tulong na para man lang kuntani sa mga pobre?
Nagpagwa na san pahayag an DSWD.
Nagpaabot na san paki-simpatiya. Naghatag na san financial assistance kag burial aid.
Salamat sa sini na bulig, pero dili na sani maibalik an buhay ni Mary Christ Cuizon. An makasusuka sani, kinahanglan pa may mamatay antes kita liwat paandaman manungod sa mga "priority lanes," "dedicated lanes," kag "proper coordination" sa mga LGU.
Bigwasan naton ini na sistema!
Nano kay kinahanglan pa agi sa labas san dagom an mga pobre para lang sa ayuda? Aram naton na kadamuan sa mga benepisyaryo ay mga gurang, may mga sakit, kag mga nanay na may bitbit na bata. Dili husto an "paandam" lang sa mga LGU; kinahanglan an tunay na malasakit didto mismo sa ground.
Kun dili maayo an venue, kun kulang an medic, kag kun wara puyos an sistema sa pila—ayaw pagdayuna an payout! Ayaw niyo paghimoa na "pila sa kamatayan" an pila para sa ayuda.
Dili naton gina-kwestyon an katuyuhan san programa. Maayo an ECT. Dako na bulig an cash assistance. Pero an serbisyo publiko dapat "serbisyo," dili "perwisyo."
An malasakit dili lang nakikita sa kantidad san tseke o bugas na piga-panuod; nakikita ini sa kun paano niyo gina-tratar na may dignidad an mga tawo na gina-serbihan niyo.
Sana ini na nangyari sa Mandaue magsilbi na na "wake-up call." Dili na naton paghulaton na may matumba naman liwat sa pila antes kita maghiro san tama.
Sa mga opisyal na nagpapatupad sini na mga programa: Ayusa niyo an iyo trabaho! An ayuda para dugtungan an buhay san mga pobre, dili para tapuson ini.
An kada buhay, mahalaga. Ayaw niyo pag-uyagi an kaligtasan san aton mga kabubwason.
゚ ゚viralシviralシfypシ゚viralシalシ ゚viralシalシ
