AUDIO FIX Channel

AUDIO FIX Channel The AFC is a Masbate-based social media channel that delivers informative concept videos.

The AUDIO FIX CHANNEL is a Masbate-based social media channel that delivers informative concept videos from local topics and events throughout the province. AFC's goal is to serve diverse audiences by discussing important issues and providing a more comprehensive overview through video presentations.

PASIG CITY, NAGKALOOB NG ₱1 MILYON NA TULONG PINASYAL SA LALAWIGAN NG MASBATEPersonal na bumisita ngayong araw sa Lalawi...
13/10/2025

PASIG CITY, NAGKALOOB NG ₱1 MILYON NA TULONG PINASYAL SA LALAWIGAN NG MASBATE

Personal na bumisita ngayong araw sa Lalawigan ng Masbate ang mga kinatawan ni Pasig City Mayor Vico Sotto upang iabot ang tulong pinansyal na nagkakahalaga ng ₱1 milyon para sa mga Masbateñong naapektuhan ng Bagyong Opong.

Pinangunahan ni Mr. Al O. Edralin, Assistant to the Mayor, ang Team Pasig, kasama sina Mr. Jarvis Macapagal, Executive Assistant; Ms. Clemence Villanueva, Nurse IV; at Dr. Reggie M. Maningas, Pangulo ng Pamantasan ng Lungsod ng Pasig.

Sinalubong ang delegasyon nina Governor Atty. Ricardo T. Kho, Vice Governor Fernando Talisic, at Provincial Information Officer Noel Logronio sa ginanap na flag ceremony sa Masbate Provincial Capitol Grounds. Sa nasabing aktibidad, opisyal na ipinagkaloob ng Team Pasig ang tseke bilang donasyon mula sa City Government of Pasig.

Ang naturang tulong ay bahagi ng Pasig City Resolution No. 83-12, Series of 2025, na nag-apruba sa kabuuang ₱5.5 milyon na tulong pinansyal sa iba’t ibang lokal na pamahalaan na naapektuhan ng mga kalamidad, kabilang ang mga lalawigan ng Calayan, Oriental Mindoro, Cebu, Bogo City, at Masbate.

Ayon kay Governor Kho, malaking tulong ang donasyong ito upang mapabilis ang mga programa ng pamahalaang panlalawigan para sa rehabilitasyon at pagbangon ng mga mamamayang nasalanta ng bagyo.

Pinuri rin ni Governor Kho ang Pasig City sa pagpapakita ng solidaridad, malasakit, at pagtutulungan sa panahon ng sakuna.

📷: Richard Kho

Please Like, Follow & Share!

SpaceX, NAGPADALA UMANO NG 100 STARLINK UNITS SA MASBATE?Ibinahagi ni Department of Information and Communications Techn...
11/10/2025

SpaceX, NAGPADALA UMANO NG 100 STARLINK UNITS SA MASBATE?

Ibinahagi ni Department of Information and Communications Technology (DICT) Secretary Henry Aguda sa isang panayam ng Bilyonaryo News Channel na nagpadala ang kompanyang SpaceX ng 100 Starlink satellite internet units sa probinsya ng Masbate bilang tulong matapos ang pananalasa ng Bagyong “Upong.”

Sa naturang panayam, sinabi ni Aguda na layunin ng donasyon na mapabilis ang pagpapanumbalik ng komunikasyon sa mga lugar na naapektuhan ng bagyo, partikular sa mga liblib na barangay kung saan mahina o tuluyang naputol ang signal ng internet at telepono.

Gayunman, sa mga opisyal na ulat ng Philippine News Agency (PNA), nakasaad lamang na sampung (10) karagdagang Starlink units ang dinala ng DICT sa Masbate, bukod pa sa tatlong (3) naunang itinayo kasama ng mga routers at solar-powered equipment.

Hanggang sa kasalukuyan, wala pang opisyal na kumpirmasyon mula sa SpaceX o sa DICT kung totoo ngang umabot sa 100 units ang ipinadalang Starlink sa Masbate.

Samantala, patuloy pa ring ginagamit ng DICT ang Starlink technology upang mapalakas ang konektibidad sa mga lugar na tinamaan ng kalamidad at limitado ang access sa internet.

📷: Bilyonaryo News Channel

Please Like, Follow & Share!

