Spirit Bareta Masbate

Spirit Bareta Masbate Abangan an Lunes hasta Byernes, kada alas-12:00 an udto hasta ala-1:00 an hapon.

Nababati-an on air kag online via www.spiritfmmasbate.com kag nakikit-an sa page san 98.3 Spirit FM Masbate kag Spirit Bareta Masbate FB page.

13/08/2026

π’ππˆπ‘πˆπ“ 𝐁𝐀𝐑𝐄𝐓𝐀 | AGUSTO 13, 2026
Adi na an mga bareta kag impormasyon na dapat niyo maarman yana na adlaw san Huwebes kaupod si Katiwalang Marky.

Nababati-an sa aton website: www.spiritfmmasbate.com kag sa Spirit FM Masbate mobile app.


MAYONNAISE, MAGA-HEADLINE SA LIMBUHAN FESTIVAL SA PIO V. CORPUS, MASBATE; DRMN MAGA-FRONT ACTβ€Žβ€ŽMaga-headline sa Limbuhan...
12/08/2026

MAYONNAISE, MAGA-HEADLINE SA LIMBUHAN FESTIVAL SA PIO V. CORPUS, MASBATE; DRMN MAGA-FRONT ACT
β€Ž
β€ŽMaga-headline sa Limbuhan Festival 2026 an isad sa mga kilala na OPM rock band na Mayonnaise.
β€Ž
β€ŽSegun sa LGU Pio V. Corpus, makikit-an an libre na concert san banda sa isad sa highlights san festival na LimbuRock bwas, Agusto 13, 2026.
β€Ž
β€ŽBag-o an performance san Mayonnaise, una magaperform bilang front act an MasbateΓ±o na grupo na DRMN na nakilala sa inda mga minasbate na kanta kapareho san Kumpleto, Pauli kag iba pa.
β€Ž
β€ŽPagahimuon an libre na konsyerto tuna alas-7:00 san gab-i sa Pio V. Corpus Port. Sa pareho na petsa, magkakaigwa man san Grand Firewors display kag rave party.
β€Ž
β€ŽNakilala an banda na Mayonnaise sa inda mga kanta na Jopay, Kapag Lasing Ka Lang Malambing, Synesthesia, Bakit Part 2, Tayo na lang Dalawa kag damo na iba pa.

Imahe hali sa Mayonnaise kag DRMN/page

12/08/2026

π’ππˆπ‘πˆπ“ 𝐁𝐀𝐑𝐄𝐓𝐀 | AGUSTO 12, 2026
Adi na an mga bareta kag impormasyon na dapat niyo maarman yana na adlaw san Miyerkules kaupod si Katiwalang Marky.

Nababati-an sa aton website: www.spiritfmmasbate.com kag sa Spirit FM Masbate mobile app.


SOBRA 12,000 NA KABATAAN SA MASBATE, KULANG SA NUTRISYON; CARITAS MASBATE PAGAPAKUSUGON AN HAPAG-ASA FEEDING PROGRAMNair...
11/08/2026

SOBRA 12,000 NA KABATAAN SA MASBATE, KULANG SA NUTRISYON; CARITAS MASBATE PAGAPAKUSUGON AN HAPAG-ASA FEEDING PROGRAM

Nairehistro sa probinsya san Masbate an 12,484 na kabataan na kulang sa nutrisyon o stunted children na wara pan 5-anyos. Ini base sa National Nutrition Council sa inda datus hasta san Marso 2, 2026.

Rason sani, pagapakusugon pa san Caritas Masbate an inda Hapag-asa feeding program para sa mga malnuorished na kabataan na may edad 6-kabulan hasta 3-anyos kaupod na an mga budos kag nagapadudo na iloy.

Kaupod ninda sa programa an Masbate Provincial Action Office kag Birhen san Kaluoy Parish sa Cabitan, Mandaon kun diin napili an Brgy. Bat-ongan sa Mandaon bilang pilot site para sa community based feeding program.

Segun sa social action center san dyosesis san Masbate, 25 na kabataan kag 9 na mga budos na iloy an pagapakaunon san manna pack meals sa sulod san 120-diyas.

