18/05/2025
GENERAL PROGRAM – FIESTA, CONTEST, RAFFLE, & CONCERT 2025
Venue – Barangay Abaca Plaza
Date – May 24
Time – 2 pm start
Lunes, Petsa 19 – Magbalay-balay ang Barangay Pastoral Council alang sa Pagpahibalo sa mga kalihokan sa simbahan, ug pangpamaligya og tekit sa tanan nga sakop sa atong kumunidad. Magsugod sa Alas otso sa buntag ug ala ona sa hapon.
Myerkules, Petsa 21 – Adtoon sa Barangay Pastoral Council ang mga panimalay nga wala pa mabisita. Pananglitan ang mga balay nga tua sa distansya. Magsugod sa Alas otso sa buntag ug ala ona sa hapon.
Huwebes, Petsa 22 – Makig – coordinate na ang Barangay Pastoral Council sa mga Barangay Officials sa mga nakasabotan nga preparasyon sa Plaza. Himuon na ang set-up sa mga trapal, mga ingkodan, og sound system. Himuon sab ang Final Rehearsal sa mga talents. Pagpanglimpyo sa simbahan, pagpanglimpyo sa mga Rebulto o emahe nga atong ikuyog sa prosisyon.
Byernes, Petsa 23 – Himuon ang grand procession, dalhon nato ang tanan natong mga Rebulto o imahe nga naa sa simbahan o sa atong mga panimalay. Dungan na usab kini nga prosisyon sa Santa – Cruzan.
Ang prosisyon sugdan sa alas – 7 o alas 8 sa buntag, magbaktas kita gikan sa Simbahan padulong sa Sitio Burabod, ug palibot sa barangay ug balik sa simbahan.
Antes sugdan ang Prosisyon himuon nato ang gamay nga katesismo ug paghalad sa mga pag-ampo ngadto sa Dios pinaagi kang San Isidro Labrador.
Gihangyo ang tanan sa pagkuyog, mag una sa prosisyon ang mga Sakristan nga magdala sa tarp sa emahe ni San Isidro Labrador, musunod ang magdala sa Krusipiho ug sa dako nga Krus nga atong gamitonon sa Santa – Cruzan.
Ang musunod mao ang atong mga emahen nga nakabutang sa Karo. Bayawan kini sa mga buot mubuluntad sa pagpas an. Sa luyo sa Karo mao na ang mga emahen sa atong mga panimalay nga atong ikuyog sa prosisyon, atong gihangyo ang tanan nga limpyohan ang atong mga Rebulto og emahen nga ikuyog sa prosisyon.
Dili na kinahanglan magdala og kandila kay buntag ang prosisyon og aron dili ta maglisod pagbitbit sa atong mga dad-onon. Magdala ta og mga payong, o mga panagang sa ulan og init. Magdala sab og tubig para naa tay mainom kung uwahon ta.
Ang musunod sa mga emahen mao ang atong mga Choir, mga Instrumento, ug mga talents, kauban na ang mga muintra sa contest. Maghatag kami og kopya sa mga kanta aron makasabay ang tanan.
Musunod ang mga Barangay Officials, BHW, ug tanan nga nag trabaho sa Barangay, Barangay Pastoral Council, mga Teachers ug Professionals.
Muuban usab ang atong mga vloggers nga maoy bahala para sa documentation sa atong mga kalihokan. Ang mga pamilya nga nagkatigom karong panahona, mahimo nga magdala pod og tarp sa ilang apelyedo, mahimo ra kini sabayan og family reunion nga parade. Ang mga Barangay Tanod mao na ang bahala sa kahapsay sa atong Prosisyon ug paggiya sa atong ruta.
Magsabot sabot ang tanang sector sa inyong isul ot nga bado. Halimbawa: ang mga teachers magsul ob sa ilang uniform, agi ug pasalamat sa Dios sa grasya sa trabaho, sama ni San Isidro nga trabahante usab.
Sa hapon human sa prosisyon, mag final touch sa atong simbahan og plaza, sa mga buot muintra sa contest-cut-off na sa pagpasa sa music og pag paregister pagka alas 4 sa hapon.
Human niana tanan, preparasyon na sa atong mga panimalay ug sa atong mga kaugalingon.
Sabado, Petsa 24 – Kapyestahan sa atong Patron Señor San Isidro Labrador, ang Misa alas 9 sa buntag. Himuon ang bunyag pagkahuman o sa sulod sa Misa.
Pagka alas 2 sa hapon mao na ang Contest, kinahanglan ala ona palang naa na ang tanan aron masugdan dayon ang event, sa panahon sa contest mubunot kita og mga mudaog sa raffle, ang Barangay Officials ug BPC maoy mubunot sa atong raffle. Pasalamatan usab ang tanan nga naghatag sa simbahan, basahon ang mga pangalan sa naghatag sa simbahan pinaagi sa pagpalit og tekit. Mahimo mupalit ug tiket gikan karon bisan kutob sa sulod na sa programa alang sa mga buot modonar ug muintra sa raffle.
Pagkahuman sa contest muhatag kita og pasayaw sa mga gusto musayaw, apan atong gihangyo nga magpalista og magdonar alang sa fund raising sa atong simbahan.
Pagkahuman og sayaw sayaw sa tanan nga nag hatag. Isunod na nato ang Concert sa AHDG, ni Kristine Irish ug Danilyn Erato. Pagkahuman sa Concert, mamahulay na ang tanan kung pananglitan may Saulog pa pagkaugma tungod kay Dominggo naman.
Pananglit may saulog. Diha nato ihatag ang mga papremyo sa mga nag contest ug sa Paraffle. Kung wala, atoa kining ihatag sa sunod domingo.
Wala usa kitay prayer meeting pagkahapon nianang adlawa.
Sa buot mu sponsor sa atong kalihokan labi na sa mga gastohanan. Pakig coordinate lang sa Barangay Pastoral Council.
Kada alas 6 sa gabie ginapahigayon na nato ang Novena alang kang San Isidro Labrador, gihangyo ang tanan sa pag apil.
VIVA SEÑOR SAN ISIDRO LABRADOR!!!