09/10/2025

MASBATE, TARGET MAIBALIK ANG SERBISYO NG TUBIG AT KURYENTE SA LOOB NG 21 NA ARAW

Nagbigay ng update sina Masbate Governor Richard Kho at Vice Governor Fernando Talisic hinggil sa nagpapatuloy na mga hakbang para maibalik ang suplay ng tubig at kuryente sa lalawigan matapos ang pinsalang dulot ng nagdaang kalamidad.

Sa pakikipagtulungan ng pamahalaang panlalawigan at ng mga electric cooperatives mula sa iba’t ibang rehiyon, sinimulan ang malawakang pagkukumpuni sa mga nasirang linya at poste ng kuryente.

Ayon kay Vice Governor Talisic, mahigit 1,270 poste ng MASELCO ang nasira. Araw-araw ay 44 na poste ng kuryente ang inaayos at pinapalitan ng mga katuwang na kooperatiba, at target na matapos ang buong restoration sa loob ng 21 araw upang maibalik ang normal na serbisyo sa buong lalawigan.

Binigyang-diin ng mga opisyal na ang mabilisang pagkilos at pagtutulungan ng mga ahensya ay mahalaga upang agad maibalik ang mga pangunahing serbisyo para sa mga Masbateño.

Please Like, Follow & Share!

09/10/2025

Batay sa ulat ng DSWD Bicol, nakatuon ang pamamahagi ng tulong sa Masbate City, Aroroy, Mandaon, Baleno, Milagros, Uson, Dimasalang, Batuan, at San Fernando — mga lugar na mas maraming napapadalhan ng relief packs dahil sa mataas na bilang ng mga apektadong pamilya matapos ang pananalasa ng Bagyong Opong.

DSWD Bicol (Press Conference)
October 9, 2025

Please Like, Follow & Share!

GOV. RICHARD KHO, ININSPEKSYON ANG MMWD WATER TREATMENT FACILITY; BAGONG GENERATOR SET INILAGAYPersonal na binisita ni G...
29/09/2025

GOV. RICHARD KHO, ININSPEKSYON ANG MMWD WATER TREATMENT FACILITY; BAGONG GENERATOR SET INILAGAY

Personal na binisita ni Governor Richard Kho ang Masbate Mobo Water District (MMWD) Water Treatment Facility sa Barangay Pinamalatican, Mobo, nitong Linggo ng gabi, Setyembre 28, 2025, upang alamin ang kasalukuyang kalagayan ng pasilidad at matiyak ang maayos na suplay ng tubig sa probinsya.

Kasabay ng inspeksyon, ikinabit ang bagong 500KVA Generator Set na donasyon ng Pamahalaang Panlalawigan ng Masbate para magsilbing suporta sa operasyon ng MMWD. Ang bagong kagamitan ay makatutulong upang agad na maibalik sa normal ang serbisyo ng tubig sa mga residente.

Ayon kay Gov. Kho, hinihintay na lamang ang pagdating ng technician mula Maynila para sa reprogramming ng genset. Posible umanong bumalik sa normal na operasyon ang pasilidad sa loob ng dalawa hanggang tatlong araw.

Tiniyak ng gobernador na prayoridad ng kanyang administrasyon ang pagpapabilis ng aksyon para sa mga pangunahing pangangailangan ng mamamayan, lalo na sa aspeto ng malinis at sapat na suplay ng tubig.

“Hindi natin hihintayin na mas lumala pa ang sitwasyon. Dapat maagapan para hindi maapektuhan ang pang-araw-araw na pamumuhay ng ating mga kababayan,” giit ni Gov. Kho.

📷: Richard Kho

Please Like, Follow & Share!

AKO BICOL PARTY-LIST, NAGHATID NG AGARANG TULONG SA MGA NASALANTA NG BAGYONG "OPONG" SA MASBATENagsagawa ng mabilis na p...
29/09/2025

AKO BICOL PARTY-LIST, NAGHATID NG AGARANG TULONG SA MGA NASALANTA NG BAGYONG "OPONG" SA MASBATE

Nagsagawa ng mabilis na pagtugon ang Ako Bicol Party-list para sa mga pamilyang matinding naapektuhan ng Bagyong “Opong” sa Masbate ngayong linggo.

Dalawang trak na kargado ng nasa 4,000 sako ng tig-5 kilong bigas ang ipinadala sa lalawigan upang magsilbing pangunahing ayuda para sa mga apektadong residente.

Bukod dito, nakatakda ring magsagawa ang Ako Bicol ng dalawang medical mission sa iba’t ibang bahagi ng Masbate. Kasama sa aktibidad ang libreng konsultasyon, gamot, at serbisyong medikal, gayundin ang pamamahagi ng mainit na pagkain tulad ng lugaw at champorado.