Source/Imahe: EDCOM2/Caritas Masbate Social Action

SOBRA 4,000 NA MGA GRADE 1 HASTA GRADE 3 NA MGA ESTUDYANTE SA MASBATE, NALILISUDAN MAGBASA - EDCOM 2Nakarehistro an SDO ...
11/08/2026

SOBRA 4,000 NA MGA GRADE 1 HASTA GRADE 3 NA MGA ESTUDYANTE SA MASBATE, NALILISUDAN MAGBASA - EDCOM 2

Nakarehistro an SDO sa probinsya san Masbate san kabilugan na 4,712 na Grade 1 hasta Grade 3 na mga estudyante na nalilisudan na magbasa. Ini segun sa datus na ginpalabas san Second Congressional Commission on Education o EDCOM 2 para sa School Year 2025-2026.

Mientras an SDO Masbate City, nakarehistro san 596. Nagapanguna sa listahan an Camarines Sur SDO na may 15,251 o 15% sa mga estudyante na Grade 1-3 sa lugar. Sa intero rehiyon san Bicol, may kabilugan ini na bilang na nagaabot sa 41,841 o 12%.

Source/Imahe: EDCOM2

11/08/2026

π’ππˆπ‘πˆπ“ 𝐁𝐀𝐑𝐄𝐓𝐀 | AGUSTO 11, 2026
Adi na an mga bareta kag impormasyon na dapat niyo maarman yana na adlaw san Martes kaupod si Katiwalang Marky.

Nababati-an sa aton website: www.spiritfmmasbate.com kag sa Spirit FM Masbate mobile app.


PRESYO ALERT: May bawas sa presyo sa produkto na petrolyo yana na adlaw san Martes, Agusto 11, 2026.Segun sa abiso san D...
11/08/2026

PRESYO ALERT: May bawas sa presyo sa produkto na petrolyo yana na adlaw san Martes, Agusto 11, 2026.

Segun sa abiso san Department of Energy:
GASOLINA - P4.70 kada litro⬇️
DIESEL - P4.30 kada litro⬇️
GAS - P4.88 kada litro⬇️

Segun sa DOE, nakabase an pagbaba san presyo san langis rason sa paghiwag san presyo sa world market.

INFLATION RATE SA BICOL NAIREHISTRO SA 7.4% SANIN HULYO; MASBATE NAKAREHISTRO SAN 6.6%Nairehistro sa 7.4% an inflation r...
10/08/2026

INFLATION RATE SA BICOL NAIREHISTRO SA 7.4% SANIN HULYO; MASBATE NAKAREHISTRO SAN 6.6%

Nairehistro sa 7.4% an inflation rate o paghiwag san presyo san baraklon kag mga serbisyo sa rehiyon san Bicol sanin Hulyo 2026 segun sa Philippine Statistics Authority Bicol.

Segun sa ahensya, nagapanguna na nagtulak sa taas presyo amo an pagkaon, waran alcohol na mga irimnon, gasolina, transportasyon, tubig, elektrisidad, bugas, restaurants kag cafes.

Mientras nairehistro san probinsya san Masbate an 6.6% na inflation rate sa nasabi na bulan.

Source/Imahe: PSA Bicol

10/08/2026

π’ππˆπ‘πˆπ“ 𝐁𝐀𝐑𝐄𝐓𝐀 | AGUSTO 10, 2026
Adi na an mga bareta kag impormasyon na dapat niyo maarman yana na adlaw san Lunes kaupod si Katiwalang Marky.

Nababati-an sa aton website: www.spiritfmmasbate.com kag sa Spirit FM Masbate mobile app.


BASAHA: Iskedyul san mga Misa kag bunyag sa St. Philomena Shrine yana na kapyestahan ni Santa Filomena, Agusto 10, 2026....
10/08/2026

BASAHA: Iskedyul san mga Misa kag bunyag sa St. Philomena Shrine yana na kapyestahan ni Santa Filomena, Agusto 10, 2026.

Source: Diocesan Shrine of St. Philomena - Masbate

Address

Masbate
5400

Website

Alerts

Be the first to know and let us send you an email when Spirit Bareta Masbate posts news and promotions. Your email address will not be used for any other purpose, and you can unsubscribe at any time.

Shortcuts

Share

Category