Magbibigay rin ng karagdagang suporta ang grupo sa pamamagitan ng pamamahagi ng sabon at solar lights para sa mga pamilya.

Ayon sa Ako Bicol, nakikipag-ugnayan na sila sa mga Local Government Unit (LGU) ng Masbate upang matiyak na tumutugon ang tulong sa tunay na pangangailangan ng mga mamamayan. Kasalukuyan ding pinag-aaralan ang iba pang posibleng uri ng suporta na maibibigay sa pinaka-apektadong komunidad.

Binigyang-diin ni Ako Bicol Party-list Rep. Alfredo “Pido” Garbin ang kahalagahan ng bayanihan, at tiniyak na mananatili ang kanilang suporta sa mga kababayan sa panahon ng kalamidad.

“Hindi kami titigil hangga’t may mga kababayan tayong nangangailangan. Gagawin namin ang lahat upang makapaghatid ng agarang tulong. Sama-sama tayong babangon mula sa krisis na ito,” pahayag ni Garbin.

Patuloy na ipinapakita ng Ako Bicol ang kanilang misyon na magbigay ng mabilis na aksyon at tulong sa mga komunidad tuwing may sakuna.

Please Like, Follow & Share!

BAGYONG OPONG, MATINDING PINSALA ANG IDINULOT SA MASBATE CITYMalawak na pinsala ang iniwan ng Bagyong Opong sa kabisera ...
28/09/2025

BAGYONG OPONG, MATINDING PINSALA ANG IDINULOT SA MASBATE CITY

Malawak na pinsala ang iniwan ng Bagyong Opong sa kabisera ng probinsya matapos masilip sa isinagawang aerial inspection ng Office of Civil Defense (OCD) Bicol ang matinding pagkasira sa kabahayan, imprastruktura at kabuhayan.

Kasunod nito, kabilang ang Masbate City sa mga lugar na sakop ng deklarasyong state of calamity ng buong lalawigan upang mapabilis ang pagbibigay ng tulong at suporta sa mga mamamayan.

Patuloy namang nagsasagawa ng monitoring at assessment ang lokal na pamahalaan upang matukoy ang lawak ng pinsala at masigurong agad na makarating ang ayuda sa mga pamilyang apektado ng bagyo.

📷: OCD Bicol - Region 5

Please Like, Follow & Share!

DOH BICOL, NAGHATID NG ₱1.4M HALAGA NG SUPLAY NA MEDIKAL SA MASBATENagpadala ang Department of Health (DOH) Bicol ng dal...
28/09/2025

DOH BICOL, NAGHATID NG ₱1.4M HALAGA NG SUPLAY NA MEDIKAL SA MASBATE

Nagpadala ang Department of Health (DOH) Bicol ng dalawang truck na may lamang iba’t ibang health supplies bilang tulong sa mga pamilyang matinding tinamaan ng Bagyong Opong.

Kabilang sa mga ibinaba ng ahensya ang mga gamot, lalagyan ng tubig, hygiene kits, breastfeeding kits, at surgical masks. Tinatayang aabot sa ₱1.4 milyon ang kabuuang halaga ng mga ipinadalang gamit.

Layunin ng hakbang na ito na suportahan ang mga post-typhoon operations sa probinsya at masigurong may sapat na suplay para sa kalinisan at kalusugan ng mga apektadong residente.

Ayon sa DOH Bicol, mananatili silang katuwang ng lokal na pamahalaan sa pagbibigay ng agarang tugon para sa kaligtasan at kalusugan ng mga Masbateño.

📷: DOH Bicol

Please Like, Follow & Share!

28/09/2025

PANOORIN: Sa isang press conference na ginanap kaninang umaga sa loob ng tanggapan ng PDRRMO, tiniyak ni DSWD Secretary Rex Gatchalian na hindi iiwanan ng pamahalaan ang mga Masbateño matapos ang matinding pinsalang iniwan ng bagyong Opong.

Ayon sa kalihim, may sapat na relief goods para sa mga apektadong pamilya. Nasa 15,000 family food packs na ang naipamahagi, habang karagdagang 17,000 food packs ang nakatakdang ipamigay, at mahigit 140,000 food packs pa ang inaasahang darating sa mga susunod na araw.

Batay sa tala, higit 70,000 pamilya ang apektado sa buong probinsya ng Masbate.

Samantala, sinabi naman ni Masbate Governor Richard Kho na target ng Masbate Electric Cooperative (MASELCO) na maibalik ang suplay ng kuryente sa loob ng 30 araw. Makikipagtulungan din ang Department of Energy at Task Force Kapatid para sa mabilis na pagpapanumbalik ng linya ng kuryente.

Kinumpirma rin ng gobernador na umakyat na sa pito (7) ang bilang ng nasawi sa probinsya dahil sa bagyo, habang sampung karagdagang kaso pa ang kasalukuyang bineberipika kung may kaugnayan din sa pananalasa ng Opong.

Please Like, Follow & Share!

TINGNAN: Kasama si Masbate Governor Richard Kho, personal na sinilip ni DSWD Secretary Rex Gatchalian ang kalagayan ng M...
28/09/2025

TINGNAN: Kasama si Masbate Governor Richard Kho, personal na sinilip ni DSWD Secretary Rex Gatchalian ang kalagayan ng Masbate City Social Center Park, kung saan maraming puno ang naputol at natumba dahil sa pananalasa ng bagyong Ompong.

Bagama’t simpleng pagbisita, bahagi na rin ito ng mas malawak na inspeksyon upang matukoy ang pinsala at mapabilis ang pagbibigay ng tulong sa mga apektadong residente.

Please Like, Follow & Share!

28/09/2025

PANOORIN: Personal na bumisita ngayong umaga si DSWD Secretary Rex Gatchalian sa Lungsod ng Masbate upang makipagpulong sa mga lokal na opisyal ng pamahalaan matapos ang matinding pinsalang idinulot ng bagyong Ompong sa probinsya.

Kasama si Masbate Governor Richard Kho, agad na nagsagawa ng press conference ang kalihim upang talakayin ang magiging hakbang ng pamahalaan para sa mabilis na pagtugon sa mga nasalanta, kabilang ang pamamahagi ng ayuda, relief operations, at pagpapalakas ng mga programang pangkabuhayan para sa mga apektadong pamilya.

Layunin ng pagpupulong na tiyakin ang maayos na koordinasyon sa pagitan ng DSWD at mga LGU upang mas mapabilis ang pagbibigay ng tulong at serbisyo sa mga Masbateño na labis na naapektuhan ng kalamidad.

Abangan ang iba pang mga detalye...

Please Like, Follow & Share!

FABRICA ECO-TOURISM FISHERMAN COOPERATIVE, REGIONAL CHAMPION SA 2025 DOLE KABUHAYAN AWARDSKinilala bilang Regional Champ...
21/09/2025

FABRICA ECO-TOURISM FISHERMAN COOPERATIVE, REGIONAL CHAMPION SA 2025 DOLE KABUHAYAN AWARDS

Kinilala bilang Regional Champion ang “Dampa sa Fabrica,” Fabrica Eco-Tourism Fishermen Cooperative sa ginanap na 2025 DOLE Assisted Livelihood Project National Kabuhayan Awards sa Royce Hotel, Clark Freezone, Mabalacat City, Pampanga.

Ang kooperatiba ang nagrepresenta sa buong Bicol Region para sa group category at napabilang din bilang National Nominee sa nasabing prestihiyosong patimpalak na layong kilalanin ang mga matagumpay na livelihood project sa iba’t ibang rehiyon ng bansa.

Personal na tinanggap ni Mayor Raymund Doni Salvacion ang parangal, kasama ang iba pang mga opisyal ng Lokal na Pamahalaan ng Mobo na buong-suportang nagbigay ng pagkilala sa tagumpay ng kooperatiba.

Nagpahayag ng pasasalamat ang LGU Mobo at ang Dampa Cooperative sa Department of Labor and Employment (DOLE), sa pangunguna ni DOLE Regional Director RD Dedeng Gatinao, DOLE Provincial Director Lynette Heath Dela Fuente, at aktibong PESO Manager Ryan Ramos Jerüsalem.

“Kapag may itinanim, may aanihin. Trabaho at Negosyo ang tunay na Asenso,” ayon sa pahayag ng grupo.

📷: Raymund Doni Salvacion

Please Like, Follow & Share!

Address

Masbate

Telephone

+639517208201

Website

Alerts

Be the first to know and let us send you an email when AUDIO FIX Channel posts news and promotions. Your email address will not be used for any other purpose, and you can unsubscribe at any time.

Contact The Business

Send a message to AUDIO FIX Channel:

Shortcuts

Share

Category